Satya Sri Bigg Boss Offer: రియాలిటీ షో 'బిగ్ బాస్' సందడి మొదలవ్వడంతో సోషల్ మీడియాలో పోటీదారుల పేర్లపై జోరుగా ప్రచారం సాగుతోంది. ఈ క్రమంలోనే తనకు బిగ్ బాస్ నుండి ఆఫర్ వచ్చినట్లు, అయితే ఆ ఆఫర్‌ను తిరస్కరించినట్లు జబర్దస్త్ లేడీ కమెడియన్, నటి సత్యశ్రీ ఇటీవలి ఇంటర్వ్యూలో స్పష్టం చేశారు.

బిగ్ బాస్ ఆఫర్‌పై స్పష్టత
బిగ్ బాస్ సీజన్ 10 నుండి తనకు పిలుపు వచ్చిన మాట వాస్తవమేనని నటి సత్యశ్రీ ధృవీకరించారు. అయితే ఆ షోలో పాల్గొనకపోవడానికి గల బలమైన కారణాన్ని ఆమె వెల్లడించారు. "మా కుటుంబ బాధ్యతలన్నీ నేనే చూసుకుంటున్నాను. నా తల్లిదండ్రులను వదిలి అంతకాలం దూరంగా ఉండలేను. నేను లేకపోతే వారు ఇబ్బంది పడతారు" అని నటి సత్యశ్రీ చెప్పుకొచ్చింది. ప్రతి ఒక్కరికీ కుటుంబం ఉన్నప్పటికీ, వారిని చూసుకోవడానికి ఇతరులు ఉంటారని, కానీ తన ఇంట్లో ఆ పరిస్థితి లేకపోవడం వల్లే ఆ ఆఫర్‌ను వద్దనుకున్నానని ఆమె వివరించారు.

గత మూడేళ్లుగా బుల్లితెరకు దూరంగా ఉంటూ, వెండితెరపై బిజీగా ఉండటంపై సత్యశ్రీ స్పందించారు. జబర్దస్త్ తర్వాత సినిమాల్లో వరుస అవకాశాలు రావడంతోనే టెలివిజన్‌కు దూరమయ్యానని తెలిపారు. "ప్రస్తుతం ఒక దశకు చేరుకున్నాను. స్వీయ గౌరవం, రెప్యూటేషన్‌ను దృష్టిలో ఉంచుకుని సెలెక్టివ్‌గా పాత్రలను ఎంచుకుంటున్నాను. గ్లామర్ ఉన్నంత కాలమే మంచి పాత్రలు ఎంచుకోవాలనే ఆలోచన ఉంది" అని పేర్కొన్నారు.

హీరో నవీన్ పొలిశెట్టితో అనుభవం
ఇటీవల విడుదలైన 'అనగనగా ఒక రాజు' చిత్రంలో మంచి పాత్రతో మెప్పించిన సత్యశ్రీ, హీరో నవీన్ పొలిశెట్టి పనితీరును ప్రశంసించారు. "హీరో నవీన్ పొలిశెట్టి సెట్స్‌లో ఫుల్ ఎనర్జీతో ఉంటారు. 24/7 పనికే ప్రాధాన్యత ఇస్తారు. ప్రతి షాట్ తర్వాత తర్వాతి పనిపైనే దృష్టి పెడతారు" అని నటి సత్యశ్రీ వెల్లడించింది.
 
గతంలో 'జాతిరత్నాలు' సినిమాలో తాను ఒక చిన్న పాత్ర చేసినప్పుడు, నవీన్ తనతో "కచ్చితంగా తర్వాత మూవీలో మంచి రోల్ చేద్దురు గానీ" అని చెప్పారని గుర్తుచేసుకున్నారు. ఇచ్చిన మాట ప్రకారం 'అనగనగా ఒక రాజు'లో అవకాశం ఇచ్చినందుకు ఆయనకు ధన్యవాదాలు తెలిపారు.

Redmi Note 17 Price: ప్రముఖ స్మార్ట్‌ఫోన్ తయారీ సంస్థ షావోమి (Xiaomi) తన సబ్‌బ్రాండ్ Redmi ద్వారా మళ్లీ మార్కెట్‌లో సంచలనం సృష్టించేందుకు సిద్ధమైన్నట్లు తెలుస్తోంది. ఎంతో ఆసక్తిగా ఎదురుచూస్తున్న రెడ్‌మీ నోట్ 17 (Redmi Note 17) సిరీస్ త్వరలోనే భారతీయ వినియోగదారులకు అందుబాటులోకి రాబోతున్నట్లు వార్తలు వస్తున్నాయి. తాజాగా ప్రముఖ బెంచ్‌మార్కింగ్ ప్లాట్‌ఫారమ్ గీక్‌బెంచ్ (Geekbench) వెబ్‌సైట్‌లో Xiaomi 26021RN18I అనే మోడల్ నంబర్‌తో ఈ ఫోన్ కనిపించడంతో, దీని లాంచ్ ఖాయమని తెలుస్తోంది. అంతేకాకుండా ఈ స్మార్ట్‌ఫోన్‌కి సంబంధించిన ఫీచర్స్‌తో పాటు స్పెషిఫికేషన్స్‌ కూడా లీక్ అయ్యాయి..

పెర్ఫార్మెన్స్ వివరాలు..
గీక్‌బెంచ్ టెస్టింగ్‌లో రెడ్‌మీ నోట్ 17 ఆకట్టుకునే స్కోర్లను సాధించిన్నట్లు తెలుస్తోంది.. ఇది సింగిల్-కోర్ టెస్ట్‌లో 950 పాయింట్లతో పాటు మల్టీ-కోర్ టెస్ట్‌లో 2,324 పాయింట్లను సాధించిందని సమాచారం. ఇది ఆక్టా-కోర్ స్నాప్‌డ్రాగన్ 4 Gen 4 చిప్‌సెట్‌పై రన్‌ అయ్యే ఛాన్స్‌ ఉన్నట్లు తెలుస్తోంది. అడ్రినో (Adreno) GPU గ్రాఫిక్స్ పవర్‌ను అందిస్తుందని తెలుస్తోంది.. ఈ ఫోన్ ఆండ్రాయిడ్ 16 ఆధారిత షావోమి హైపర్ ఓఎస్ 3 (HyperOS 3) పై రన్ అవుతుందని సమాచారం.. ఇది 8 GB ర్యామ్ వేరియంట్‌తో ప్రారంభం కాబోతోంది. అంతేకాకుండా ఈ డివైజ్, బడ్జెట్ ధరలో అద్భుతమైన మల్టీ టాస్కింగ్ అనుభవాన్ని అందిస్తున్నట్లు తెలుస్తోంది..

ఫీచర్ల సునామీ..
ఈ స్మార్ట్‌ఫోన్ ప్రధాన ఆకర్షణ దీని భారీ బ్యాటరీగా భావిస్తారు.. సాధారణంగా ఉండే బ్యాటరీలకు భిన్నంగా, ఇందులో ఏకంగా 8,000 mAh సామర్థ్యం గల బ్యాటరీని కూడా కలిగి ఉంటుంది.. దీనికి తోడు 45W వైర్డ్ ఫాస్ట్ ఛార్జింగ్‌ సపోర్ట్‌తో పాటు 22.5W రివర్స్ వైర్డ్ ఛార్జింగ్ సపోర్ట్‌ను కూడా కలిగి ఉంటుంది..

డిస్‌ప్లే విషయానికి వస్తే.. ఇందులో కంపెనీ 7 అంగుళాల ఫుల్ హెచ్‌డీ ప్లస్‌ OLED ప్యానెల్‌ను కలిగి ఉంటుంది.. ఇది 120Hz రిఫ్రెష్ రేట్‌తో పాటు 240Hz టచ్ శాంప్లింగ్ రేట్, 1,800 నిట్స్ పీక్ బ్రైట్‌నెస్‌తో డిస్‌ప్లే కంటెంట్ చూడటానికి ఎంతో స్పష్టంగా ఉంటుంది.. కెమెరా విభాగంలో f/1.8 అపెర్చర్‌తో కూడిన 50 మెగాపిక్సెల్ ప్రైమరీ సెన్సార్‌ను, ముందువైపు 8 మెగాపిక్సెల్ సెల్ఫీ కెమెరాను కలిగి ఉంటుంది.. సెక్యూరిటీ కోసం ఇన్-డిస్‌ప్లే ఆప్టికల్ ఫింగర్‌ప్రింట్ స్కానర్‌ను కూడా అందిస్తోంది.

