బోయిన్ పల్లి: సాయిబాబా ఆలయంలో మల్లారెడ్డి పూజలు

Donald Trump Cuba Warnings: పశ్చిమాసియాలో ఇరాన్ లక్ష్యంగా అమెరికా దాడులు కొనసాగుతున్న వేళ, అధ్యక్షుడు డొనాల్డ్ ట్రంప్ మరో సంచలన ప్రకటన చేశారు. ఇరాన్ తర్వాత తమ తదుపరి లక్ష్యం క్యూబా అని ఆయన స్పష్టం చేశారు. అమెరికా జాతీయ భద్రతకు, విదేశాంగ విధానానికి క్యూబా ప్రభుత్వం ముప్పుగా పరిణమించిందని ట్రంప్ పేర్కొన్నారు. ప్రస్తుత సైనిక చర్యల ప్రాధాన్యతలను ఆయన వివరించారు.

ఇరాన్‌పై పైచేయి?!
ఇజ్రాయెల్ దళాలతో కలిసి అమెరికా సైన్యం ఇరాన్‌పై మెరుపు దాడులు చేస్తోందని ట్రంప్ వెల్లడించారు. కేవలం మూడు రోజుల్లోనే ఇరాన్‌కు చెందిన 24 యుద్ధ నౌకలను అమెరికా తుడిచిపెట్టేసిందని, ఆ దేశ నౌకాదళం దాదాపుగా నిర్వీర్యమైందని ఆయన ప్రకటించారు. అమెరికాకు ఉన్న బలమైన వైమానిక దళాన్ని ఎదుర్కొనే సామర్థ్యం ఇరాన్‌కు లేదని, అందుకే వారి సైనిక కేంద్రాలు వేగంగా కుప్పకూలుతున్నాయని పేర్కొన్నారు.

వరుస దాడులతో ఇరాన్ గజగజ వణుకుతోందని, ఆ దేశ అధికారులు శాంతి చర్చల కోసం తమను సంప్రదిస్తున్నారని ట్రంప్ తెలిపారు. కొత్త అణు ఒప్పందంపై చర్చలు జరపడానికి ఇరాన్ సిద్ధంగా ఉన్నట్లు సంకేతాలు పంపింది. అయితే "సమయం మించిపోయింది" అని తాను వారికి స్పష్టం చేసినట్లు ట్రంప్ చెప్పారు. టెహ్రాన్ (ఇరాన్ రాజధాని) భవిష్యత్తును మార్చడంలో ఆ దేశ దౌత్యవేత్తలే తమకు సహకరించాలని ఆయన పిలుపునిచ్చారు.

"తదుపరి లక్ష్యం క్యూబా"
పశ్చిమాసియాలో ఆపరేషన్ ముగిసిన వెంటనే అమెరికా దృష్టి క్యూబా వైపు మళ్లుతుందని ట్రంప్ హెచ్చరించారు. క్యూబా ప్రభుత్వం అమెరికాకు వ్యతిరేకంగా వ్యవహరిస్తోందని, దానిపై కఠినంగా వ్యవహరిస్తామని చెప్పారు.

పశ్చిమాసియా యుద్ధం తర్వాత అమెరికా విదేశాంగ ప్రాధాన్యతల్లో భారీ మార్పులు ఉంటాయని, అందులో క్యూబా అంశం మొదటి వరుసలో ఉంటుందని వివరించారు. ట్రంప్ వ్యాఖ్యలు చూస్తుంటే, అమెరికా తన సైనిక శక్తిని ఉపయోగించి అటు పశ్చిమాసియాలోనూ, ఇటు లాటిన్ అమెరికాలోనూ తన ఆధిపత్యాన్ని చాటుకోవాలని చూస్తున్నట్లు స్పష్టమవుతోంది.

42 Teeth Record Telugu Latest News: సాధారణంగా ప్రతి మనిషికి కేవలం 32 పళ్ళు మాత్రమే ఉంటాయని మనం ఎప్పుడో చిన్నప్పుడు చదువుకున్న సంగతి తెలిసిందే.. అప్పుడప్పుడు కొందరికి ఒకటి రెండు పళ్ళు ఎక్కువ ఉండడం లేదా తక్కువ ఉండడం మనం చూస్తూ ఉంటాం. కానీ మలేషియా కు చెందిన ఓ యువకుడికి మాత్రం తన నోటిలో ఏకంగా 42 దంతాలు ఉన్నాయి. అవును మీరు విన్నది నిజమే.. ఈ వ్యక్తికి ఏకంగా అన్ని పనులు ఉండడం ఇప్పుడు ప్రపంచవ్యాప్తంగా చర్చనీయాంశంగా మారింది. అంతేకాకుండా గిన్నిస్ వరల్డ్ రికార్డులు చోటు దక్కింది. 

