محکمہ ایگریکلچر کی جانب سے دمحال ہانجی پورہ میں جے کے سپ (JKSiP) پروگرام کا انعقاد کیا گیا۔ اس پروگرام میں ایس ڈی ایم نورآباد بشر الحسن مہمانِ خصوصی کی حیثیت سے شریک ہوئے۔ اس موقع پر محکمہ ایگریکلچر کے افسران کے علاوہ سیلف ہیلپ گروپس کے نمائندگان اور مختلف محکموں کے افسران بھی موجود تھے۔ پروگرام کے دوران شرکاء کو جے کے سپ (JKSiP) اسکیم کے بارے میں تفصیلی جانکاری فراہم کی گئی۔ مقررین نے اس اسکیم کے تحت کسانوں، خواتین سیلف ہیلپ گروپس اور دیہی علاقوں کی ترقی کے لیے دستیاب سہولیات اور مواقع پر روشنی ڈالی۔ افسران نے اس بات پر زور دیا کہ کسان اور مقامی لوگ اس اسکیم سے بھرپور فائدہ اٹھائیں تاکہ زرعی شعبے کو مضبوط بنانے کے ساتھ ساتھ دیہی معیشت کو بھی فروغ دیا جا سکے。