चंद्रपूर में वंदे मातरम् के 150 वर्ष पूरे होने पर सामूहिक गायन महोत्सव

वंदे मातरम् गीताच्या १५० वर्षपूर्ती निमित्त चंद्रपूरात सामूहिक गायनाचे करण्यात आले आयोजन चंद्रपूर जिल्हा क्रीडा संकुलात आज वंदे मातरम् गीताच्या १५० वर्षपूर्ती निमित्त ‘सार्ध शताब्दी महोत्सवाची’ भव्य सुरुवात झाली. कौशल्य विकास, रोजगार, उद्योजकता आणि नाविन्यता विभाग, व्यवसाय शिक्षण व प्रशिक्षण संचालनालय, महाराष्ट्र राज्य तसेच शासकीय औद्योगिक प्रशिक्षण संस्था, चंद्रपूर यांच्या संयुक्त विद्यमाने हा कार्यक्रम आयोजित करण्यात आला होता. जिल्हाधिकारी विनय गौडा यांच्या प्रमुख उपस्थितीत विद्यार्थ्यांनी आणि नागरिकांनी देशभक्तीच्या भावनेने ‘वंदे मातरम्’ गीताचे सामूहिक गायन केले. या निमित्ताने कौशल्य विकास विभागाच्या वतीने राज्यभर विविध सांस्कृतिक आणि शैक्षणिक उपक्रमांचे आयोजन करण्यात येणार आहे. देशप्रेम जागवणारा आणि राष्ट्रीय एकतेचा संदेश देणारा हा महोत्सव जिल्ह्यातील सर्वच तालुक्यांमध्ये उत्साहात साजरा करण्यात आला. कार्यक्रमात, अधिकारी, कर्मचारी आणि विद्यार्थी मोठ्या संख्येने सहभागी झाले. राष्ट्रगीताच्या स्वरांनी आणि देशभक्तीच्या घोषांनी जिल्हा क्रीडा संकुल दुमदुमून गेले