स्थानिक निवडणुकीच्या तोंडावर राजकीय पळवापळवी वाढली महायुतीतील भाजप-शिवसेनेत चुरस वाढली. भंडाऱ्याचे माजी नगरसेवक राजू व्यास आणि नूरजहां शेख यांच्यासह असंख्य कार्यकर्त्यांनी भाजप प्रदेशाध्यक्ष रवींद्र चव्हाण, महसूल मंत्री चंद्रशेखर बावनकुळे, आमदार परीणय फुके यांच्या उपस्थितीत पुन्हा भाजपात पक्षप्रवेश केला. तीन दिवसांपूर्वीच शिवसेनेचे युवा सेना जिल्हाध्यक्षांनी मुख्यमंत्र्यांच्या उपस्थितीत भाजपात प्रवेश केला होता, तर त्यानंतर भाजपच्या दोन नगरसेवकांनी शिवसेनेत प्रवेश करून उलट चित्र निर्माण केले. या सलग घडामोडींमुळे राजकीय वातावरण चांगलेच रंगात आले आहे.