Redmi 17C 5G India: సామ్‌సంగ్, రియల్‌మీ వంటి దిగ్గజ సంస్థలకు గట్టి పోటీ ఇస్తూ.. బడ్జెట్ రేంజ్‌లో అత్యంత అద్భుతమైన స్మార్ట్‌ఫోన్‌లను అందించే ప్రముఖ టెక్ బ్రాండ్ రెడ్‌మి (Redmi) త్వరలోనే తన కొత్త స్మార్ట్‌ఫోన్‌ను విడుదల చేయబోతోంది. దీనిని కంపెనీ Redmi 17C 5G పేరుతో భారత మార్కెట్లోకి విడుదల చేయడానికి సిద్ధమైంది.. అధికారిక ప్రకటనకు ముందే ఈ ఫోన్ ప్రముఖ సర్టిఫికేషన్ బ్యూరో ఆఫ్ ఇండియన్ స్టాండర్డ్స్‌తో పాటు థాయిలాండ్‌కు చెందిన NBTC వెబ్‌సైట్లలో అందుబాటులోకి వచ్చింది. అంతేకాకుండా ఈ స్మార్ట్‌ఫోన్‌ అత్యంత త్వరలోనే లాంచ్‌ కూడా కాబోతోంది. అయితే, దీనికి సంబంధించిన పూర్తి వివరాలు ఇప్పుడు తెలుసుకుందాం..

లీక్‌ అయిన వివరాలు..
తాజాగా లీకైన వివరాల ప్రకారం.. ఈ స్మార్ట్‌ఫోన్ మోడల్ నంబర్‌తో BIS, NBTC పోర్టళ్లలో నమోదు చేసింది.. బిఐఎస్ (BIS) గుర్తింపు లభించడమే.. కాకుండా ఈ ఫోన్ భారతీయ మార్కెట్లోకి త్వరలోనే ఎంట్రీ ఇవ్వడం ఖాయమైన్నట్లు తెలుస్తోంది.. గతంలో విడుదలైన Redmi C-సిరీస్ ఫోన్‌లకు కొనసాగింపుగా ఈ Redmi 17C 5G మోడల్‌ను కంపెనీ రూపొందించినట్లు సమాచారం..

Redmi 17C 5G మొబైల్‌ ఫీచర్స్‌, స్పెషిఫికేషన్స్‌..
లీక్‌ అయిన సమాచారం ప్రకారం.. ఈ ఫోన్ బడ్జెట్ ధరలో లభించినప్పటికీ ఫీచర్ల విషయంలో ఎక్కడా తగ్గకుండా రూపొందించిన్నట్లు తెలుస్తోంది.. ముఖ్యంగా ఈ స్మార్ట్‌ఫోన్‌లో 6.88 అంగుళాల పెద్ద హెచ్‌డీ ప్లస్‌ (HD+) LCD డిస్‌ప్లేను కలిగి ఉంటుంది.. స్మూత్ స్క్రోలింగ్ అనుభూతి కోసం 120Hz రిఫ్రెష్ రేట్‌ను కూడా అందిస్తోంది.. వేగవంతమైన 5G కనెక్టివిటీ.. మెరుగైన గేమింగ్ అండ్ మల్టీటాస్కింగ్ కోసం ఇందులో మీడియాటెక్ డైమెన్సిటీ (MediaTek Dimensity) లేదా క్వాల్కమ్ స్నాప్‌డ్రాగన్ 5G ప్రాసెసర్‌ను వినియోగించే అవకాశాలు ఉన్నట్లు తెలుస్తోంది.. ఇది ఆండ్రాయిడ్ ఆధారిత లేటెస్ట్ HyperOS పై పనిచేసే అవకాశాలు ఉన్నాయి..

ఫోటోగ్రఫీ ప్రియుల కోసం.. వెనుక వైపు 50 మెగాపిక్సెల్ ప్రధాన కెమెరాతో కూడిన డ్యూయల్ రియర్ కెమెరా సెటప్‌ను అందించిన్నట్లు తెలుస్తోంది. అంతేకాకుండా సెల్ఫీలు, వీడియో కాల్స్ కోసం ఫ్రంట్‌ భాగంలో 8MP లేదా 13MP కెమెరా ఉండబోతున్నట్లు సమాచారం.. అద్భుతమైన బ్యాటరీ లైఫ్ కోసం.. ఇందులో 5,160mAh నుంచి 6,000mAh సామర్థ్యం గల భారీ బ్యాటరీని అందుబాటులోకి తీసుకువచ్చిన్నట్లు తెలుస్తోంది.. ఇది టైప్-సి (USB Type-C) ద్వారా ఫాస్ట్ ఛార్జింగ్‌ను సపోర్ట్ అందిస్తుంది..

KTR Birth Day: రేపు 50వ పుట్టినరోజు చేసుకుంటున్న బీఆర్‌ఎస్‌ పార్టీ వర్కింగ్‌ ప్రెసిడెంట్‌ కేటీఆర్‌పై రేవంత్‌ రెడ్డి ఆసక్తికర వ్యాఖ్యలు చేశారు. కేటీఆర్‌ను బర్త్‌డే దావత్‌ అడగాలి అని.. అయితే ఆయన ఇచ్చే పార్టీ తాను తీసుకుంటానో లేదోనని.. ఆయనవి వేరే పార్టీలు అంటూ పరోక్షంగా విమర్శలు చేశారు. గ్లోబరీనా సంస్థతో ఇంటర్‌ పేపర్ల లీక్‌ జరిగాయని.. ఈ కంపెనీ కేటీఆర్‌కు బినామీ అని మరోసారి రేవంత్‌ రెడ్డి ఆరోపించారు.

హైదరాబాద్‌లో గురువారం మీడియాతో రేవంత్‌ రెడ్డి ఇష్టాగోష్టిగా మాట్లాడారు. బీఆర్‌ఎస్‌ పార్టీతోపాటు కేటీఆర్‌, హరీశ్ రావుపై తీవ్ర విమర్శలు, ఆరోపణలు చేశారు. 'బీఆర్ఎస్ పార్టీ పేదలకు ఇచ్చే ఇళ్లను దళారులకు అమ్ముకుంది. పేదలకు లాభం జరుగుతుందనే అక్కసుతో బీఆర్ఎస్ పార్టీ మాట్లాడుతుంది. గ్లోబరీనా కేటీఆర్ బినామీ సంస్థ. ఇంటర్ పేపర్లు సరిగా దిద్దకపోవడంతో 27 మంది విద్యార్థులు ఆత్మహత్యలు చేసుకున్నారు. దీనికి కేటీఆర్ క్షమాపణ చెప్పాలి' అని రేవంత్ రెడ్డి డిమాండ్‌ చేశారు.

Kajal Aggarwal On Bollywood: దక్షిణాది, హిందీ చిత్రసీమల్లో నటిగా తనదైన ముద్ర వేసుకున్న ప్రముఖ నటి కాజల్ అగర్వాల్ ఇటీవల ఇచ్చిన ఒక ఇంటర్వ్యూ సోషల్ మీడియాలో తీవ్ర చర్చనీయాంశమైంది. సినీ పరిశ్రమలో సమయపాలన, మహిళలను చూపించే విధానం, తన కెరీర్ నిర్ణయాలపై ఆమె సంచలన వ్యాఖ్యలు చేశారు.

హీరోయిన్ల చిత్రీకరణ
గతంలో దక్షిణాది సినిమాల్లో హీరోయిన్ల పాత్రలు ఎక్కువగా గ్లామర్‌కే పరిమితమయ్యేవని, నాభి (బొడ్డు) భాగంపై దృష్టి పెట్టే ధోరణి ఉండేదని వ్యాఖ్యానించిన కాజల్, ప్రైవేట్ సన్నివేశాల చిత్రీకరణపై తన స్పష్టమైన వైఖరిని వెల్లడించారు. "నా కెరీర్ ప్రారంభం నుంచే కొన్ని విషయాల్లో స్పష్టమైన హద్దులు గీసుకున్నాను. బొడ్డుపై పండ్లు విసిరే సన్నివేశాల్లో నేను ఎప్పుడూ నటించలేదు, అలాంటివాటికి ఒప్పుకోలేదు" అని కాజల్ అన్నారు.

ప్రస్తుతం పరిస్థితి మారిందని, కేవలం గ్లామర్ పాత్రలకే పరిమితం చేయకుండా మహిళలకు కథలో బలమైన పాత్రలు, బాధ్యతలు ఇస్తున్నారని కాజల్ ఆనందం వ్యక్తం చేశారు.

బాలీవుడ్ నేర్చుకోవాల్సింది చాలా ఉంది!
బాలీవుడ్, సౌత్ సినిమాల పని సంస్కృతిని పోలుస్తూ కాజల్ ఆసక్తికర వ్యాఖ్యలు చేశారు. దక్షిణాది చిత్ర పరిశ్రమలో ప్రతి ఒక్కరూ సమయానికి ఎంతో ప్రాధాన్యత ఇస్తారని, పనులన్నీ గడియారం ముల్లులా ఖచ్చితంగా జరుగుతాయని ప్రశంసించారు. బాలీవుడ్‌లో షూటింగ్‌లు సమయానికి ప్రారంభం కావు అని చెబుతూ, సమయపాలన అనేది వృత్తి నైపుణ్యానికి, తోటి కళాకారుల కృషికి ఇచ్చే గౌరవమని పేర్కొన్నారు.

