AMC ફૂડ વિભાગ દ્વારા શહેરના તમામ ઝોનમાં ફૂડ એકમો વિરુદ્ધ કડક કાર્યવાહી જાન્યુઆરીમાં કુલ 570 ખાદ્ય પદાર્થોના નમુનાઓ લેવામાં આવ્યા-1485 એકમોમાં તપાસ, અનેક એકમો સીલ કાયદેસર માપદંડો હેઠળ નિયમિત ચેકિંગ કરવામાં આવ્યું. હાલમાં બિનઆરોગ્યપ્રદ 1126 કિલોગ્રામ તેમજ 1318 લીટર જથ્થો નાશ કરાયો. અમદાવાદ મ્યુનિસિપલ કોર્પોરેશનના હેલ્થ ડિપાર્ટમેન્ટના ફૂડ ડિપાર્ટમેન્ટ દ્વારા જાન્યુઆરી 2026 દરમિયાન શહેરના વિવિધ ઝોનમાં ખાદ્ય ચીજોના નમુના લેવાની અને ચેકિંગની ઝુંબેશ હાથ ધરાઈ હતી. જાન્યુઆરી માસ દરમિયાન કુલ 570 ખાદ્ય પદાર્થોના નમુનાઓ લેવામાં આવ્યા હતા જેમાં ડ્રાયફ્રૂટ, ગોળ સહિતનાં 56 শિયાળુ પાકના નમુના, દૂધ અને દૂધની બનાવટોના 14 નમુના, બેકરી પ્રોડક્ટ્સના 17 નમુના, ચોકલેટ્સ, સુગરબોઇલ્ડ કન્ફેક્શનરીના 59 નમુના, મીઠાઈ, જલેબીના 41 નમુના, ઉંડિયુના 10, નમકીનના 27, બેસન, લોટ, મેંદો, અનાજના 32, ખાદ્યતેલના 9, બેવરેજીસ, ઠંડાપીણાના 2, મસાલાના 69 તેમજ અન્ય ખાદ્યચીજવસ્તુઓના 234 સહિત કુલ 570 ચીજોનો નમુનાનો સમાવેશ થાય છે. ફૂડસેફ્ટી અધિકારીઓ દ્વારા આ નમુનાઓના નિયમોનું ઉલ્લંઘન બદલ કડક કાર્યવાહી કરવામાં આવી હતી જેમાં 1485 એકમોમાં તપાસ કરીને 523 નોટિસ ઈસ્યુ કરવામાં આવી હતી. વાસી ખોરાક, સડેલા ફળો, પાણીપુરીના પાણી સહિત બિનઆરોગ્યપ્રદ 1126 કિલોગ્રામ તેમજ 1318 લીટર જથ્થો નાશ કરવામાં આવી હતો અને આ પાત્રે 5.73 લાખ વહીવટી ચાર્જ વસૂલાયા હતા. ખાદ્યતેલની ગુણવત્તા ચકાસવા માટે 235 ટીપીસી ટેસ્ટ કરવામાં આવ્યા હતા. જાન્યુઆરી માસ દરમિયાન પાણીપુરીના પાણી અને રગડા સહિત કુલ 1319 નમુના લેવામાં આવ્યા હતા, જેમાંથી 291 નમનામાં હાનિકારક ફુડ ગ્રેડ કલર અને બિનઆરોગ્યપ્રદ તત્વો મળે ત્યાં સુધીના પરિણામ આવ્યા હતા. આ તમામ પાણીપુરીના એકમોને સંબંધિત ઝોનના એસ્ટેટ અને હેલ્થ વિભાગ દ્વારા બંધ કરવામાં આવ્યા છે. જાહેર આરોગ્ય સાથે ચેડા કરતાં અને લાયસન્સ વગર ધંધો કરવાની નિકોલ વિસ્તારના દાસ ખમણને 13 જાન્યુઆરી 2026ના રોજ ગંદકી અને બિનઆરોગ્યપ્રદ સ્થિતિના કારણે સીલ કરવામાં આવ્યું હતું. 