अँकर: वाशिम जिल्हा परिषद आणि पंचायत समितीच्या निवडणुकांसाठी सर्कलनिहाय आरक्षणाची सोडत आज जिल्हा नियोजन भवनात पार पडणार आहे.जिल्ह्यातील एकूण ५२ गट आणि १०४ गणांसाठी ही आरक्षण सोडत होणार आहे.जिल्हा परिषदेसाठी ५२ गटांचे आरक्षण जिल्हा नियोजन भवनात जाहीर केले जाईल, तर पंचायत समितींसाठी १०४ गणांची सोडत संबंधित तहसील स्तरावर काढली जाणार आहे.या सोडतीनंतर कोणत्या गट-गणात कोणता प्रवर्ग आरक्षित राहणार, हे स्पष्ट होणार आहे. त्यामुळे जिल्हा परिषद आणि पंचायत समिती निवडणुकांतील अनेक माजी पदाधिकारी व इच्छुक उमेदवारांच्या राजकीय भवितव्यासाठी हा दिवस निर्णायक ठरणार आहे.आरक्षणाच्या निकालामुळे विविध पक्षांच्या स्थानिक राजकीय समीकरणांवरही महत्त्वपूर्ण परिणाम होण्याची शक्यता वर्तवली जात आहे.