మలేషియా కు చెందిన 33 ఏళ్ల ప్రతాప్ మునియాండి ప్రస్తుతం ఇంటర్నెట్లో చర్చనీయాంశంగా మారారు. ప్రపంచంలోనే అత్యధిక దంతాలు కలిగిన వ్యక్తిగా రికార్డ్ సృష్టించారు. అలాగే గిన్నిస్ వరల్డ్ రికార్డ్ సంస్థ ఈ విషయాన్ని అధికారికంగా ప్రకటించడమే కాకుండా.. ఆయన నోటిలోని దంతాల ఫోటోను కూడా ఇప్పుడు సోషల్ మీడియాలో షేర్ చేసింది. ఈ ఫోటోలో నోరంతా దంతాలే కనిపిస్తూ అందర్నీ ఆశ్చర్యానికి గురిచేస్తోంది. సాధారణంగా ఇలా 42 దంతాలతో జన్మించడం చాలా అరుదని కొంతమంది నిపుణులు కూడా చెబుతున్నారు.

ప్రతాప్ తన నోటిలో ఎన్ని పళ్ల ఉంటాయని విషయాన్ని చాలా కాలం గుర్తించలేకపోయినట్లు తెలుస్తోంది. 2001లో తన కుటుంబ సభ్యులతో కలిసి ఉన్న సమయంలో మాటల మధ్యలో తన నోటి నిర్మాణం కాస్త భిన్నంగా ఉందని ఆయన గమనించారు. ఈ అనుమానంతోనే ప్రతాప్ వెంటనే డెంటిస్టులను సంప్రదించి.. ప్రత్యేకంగా ఎక్స్రే ను తీయించుకున్నారు.. సాధారణంగా మనిషి 32 పళ్ల కంటే పది పళ్లు ఎక్కువగా ఉన్నాయని వైద్యులు నిర్ధారించడంతో ఆయన ఒక్కసారిగా ఆశ్చర్యానికి గురయ్యారు..

Social Media Ban For Under 16: కర్ణాటక ముఖ్యమంత్రి సిద్ధరామయ్య శుక్రవారం అసెంబ్లీలో 2026–27 రాష్ట్ర బడ్జెట్‌ను ప్రవేశపెట్టారు. ఈ సందర్భంగా రాష్ట్ర అభివృద్ధి, సాంకేతికత, సామాజిక భద్రతపై పలు కీలక ప్రకటనలు చేశారు. మొబైల్ ఫోన్ల మితిమీరిన వినియోగం వల్ల పిల్లల మానసిక, శారీరక ఆరోగ్యంపై పడుతున్న ప్రతికూల ప్రభావాలను అరికట్టడానికి ప్రభుత్వం ఒక సాహసోపేత నిర్ణయం తీసుకోబోతోంది.

కర్ణాటక రాష్ట్రంలో 16 ఏళ్లలోపు పిల్లలకు సోషల్ మీడియాను నిషేధించాలని ప్రభుత్వం యోచిస్తోంది. డిజిటల్ వ్యసనం నుండి చిన్నారులను రక్షించడం, వారి విద్యాభ్యాసంపై దృష్టి మరలకుండా చూడటం వంటి  వాటి కోసం ఈ నిర్ణయం తీసుకున్నట్లు తెలుస్తోంది.

ఏఐ (AI) హబ్‌గా బెంగళూరు
రాష్ట్ర రాజధానిని గ్లోబల్ టెక్నాలజీ హబ్‌గా మరింత బలోపేతం చేసేందుకు భారీ ప్రాజెక్టులను ప్రకటించారు. ఇస్రో, కియోనిక్స్, ఐఐఎస్సీ సహకారంతో బెంగళూరులో ఒక అత్యాధునిక రోబోటిక్స్, ఏఐ ఇన్నోవేషన్ జోన్‌ను ఏర్పాటు చేయనున్నారు. దాదాపుగా రూ.16 కోట్ల వ్యయంతో బయోటెక్నాలజీ, నాస్కామ్ సహకారంతో రెండు కొత్త ఎక్సలెన్స్ సెంటర్లను స్థాపించనున్నారు.

