सुरत की सिविल हॉस्पिटल में बड़ा हादसा: युवक की मौत, परिजनों ने डॉक्टरों पर आरोप

અપ્રુવલ:વિશાલ ભાઈ એંકર:સુરતની સિવિલ હોસ્પિટલ ફરી એકવાર વિવાદમાં ઘેરાઈ છે. કડોદરાના ઝોલવા ગામે મટકી ફોડતી વખતે નીચે પટકાતા ગંભીર રીતે ઈજાગ્રસ્ત થયેલા 21 વર્ષીય યુવક જયેશસિંહનું સારવાર દરમિયાન મૃત્યુ થતા પરિવારજનોએ તબીબોની બેદરકારીનો આરોપ લગાવ્યો છે. આ ઘટનાને પગલે પરિવારમાં શોક અને રોષનું વાતાવરણ છે અને તેમણે જવાબદાર તબીબો સામે કડક કાર્યવાહીની માગ કરી છે. ​વીઓ:1 મૂળ ઉત્તર પ્રદેશનો વતની અને સુરતમાં આઈટીઆઈનો અભ્યાસ કરતો જયેશસિંહ, કડોદરાના ઝોલવા ખાતે મટકી ફોડવાના કાર્યક્રમમાં ભાગ લેતી વખતે અકસ્માતનો ભોગ બન્યો હતો. તેને તાત્કાલિક સુરતની સિવિલ હોસ્પિટલમાં ખસેડવામાં આવ્યો હતો. જ્યાં તેના માથાની નસ બ્લોક થઈ હોવાનું નિદાન થયું હતું અને તેનું ઓપરેશન પણ કરવામાં આવ્યું હતું. બાઈટ: શત્રુવન સિંહ (મૃતક ના પિતા) બાઈટ: મનીષ સિંહ (મૃતક ના મિત્ર) ​વીઓ:2 જોકે, પરિવારે આક્ષેપ કર્યો છે કે સારવાર દરમિયાન તબીબોએ ભારે બેદરકારી દાખવી હતી. જયેશના પરિવારજનોએ જણાવ્યું કે જ્યારે પણ તેઓ યુવકની પીડા અંગે તબીબોને જાણ કરવા જતા, ત્યારે ઘણા તબીબો પોતાના મોબાઈલ ફોનમાં વ્યસ્ત હતા અથવા વોર્ડમાં જ સુઈ જતા હતા. પરિવારે આરોપ લગાવ્યો છે કે તબીબોએ દર્દીની યોગ્ય કાળજી લીધી ન હતી. જેના કારણે જયેશ 10 દિવસ સુધી આઈસીયુમાં રહ્યા બાદ અંતે મૃત્યુ પામ્યો. ​વીઓ:3 જયેશ તેના પરિવારમાં સૌથી મોટો પુત્ર હતો. તેના પિતા શત્રવન સિંહ લુમ્સ કારખાનામાં કામ કરીને પરિવારનું ગુજરાન ચલાવે છે. જયેશના મૃત્યુથી પરિવાર પર આભ ફાટ્યું છે. તેમણે બેદરકાર તબીબો સામે કાયદેસરની કાર્યવાહી કરવાની અને ન્યાય અપાવવાની માંગ કરી છે. આ મામલે હોસ્પિટલ સત્તાવાળાઓનો કોઈ સત્તાવાર પ્રતિભાવ હજુ સુધી આવ્યો નથી. પ્રશાંત ઢીવરે - સુરત PACKAGE