पंढरपुरात प्रदक्षिणा मार्गावर वारकऱ्यांच्या पायाला टोचणाऱ्या खडीवरून परिवहन मंत्री प्रताप सरनाईक यांनी प्रशासनाला धारेवर धरले वारकऱ्यांना चांगल्या सुविधा देण्याच्या सक्त सूचना त्यांनी दिल्या आहेत. उपमुख्यमंत्री एकनाथ शिंदे हे कार्तिकी एकादशीची शासकीय महापूजा करणार असल्याने आज परिवहन मंत्री प्रताप सरनाईक आणि शिक्षण मंत्री दादासाहेब भुसे यांनी पंढरपूर मध्ये येऊन जिल्ह्यातील सर्व विभागांचा आढावा घेतलेला आहे. कार्तिकी वारी साठी पंढरपुरात येणाऱ्या वारकऱ्यांना 1150 बसची सोय राज्य परिवहन महामंडळाने केल्या आहेत. तसेच सर्व नव्या बसेस वारकऱ्यांच्या साठी वापरण्याच्या सूचना सुद्धा परिवहन विभागाला परिवहन मंत्री प्रताप सरनाईक यांनी केल्या आहेत.