ఖైరతాబాద్: మైసమ్మ ఆలయంలో డిప్యూటీ మేయర్ పూజలు

ఆశాడ మాసం బోనాల సందర్భంగా మంగళవారం జీహెచ్ఎంసి ప్రధాన కార్యాలయంలోని కట్ట మైసమ్మ అమ్మవారి ఆలయాన్ని జీహెచ్ఎంసి డిప్యూటీ మేయర్ మోతె శ్రీలత శోభన్ రెడ్డి, టీటీయూసి రాష్ట్ర అధ్యక్షులు, కాంగ్రెస్ నేత మోతె శోభన్ రెడ్డి దర్శించుకున్నారు. ఈ సందర్భంగా అమ్మవారికి ప్రత్యేక పూజ కార్యక్రమాలు నిర్వహించారు ప్రజలు ఆయురారోగ్యాలతో ఉండాలని, సంతోషంగా ఉండాలని పూజలు నిర్వహించినట్లు తెలిపారు.

సికింద్రాబాద్ ఉజ్జయిని మహంకాళి అమ్మవారి బోనాల జాతరకు రావాలని కేంద్ర మంత్రి కిషన్ రెడ్డిని ఆలయ ఈవో గుత్తా మనోహర్ రెడ్డి, పూజారులు ఆహ్వానించారు. ఈ సందర్భంగా కృష్ణ రెడ్డి ఇంటికి వెళ్లి ఆహ్వాన పత్రికను అందజేశారు. ఈనెల 21, 22వ తేదీలలో అత్యంత వైభవంగా బోనాల జాతర నిర్వహించనున్నట్లు తెలిపారు. కార్యక్రమంలో స్థానిక కార్పొరేటర్ చీర సుచిత్ర, పలువురు నాయకులు పాల్గొన్నారు.

ఒరిస్సా ప్రమాద ఘటనలో ఛత్రినాకకు చెందిన ముగ్గురు చనిపోవడం అత్యంత బాధాకరమని యాకూత్ పుర ఎమ్మెల్యే జాఫర్ హుస్సేన్ మిరాజ్ అన్నారు. బాధిత కుటుంబ సభ్యులను ఎమ్మెల్యే పరామర్శించారు. అనంతరం మాట్లాడుతూ.. ప్రమాదంలో చికిత్స పొందుతున్న వారిని ప్రత్యేక అంబులెన్స్ ద్వారా ఇక్కడికి రప్పించనున్నట్లు తెలిపారు. ప్రమాదంలో మరణించిన ముగ్గురికి ఎక్స్గ్రేషన్ ఇచ్చేలా ప్రభుత్వంతో మాట్లాడతామన్నారు.

గడ్డిఅన్నారం డివిజన్ పరిధిలోని కమల నగర్ లో కొనసాగుతున్న డ్రైనేజీ లైన్ పనులను డివిజన్ బీజేపీ కార్పొరేటర్ బద్దం ప్రేమ్ మహేశ్వర్ రెడ్డి పరిశీలించారు. త్వరగా పనులు పూర్తి చేయాలని సంబంధిత కాంట్రాక్టర్ కు సూచించారు. కమలానగర్ నుంచి నేతాజీ నగర్ వరకు ఈ పనులను చేపడుతున్నట్లు తెలిపారు. పనుల్లో వేగం పెంచాలని, నాణ్యత ప్రమాణాలు పాటించాలని సూచించారు. పనులు కొనసాగుతున్న నేపథ్యంలో స్థానికులు సహకరించాలన్నారు.