20 જાન્યુઆરીના દિવસે উસ્માનપુરા ખાતેના સવાઈ ભોજ મહારાજ નામના ફૂડ એકમ અને બહેરામપુરામાં આવેલા શૈલેષની પાણીपોહરીના ગંદકીના કારણે સીલ થઈ હતી. ત્યારબાદ જુહાપુરા વિસ્તારમાં અફઝલ અહેમદભાઈ ઝવેરીના ફૂડ એકમને ફૂડ સેફ્ટી લાયસન્સ ન હોવાથી તેમજ ગંદકીના કારણે સીલ કરવામાં આવ્યું હતું. FSSAI એક્ટ અંતર્ગત શહેરના તમામ ઝોનમાં કેટલાક એકમોના નમુના અપ્રમાણિત જાહેર થયા હતા. મધ્ય ઝોનના શાહાબાગ વિસ્તારમાં આવેલા રાધે ડેરી પાર્લરમાંથી લીધો લો ફેટ પનીર, જય અંબ પાત્રા હાઉસમાંથી પાત્રાનો નમુના તેમજ નરોડા વિસ્તારમાં જયેન ચવાણા માર્ટમાંથી લીધેલા ઘીના નમુના અપ્રમાણિત જાહેર થયા હતા. દક્ષિણ ઝોનના ઈન્દ્રપુરી વિસ્તારમાં આવેલી શ્રી રામ ચોળાફળી નામના એકમની ગ્રીન ચટણી અને મણિનગરના રામદેવ ડ્રાયફ્રુટ્સમાંથી લેવામાં આવેલા ફ્રાયમ્સના નમુના અપ્રમાણિત જાહેર થયા હતા. પૂર્વ ઝોનના અમરાઈવાડી વિસ્તારમાં આવેલા બાલાજી pousા હાઉસની લીલી ચટણી, વસ્ત્રાલના કૃષ્ણા મિલ્ક્સમાં પનીર અને નિકોલના કે.પી.સુપર માર્કેટમાંથી લીધેલો ગોળનો નમુના અપ્રમાણિત જાહેર થયો હતો. પશ્ચિમ ઝોનના નવરંગપુરા વિસ્તારમાં આવેલ હોર કિદન ફૂડ્સ પ્રા.લીમાંથી લીધેલ બટર અપ્રમાણિત જાહેર થયું હતું. ઉપરોક્ત બધાના નમુનાઓ અપ્રમાણિત જાહેર થતા FSSAI એક્ટ હેઠળ કાર્યવાહી હાથ ધરવામાં આવી છે. મહત્વનું છે કે ભેળસેળયુક્ત ખોરાકની સ્વાસ્થ્ય પર ગંભીર અસર થાય છે. લેબોરેટરીમાં ચકાસણી દરમિયાન ભેળસેળ પકડાઈ છે પનીર, બટર અને ઘી-દૂધની બનાવટોમાં સ્ટાર્ચ, પામોલિન ઓઈલ કે હલકી ગુણવત્તાની ફેટ ભેળવવાથી પોષણક્ષમતા ઘટે છે અને હૃદયરોગ જેવી સમસ્યાઓ થઈ શકે છે. પાણીપુરીના પાણી અને લીલી ચટણીમાં નોન પરમિટેડ ફૂડ ગ્રેડ કલરાના લાબા સમય સુધી સેવન કરવાથી અપચો, ઉલટી, ઉબકા તેમજ લૂઝ મોશન જેવી સમસ્યાઓ થઈ શકે છે. ગોળને ચમકાવવા વપરાતો સલ્ફર ડાયોક્સાઈડથી શ્વસનતંત્રને નુકસાન થાય છે જે અસ્થમા જેવી સલાહરૂપ સમસ્યાઓનું કારણ બની શકે છે. ફ્રાયમ્સ અને ફરસાણમાં વારંવાર તળેલા તેલનો ઉપયોગ કરવાથી એસિડિટી તથા અન્ય ગંભીર બિમારીઓ સામે ચેતવણી.