अकोला जिल्हा परिषद तसेच जिल्ह्यातील सर्व पंचायत समित्यांच्या आरक्षणाची सोडत जाहीर करण्यात आली आहे. जिल्हा परिषदेच्या ५२ गटांची सोडत जिल्हाधिकारी वर्षा मीना यांच्या अध्यक्षतेखाली पार पडली. या सोडतीमुळे अनेक माजी पदाधिकारी व इच्छुक नेत्यांना मोठा धक्का बसला आहे. यापूर्वीच जिल्हा परिषद अध्यक्षपदाचे आरक्षण अनुसूचित जमाती (महिला) या प्रवर्गासाठी निश्चित करण्यात आले होते. त्यामुळे आता गट व गणांच्या आरक्षणाकडे सर्वांचे लक्ष लागले होते. आरक्षण जाहीर न झाल्याने अनेक इच्छुकांनी छुप्या पद्धतीने प्रचार सुरू केला होता. मात्र आता आरक्षण स्पष्ट झाल्याने राजकीय समीकरणांमध्ये मोठे बदल घडणार आहेत. अनेक दिग्गजांना यामुळे तोटा, तर काही नव्या चेहऱ्यांना संधी मिळण्याची शक्यता आहे. अकोला जिल्हा परिषदेचे आरक्षण अशा प्रकारे आहे.. एकूण सदस्यसंख्या : ५२ एकूण महिला राखीव : २६ अनुसूचित जाती १२ जागा : ६ महिला राखीव ,६ सर्वसाधारण. अनुसूचित जमाती ५ जागा : ३ महिला राखीव ,२ सर्वसाधारण. सर्वसाधारण प्रवर्ग २१ जागा : १० महिला राखीव , ११ सर्वसाधारण ओबीसी प्रवर्ग १४ जागा : ७ महिला राखीव , ७ सर्वसाधारण आता या आरक्षणानंतर प्रचार मोहीमेला खऱ्या अर्थाने सुरुवात होण्याची चिन्हे दिसत आहेत.