हरबर रेलवे मार्गावरील पनवेलके खांदेश्वर रेलवे स्टेशनाजवळ लेडीज डब्यात घुसखोरी केलेल्या विकृताने एका विद्यार्थिनीला चक्क धावत्या लोकलमधून बाहेर फेकल्याची धक्कादायक घटना घडली आहे। या घटनेत विद्यार्थिनी गंभीर जखमी झाली असून तिच्यावर MGM रुग्णालयात उपचार सुरू आहेत। पनवेल येथे राहणारी विद्यार्थिनी तिच्या मित्रासोबत खारघर स्थित महाविद्यालयात जाण्यासाठी लोकलने प्रवास करत होती। या वेळा लेडीज डब्यात घुसखोरी केलेल्या शेख अख्तर नवाज शेख याला डब्यातील महिलांनी जाब विचारला। त्यावर संतप्त झालेल्या आरोपीने दरवाजात उभ्या असलेल्या श्वेताला धावत्या लोकलबाहेर ढकलले. डब्यातील महिलांनी घटनेची माहिती रेल्वे हेल्पलाइनवर दिली. माहिती मिळताच जीआरपी पोलिसांनी तातडीने कारवाई करत खांदेश्वर रेल्वे स्थानकावर सापळा रचला. स्थानकावर दाखल होताच पोलिसांनी आरोपी शेख अख्तर नवाज शेखला अटक केली. या घटनेत श्वेता ही थोडक्यात बचावली असली तरी तिच्या डोक्याला, कंबरेला तसेच हातापायांना गंभीर दुखापत झाली आहे. सध्या तिच्यावर MGM रुग्णालयात उपचार सुरू असून घटनेने एकच खळबळ उडाली आहे. लेडीज डब्यातील सुरक्षेचा प्रश्न पुन्हा एकदा ऐरणीवर आला आहे.