शहापूर... शहापूर तालुक्यात आदिवासी क्रांतिवीरांचे स्मारक व्हावे, श्रमजीवी संघटनेची मागणी... ॲंकर ‌.. शहापूर तालुका हा अनुसूचित क्षेत्रात मोडतो. या तालुक्यात आदिवासी समाज आपल्या परंपरा आणि आपली संस्कृती जतन करत आहे. सध्या तालुक्यात छत्रपती शिवाजी महाराज आणि डॉ. बाबासाहेब आंबेडकर यांच्या स्मारकांचे दर्शन घडते, ज्यामुळे लोकांना इतिहासाची जाणीव राहते, आणि या स्मारकांमुळे आदिवासी समाजालाही अभिमान व गर्वाची अनुभूती होते, कारण हे स्मारक आपल्या स्वाभिमान, प्रेरणा आणि संघर्षाच्या इतिहासाचे प्रतीक आहेत. परंतु, आदिवासी क्रांतिवीरांच्या स्मारकांचा अभाव जाणवतो. त्यामुळे तालुक्याच्या ठिकाणी आदिवासी क्रांतिवीरांचे स्मारक उभारावे, अशी मागणी श्रमजीवी संघटनेतर्फे निवेदना द्वारे तहसीलदारांकडे करण्यात आली. तसेच उभ्रई गावातील इतिहासाच्या साक्षीदार असलेले पण दुर्लक्षित झालेले पवित्र राघोजी भांगरे यांचे समाधीस्थान तातडीने जतन करून त्याचा जीर्णोद्धार करावा. हे स्थळ श्रद्धास्थळ घोषित करून रस्ता, पिण्याचे पाणी, प्रकाशव्यवस्था, स्वच्छता आणि माहितीफलक यांसारख्या सुविधा उपलब्ध कराव्यात, अशी मागणी निवेदनाद्वारे तहसीलदार परमेश्वर कासुळे यांच्याकडे करण्यात आली. निवेदन देताना शहापूर तालुक्यातील खालील पदाधिकारी उपस्थित होते.