"ఏ నటుడి కోసం ఎక్కువసేపు వేచి ఉండాల్సి వచ్చింది?" అని అడిగినప్పుడు, కాజల్ సూటిగా బాలీవుడ్ స్టార్ సల్మాన్ ఖాన్ పేరు చెప్పారు. సల్మాన్ మధ్యాహ్నం లేదా సాయంత్రం సెట్స్‌కు వచ్చేవారని, ఆ వేచి ఉండే సమయంలో తాను సెట్స్‌లోని జిమ్‌లో వర్కౌట్స్ చేసుకునేదాన్ని అని కాజల్ గుర్తుచేసుకున్నారు.

దక్షిణాది సినిమాలకే ప్రాధాన్యత ఎందుకు?
హిందీ సినిమాల కంటే దక్షిణాది ప్రాజెక్టులకే ఎక్కువ మొగ్గు చూపడానికి ప్రధాన కారణం పాత్రల నాణ్యతే అని కాజల్ స్పష్టం చేశారు. బాలీవుడ్‌లో తనకు ఆశించిన స్థాయిలో వైవిధ్యమైన పాత్రలు లభించలేదని, దక్షిణాది చిత్రసీమ మాత్రం మంచి కథలతో కూడిన విభిన్నమైన పాత్రలను అందించిందని వివరించారు.

కాజల్ రాబోయే సినిమాలు
ప్రస్తుతం కాజల్ అగర్వాల్ పలు కీలకమైన ప్రాజెక్టులతో బిజీగా ఉన్నారు. 'ది ఇండియా స్టోరీ'సినిమాతో పాటు నితేష్ తివారీ దర్శకత్వంలో తెరకెక్కుతున్న ప్రతిష్టాత్మక చిత్రం 'రామాయణం' (ఈ చిత్రంలో ఆమె మండోదరి పాత్రలో కనిపించనున్నట్లు సమాచారం). మహిళా నటుల గౌరవం, వృత్తిపరమైన క్రమశిక్షణ, నాణ్యమైన కథల ప్రాముఖ్యతపై కాజల్ చేసిన ఈ వ్యాఖ్యలను నెటిజన్లు మరియు సినీ విశ్లేషకులు విశేషంగా ప్రశంసిస్తున్నారు.

Puttaraju Neet Success Story: పట్టుదలతో పాటు కఠోర శ్రమ, అంకితభావం ఉంటే.. ఎలాంటి పరిస్థితులనైనా.. పేదరికాన్ని అయినా అధిగమించి విజయ తీరాలకు చేరవచ్చని కర్ణాటకకు చెందిన విద్యార్థి పుట్టరాజు నిరూపించాడు.. నిత్యం గొర్రెలను కాస్తూ.. తల్లిదండ్రులకు వ్యవసాయ పనుల్లో ఆసరాగా నిలుస్తూనే.. నీట్ - NEETలో అత్యుత్తమ ర్యాంకు సాధించి అందరి దృష్టిని ఆకర్షించాడు.

ఎస్టీ విభాగంలో 694వ ర్యాంకు..
కొప్పళ జిల్లా హనుమనహళ్లి గ్రామానికి చెందిన పుట్టరాజు ఇటీవల నీట్ ఫలితాల్లో అఖిల భారత స్థాయిలో గిరిజన (ఎస్టీ) విభాగంలో 694వ ర్యాంకును సొంతం చేసుకున్నాడు. నీట్ పరీక్షలో 720 మార్కులకు గానూ.. 511 మార్కులు సాధించి.. తన వైద్యుడి కలను సాకారం చేసుకునే దిశగా అడుగులు వేస్తున్నాడు. పీయూసీ (PUC)లో 98 శాతం మార్కులతో పాసైన రాజు.. తొలి ప్రయత్నంలో నీట్‌లో ఆశించిన ఫలితం సాధించలేకపోయినా నిరాశ చెందలేదు.. ప్రత్యేక శిక్షణ తీసుకుని.. మలి ప్రయత్నంలో అద్భుత ప్రతిభ కనబరిచి.. విజయాన్ని సాధించాడు.

కష్టాల కడలి దాటి.. 
పుట్టరాజు ఎంతో కష్టతరమైన జీవితాన్ని గడిపేవాడు.. ఓవైపు చదువుకుంటూనే.. మరోవైపు రోజూ ఉదయాన్నే.. లేచి గొర్రెలకు మేత పెట్టడం.. వాటిని మేపడానికి పొలాలకు తీసుకెళ్లడం, షెడ్డును శుభ్రం చేయడం వంటి పనులన్నీ స్వయంగా చేసేవాడు.. తల్లిదండ్రులు వ్యవసాయం చేస్తూ.. కష్టపడుతుండటంతో వారికి బాసటగా నిలుస్తూనే.. లభించిన సమయాన్ని పుస్తకాలతో గడిపేవాడు.. ఇటీవల నీట్ ప్రశ్నపత్రం లీకేజీ వివాదాల వల్ల దేశవ్యాప్తంగా ఆందోళన నెలకొన్న సమయంలో కొంత నిరాశ ఎదురైనా.. తన లక్ష్యం నుంచి పక్కకు తప్పుకోకుండా దృఢ సంకల్పంతో చదువుకున్నాడు..

తల్లిదండ్రుల ప్రోత్సాహం..
పుట్టరాజు తండ్రి మహాబలేశ్ వ్యవసాయంతో పాటు బోర్వెల్ మరమ్మతు పనులు చేస్తూ కుటుంబాన్ని పోషిస్తున్నారు. కుమారుడి ఉన్నత చదువు కోసం ఆయన నిరంతరం ప్రోత్సాహాన్ని అందించేవారు.. తల్లి సావిత్రి తన కుమారుడి భవిష్యత్తు కోసం ఎన్నో త్యాగాలు చేసింది. వ్యవసాయ క్షేత్రంలోనే ఒక చిన్న ఇల్లు నిర్మించుకుని నివాసముంటూ.. కుమారుడికి తోడుగా నిలిచారు. కుమారుడు సాధించిన ఈ ఘన విజయంపై తండ్రి మహాబలేశ్ సంతోషం వ్యక్తం చేస్తూ.. నా కొడుకు గొర్రెలు మేపుతూనే కష్టపడి చదివాడు.. ఈ రోజు దేశ స్థాయిలో మంచి ర్యాంకు సాధించి డాక్టర్ కాబోతుండటం.. మా కుటుంబానికే కాకుండా, గ్రామానికి ఎంతో గర్వకారణమని తెలిపారు.

WTC Final 2027 Schedule: ప్రపంచ టెస్ట్ ఛాంపియన్‌షిప్ (WTC 2025-27) సైకిల్ ఫైనల్ మ్యాచ్‌కి సంబంధించి అంతర్జాతీయ క్రికెట్ మండలి (ICC) కీలక నిర్ణయం తీసుకుంది. క్రికెట్ అభిమానులు ఎంతో ఆసక్తిగా ఎదురుచూస్తున్న ఈ ప్రతిష్టాత్మక టైటిల్ పోరుకు లండన్‌లోని చారిత్రాత్మక 'ది ఓవల్' (The Oval) మైదానం వేదికగా నిలవనుంది.

ఈ మ్యాచ్ 2027 జూన్ 9 నుండి 13 వరకు జరగనుందని ఐసీసీ అధికారికంగా ధృవీకరించింది. మొదట ఈ ఫైనల్‌ను 'లార్డ్స్' మైదానంలో నిర్వహించాలని భావించినప్పటికీ, తుది నిర్ణయంలో లార్డ్స్ నుండి 'ది ఓవల్'కు వేదికను మార్చారు.

విశేషాలు, ముఖ్యాంశాలు..
వరల్డ్ టెస్ట్ ఛాంపియన్‌షిప్ ఫైనల్‌కు 'ది ఓవల్' మైదానం ఆతిథ్యం ఇవ్వడం ఇది రెండోసారి. గతంలో 2023 WTC ఫైనల్‌లో ఇక్కడే ఆస్ట్రేలియా, భారత్‌ను ఓడించి టైటిల్‌ను కైవసం చేసుకుంది. అయితే 2027 నాటికి టెస్ట్ క్రికెట్ ప్రారంభమై 150 సంవత్సరాలు పూర్తవుతున్న సందర్భంగా, ఈ ఫైనల్ మ్యాచ్‌ మరింత చారిత్రాత్మక ప్రాధాన్యతను సంతరించుకోనుంది.