కర్ణాటక ముఖ్యమంత్రి సిద్ధరామయ్య తన 17వ బడ్జెట్‌ను ప్రవేశపెడుతూ రాష్ట్ర ఆర్థిక స్థితిగతులను వివరించారు. 2026–27 ఆర్థిక సంవత్సరానికి రూ.4,48,004 కోట్లుగా మొత్తం వ్యయాన్ని అంచనా వేశారు. అయితే సెప్టెంబర్ 2025లో జీఎస్టీ రేట్ల మార్పుల తర్వాత ఆదాయ వృద్ధి 10 శాతం నుండి 4 శాతానికి పడిపోయిందని సీఎం పేర్కొన్నారు. దీనివల్ల వచ్చే ఏడాది రాష్ట్ర ఖజానాకు దాదాపు రూ.15,000 కోట్ల నష్టం వాటిల్లే అవకాశం ఉంది. పన్ను ఆదాయంలో కర్ణాటక దేశానికే అగ్రగామిగా ఉన్నప్పటికీ, కేంద్రం నుండి రాష్ట్రానికి రావాల్సిన వాటాలో అన్యాయం జరుగుతోందని ఆయన విమర్శించారు.

బెంగళూరులో పట్టణ వరదలను అరికట్టడానికి ప్రపంచ బ్యాంకు నిధులతో రూ.5,000 కోట్ల వ్యయంతో ఐదేళ్ల విపత్తు నిర్వహణ ప్రాజెక్టును చేపట్టనున్నారు. బెంగళూరు శివార్లలో నివాస ప్రాంతాల్లోకి వచ్చే చిరుతపులులను రక్షించి, పునరావాసం కల్పించడానికి బన్నెర్‌ఘట్ట బయోలాజికల్ పార్క్‌లో రూ.5 కోట్లతో ప్రత్యేక సౌకర్యాన్ని ఏర్పాటు చేయనున్నారు.

పారదర్శకతను పెంచేందుకు ఎక్సైజ్ శాఖలో బదిలీల ప్రక్రియను పూర్తిగా డిజిటలైజ్ చేయనున్నారు. గ్రూప్-సి అధికారుల కోసం ప్రవేశపెట్టిన డిజిటల్ కౌన్సెలింగ్ పద్ధతిని ఇప్పుడు ఉన్నతాధికారుల బదిలీలకు కూడా వర్తింపజేయనున్నారు. సిద్ధరామయ్య ప్రవేశపెట్టిన ఈ బడ్జెట్ అటు సంక్షేమ పథకాలను, ఇటు అత్యాధునిక సాంకేతిక అభివృద్ధిని సమతుల్యం చేస్తూ 'దూరదృష్టి'తో రూపొందించినట్లు చెప్పుకొచ్చారు.

Poco M7 Plus 5g Flipkart Discount Telugu: అత్యంత తక్కువ ధరలోనే ఎప్పటినుంచో మంచి మొబైల్ కొనుగోలు చేయాలనుకుంటున్నారా? అయితే, మీకోసం ఫ్లిప్‌కార్ట్‌ శుభవార్త అందిస్తోంది. సమ్మర్ సీజన్ ప్రారంభమైన సందర్భంగా ఫ్లిప్‌కార్ట్‌ కొన్ని మొబైల్‌తో పాటు ఇతర ఎలక్ట్రిక్ వస్తువులపై ప్రత్యేకమైన డిస్కౌంట్ ఆఫర్స్‌ను ప్రకటించింది. ఇందులో భాగంగా కొనుగోలు చేసే వారికి అద్భుతమైన ఆఫర్స్ లభించబోతున్నాయి. ముఖ్యంగా స్పెషల్ బ్యాంకు డిస్కౌంట్ ఆఫర్స్ కూడా ఇప్పుడు అందుబాటులో ఉండడం విశేషం. అయితే, ఏ మొబైల్ ఇప్పుడు అత్యంత తగ్గింపు ధరకే లభిస్తుందో? మనం ఇప్పుడు తెలుసుకుందాం. 

