એન્કરઃ આણંદ જિલ્લામાં ગઈકાલે સાંજે ઝડપી પવન સાથે વાવાઝોડા સાથે હળવો કમોસમી વરસાદ થતા તમાકુના પાકને ભારે નુકશાન થતા ખેડુતો પાયમાલ થઈ ગયા છે અને સરકાર પાસે પાક સહાયની અપેક્ષા રાખી રહ્યા છે, વીઓઃ ચરોતરમાં ખેડુતો મોટા ભાગે તમાકુનો પાક કરતા હોય છે અને અત્યારે ખેડુતોએ તમાકુનો પાક તૈયાર થતા તમાકુનો પાક કાપીને તમાકુને ખેતરમાં સુકવવા મુકી હતી ત્યારે જ ગત મોડી સાંજનાં સુમારે ઝડપી પવન સાથે વાવાઝોડુ ત્રાટકતા તેમજ વરસાદ થવાના કારણે ખેતરમાં સુકવવા મુકેલી તમાકુ પલળી જતા ખેડુતોને ભારે આર્થિક નુકશાન થયું છે, ખેડુતોએ કહ્યું હતું કે તમાકુ પલળી જવાનાં કારણે પાન પરથી કસ ધોવાઈ જતા તેમજ તમાકુ હવે કાળી પડીને ભુકો થઈ જશે. જેથી પલળી ગયેલી તમાકુનો કોઈ ભાવ મળશે નહી અને જેનાં કારણે ખેડુતોએ તેમનો પાક માટે 40 હજારનો ખર્ચ પણ માથે પડયો છે, કાવિઠા ગામની સીમમાં અંદાજે એક હજાર વિધામાં ખેડુતોએ તમાકુનો પાક કર્યો હતો, અને પાક તૈયાર થતા તમાકુ કાપી ખેતરમાં સુકવવા મુકી હતી અને તમાકુ સુકાય એટલે તેના પુડીયા બાંધી બજારમાં વેચવાનાં હતા, ખેડુتોએ વિધા દીઠ 40 હજારનો ખર્ચ અને છેલ્લા આઠ માસની મહેનત કર્યા બાદ તમાકુનો પાક તૈયાર થયો ત્યારે ખેાડુતોના સપના પલટી ગયા છે, ત્યારથી ખેડુતો સરકાર પાસે સહાયની માંગ કરી રહ્યા છે જેથી આવનારી સીઝનમાં નવો પાક કરવા માટે તેમને યોગ્ય મદદ મળી રહે.