ఈ టెస్ట్ ఛాంపియన్‌షిప్‌కు సంబంధించిన వరుస ఫైనల్ మ్యాచ్‌లు ఇంగ్లాండ్ క్రికెట్ బోర్డు నిర్వహించడం గమనార్హం. 2027, 2029, 2031 వరల్డ్ టెస్ట్ ఛాంపియన్‌షిప్ ఫైనల్స్ నిర్వహణ హక్కులను ఐసీసీ ఇప్పటికే ఇంగ్లాండ్ అండ్ వేల్స్ క్రికెట్ బోర్డు (ECB)కి అప్పగించింది. ప్రస్తుతం జరుగుతున్న WTC (2025-27) సైకిల్‌లో ఫైనల్ బెర్త్ దక్కించుకోవడానికి మొత్తం 9 జట్లు తీవ్రంగా పోటీపడుతున్నాయి.

"గత రెండేళ్లుగా నిలకడైన ప్రతిభ కనబరిచిన రెండు అత్యుత్తమ టెస్ట్ జట్లు ఈ ఫైనల్‌లో తలపడతాయి. టెస్ట్ క్రికెట్ 150వ వార్షికోత్సవం జరుపుకుంటున్న వేళ జరిగే ఈ 2027 ఫైనల్ ప్రపంచవ్యాప్త అభిమానులకు ఒక అద్భుతమైన అనుభూతిగా మిగిలిపోతుంది" అని ఐసీసీ ఈవెంట్స్, ఆపరేషన్స్ జనరల్ మేనేజర్ గౌరవ్ సక్సేనా తెలిపారు.

అలాగే వరుస డబ్ల్యూటీసీ ఫైనల్స్ నిర్వహించడంపై ఇంగ్లాండ్ క్రికెట్ బోర్డు మేనేజింగ్ డైరెక్టర్ నీల్ స్నోబాల్ స్పందించారు. "వరుసగా మూడు డబ్ల్యూటీసీ ఫైనల్స్‌కు ఆతిథ్యం ఇచ్చే అవకాశం రావడం మాకు దక్కిన గౌరవం. 2023లో 'ది ఓవల్'లో జరిగిన ఫైనల్ ప్రేక్షకులు, ప్రసారకర్తలను విశేషంగా ఆకట్టుకుంది. 2027లో టెస్ట్ క్రికెట్ 150 ఏళ్ల వేడుకల సందర్భంగా జరిగే ఈ మ్యాచ్ మరిన్ని కొత్త రికార్డులను, జ్ఞాపకాలను అందిస్తుందని నమ్ముతున్నాం" అని నీల్ స్నోబాల్ అన్నారు.

Telangana SIR: 'భాషా ప్రయుక్త రాష్ట్రాలకు ముందు కొడంగల్  కర్ణాటకలో ఉండేది. సర్ ప్రకియతో గ్రామాల్లో దళితులు, గిరిజనుల ఓట్లు పోయే అవకాశం ఉంది. ఓటు పోతే సంక్షేమ పథకాలు ఆగిపోయే అవకాశం ఉంది' అని ఆందోళన వ్యక్తం చేశారు. కాంగ్రెస్ లక్ష్యంగా సర్ ప్రక్రియ జరుగుతోందని ఆరోపించారు. కాంగ్రెస్ ఓటు బ్యాంక్‌ను దెబ్బతీయడమే లక్ష్యంగా సర్ ప్రక్రియ ఉందని విమర్శించారు. 'బీజేపీ నాయకుల మధ్య అంతర్గత కొట్లాటలు ఉన్నాయి. 

దేశ, రాష్ట్ర పరిణామాలపై హైదరాబాద్‌లో మీడియాతో రేవంత్ రెడ్డి ఇష్టాగోష్టిగా మాట్లాడారు. నీట్‌ పేపర్‌ లీక్‌, సర్‌ ప్రక్రియ, బీఆర్‌ఎస్‌ పార్టీ రాజకీయాలు తదితర అంశాలపై ఆయన కీలక వ్యాఖ్యలు చేశారు. 'తెలిసీ తెలియక రెండు ఓట్లు ఉన్నాయని అంటున్నారు. పోలీస్ స్టేషన్‌లో ఫిర్యాదు చేయమని చెప్పండి. కలెక్టర్ అనుమతి తీసుకొని నా గ్రామంలో ఉన్న ఓటును కొడంగల్‌కు మార్చుకున్నా. గతంలో కొడంగల్ ప్రాంతం కర్ణాటకలోని జిల్లాలో ఉండేది. భాష ప్రయుక్త రాష్ట్రాలు చేసినప్పుడు కొడంగల్ పాలమూరులోకి వచ్చింది. బీజేపీ కుట్ర పూరితంగా ఓట్లు తొలగించే అవకాశం ఉంది. గ్రామీణ ప్రాంతంలో అమాయకుల ఓట్లు పోయేలా ఉన్నాయి. సర్‌ ఉద్దేశం ప్రక్షాళన. కానీ కుట్రపూరితంగా సర్‌ను వాడుతున్నారు. సర్‌ పట్ల జాగ్రత్తగా ఉండాల్సిందే' అని రేవంత్ రెడ్డి తెలిపారు. ఎస్సీ, ఎస్టీ,  మైనారిటీ ఓట్లు పోతే కాంగ్రెస్ ఓట్లు పోయినట్టే. అవగాహన లేకపోవడం, సరైన సమయంలో స్పందించకపోవడంతో ఓట్లు పోయే అవకాశం ఉంది. ఓటు హక్కు లేకపోతే పథకాలు పోతాయి. ఓటుహక్కు లేకపోతే ఆధార్ పోతుంది. ఓటుహక్కు లేకపోతే గుర్తింపే ఉండదు కదా? ఓటు హక్కు లేకపోతే సంక్షేమం రాదు' అని సంచలన వ్యాఖ్యలు చేశారు.

'సర్‌ ముగిసే వరకు గ్రామాల్లోనే ఉండమని చెప్పా. ఎమ్మెల్యేలకు కావాలనే గట్టిగా చెప్పా. 30 పర్సంటేజ్ కావాల్సి ఉంది. 30 పర్సంటేజ్ చాలా కీలకం. సర్‌ నాయకులకు సంబంధించింది కాదు.. ప్రజలకు సంబంధించింది' అని రేవంత్ రెడ్డి తెలిపారు. 'హైడ్రా బ్రహ్మాండంగా పని చేస్తుంది. చెరువులను పునరుద్ధరించింది. ప్రభుత్వ భూములను కాపాడింది' హైడ్రాపై ప్రశంసలు కురిపించారు. జూబ్లిహిల్స్ ఉప ఎన్నికలు రెఫరెండం అన్నాడు.. ఏమైంది? అని ప్రశ్నించారు. పెట్టుబడి పెట్టాడు కాబట్టే రోడ్డుకు ట్రంప్ పేరు పెట్టామని వివరణ ఇచ్చారు.

నీటిపారుదల శాఖ మంత్రి పదవి నుంచి ఎందుకు తొలగించారో హరీష్ రావు చెప్పాలని రేవంత్‌ రెడ్డి కోరారు. కేసీఆర్‌కు తెలియకుండా కాళేశ్వరంలో రూ.వందల కోట్లు తీసుకున్నాడనే హరీశ్‌ రావును కేసీఆర్ పక్కనపెట్టాడని ఆరోపించారు. 'కన్నెపల్లి పంపుహౌస్ హరీశ్‌ రావు మంత్రిగా ఉన్నప్పుడు నిర్మాణమైంది. అతి తెలివితో మాట్లాడితే పిచ్చిలేసిందని మెంటల్ ఆస్పత్రిలో హరీశ్ రావుని చేరుస్తారు. కాళేశ్వరంలో గేట్లు ఎత్తి వేయాలని నిపుణులు స్పష్టం చేశారు. ఎన్డీఎస్‌ఏ చెర్మన్ స్వయంగా కాళేశ్వరం ప్రాజెక్టును సందర్శించాడు. ఈ విషయాన్ని హరీశ్‌ రావు మాట్లాడటం లేదు' అని రేవంత్‌ రెడ్డి తెలిపారు.

'దేవాదులలో అన్ని పంపులు పని చేస్తున్నాయి. మేడిగడ్డ దగ్గర కాపర్ డ్యామ్ ఆకాశం నుంచి దిగి రాదు. మరో డ్యామ్ కట్టాలి. 5 మీటర్ల నీళ్లు ఉండాలంటే మేడిగడ్డ గేట్లు దిగాల్సిందే. ఒక్క రోజు మాత్రమే లక్ష క్యూసెక్కుల నీళ్లు మాత్రమే వచ్చాయి. నీళ్లు నిలపకపోతే బ్యారేజులు ఎందుకు కట్టారు. మేడిగడ్డ అంటే ప్రజలు తన్నుతారనే కన్నెపల్లి పంపుహౌస్ గురించి మాట్లాడుతున్నారు. కాళేశ్వరంపై ఎన్డీఎస్ఏ, పీసీ ఘోష్ నివేదిక స్పష్టం ఉంది. కాళేశ్వరంపై సీబీఐ విచారణకు ఇచ్చాం' అని రేవంత్‌ రెడ్డి వివరించారు.