పోకో (POCO) కంపెనీ గతంలో విడుదల చేసిన Poco M7 Plus 5G మొబైల్ అత్యంత తగ్గింపు ధరికే లభిస్తుంది. దీనిని ఇప్పుడే కొనుగోలు చేసే వారికి ఎన్నో రకాల స్పెషల్ డిస్కౌంట్ ఆఫర్స్ అందుబాటులో ఉన్నాయి. ఇక ఈ మొబైల్‌కు సంబంధించిన ఫీచర్స్ వివరాల్లోకి వెళ్తే.. ఇది ఎంతో శక్తివంతమైన 6.9 అంగుళాల Full-HD+ IPS LCD డిస్ప్లేను కలిగి ఉంటుంది. అంతేకాకుండా ఇది 144Hz రిఫ్రెష్ రేట్, 850 నిట్స్ పీక్ బ్రైట్‌నెస్‌తో లభిస్తోంది. అలాగే ఈ మొబైల్ ఎంతో శక్తివంతమైన క్వాల్‌కామ్ Snapdragon 6s Gen 3 చిప్‌సెట్ ప్రాసెసర్ తో అందుబాటులో ఉన్నట్లు తెలుస్తోంది. ముఖ్యంగా మల్టీ టాస్కింగ్‌తో పాటు గేమింగ్ చేసే వారికి ఇది అద్భుతమైన పనితీరునందిస్తుంది. దీంతోపాటు ముఖ్యంగా ఎక్కువ సేపు మొబైల్ వినియోగించే వారికి ఈ స్మార్ట్‌ఫోన్ ఎంతగానో సహాయపడుతుంది.

Poco M7 Plus 5G స్మార్ట్‌ఫోన్‌కు సంబంధించిన బ్యాటరీ ఫీచర్స్ వివరాల్లోకి వెళ్తే.. ఇది ఎంతో శక్తివంతమైన 7,000mAh భారీ బ్యాటరీతో అందుబాటులోకి వచ్చింది. అంతేకాకుండా ప్రత్యేకమైన 33W ఫాస్ట్ ఛార్జింగ్‌కు సపోర్ట్, 18W రివర్స్ వైర్డ్ ఛార్జింగ్ సపోర్ట్ ఆప్షన్ కూడా అందుబాటులో ఉంది. కాబట్టి ఎంతో స్పీడుగా బ్యాటరీ చార్జ్ చేయొచ్చు. ఈ మొబైల్ వెనుక భాగంలోకి వెళ్తే.. ఇది ఎంతో ప్రత్యేకమైన AI సపోర్ట్‌తో కూడిన 50MP మెయిన్ కెమెరాను కలిగి ఉంటుంది. ఫ్రంట్ భాగంలో 8MP ఫ్రంట్ కెమెరా కూడా లభిస్తుంది. దీంతోపాటు ఆండ్రాయిడ్ 15 ఆధారిత HyperOS 2.0 ఆపరేటింగ్ సిస్టం పై పని చేస్తుంది.

అలాగే ఇందులో కంపెనీ  2 ఏళ్ల మేజర్ OS అప్‌డేట్స్, 4 ఏళ్ల సెక్యూరిటీ అప్‌డేట్స్ ఇస్తామని హామీ ఇచ్చింది. అలాగే ఇది వివిధ స్టోరేజ్ ఆప్షన్స్‌తో లభిస్తోంది. ముఖ్యంగా ఇది 6GBతో పాటు 8gb ర్యామ్‌తో అందుబాటులో ఉంది. ఇందులో ప్రత్యేకంగా IP64 డస్ట్, వాటర్ రెసిస్టెన్స్, సైడ్-మౌంటెడ్ ఫింగర్ ప్రింట్ సెన్సార్, IR బ్లాస్టర్, 5G కనెక్టివిటీ స్పెషల్ ఫీచర్స్ కూడా లభిస్తున్నాయి. 

Social Media Ban For Under 13 In AP: ఆంధ్రప్రదేశ్‌లోని కూటమి ప్రభుత్వం కీలక నిర్ణయం తీసుకుంది. రాష్ట్రంలోని చిన్న పిల్లలు (13 ఏళ్ల లోపు వారు) సోషల్ మీడియా వాడకంపై ప్రభుత్వం సంచలన నిర్ణయాన్ని ప్రకటించింది. 13 ఏళ్లలోపు పిల్లలకు ఏపీలో సోషల్ మీడియా వినియోగంపై బ్యాన్ విధించనుంది. అందుకు సంబంధించిన నిబంధనల ప్రక్రియను రాబోయో 90 రోజుల్లో ఖరారు చేస్తామని అసెంబ్లీ సాక్షిగా సీఎం చంద్రబాబు ప్రకటించారు. దీంతో పాటు 13 నుంచి 16 ఏళ్ల లోపు పిల్లలకు సంబంధించి కొన్ని కీలక నిర్ణయాలను తీసుకున్నారు. 

ఈ తరం డిజిటల్ యుగంలో చిన్న పిల్లలు కూడా మొబైల్ ఫోన్లు వినియోగిస్తూ సోషల్ మీడియాకు బానిసలవుతున్నారు. ఇలాంటి తీరుపై ఆంధ్రప్రదేశ్‌లోని కూటమి ప్రభుత్వం స్పెషల్ ఫోకస్ పెట్టింది. సోషల్ మీడియా వినియోగం వల్ల 13 ఏళ్ల లోపు పిల్లల మానసిక ఆరోగ్యం, భవిష్యత్తును ప్రభావం ఉంటుందని అభిప్రాయపడింది.

