शहापूर व कल्याणात वादळी वाऱ्यासह पावसाची जोरदार हजेरी.. शेतात कापून ठेवलेल्या भात पिकाच नुकसान... दुपारी दोन वाजल्यापासून परतीच्या पावसाने शहापूर व कल्याण ग्रामीण भागाला अक्षरशः झोडपून काढले आहे. अनेक भागात जोरदार वादळी वारा व विजांच्या कडकडाटात पावसाने बसण्यास सुरुवात केली आहे. गेली दोन तासा पाऊस धो-धो बरसत आहे. पावसाचा जोर इतका जोरात की वाहनचालकांना वाहने चालविणे जिकिरीचे झाले आहे. या परतीच्या पावसाचा शेती पिकांना मोठ्या प्रमाणात फटका बसण्याची दाट शक्यता व्यक्त केली जात आहे. शेतीत कापूस ठेवलेले भात पिक वाया जाण्याची भीती शेतकरी वर्गातून व्यक्त केली जात आहे. सकाळ पासूनच मोठ्या प्रमाणात उकाडा जाणवत होता. दुपारी आलेल्या पावसाने काही प्रमाणात वातावरणात गारवा निर्माण झाला असला तरी शेती पिकं मात्र पाण्याखाली गेली आहेत. अजून ही पावसाचा जोर व विजांचा कडकडाट सुरूच आहे. ढगाळ वातावरणामुळे अंधार निर्माण झाला असल्याने दुपारी संध्याकाळ झाली असल्याचे चित्र दिसून येते.