दिवाळीच्या निमित्ताने छत्रपती संभाजीनगरमधून आजपासून रोज ५५ जादा बस सोडण्यात येणार आहे, दिवाळीसाठी गावी जाणाऱ्या प्रवाशांच्या सुविधेसाठी एसटी महामंडळातर्फे विविध मार्गावर बुधवारपासून दररोज ५५ जादा बस सोडण्यात येणार आहेत. शिवाय प्रवाशांच्या गर्दीनुसार ऐनवेळी जादा बस चालविण्याचेही नियोजन एसटी विभागाकडून करण्यात आले आहे. दिवाळीत प्रवाशांच्या सुविधेसाठी महामंडळाच्या छत्रपती संभाजीनगर विभागाने नियोजन केले. यंदा नागपूर, पुणे, नाशिक, जळगाव, भुसावळ, अकोला, धुळे, शिर्डी, बुलढाणा व लातूर मार्गावर जादा बस सोडण्यात येतील.