ఇదే విషయమై కర్ణాటక ప్రభుత్వం కూడా తాజాగా 16 ఏళ్ల లోపు పిల్లలు సోషల్ మీడియా వినియోగంపై నిషేధాన్ని విధించింది. ఇప్పుడు అదే బాటలో ఆంధ్రప్రదేశ్ ప్రభుత్వం కూడా 13 ఏళ్ల లోపు పిల్లలకు సోషల్ మీడియాలో నిషేధాన్ని విధిస్తూ కీలక ప్రకటన చేసింది. రాబోయే 90 రోజుల్లో విధివిధానాలను ఖరారు చేసి మళ్లీ అసెంబ్లీలో ప్రస్తావిస్తానని సీఎం చంద్రబాబు చెప్పారు. 

అయితే ఇదే అంశంపై టీడీపీ ఎంపీ లావు శ్రీకృష్ణ దేవరాయలు ఇప్పటికే లోక్‌సభలో (పార్లమెంటు) ఒక ప్రైవేట్ మెంబర్ బిల్లును ప్రవేశపెట్టారు. చిన్న పిల్లల్లో పెరుగుతున్న ఇంటర్నెట్ వ్యసనాన్ని అరికట్టడానికి జాతీయ స్థాయిలో చట్టం రావాలని ఆయన ఆకాంక్షించారు.

పిల్లలకు సోషల్ మీడియా నిషేధానికి కారణాలు..
చిన్న వయస్సులోనే పిల్లలు సోషల్ మీడియాకు అలవాటు పడడం వల్ల వారిలో ఏకాగ్రత తగ్గడమే కాకుండా డిప్రెషన్, నిద్రలేమి వంటి సమస్యలు వస్తున్నాయి. వీటితో పాటు వారి చదువు మందగిస్తుంది. గంటల తరబడి సోషల్ మీడియా వినియోగం వల్ల చదువుపై దృష్టి తగ్గి..ఇతర కార్యక్రమాలపై ఆసక్తి పెరిగి పిల్లలు తప్పుదోవ పడుతున్నారని పలువురు తల్లిదండ్రులు ఆందోళన చెందుతున్నారు. 

అలాగే సోషల్ మీడియాలో నియంత్రణ లేని కంటెంట్ అందుబాటులో ఉండడం వల్ల పిల్లలకు ఏది మంచి..ఏది చెడు అనే ఆలోచించే తత్వాన్ని కోల్పోతున్నారు. తల్లిదండ్రుల భయాన్ని వీడుతున్నారు. దీంతో  పిల్లలు హింసాత్మక కంటెంట్‌ బారిన పడే అవకాశం ఉందని నిపుణులు హెచ్చరిస్తున్నారు. అలాగే తెలియని వ్యక్తుల పరిచయాలు, సైబర్ నేరగాళ్ల బారిన పడి డబ్బు కోల్పోయిన సంఘటనలు చాలానే ఉన్నాయి. దీంతో సోషల్ మీడియా వల్ల వారి భద్రత ముప్పుగా మారే అవకాశం ఉంది. 

ఈ నిర్ణయంతో పిల్లల్లో సోషల్ మీడియా వ్యసనాన్ని అరికట్టి.. తద్వారా వారిని తిరిగి ఆటపాటలు, పుస్తక పఠనం వైపు ఆలోచన మళ్లించేలా ఏపీ ప్రభుత్వం ప్రణాళికలను రచిస్తోంది. త్వరలోనే దీనిపై విద్యావేత్తలు, మానసిక నిపుణులతో చర్చించి సీఎం సహా అధికారులు స్పష్టమైన మార్గదర్శకాలు విడుదల చేసే అవకాశం ఉంది.

India Vs England Match Turning Moment: టీ20 ప్రపంచకప్‌లోని రెండో సెమీఫైనల్ చివరి వరకు ఎంతో ఉత్కంఠభరితంగా సాగింది. చివరికి, భారత్ 7 పరుగుల తేడాతో గెలిచి ఫైనల్‌కు అర్హత సాధించింది. గత నెల ఫిబ్రవరిలో ప్రారంభమైన ఈ టోర్నీ ఇప్పుడు తుది అంకానికి చేరుకుంది. మార్చి 8వ తేదీన అహ్మదాబాద్ వేదికగా జరగనున్న టీ20 ప్రపంచకప్ ఫైనల్ మ్యాచ్‌ కోసం టీమ్ఇండియా, న్యూజిలాండ్ జట్లు సన్నద్ధమవుతున్నాయి. అయితే తాజాగా జరిగిన రెండో సెమిఫైనల్లో భారత జట్టు గెలవడానికి 3 ప్రధాన కారణాల గురించి ఇప్పుడు చర్చిద్దాం.

