एक अवलीया हरпला... ५० वर्षं नावाडी म्हणून जनतेची सेवा केले धर्मा बाबांच दुःखद निधन.. ज्येष्ठ पत्रकार सामाजिक कार्यकर्ते सुदाम पाटील यांना पितृशोक... कल्याण तालुक्यातील रुंदे गावातील ज्येष्ठ पत्रकार सुदाम पाटील यांचे वडील कै.धर्मा भाऊ चौधरी (पाटील) यांची वृद्धापकालाने प्राणज्योत मावळली. कै. धर्मा भाऊ चौधरी (पाटील ) हे एक समाजसेवक होते. कल्याण तालुक्यातून रुंदे गावाजवळून वाहाणाऱ्या काळू नदीवर जवळ-जवळ ५० वर्ष त्यांनी नावाडी (होडीवाला) म्हणून जनतेची सेवा केली. काळू नदीवर पूल नसल्याने या ठिकाणी एकमेव होडीचा प्रवास होता. पंचक्रोशीतील कल्याण , मुरबाड, शहापूर, बदलापूर, अंबरनाथ व भिवंडी आदी ठिकाणच्या लोकांची धर्मा बाबानी होडीतून वाहतूक केली. लोकांकडे पैसे असोत या नसोत दिलेल्या होडीचा उतारा ते न बघता खिशात घालायचे व निस्वार्थी सेवा करत होते. नदीला कितीही पूर आला तरी न डगमगता रात्री अपरात्री ते जनतेची सेवा करत असत. असा चांगला स्वभाव असणारा अवलीया धर्मा भाऊ चौधरी यांच निधन झाल्याने सर्वच स्तरातून हळहळ व्यक्त करतं त्यांनी केलेल्या सेवेबद्दल कृतघ्नता‌ व्यक्त केली जात आहे. कल्याण तालुक्यात त्यांना ज्येष्ठ नागरिक तसेच तत्कालीन मंत्री शिवाजी नाईक यांच्या हस्ते भव्य नागरी सत्कार करण्यात आला होता. तसेच फळेगाव येथे आदर्श व्यक्ती म्हणून आमदार किसन कथोरे यांच्या हस्ते आमदार पुरस्कार देण्यात आला होता. धर्मा बाबा हे नावाप्रमाणे धर्म सेवेचा धर्म करता करता निघून गेल्याने गावात व परिसरात शोककला पसरली आहे. त्यांच्या अंत्ययात्रेला वारकरी संप्रदायाच्या मंडळीने हरिनामाचा जयघोषात केला. अंत्ययात्रेत हजारो संख्येने सामाजिक, राजकीय व धार्मिक क्षेत्रातील कार्यकर्ते व नागरिक उपस्थित होते.