گیٹ وے آف انڈیا پر ’’کل ہند مشاعرہ‘‘ کامیابی سے ہمکنار ممبئی: مہاراشٹر اسٹیٹ اردو ساہتیہ اکادمی، محکمۂ اقلیتی ترقیات حکومتِ مہاراشٹر کے زیرِ اہتمام اور یومِ جمہوریہ کے موقع پر منعقد ہونے والا عظیم الشان ’’کل ہند مشاعرہ‘‘ کل تاریخی مقام گیٹ وے آف انڈیا، ممبئی پر انتہائی وقار، جوش و خروش اور ادبی آب و تاب کے ساتھ منعقد ہوا۔ یہ مشاعرہ نہ صرف ادبی حلقوں بلکہ عوامی سطح پر بھی بے حد کامیاب رہا۔ اس یادگار مشاعرے کی صدارت معروف ادیب و دانشور شاعر جوہر کا پوری نے فرمائی، مشاعرے کی نظامت کے فرائض معروف ناظمِ مشاعرہ ندیم فرخ نے نہایت خوش اسلوبی، برجستگی اور شگفتگی کے ساتھ انجام دیے، جس سے محفل میں چار چاند لگ گئے۔ مشاعرے میں ملک کے ممتاز و معروف شعرا نے شرکت کی جن میں منظور ندیم، عرفان جعفری، حامد بھساولی، قمر سرور، تنویر غازی، واصف یار خان、طالب شولا پوری、ابراہیم ساگر、وشال باگھ、احمد اورنگ آبادی、غلام ثاقب شامل تھے۔ شعرا نے حب الوطنی、 قومی یکجہتی، امن、 محبت、 سماجی ہم آہنگی اور عصری موضوعات پر مبنی کلام پیش کر کے سامعین کو مسحور کر دیا۔ مشاعرے کے دوران سامعین کی بڑی تعداد موجود رہی、 جو ہر شعر پر داد و تحسین کے ذریعے شعرا کی حوصلہ افزائی کرتی رہی۔ تاریخی پس منظر رکھنے والے گیٹ وے آف انڈیا پر اردو ادب کی یہ محفل ایک یادگار ثقافتی و ادبی منظر پیش کر رہی تھی۔ پروگرام کے اختتام پر مہمانان اور منتظمین نے کہا کہ اس طرح کے مشاعرے اردو زبان کے فروغ、 نئی نسل کو ادب سے جوڑنے اور قومی یکجہتی کو مضبوط بنانے میں اہم کردار ادا کرتے ہیں۔ شرکاء نے مہاراشٹر اسٹیٹ اردو ساہتیہ اکادمی اور حکومتِ مہاراشٹر کے اس اقدام کو سراہتے ہوئے اسے ایک تاریخی اور مثالی ادبی پروگرام قرار دیا۔ آخر میں معزز مہمانوں、 شعرا اور سامعین کا شکریہ ادا کیا गया اور اس عزم کا اظہار کیا گیا کہ مستقبل میں بھی اردو ادب کی ترویج کے لیے ایسے شاندار پروگرام منعقد کیے جاتے رہیں گے۔