'కేంద్రంలో బీఆర్ఎస్ పార్టీ అధికారం ఉంది. ఎన్నికల్లో అవయవదానం చేసి బీఆర్ఎస్ పార్టీ బీజేపీని గెలిపించింది. సిద్దిపేట, గజ్వేల్, సిరిసిల్లలో లోకసభ ఎన్నికల్లో బీజేపీకి ఎందుకు మెజారిటీ వచ్చింది?' అని రేవంత్‌ రెడ్డి ప్రశ్నించారు. కేసీఆర్, కేటీఆర్, హరీశ్‌ రావు, సంతోశ్‌ రావు చుక్క రక్తం ఇచ్చారా అని ఎద్దేవా చేశారు. ఉద్యమంలో విద్యార్థుల రక్తం ధారపోశారు. ప్రతిపక్షంలో  ఉన్నపుడు కూడా పేదల రక్తం అమ్ముకుంటున్నారు.

'బీజేపీలో అంతర్గత కలహాలు ఉన్నాయి. బీజేపీ నాయకులకు ఒకరంటే ఒకరికి పడదు. ఎస్సీ, ఎస్టీ, మైనారిటీ ఓట్లు ఎక్కడుంటాయో బీజేపీకి తెలుసు. చిన్నచిన్న కారణాలతో ఓట్లు తొలగిస్తున్నారు' అని రేవంత్ రెడ్డి ఆరోపించారు. ప్రభుత్వం ఇందిరమ్మ ఇండ్లకు రూ.5 లక్షలు ఇవ్వాలని డిసైడ్ అయిందని చెప్పారు. తాము ఏం చేస్తున్నామో అదే చెప్తున్నట్లు ప్రకటించారు. 'ఘోష్ ఇచ్చిన నివేదికను సీబీఐ విచారణ కోసం పంపాం. సీబీఐ ఏదైనా విచారణ చెయ్యొచ్చు. ప్రజలు అధికారం ఇచ్చింది చట్టబద్దమైన పాలన చేయమని' అని రేవంత్‌ రెడ్డి పేర్కొన్నారు. ఆహార కల్తీపై కఠినంగా ఉన్నామని తెలిపారు.

'నచ్చితే నజరానా నచ్చకపోతే జరిమానా నా విధానం కాదు. చట్ట ప్రకారం చర్యలు ఉంటాయి. బీఆర్ఎస్ పార్టీ తప్పులపై విచారణ జరుగుతోంది. నాకు నచ్చలేదని వెంటనే శిక్ష వేయాలా? చార్లెస్ శోభ రాజు, బిల్లా రంగాలు కూడా జైల్లో ఉన్నారు. జైలుకు వెళ్తే ముఖ్యమంత్రులు అవుతారా?' అని చిట్‌చాట్‌లో రేవంత్‌ రెడ్డి వ్యాఖ్యానించారు. 'ఉద్యోగాలపై చర్చకు నేను సిద్ధం. నోటిఫికేషన్ ఇవ్వాలి.. ప్రశ్నాపత్రం అమ్ముకోవాలనేది బీఆర్ఎస్ పార్టీ విధానం. నోటిఫికేషన్లు ఇచ్చి నియామక పత్రాలు ఇవ్వడం మా విధానం. టీఎస్పీఎస్‌సీని ప్రక్షాళన చేశా' అని చిట్‌చాట్‌లో రేవంత్‌ రెడ్డి తెలిపారు.

Jana Nayagan Vijay Salary: తమిళనాడు ముఖ్యమంత్రిగా ప్రమాణ స్వీకారం చేయడానికి ముందు 'దళపతి' విజయ్ నటించిన ఆఖరి చిత్రం 'జన నాయగన్' నేడు (జూలై 23) గ్రాండ్‌గా థియేటర్లలోకి వచ్చింది. తొలి షో నుంచే ఈ సినిమా పాజిటివ్ టాక్ తెచ్చుకోగా, ప్రపంచవ్యాప్తంగా విజయ్ అభిమానులు థియేటర్ల వద్ద బాణాసంచా కాలుస్తూ పండగ చేసుకుంటున్నారు. ఈ క్రమంలో ఈ భారీ ప్రాజెక్ట్ కోసం విజయ్‌తో పాటు ఇతర నటీనటులు, సాంకేతిక నిపుణులు తీసుకున్న రెమ్యూనరేషన్ వివరాలు సోషల్ మీడియాలో విపరీతంగా వైరల్ అవుతున్నాయి.

విజయ్ ఆల్ టైమ్ రికార్డ్ పారితోషికం!
తమిళ మీడియా వర్గాల సమాచారం ప్రకారం.. తన చివరి చిత్రం 'జన నాయగన్' కోసం విజయ్ ఏకంగా రూ.220 కోట్ల నుంచి రూ.275 కోట్ల వరకు పారితోషికం తీసుకున్నట్లు తెలుస్తోంది. ఇది నిజమైతే భారతీయ సినిమా చరిత్రలోనే ఒక నటుడు తీసుకున్న అత్యధిక రెమ్యూనరేషన్లలో ఇది ఒకటిగా నిలవడం ఖాయం. ఒక సాదాసీదా నటుడిగా ప్రస్థానం ప్రారంభించి, 30 ఏళ్ల నటనా జీవితానికి రికార్డు స్థాయి విజయం, రాజకీయ ప్రవేశంతో వీడ్కోలు పలకడం విశేషం.

మిగతా నటీనటులు, సాంకేతిక నిపుణుల రెమ్యూనరేషన్స్ వివరాలు ఇలా ఉన్నాయి. 
దర్శకుడు హెచ్. వినోద్ రూ.25 కోట్లు (ఆయన కెరీర్‌లోనే ఇది అత్యధికం),  సంగీత దర్శకుడు అనిరుధ్ రవిచందర్ రూ.13 కోట్లు, కథానాయిక పూజా హెగ్డే రూ.6 కోట్లు, విలన్/కీలక పాత్రలో బాబీ డియోల్ రూ.5 కోట్ల నుంచి రూ.10 కోట్లు, ప్రకాష్ రాజ్ రూ.5 కోట్లు, ప్రియమణి రూ.3 కోట్లు, గౌతమ్ వాసుదేవ్ మీనన్ రూ.3 కోట్లు, నరైన్ రూ.2.5 కోట్లు, మమితా బైజు రూ.60 లక్షల నుండి రూ.2 కోట్లు పారితోషికం తీసుకున్నట్లు కోలీవుడ్ సినీ వర్గాలు చెబుతున్నాయి.

అడ్వాన్స్ బుకింగ్స్‌లోనే వసూళ్ల సునామీ!
వివాదాలు, వాయిదాల ఆందోళనల నడుమ విడుదలైన ఈ 'జన నాయగన్' సినిమాకు తమిళనాడు వ్యాప్తంగా 1,000కి పైగా స్క్రీన్లలో ప్రదర్శిస్తున్నారు. ఇది విజయ్ చివరి సినిమా కావడంతో అభిమానుల్లో అంచనాలు ఆకాశాన్ని తాకాయి. కేవలం ముందస్తు టికెట్ బుకింగ్‌ల ద్వారానే ఈ సినిమా రూ.40 కోట్లకు పైగా గ్రాస్ వసూలు చేసి రికార్డు సృష్టించింది.

New Mi Power Bank Price:  ప్రముఖ దిగ్గజ టెక్ సంస్థ షావోమి (Xiaomi) భారతీయ వినియోగదారుల కోసం ఒక శక్తివంతమైన, అత్యంత అద్భుతమైన పవర్ బ్యాంక్‌ను మార్కెట్‌లోకి విడుదల చేసింది. Xiaomi Power Bank 5i 20000mAh పేరుతో ఈ పవర్‌బ్యాంక్‌ జూలై 23న భారతదేశంలో అధికారికంగా లాంచ్‌ అయ్యింది. అత్యంత భారీ బ్యాటరీ కెపాసిటీతో పాటు వేగవంతమైన ఛార్జింగ్ టెక్నాలజీతో కూడిన ఈ పవర్ బ్యాంక్ స్మార్ట్‌ఫోన్లతో పాటు ల్యాప్‌టాప్‌లను కూడా ఛార్జ్ చేసే ప్రత్యేకమైన సామర్థ్యం కలిగి ఉంటుందని కంపెనీ తెలిపింది. 

