27092025 Slug - PPR_BHARNE_VISIT_ file 10 Anchor - माढा तालुक्यामध्ये ओला दुष्काळ परिस्थिती निर्माण झालेली आहे. पूरस्थिती आणि ढग फुटी सदृश्य पावसाने शेतकरी मेटाकुटीला आलेला आहे. मात्र सरकारचे मंत्री फक्त दौरे करत आहेत. मदतीबाबत मात्र सत्तेत असूनही दत्तात्रय भरणे यांना ठोस आश्वासन देता आलं नाही. यावेळी शेतकऱ्यांनी भरणे यांनी मदतीबाबत विचारले असता. त्यांनी फक्त मदत दिवाळी पूर्वी दिली जाईल एवढंच आश्वासन पूर आणि पावसाने बाधित झालेल्या ग्रामस्थांना दिले. कृषी मंत्री दत्तात्रय भरणे यांनी आज माढा तालुक्यातील उंदरगाव येथे पाहणी करून ग्रामस्थांशी संवाद साधला. यावेळी सोलापूरचे जिल्हाधिकारी यांना फोन लावून कडक शब्दात सुनावले. टेबलावर बसून काम करू नका. प्रत्यक्ष जागेवर जाऊन पाहणी करा अन्नधान्य आणि जनावरांना चारा द्या असा सूचना केल्या. दिवाळी पूर्वी शेतकऱ्यांना मदत देणार असल्याचे कृषी मंत्री म्हणाले आहेत. मुख्यमंत्री उप मुख्यमंत्री दिल्लीत अधिक मदत मिळण्यासाठी गेले होते. येत्या मंत्रिमंडळ बैठकीत ठोस निर्णय होईल असे आश्वासन कृषी मंत्री भरणे यांनी दिले आहे.