पुणे जिल्ह्यातील पिंपरखेड परिसरात रात्री एका नर बिबट्याला शार्प शूटरकडून ठार करण्यात आलं होते . या बिबट्याचं वजन तब्बल 64 किलो असून वय अंदाजे सहा वर्ष असल्याचं सांगितलं जातं. विशेष म्हणजे या बिबट्याच्या पोटात काहीच अन्न नव्हतं, म्हणजेच तो पूर्णपणे उपाशी अवस्थेत होता. या घटनेनंतर बिबट्याचा मृतदेह माणिकडोह येथील बिबट निवारा केंद्रात शवविच्छेदनासाठी नेण्यात आला. तेथे वन विभागाचे डॉ.शहर परदेशी यांनी शवविच्छेदनाची प्रक्रिया पूर्ण केली आणि त्याच ठिकाणी जुन्नर वनविभागाचे उपवनसंरक्षक प्रशांत खाडे व सहाय्यक उपवनसंरक्षक स्मिता राजहंस यांच्या उपस्थितीत या बिबट्यावर अंत्यविधी करण्यात आलाय. ग्रामीण भागातील वाढत्या बिबट हल्ल्यांच्या पार्श्वभूमीवर ही कारवाई महत्त्वाची ठरतेय.