గడ్డిఅన్నారం: త్వరలో రోడ్డు పనులు ప్రారంభం

గడ్డిఅన్నారం డివిజన్ పరిధిలోని కోదండరాం నగర్ లో త్వరలో రోడ్డు పనులను ప్రారంభించనున్నట్లు డివిజన్ బిజెపి కార్పొరేటర్ బద్దం ప్రేమ్ మహేశ్వర్ రెడ్డి తెలిపారు. బుధవారం పనులు చేపట్టే ప్రాంతాలను అధికారులతో కలిసి కార్పొరేటర్ పరిశీలించారు. వీలైనంత త్వరగా పనులను ప్రారంభించాలని అధికారులను ఆదేశించారు. పనుల్లో తప్పకుండా నాణ్యత ప్రమాణాలు పాటించేలా చూడాలని అన్నారు. కార్యక్రమంలో పలువురు పార్టీ కార్యకర్తలు, స్థానికులు పాల్గొన్నారు.