విధుల్లో నిర్లక్ష్యం వహిస్తే కఠిన చర్యలు :మంత్రి

విధుల్లో నిర్లక్ష్యం వహిస్తే కఠిన చర్యలు తీసుకుంటామని మంత్రి జూపల్లి కృష్ణారావు అధికారులను హెచ్చరించారు. గురువారం హైదరాబాద్లోని పర్యాటక శాఖ కార్యాలయాన్ని ఆకస్మికంగా మంత్రి సందర్శించారు. ఈ సందర్భంగా ఉద్యోగుల హాజరు పట్టిక, బయోమెట్రిక్ శాతంపై వివరాలు తెలుసుకున్నారు. ఖాళీగా కుర్చీలు దర్శనమివ్వడంపై మండిపడ్డారు. మరోసారి ఉద్యోగులు నిర్లక్ష్యంగా వ్యవహరించవద్దని హెచ్చరించారు.