ముంబయిలోని వాంఖడే వేదికగా ఇంగ్లాండ్- భారత్ మధ్య జరిగిన రెండో సెమీఫైనల్ మ్యాచ్ ఆద్యంతం ఎంతో రసవత్తరంగా జరిగింది. తొలి ఇన్నింగ్స్ వరకు మ్యాచ్ ఏకపక్షంగా భారత్ వైపు ఉందని అంతా భావించారు. అందుకు ప్రధాన కారణం భారత బ్యాటర్లు రాణించడం సహా 253 పరుగులను రాబట్టి ప్రత్యర్థి జట్టు ఇంగ్లాండ్‌కు భారీ టార్గెట్ నిర్దేశించడం. 

253 పరుగుల లక్ష్య ఛేదనలో బరిలో దిగిన ఇంగ్లాండ్ జట్టు అసాధ్యం అన్నట్లుగా కనిపించింది. కాగా, రెండో ఇన్నింగ్స్‌లో 250 పరుగులు సాధించడం అంత తేలికైన స్కోరు కాదు. కానీ ఇంగ్లాండ్ లాంటి బలమైన ఆటను ఆడి మ్యాచ్‌ను రసవత్తరంగా మార్చారు. జట్టు ప్రారంభంలోనే వరుసగా వికెట్లు కోల్పోయినప్పటికీ, జాకబ్ బెథెల్, విల్ జాక్స్ అద్భుతంగా రాణించారు. ఓవర్‌కు సగటున 12 పరుగులు చేశారు. అయితే ఇంగ్లాండ్ 7 పరుగుల తేడాతో ఫైనల్‌కు చేరుకునే అవకాశాన్ని కోల్పోయారు.

భారతదేశం గెలుపునకు 3 ప్రధాన కారణాలు..
టీ20 ప్రపంచకప్ రెండో సెమీఫైనల్లో భారత జట్టు మ్యాచ్ గెలిచి ఫైనల్‌కు చేరుకోవడానికి 3 ప్రధాన కారణాల గురించి ఇప్పుడు తెలుసుకుందాం. 

1) టీమ్ఇండియా తొలుత బ్యాటింగ్ చేస్తున్న క్రమంలో ఇంగ్లాండ్ కెప్టెన్ హ్యారీ బ్రూక్ సంజు సామ్సన్ క్యాచ్‌ను పట్టుకోవడంలో విఫలమయ్యాడు. అదే సమయంలో సంజూ కేవలం 15 పరుగుల వద్ద ఉన్నాడు. అప్పుడు ఆ క్యాచ్ పట్టి ఉండే భారత జట్టు 253 పరుగులు రాబట్టడం అసాధ్యంగా మారే అవకాశం ఉంది. కచ్చితంగా చెప్పాలంటే సంజూ శాంసన్ క్యాచ్ డ్రాప్ చేయడం వల్ల ఇంగ్లాండ్ జట్టు టోర్నీ నుంచి తప్పుకోవాల్సిన పరిస్థితి ఏర్పడింది.

2) ఇంగ్లాండ్ బ్యాటింగ్ సమయంలో అక్షర్ పటేల్ పట్టిన క్యాచ్ అసలైన మ్యాచ్‌కి కీలక మలుపు. ఎందుకంటే అప్పటికే సూపర్-8లో పాకిస్థాన్ జట్టుపై ఇంగ్లాండ్ బ్యాటర్ హ్యారీ బ్రూక్ సెంచరీతో రెచ్చిపోయాడు. అయితే హ్యారీ బ్రూక్ క్యాచ్ పట్టేందుకు పెవీలియన్ వద్ద అక్షర్ పటేల్ దాదాపుగా 24 మీటర్లు పరిగెత్తిమరీ క్యాచ్ పట్టాడు. ఈ క్యాచ్ మ్యాచ్‌ను మలుపు తిప్పింది. 