67W ఫాస్ట్ ఛార్జింగ్ సపోర్ట్..
ఈ కొత్త పవర్ బ్యాంక్ ప్రధాన ఆకర్షణ దీని 67W టర్బో ఫాస్ట్ ఛార్జింగ్ (Turbo Fast Charging) సపోర్ట్‌గా భావించవచ్చు.. ఇది స్మార్ట్‌ఫోన్లు మాత్రమే కాకుండా టైప్-సి (USB-C) పోర్ట్ ఉన్న ల్యాప్‌టాప్‌లతో పాటు టాబ్లెట్‌లను అత్యంత వేగంగా ఛార్జ్ చేస్తుందని కంపెనీ తెలిపింది.. షావోమి 15 స్మార్ట్‌ఫోన్‌ను కేవలం 30 నిమిషాల్లో 67 శాతం వరకు ఛార్జ్ చేస్తుందని కంపెనీ స్పష్టం తెలిపింది. అంతేకాకుండా, యాపిల్ ఐఫోన్ 15తో పాటు ఐఫోన్ 16 సిరీస్, ఆండ్రాయిడ్ ఫోన్‌లకు ఎంతగానో సహాయపడుతుంది.

డిజిటల్ డిస్‌ప్లే..
ఈ పవర్ బ్యాంక్‌లో వైర్లు వెతుక్కోవాల్సిన అవసరం లేకుండా.. ఇన్‌బిల్ట్ USB-C కేబుల్‌ను కూడా అందిస్తోంది.. అత్యంత అద్భుతమైన టీపీయూ (TPU) మెటీరియల్‌తో తయారైన ఈ కేబుల్.. సులభంగా పట్టుకోవడానికి ల్యాన్యార్డ్ (Lanyard)గా కూడా వినియోగించవచ్చు.. ఇందులో ఉన్న డిజిటల్ డిస్‌ప్లే స్క్రీన్, బ్యాటరీ శాతం ఎంత ఉందో సులభంగా తెలుసుకోవచ్చు.

ఒకేసారి మూడు డివైజ్‌లకు ఛార్జింగ్ సపోర్ట్‌..
ఈ పవర్ బ్యాంక్‌లో మూడు పోర్టులు ఇన్‌బిల్ట్ USB-C కేబుల్, వేరే USB-C పోర్ట్‌తో పాటు ఒక USB-A పోర్ట్‌లు లభిస్తున్నాయి. దీని ద్వారా ఒకేసారి మూడింటిన్నీ ఛార్జ్ చేసుకునే సపోర్ట్‌ లభిస్తుంది. అలాగే స్మార్ట్ వాచ్‌లతో పాటు బ్లూటూత్ ఇయర్ బడ్స్ వంటి చిన్న పరికరాలను ఛార్జ్ చేయడానికి ప్రత్యేకమైన లో-కరెంట్ (Low-current) మోడ్ సపోర్ట్ కూడా అందుబాటులో ఉంది..

ఈ పవర్ బ్యాంక్‌ను రీఛార్జ్ చేయడానికి కూడా 65W ఫాస్ట్ ఇన్‌పుట్ సపోర్ట్ లభిస్తుంది. దీనివల్ల కేవలం 2.5 గంటల్లోనే పవర్ బ్యాంక్ పూర్తి స్థాయిలో ఛార్జ్ అవుతుందని కంపెనీ తెలిపింది. అంతేకాకుండా దీని ఎనర్జీ రేటింగ్ 74.37Whగా ఉండడం వల్ల అంతర్జాతీయ విమాన ప్రయాణాలు చేసే క్రమంలో కూడా సులభంగా క్యారీ చేయోచ్చు. కాబట్టి ప్రయాణాల్లో హ్యాండ్ లగేజీగా ఎలాంటి ఇబ్బంది లేకుండా తీసుకెళ్లవచ్చని కంపెనీ తెలిపింది.

Bhogapuram Airport Slogan News: విజయనగరం జిల్లాలో నిర్మించిన 'అల్లూరి సీతారామరాజు అంతర్జాతీయ విమానాశ్రయం' (భోగాపురం ఎయిర్‌పోర్ట్) ప్రారంభోత్సవానికి సర్వం సిద్ధమవుతోంది. ఆగస్టు 1న ప్రధానమంత్రి నరేంద్ర మోదీ చేతుల మీదుగా ఈ విమానాశ్రయాన్ని ప్రారంభించేందుకు ఏపీ ప్రభుత్వం వేగంగా ఏర్పాట్లు చేస్తోంది. ఈ సందర్భంగా విజయనగరం జిల్లా కలెక్టర్ రాంసుందర్ రెడ్డి విద్యార్థుల కోసం ఒక విశేషమైన పోటీని ప్రకటించారు. ఎయిర్‌పోర్ట్ ప్రాముఖ్యతను తెలుపుతూ ఆకట్టుకునే తెలుగు స్లోగన్ రూపొందించిన విద్యార్థికి రూ.1,00,000 (రూ.లక్ష) నగదు బహుమతి అందజేయనున్నట్లు తెలిపారు.

పోటీ వివరాలు & దరఖాస్తు విధానం..
అర్హత: 6వ తరగతి నుండి డిగ్రీ వరకు చదువుతున్న విద్యార్థులు మాత్రమే పాల్గొనడానికి అర్హులు.

కంటెంట్ శైలి: స్లోగన్ కేవలం తెలుగులో మాత్రమే ఉండాలి. ఇది ఉత్తరాంధ్ర అభివృద్ధి, విమానాశ్రయ ప్రాముఖ్యత, భవిష్యత్తు ఆశయాలను ప్రతిబింబించేలా ఉండాలి.

చివరి తేదీ: జులై 25, సాయంత్రం 5:00 గంటల లోపు పంపాల్సి ఉంటుంది.

సబ్‌మిషన్ వివరాలు: మీ స్లోగన్‌తో పాటు పేరు, చదువు, చిరునామా, మొబైల్ నంబర్‌లను జత చేసి క్రింది మార్గాల ద్వారా పంపవచ్చు.

వాట్సాప్ నంబర్: 9440749687

Nokia 123 Shield Phone Launch Soon: మొబైల్ దిగ్గజ బ్రాండ్ నోకియా హెచ్‌ఎమ్‌డీ (HMD Global) మార్కెట్లోకి సరికొత్త ఫీచర్ ఫోన్‌ను అందుబాటులోకి తీసుకువచ్చింది.. నోకియా 123 షీల్డ్ (Nokia 123 Shield) పేరుతో అత్యంత ధృడమైన డిజైన్‌తో ఈ ఫోన్‌ను ప్రపంచ మార్కెట్‌లో విడుదల చేసింది. ఇది చూడడానికి చాలా ప్రీమియంగా కనిపిస్తుంది. అంతేకాకుండా ఎంతో అద్భుతంగా ఉంటుంది. అలాగే ఇందులో ధూళి, వాటర్‌, సెక్యూరిటీని అందించే ప్రత్యేక రేటింగ్‌తో పాటు భారీ బ్యాటరీ లైఫ్‌ను అందించేలా దీనిని తయారు చేశారు. అయితే, దీనికి సంబంధించిన పూర్తి వివరాలు ఇప్పుడు మనం తెలుసుకుందాం..

అత్యంత ధృడమైన డిజైన్..
పేరుకు తగ్గట్టుగానే.. ఈ ఫోన్ ఎంతో పటిష్టమైన బాడీ మెకింగ్‌తో అందుబాటులోకి వచ్చింది. కఠినమైన పరిస్థితుల్లో కూడా పాడవ్వకుండా.. పనిచేసేలా దీనికి IP65 రేటింగ్ అందించిన్నట్లు కంపెనీ తెలిపింది.. అంటే ధూళితో పాటు దుమ్ము, వర్షపు నీరు లేదా నీటి చుక్కలు పడినా ఈ ఫోన్ ఏమాత్రం పాడు కాకుండా ఉంటుంది. పొలం పనులు చేసేవారు.. ప్రయాణాలు ఎక్కువ చేసేవారు, రఫ్ వాడకం కోరుకునే వారికి ఇది సరైనదిగా భావించవచ్చు..

19 రోజుల బ్యాటరీ బ్యాకప్..
ఈ ఫోన్ ప్రధాన ఆకర్షణ దీని బ్యాటరీ సామర్థ్యమే.. ఇందులో 1,750 mAh సామర్థ్యం గల శక్తివంతమైన బ్యాటరీని అందించారు. ఒక్కసారి ఛార్జ్ చేస్తే ఏకంగా 19 రోజుల పాటు స్టాండ్‌బై అందిస్తుందని కంపెనీ క్లైమ్‌ చేస్తోంది. అంతేకాకుండా నిరంతరాయంగా 27.9 గంటల పాటు మాట్లాడే సామర్థ్యాన్ని కూడా అందిస్తోంది.. ఆధునిక USB Type-C పోర్ట్‌ను అందించడమే కాకుండా వేగవంతమైన ఛార్జింగ్ చేసుకునే ప్రత్యేకమైన సదుపాయం కూడా అందుబాటులో ఉంది.

