भिवंडी.. भिवंडीत वेगवेगळ्या ठिकाणी झालेल्या अपघातांचा आमदार रईस शेख यांनी केला पाहणी दौरा... ॲंकर... भिवंडी शहरात गेल्या काही दिवसांत झालेल्या दोन भयानक अपघातात एकाचा मृत्यू झाला असून इतर गंभीर जखमींवर खाजगी रुग्णालयात उपचार सुरू आहेत. यामुळे भिवंडीकरांतून संताप व्यक्त केला जात आहे. या पार्श्वभूमीवर आमदार रईस शेख यांनी घटनास्थळी जाऊन पाहणी दौरा केला. भिवंडी शहरात पहिली घटना शांतीनगर पाइपलाइन परिसरात ऑटो रिक्षा आणि मोटरसायकल धडकेत एकाचा मृत्यू झालायं, तर सहा जण गंभीर जखमी आहेत. तर दुसरी घटना धामणाकर नाका येथील मेट्रो प्रकल्प ५ अंतर्गत बांधण्यात येणाऱ्या मेट्रो स्टेशनच्या बांधकाम स्थळी लोखंडी सळई वरून पडून एक रिक्षात बसलेल्या सोनू अली या तरुण प्रवाशाच्या डोक्यात ३ ते ४ इंच घुसल्याने मोठा अपघातात झाला आहे‌. सुदैवाने त्या तरूणाला योग्य शस्त्रक्रिया झाल्याने‌ तो बचावला आहे.‌ या दोन्ही घटनेची दखल घेत समाजवादी पक्षाचे आमदार रईस शेख यांनी संबंधित प्रक्लपाचे अधिकारी व ठेकेदारांसह घटनास्थळी पाहणी दौरा केला आहे. यावेळी त्यांनी अधिकारी व ठेकेदार यांच्या अनेक बाबी निदर्शनास आणून देत या पुढे योग्य ती खबरदारी घेऊन काम करण्याच्या सूचना केल्या आहेत. तसेच या पूढे कोणत्याही प्रकारचा हलगर्जीपणा झाल्यास कुणाची ही गय केली जाणार नाही अशी‌ तंबी यावेळी रईस यांनी दिली आहे.