Feed slug :--- 1909ZT_CHP_CLARIFICATION ( single file sent on 2C)  टायटल:-- काँग्रेस नेते खा. राहुल गांधी यांच्या पत्रकार परिषदे नंतर चंद्रपूरच्या जिल्हा माहिती कार्यालया माध्यमातून स्पष्टीकरण, राजुरा विधानसभा मतदारसंघात बोगस मतदार नोंदणीचा मोठा प्रयत्न प्रशासनाच्या सतर्कतेमुळे हाणून पाडण्यात आल्याचा खुलासा अँकर:-- काँग्रेस नेते खा. राहुल गांधी यांच्या पत्रकार परिषदे नंतर चंद्रपूरच्या जिल्हा माहिती कार्यालया माध्यमातून स्पष्टीकरण देण्यात आले आहे. चंद्रपूर जिल्ह्य़ातील राजुरा विधानसभा मतदारसंघात बोगस मतदार नोंदणीचा मोठा प्रयत्न प्रशासनाच्या सतर्कतेमुळे हाणून पाडण्यात आला आहे. कमी कालावधीत मोठ्या संख्येने ऑनलाईन अर्ज दाखल झाल्यानंतर मतदार नोंदणी अधिकाऱ्यांनी तात्काळ पावले उचलली आणि चौकशीत तब्बल ६ हजार ८६१ अर्ज बोगस असल्याचे स्पष्ट झाले. या सर्व अर्जांमध्ये गंभीर त्रुटी होत्या. अर्जदार संबंधित पत्यावर नसणे,अर्जदार अस्तित्वातच नसणे,आवश्यक कागदपत्रे आणि छायाचित्रे न सादर करणे, या सर्व कारणांमुळे हे अर्ज नामंजूर करण्यात आले. मतदार नोंदणी अधिकारी तथा तहसीलदार राजूरा यांनी जिल्हा कार्यालयास अहवाल दिल्यानंतर, जिल्हा निवडणूक अधिकाऱ्यांनी चौकशीस आदेश दिले. परिणामी पोलिस स्टेशन राजूरा येथे गुन्हा दाखल करून फौजदारी चौकशी सुरू करण्यात आली आहे. आशीष अम्बाडे झी मीडिया चंद्रपूर