68 वर्षांची मागणी, आजही पूल नाही… बोरी नदीने घेतले 7 बळी. तुळजापूर तालुक्यातील हगलूर गावची कहाणी पाहुयात…धाराशिव जिल्ह्यातील तुळजापूर तालुक्यातील एका संकटग्रस्त गावाची कहाणी… जिथं शेती म्हणजे उपजीविकेचा मार्ग नाही, तर मृत्यूशी रोजचा सामना आहे… गाव एका बाजूला… शिवार नदीच्या पलीकडे… आणि या दोघांमध्ये पूलच नाही… ही कहाणी आहे हगलूर गावाची… हे आहे धाराशिव जिल्ह्यातील तुळजापूर तालुक्यातील हगलूर गाव… या गावाची लोकसंख्या जेमतेम दीड हजारांच्या आसपास आहे… हे संपूर्ण गाव शेतीवर अवलंबून आहे… मात्र ही शेती करण्यासाठी इथल्या शेतकऱ्यांना मोठ्या संकटाला सामोरं जावं लागतं… कारण गावाशेजारी वाहणाऱ्या बोरी नदीवर आजही पूल नाही… गावाचा संपूर्ण शिवार नदीच्या पलीकडे आहे… म्हणूनच शेतात जायचं असेल तर जीव मुठीत धरून नदी पार करावी लागते. आमच्या गावाच्या शेजारी बोरी नदी वाहते… आणि गावचं संपूर्ण शिवार नदीच्या पलीकडे आहे… पूल नसल्यामुळे आम्हाला शेती करण्यासाठी खूप अडचणी येतात… नदी पार करताना आत्तापर्यंत सात जण वाहून गेले… आणि अनेक जनावरेही पुरात मृत्युमुखी पडली आहेत… या बोरी नदीवर पूल व्हावा ही मागणी आजची नाही… ही मागणी आहे मागील 68 वर्षांची… या मागणीसाठी गावकऱ्यांनी अनेक नेत्यांचे दरवाजे झिजवले… प्रशासनाकडेही अनेक वेळा निवेदनं दिली… मात्र आजही ही मागणी सरकारी फाईलमध्येच अडकलेली आहे… gावकरी: “68 वर्ष झाली… आम्ही नेते, पुढारी, अधिकारी सगळ्यांकडे मागणी केली… पण कोणीही ऐकायला तयार नाही… आमच्यासाठी पूल म्हणजे फक्त सोय नाही… तो आमचा जीवन-मरणाचा प्रश्न आहे…” आणखी किती गावकऱ्यांचा बळी गेल्यावर सरकार आमच्या मागणीकडे लक्ष देणार आहे…? आमचे जीव इतके स्वस्त आहेत का…?” असा संतप्त सवाल गावकरी विचारत आहेत एकीकडे विकासाचे दावे… आणि दुसरीकडे बोरी नदीत वाहून जाणारे जीव… स्वातंत्र्याच्या 75 वर्षांनंतरही हगलूर गाव आजही पूलसाठी झगडत आहे… आता तरी प्रशासन आणि लोकप्रतिनिधी या गंभीर प्रश्नाकडे लक्ष देतील काय…? हा सवाल विचारत आम्ही इथेच थांबतो…