అదేవిధంగా బ్రూక్ వెనుదిరిగిన వెంటనే విల్ జేక్స్ అద్భుతంగా రాణించాడు. అర్ష్‌దీప్ సింగ్ వేసిన బంతిని సిక్స్‌గా కొట్టడానికి ప్రయత్నించాడు. అతను బంతిని పరిగెత్తించి బౌండరీ వద్ద క్యాచ్ ఇచ్చి సమీపంలో ఉన్న శివం దూబేకి ఇచ్చి క్యాచ్‌ను విజయవంతంగా తీసుకునేలా చేశాడు. విల్ జేక్స్ నిలబడి ఉంటే, ఇంగ్లాండ్ ఖచ్చితంగా మ్యాచ్ గెలిచి ఉండేది.

3) చివరిగా భారత ఫాస్ట్ బౌలర్ జస్‌ప్రీత్ బుమ్రా 4 ఓవర్లు బౌలింగ్ చేశాడు. అతను ఒక వికెట్ తీసుకుని 33 పరుగులు మాత్రమే ఇచ్చాడు. ఆ తర్వాత బౌలింగ్ చేసిన హార్దిక్ పాండ్యా కేవలం 4 ఓవర్లలో 2 వికెట్లు తీసుకుని 38 పరుగులు మాత్రమే ఇచ్చాడు. భారత జట్టు ఫైనల్ మ్యాచ్ కు చేరుకోవడానికి ఇదే ప్రధాన కారణం. 

2026 టీ20 ప్రపంచ కప్‌లో ఇంగ్లాండ్‌ను ఓడించి భారత్ ఫైనల్‌కు చేరుకుంది. ఈ మ్యాచ్‌లో వారు న్యూజిలాండ్‌తో తలపడనున్నారు. ఈ మ్యాచ్ మార్చి 8 ఆదివారం అహ్మదాబాద్‌లోని నరేంద్ర మోడీ స్టేడియంలో జరుగుతుంది. రాత్రి 7 గంటల నుంచి ప్రత్యక్ష ప్రసారం కానుంది.

Rajanna Sircilla District Latest News: సోషల్ మీడియాలో పరిచయాలు యువతను ఎక్కడికి తీసుకెళ్తున్నాయో చెప్పడానికి ఈ ఘటనే ఒక అద్భుతమైన ఉదాహరణగా భావించవచ్చు. ఇంస్టాగ్రామ్ పరిచయం కాస్త ప్రేమగా మారడంతో ప్రియుడి విలాసాల కోసం ఓ యువతి ఏకంగా తన తల్లి బంగారాన్ని అమ్మి అందర్నీ ఆశ్చర్యపోయేలా చేసింది. ఇంతకీ ఆ యువతీ ఎందుకు బంగారాన్ని అమ్మాల్సి వచ్చింది? అసలు ప్రియుడి యువతి మధ్య ఏం జరిగింది? దీనికి సంబంధించిన పూర్తి వివరాలు మనం ఇప్పుడు తెలుసుకుందాం. 

రాజన్న సిరిసిల్ల జిల్లా గంభీరావుపేట మండలానికి చెందిన ఓ యువతికి.. ఇంస్టాగ్రామ్ ద్వారా ఎల్లారెడ్డిపేట మండలం రాచర్ల గొల్లపల్లి గ్రామానికి చెందిన ఓ యువకుడు చాలా రోజుల క్రితం పరిచయమయ్యాడు.  ఆ పరిచయం కాస్త పోను పోను ముదిరి ఇద్దరి మధ్య స్నేహంగా మారింది. ఈ క్రమంలో సదరు యువకుడు తన ప్రియురాలిని ఒక ఖరీదైన బైకు కొనివ్వాలని డిమాండ్ చేశాడు. వీరిద్దరి మధ్య ఉన్న సాన్నిహిత్యం తోనే ఆ యువకుడు బైక్ కొనివ్వమని అడిగినట్లు సమాచారం. 

ప్రియుడిపై ఉన్న అద్భుతమైన ప్రేమతో.. అతను అడిగిన కోరికను ఎలాగైనా తీర్చాలని ఆ యువతీ అనుకుంది.. అయితే ఆ యువతీ దగ్గర అంత పెద్ద మొత్తంలో డబ్బులు లేకపోవడంతో.. కొద్దిరోజుల పాటు ఆలోచించింది. ఇంట్లో ఉన్న తన తల్లికి సంబంధించిన బంగారు ఆభరణాలపై ఈ సమయంలో కన్ను పడింది. ఇంట్లో ఎవరికీ తెలియకుండా తల్లి బంగారు ఆభరణాలను దొంగిలించి.  వాటిని విక్రయించగా వచ్చిన డబ్బులతో ప్రియుడికి అత్యంత ఖరీదైన బైకును కొనిచ్చింది..

