मुंबई नाशिक महामार्गावर भिवंडीतील दोन रिक्षा चालकांचा अपघाती मृत्यू... भिवंडीतील घुंगट नगर परिसरातील दोन ऑटो रिक्षा चालक रिक्षा क्र. MH 04 KA 3124 मधून मुंबई-नाशिक महामार्गावरील बायपास वरून बापगाव येथे जात असताना अज्ञात वाहन चालकाने मागून रिक्षाला जोरदार धडक दिली. यात जोरदार धडकेत झालेल्या अपघातात दोघे रिक्षा चालक गंभीर जखमी झाले. स्थानिकांनी त्यांना उपचारासाठी भिवंडीतील इंदिरा गांधी रुग्णालयात दाखल केले. मात्र अपघातात दोघांचा उपचारापूर्वीच मृत्यू झाला असल्याचे डाँक्टरांनी घोषीत केले. रिक्षा चालक राजकुमार गुप्ता (४०) आणि त्याचा सहकारी रिक्षा चालक मेहंद्र केसरवाणी (३९) अशी मयतांची नावे आहेत. दोन्ही मृतदेह येथील स्व.इंदिरा गांधी रुग्णालयात शवविच्छेदना करिता पाठवण्यात आले आहेत. दरम्यान या घटनेची नोंद तालुका पोलिस ठाण्यात करण्यात आली असून पोलिसांनी घटनास्थळी पंचनामा करून अज्ञात वाहन चालकाचा शोध सुरू केला आहे.