અમદાવાદ આખરે સમય અને ટેક્નોલોજીની સાથે ચાલતા અમદાવાદ મ્યુનિસિપલ ટ્રાન્સપોર્ટ સર્વિસ, એટલે કે amts દ્વારા વિધાર્થીઓ માટેના કન્સેશન પાસની પ્રક્રિયા માટે ઓનલાઇન પ્રોસેસ પણ શરૂ કરવામાં આવી છે. જેનો આગામી 1લી ડિસેમ્બરથી અમલ કરવામાં આવશે. આ નવીન શરુઆથી અંદાજે 50 હજારથી વધુ વિધાર્થીઓને પોતાના કન્સેશન પાસ મેળવવા amts ના વિવિધ સેન્ટરો પર રૂબરૂ જવા અને લાઈનમાં ઉભા રહે ધક્કા ખાવા માંથી મુક્તિ મળશે. Amts દ્વારા શહેરમાં 900 થી વધુ બસ દૈનિક ધોરણે દોડાવવામાં આવે છે. જેનો ગરીબ અને મધ્યમ વર્ગના સેંકડો મુસાફરો લાભ લેતા હોય છે. Amts દ્વારા શાળા કોલેજમાં વિધાર્થીઓ માટે કન્સેશન પાસની સુવિધા પણ આપવામાં આવે છે. જેનો લાભ લેવા વિધાર્થીઓએ શહેરમાં આવેલા amtsના સેન્ટરો પર વિવિધ પુરાવાઓ લઈને રૂબરૂ જવું પડતું હતું. જ્યાં પેયમેન્ટ કર્યા બાદ amts તરફથી તે તમામ ફોર્મ મુંબઈ સ્થિત icici બેન્કની કચેરીએ મોકલવામાં આવતા હતા અને ત્યાંથી 15 દિવસમાં સ્માર્ટ કાર્ડ બનીને આવે એ બાદ વિધાર્થીઓને તે મેળવવા પુનઃ સેન્ટરો પર જવું પડતું હતું. પરંતુ હવે amts દ્વારા amc ની i-pass નામની મોબાઈલ એપ્લિકેશનને એક ડિસેમ્બરથી અમલમાં લાવવામાં આવશે. જેના થકી વિધાર્થી પોતાનું ફોર્મ ડાઉનલોડ કરી જરૂરી પુરાવાઓ સાથે તેને એપ્લિકેશનમાં જ અપલોડ કરી શકશે. જેની otp સહિતની પ્રક્રિયાની તમામ ખરાઈ કર્યા બાદ amts અધિકારી સિસ્ટમ માંથી જ તેને મંજૂરી આપશે અને તે બાદ વિધાર્થી પોતાનો ડિજિટલ પાસ ડાઉનલોડ કરી શકશે અને મુસાફરી દરમ્યાન તેનો આસાન ব্যবহার કરી શકશે. આ ડિજિટલ પાસ ઉપરાંત amts દ્વારા અગાઉની ફિઝિકલ પાસની સુવિધા પણ યથાવત રાખી છે.