డిస్‌ప్లే, ప్రాసెసర్ స్పెసిఫికేషన్లు
ఈ మొబైల్ 2.4-అంగుళాల క్యూవీజీఏ (QVGA) డిస్‌ప్లేను కలిగి ఉంటుందని కంపెనీ తెలిపింది. అంతేకాకుండా 320x240 పిక్సెల్స్ రెసల్యూషన్‌తో అందుబాటులోకి వచ్చింది. ఇది యూనిసోక్ (Unisoc SC6531E) ప్రాసెసర్‌పై ఇది పనిచేస్తుంది. ఇందులో 4MB ర్యామ్, 4MB ఇంటర్నల్ స్టోరేజ్ అందుబాటులో ఉన్నట్లు తెలుస్తోంది.. మైక్రో ఎస్‌డీ కార్డ్ స్లాట్ ద్వారా స్టోరేజ్‌ను 32GB వరకు పెంచుకునే సదుపాయం ఉంది.

కెమెరాతో పాటు ఇతర ఫీచర్లు..
నోకియా 123 షీల్డ్ ఫోన్‌లో వెనుక వైపు LED ఫ్లాష్‌తో కూడిన కెమెరా కూడా అందుబాటులో ఉన్నట్లు తెలుస్తోంది.. చీకటి సమయంలో ఇది టార్చ్ లైట్‌లా కూడా అద్భుతంగా ఉపయోగపడుతున్నట్లు కంపెనీ తెలిపింది.. వీటితో పాటు వైర్‌లెస్ ఎఫ్‌ఎమ్ రేడియో, 3.5mm ఆడియో జాక్, బ్లూటూత్ (Bluetooth) కనెక్టివిటీ ఫీచర్స్‌ కూడా లభిస్తున్నాయి. ఈ ఫోన్ మందం 15 మిల్లీమీటర్లు కాగా.. బరువు కేవలం 108 గ్రాములు మాత్రమే ఉంటుంది.

August Lucky Zodiac Signs: అతి త్వరలోనే ఆగస్టు నెల మొదలు కాబోతోంది. జ్యోతిష్య శాస్త్రం ప్రకారం.. ఈ నెల చాలా ప్రత్యేకమైనదిగా భావిస్తారు. ఈ నెలలో సూర్యుడు, కుజుడితో పాటు బుధుడు, చంద్రుడు, శుక్రుడు, రాహువు అనే ఆరు ప్రధాన గ్రహాలు తమ స్థానాలను మార్చుకోనున్నాయి. ఈ పెద్ద గ్రహ సంచారాలు 12 రాశుల వారి జీవితాలపై ప్రత్యక్ష ప్రభావం చూపుతాయని జ్యోతిష్యులు తెలుపుతున్నారు. ఈ 31 రోజులలో ముఖ్యంగా ఐదు రాశుల వారి అదృష్టం ఊహించని స్థాయిలో లభించబోతోంది.. చాన్నాళ్లుగా నిలిచిపోయిన పనులు పూర్తవ్వడమే.. కాకుండా ఉద్యోగం, వ్యాపారాల్లో వీరు అద్భుతమైన పురోగతి లభించే అవకాశాలు కూడా కనిపిస్తున్నాయి.. ఆ అదృష్ట రాశులేవో ఇప్పుడు మనం తెలుసుకుందాం.

ఆగస్టులో గోల్డెన్ టైమ్ పొందే అదృష్ట రాశులు ఇవే..
మేష రాశి (Aries)
మేష రాశి వారికి ఆగస్టు నెల ఎంతో అద్భుతంగా ఉండబోతోందని జ్యోతిష్యులు తెలుపుతున్నారు. ఉద్యోగస్తులకు తమ పైఅధికారులు, బాస్ నుండి పూర్తి సహకారం లభించే అవకాశాలు కూడా కనిపిస్తున్నాయి. వ్యాపారస్తులకు అద్భుతమైన అవకాశాలు కూడా కలుగుతాయి. ఉద్యోగంలో ప్రమోషన్స్‌ లభించే బలమైన అవకాశాలు ఉన్నాయి.

తులా రాశి (Libra)
తులా రాశి వారు ఈ నెలలో ప్రతి రంగంలోనూ సానుకూల ఫలితాలను పొందుతారు. చదువులో, పోటీ పరీక్షలకు సిద్ధమవుతున్న అభ్యర్థులకు శుభవార్తలు కూడా సులభంగా అందుకుంటారు. మీ కష్టానికి తగిన ప్రతిఫలం లభించి.. కుటుంబంలో ఆనందోత్సవాల వాతావరణం నెలకొంటాయని జ్యోతిష్యులు తెలుపుతున్నారు. అంతేకాకుండా ఆర్థికంగా ఉన్న సమస్యలు కూడా పరిష్కారం కాబోతున్నాయి.

సింహ రాశి (Leo)
సింహ రాశి వారికి ఈ నెల అత్యంత శుభప్రదంగా ఉండబోతోంది.. పని ప్రదేశంలో సహోద్యోగుల నుంచి పూర్తి సపోర్ట్ లభించి.. కెరీర్‌లో పురోగతి వేగంగా లభించే ఛాన్స్‌లు కూడా కనిపిస్తున్నాయి. పాత మిత్రులను కలవడం వల్ల మనస్సు సంతోషంగా కూడా మారుతుంది.. విద్యార్థులకు కూడా ఈ సమయం చాలా అనుకూలంగా ఉండే ఛాన్స్‌లు కూడా కనిపిస్తున్నాయి.

కుంభ రాశి (Aquarius)
కుంభ రాశి వారికి ఈ నెల పెద్ద ఊరటను అందిస్తుంది. చాలా కాలంగా నిలిచిపోయిన పనులు నెమ్మదిగా పూర్తి కావడం ప్రారంమవుతాయి. జీవన భాగస్వామి నుంచి పూర్తి సహకారం లభించి బంధం బలపడుతుంది. ఈ సమయంలో ఆహ్లాదకరమైన దూర ప్రయాణాలు చేసే అవకాశాలు కూడా ఉన్నాయి..

వృశ్చిక రాశి (Scorpio)
వృశ్చిక రాశి వారికి ఈ సమయం ఎంతో ఫలప్రదంగా ఉంటుందని జ్యోతిష్యులు తెలుపుతున్నారు. దాంపత్య జీవితం మరింత మధురంగా మారబోతోంది. కుటుంబ సభ్యులతో నాణ్యమైన సమయాన్ని గడిపే అవకాశాలు కూడా కనిపిస్తున్నాయి. మానసిక ప్రశాంతత లభించి.. రోజులు ప్రశాంతంగా ముందుకు సాగుతాయి.

Saturn Retrograde 2026 Effect On Zodiac: నవగ్రహాల్లో న్యాయాధిపతిగా భావించే.. శనిదేవుడి గమనంలో కీలక మార్పు జరగబోతోంది.. 2026 జూలై 27న శని గ్రహం మీన రాశిలో వక్ర గమనం ప్రారంభమవుతుంది. ఈ వక్ర సంచారం డిసెంబర్ 11 వరకు సుదీర్ఘ కాలం పాటు కొనసాగుతుందని జ్యోతిష్యులు తెలుపుతున్నారు. మరోవైపు, జూలై 30 నుంచి పవిత్ర శ్రావణ మాసం ప్రారంభం కాబోతోంది.. శ్రావణ మాసంలో శని వక్ర గమనం చేపట్టడం జ్యోతిష్య శాస్త్ర రీత్యా ఎంతో ప్రాధాన్యత సంతరించుకుందని నిపుణులు చెబుతున్నారు. ఈ సమయంలో నాలుగు రాశుల వారు ఉద్యోగం, వ్యాపారం, ఆరోగ్యం, ఆర్థిక వ్యవహారాల్లో అత్యంత జాగ్రత్తగా ఉండాల్సి ఉంటుందని జ్యోతిష్యులు తెలుపుతున్నారు. అంతేకాకుండా కొన్ని సందర్భాల్లో తప్పకుండా ఓర్పుతో వ్యవహరించడం చాలా మంచిది. అయితే, ఈ సమయంలో ఏయే రాశులవారు తప్పకుండా జాగ్రత్తగా ఉండాల్సి ఉంటుందో ఇప్పుడు తెలుసుకుందాం. 

మేష రాశి:
మేష రాశి వారికి శని వక్రగమనంలో వెళ్లడం కారణంగా వృత్తి, ఉద్యోగ రంగాల్లో తీవ్రమైన పని ఒత్తిడి పెరుగుతుందని జ్యోతిష్యులు తెలుపుతున్నారు. హఠాత్తుగా అదనపు బాధ్యతలు భుజాన పడటం వల్ల తీవ్ర సమస్యలు ఎదుర్కోవాల్సి ఉంటుంది. కార్యాలయంలో ఉన్నతాధికారులతో అభిప్రాయ భేదాలు తలెత్తే సూచనలు కనిపిస్తున్నాయి.. వ్యాపారస్తులు ఈ సమయంలో కొత్తగా పెట్టుబడులు పెట్టడం శ్రేయస్కరం కాదని నిపుణులు సూచిస్తున్నారు. పెట్టిన పెట్టుబడులు లేదా రావాల్సిన డబ్బులు నిలిచిపోయే ఛాన్స్‌లు కనిపిస్తున్నాయి. అనవసర వాదనలకు, తగాదాలకు దూరంగా ఉండాల్సి ఉంటుంది..

