दसरा-दिवाळी के दौरान नई पानी आपूर्ति योजना के लिए छह दिन का शटडाउन, सप्लाई प्रभावित

छत्रपती संभाजी नगर मध्ये नवीन पाणीपुरवठा योजनेचे काम पूर्ण करण्यासाठी दसरा-दिवाळी सणादरम्यान सहा दिवसांचा शटडाऊन घेतला जाणार आहे. त्यामुळे पाणीपुरवठ्यावर परिणाम होऊ शकतो. नवीन पाणीपुरवठा योजनेच्या २५०० मिमी व्यासाच्या जलवाहिनी जोडणीसाठी सप्टेंबर महिन्यात शटडाऊन घेण्याचा निर्णय झाला होता. परंतु, मुसळधार पावसामुळे जलवाहिनी जोडणीचे काम थांबवल्याने शटडाऊन घेतला नाही. दसरा होताच कवडगाव येथे जलवाहिनी जोडणीसाठी शटडाऊन घेतला जाणार असल्याची माहिती सूत्रांनी दिली. नवीन पाणीपुरवठा योजना राबवली जात आहे. मजीप्रामार्फत जीव्हीपीआर कंत्राटदार एजन्सीकडून पाणी योजनेचे काम केले जात आहे. या योजनेचे जवळपास ८५ टक्के काम पूर्ण झाले आहे. जायकवाडी ते नक्षत्रवाडीदरम्यान २५०० मिमी व्यासाची मुख्य जलवाहिनी टाकण्यात आली आहे. परंतु, १२ ठिकाणी ही जलवाहिनी जोडण्याचे काम रखडले आहे. हे काम पूर्ण करण्यासाठी मजीप्राने तयारी सुरू केली आहे. त्यासाठी ६ दिवसांचा शटडाऊन घेण्याचा निर्णय घेतला. मनपाकडून परवानगी घेण्यात आली. १२ सप्टेंबरपासून जलवाहिनी जोडणीचे काम हाती घेण्यात आले. परंतु, पावसामुळे जोडणीचे काम थांबले होते