కర్కాటక రాశి: 
కర్కాటక రాశి జాతకులకు ఈ కాలం ఆర్థిక, కుటుంబ పరంగా కొన్ని ప్రతికూల ఫలితాలను అందించే అవకాశాలు ఉన్నట్లు నిపుణులు తెలుపుతున్నారు. ఊహించని రీతిలో ఖర్చులు పెరిగి బడ్జెట్ తలకిందులవుతుందని నిపుణులు చెబుతున్నారు. కుటుంబ సభ్యుల మధ్య మనస్పర్థలు.. మానసిక ఆందోళనలు పెరిగే సూచనలు కనిపిస్తున్నాయి. ఆరోగ్య విషయంలో ఏమాత్రం నిర్లక్ష్యం వహించవద్దు. ముఖ్యంగా వాహనాలు నడిపేటప్పుడు అత్యంత జాగ్రత్తగా ఉండాలని నిపుణులు సూచిస్తున్నారు..

మకర రాశి: 
శని అధిపతిగా ఉన్న మకర రాశి వారికి ఈ వక్ర గమనం వ్యాపార రీత్యా కష్టకాలాన్ని అందిస్తుందని జ్యోతిష్యులు తెలుపుతున్నారు. లాభదాయకంగా కనిపిస్తున్న ఒప్పందాలు కూడా చివరి నిమిషంలో చేతిదాటిపోయే ప్రమాదం ఉందని నిపుణులు చెబుతున్నారు. భాగస్వామ్య వ్యాపారాలలో విభేదాలు వచ్చే అవకాశం ఉంది. ఎవరికీ అప్పులు ఇవ్వకూడదని నిపుణులు తెలుపుతున్నారు. మాట్లాడేటప్పుడు మాట తీరుపై నియంత్రణ అవసరం. ప్రతి ఆర్థిక నిర్ణయాన్ని ఒకటికి రెండుసార్లు ఆలోచించి తీసుకోవడం మేలని జ్యోతిష్యులు చెబుతున్నారు.

మీన రాశి: 
శని మీన రాశిలోనే వక్ర గమనం చేయడం వల్ల ఈ రాశి వారిపై ప్రభావం కాస్త ఎక్కువగా ఉండే అవకాశం ఉందని జ్యోతిష్యులు చెబుతున్నారు. చేతికి అందివచ్చిన ప్రాజెక్ట్‌లు చివరి క్షణంలో నిలిచిపోవడం తీవ్ర నిరాశకు గురిచేస్తాయి. ఊహించని భయాలు, నిద్రలేమి, మానసిక అశాంతి వంటి సమస్యలు ఎదురవుతాయి. కోర్టు, చట్టపరమైన వ్యవహారాలకు సాధ్యమైనంత వరకు దూరంగా ఉండటం శ్రేయస్కరం.. ఈ సమయంలో ఆర్థికండా కూడా చాలా జాగ్రత్తగా ఉండాల్సి ఉంటుంది.

Shadashtak Yoga 2026 Effect On Zodiac: జ్యోతిష్య శాస్త్రంలో గ్రహాల గమనాలతో పాటు వాటి దృష్టికి ఎంతో ప్రత్యేకమైన ప్రాముఖ్యత ఉంటుంది.. ముఖ్యంగా జూలై 23వ తేది వీటికి చాలా ప్రత్యేకమైనదిగా భావించవచ్చు. ఈ సమయంలో ఎంతో శక్తివంతమైన గ్రహం కదలికలు జరిగాయి. సంపద, వైభవం, సౌందర్యానికి కారకుడైన శుక్రుడు.. న్యాయానికి, కర్మఫలానికి అధిపతియైన శని గ్రహం ఒకదానికి ఒకటి.. 150 డిగ్రీల కోణంలోకి రాబోతున్నాయి. దీని కారణంగా షడాష్టక దృష్టి యోగం ఏర్పడుతోందని జ్యోతిష్యులు తెలుపుతున్నారు..

సాధారణంగా జ్యోతిష్య నిపుణులు షడాష్టక యోగాన్ని ప్రతికూలంగా భావిస్తారు. అయితే, శని, శుక్ర గ్రహాల మధ్య స్నేహభావం ఉండడం వల్ల.. ఈ అరుదైన యోగం ప్రతికూలతలకు బదులుగా అపారమైన శుభ ఫలితాలను అందిస్తుంది.. ముఖ్యంగా ఈ సమయంలో కొన్ని రాశులవారికి ఈ రోజు నుండి అదృష్టం లభించి.. ఆర్థిక సమస్యలు పూర్తిగా తొలగిపోతాయి. అంతేకాకుండా దీర్ఘకాలిక సమస్యలు కూడా తొలగిపోతాయి.

ఈ రాశులవారికి బంపర్ జాక్‌ఫాట్..
వృషభ రాశి
వృషభ రాశికి అధిపతి శుక్రుడే కావడం వల్ల ఈ రాశి వారికి రాజయోగం పడుతుందని జ్యోతిష్యులు తెలుపుతున్నారు. ఉద్యోగంలో ఊహించని పురోగతి లభిస్తుంది. పైఅధికారులతో సంబంధాలు కూడా మెరుగుపడతాయి.. పదోన్నతి లభించే అవకాశాలు మెండుగా ఉన్నాయి. అకస్మాత్తుగా ధనలాభం కలిగి ఆర్థిక ఇబ్బందులు తొలగిపోతాయని జ్యోతిష్యులు తెలుపుతున్నారు. భోగభాగ్యాలు పెరిగి జీవితం సౌకర్యవంతంగా మారుతుంది.

మిథున రాశి
దీర్ఘకాలంగా పెండింగ్‌లో ఉన్న పనులన్నీ ఈ యోగ ప్రభావంతో సజావుగా పూర్తవుతాయని జ్యోతిష్యులు చెబుతున్నారు.. వ్యాపార రంగంలో ఉన్నవారికి ఆశించిన దానికంటే ఎక్కువ లాభాలు వస్తాయి. కొత్త ఆదాయ మార్గాలు లభించి.. ఆర్థిక సంక్షోభం నుంచి విముక్తి కలుగుతుంది.. కుటుంబంలో ప్రశాంతత నెలకొంటుందని జ్యోతిష్యులు తెలుపుతున్నారు.

తులా రాశి
తులారాశి వారికి నేటి నుంచి సువర్ణ కాలం మొదలవుతుంది.. అదృష్టం పూర్తిగా మీ వైపే ఉంటుందని జ్యోతిష్యులు తెలుపుతున్నారు. చేపట్టిన ప్రతి పనిలోనూ విజయం కలుగుతుంది. సమాజంలో హోదా.. గౌరవ ప్రతిష్టలు విసరీతంగా పెరుగుతాయి. వ్యాపారాలు వేగంగా విస్తరిస్తారు. మీ సరైన ఆలోచనలు, నిర్ణయాలు మిమ్మల్ని ఉన్నత స్థానంలో నిలబెట్టే ఛాన్స్‌లు కూడా ఉన్నాయి.

మకర రాశి
మకర రాశి వారికి ఈ యోగం ఊహించని ధనయోగాన్ని అందిస్తుందని జ్యోతిష్యులు తెలుపుతున్నారు. ముఖ్యంగా పూర్వీకుల ఆస్తులు కలసిరావడం లేదా పాత పెట్టుబడుల నుంచి భారీగా లాభాలు రావడం ప్రారంభమవుతాయి. నాడీ సంబంధిత మానసిక ఒత్తిళ్లకు స్వస్తి చెప్పి.. ప్రశాంతంగా ఉండాల్సిన సమయమిది. అంతేకాకుండా అన్ని పనులు మీకు చాలా అనుకూలంగా మారుతాయి.

కుంభ రాశి
వృత్తి పరంగా కుంభ రాశి వారికి ఇది అత్యంత అనుకూలంగా ఉంటుందని జ్యోతిష్యులు తెలుపుతున్నారు. స్టాక్ మార్కెట్, షేర్లలో పెట్టుబడులు పెట్టిన వారికి మంచి లాభాలు కలుగుతాయి. వ్యాపారంలో కొత్త ప్రాజెక్టులు చేతికి అందుతాయని జ్యోతిష్యులు తెలుపుతున్నారు. ఎప్పటినుంచో వేధిస్తున్న అనేక సమస్యలు సులభంగా తొలగిపోతాయి..