Shani Blessings 2026 Effect On Zodiac: జులై 26వ తేదీ నుంచి శని అనేక మార్పులు చేయబోతోంది. ముఖ్యంగా ఈరోజు నుంచి మీనరాశిలో వక్రగతిలోకి వెళ్ళబోతోంది. ఈ శని వక్ర కదలికలు దాదాపు 138 రోజుల పాటు కొనసాగుతాయి. అంటే డిసెంబర్ 11వ తేదీ వరకు శని ఇలాగే వక్రగతిలో ఉండబోతోంది. అయితే, ఈ సుదీర్ఘ కాలం పాటు కొన్ని రాశుల వారికి ఎంతో మేలు జరగబోతుందని జ్యోతిష్యులు చెబుతున్నారు. జ్యోతిష్య శాస్త్రం పరంగా శని గ్రహాన్ని కర్మలకు ఫలితాలను అందించే దేవుడిగా చెప్పుకుంటారు. అలాంటిది ఈ గ్రహ గమనంలో మార్పులు సంభవించడం కారణంగా కెరీర్‌తో పాటు ఆర్థిక పరిస్థితులు ఆరోగ్యంపై ఊహించని ప్రభావం పడుతుందని జ్యోతిష్య శాస్త్ర నిపుణులు చెబుతున్నారు. ముఖ్యంగా కొన్ని రాష్ట్రాల వారికి దీర్ఘకాలిక సమస్యల నుంచి విముక్తి లభిస్తుంది.

ఈ రాశులవారికి బంపర్‌ లాభాలు:
మేష రాశి 
మేష రాశి వారికి ఏలినాటి శని ప్రారంభమైంది. శని 12వ స్థానంలో సంచార దశలో ఉన్నాడు. దీని కారణంగా వీరికి ఒత్తిడితో పాటు సంక్లిష్టమైన పరిస్థితిలు క్రమంగా తగ్గడం ప్రారంభమవుతాయి. ఇతరులకు అప్పులు కూడా తిరిగి చెల్లిస్తారు. ఉద్యోగాలు చేస్తున్న వ్యక్తులకు జీతాలు కూడా విపరీతంగా పెరిగే అవకాశాలు కనిపిస్తున్నాయి. అంతేకాకుండా కొత్త అదనపు బాధ్యతలు కూడా లభిస్తాయి. ముఖ్యంగా జీవితంలో అద్భుతమైన అవకాశాలు కూడా పొందుతారు. ఉద్యోగాలు చేసేవారు దిమ్మతిరిగే లాభాలు కూడా పొందే అవకాశాలు కూడా ఉన్నాయి. 

కర్కాటక రాశి 
కర్కాటక రాశి వారికి ఈ సమయంలో అదృష్టం విపరీతంగా పెరిగే అవకాశాలు ఉన్నాయి. వ్యాపారాలు చేస్తున్న వ్యక్తులకు కొత్త అవకాశాలు కూడా లభిస్తాయి. దీంతోపాటు కొత్త పనులు చేయాలనుకుంటున్న వ్యక్తులకు లాభాలు రావడం ప్రారంభమవుతాయి. కొత్త వ్యాపారాలు ప్రారంభించాలనుకునే వ్యక్తులకు ఇది మంచి సమయం. అలాగే ఉద్యోగాలను వదిలి వ్యాపారాలకు రావాలనుకుంటున్న వ్యక్తులకు కూడా ఈ సమయం చాలా లాభదాయకంగా ఉంటుంది. 

Mercury Transits 2026 Effect On Zodiac Telugu: జ్యోతిష్య శాస్త్రం ప్రకారం.. కొన్ని గ్రహాలు మానవుల జీవితంలో ఎన్నో రకాల మార్పులను తీసుకొస్తూ ఉంటాయి. గ్రహాల కదలికలు, సంయోగాలను బట్టి మార్పులు చోటు చేసుకుంటూ ఉంటాయి. జాతకంలో ఏదైనా గ్రహం శుభస్థానంలో ఉంటే దేనికి లోటు ఉండదు. అంతేకాకుండా ఆర్థికంగా కూడా చాలా మేలు జరుగుతూ ఉంటుంది. ముఖ్యంగా బుధుల్లాంటి గ్రహం శుభస్థానంలో ఉంటే నెలరోజుల పాటు అద్భుతమైన ప్రయోజనాలు కలుగుతాయి. ఇదిలా ఉంటే మార్చి 25వ తేదీన ఉదయం ఆరు గంటల సమయంలో బుధుడు తన కక్ష్యలో దిశను మార్చుకుని దక్షిణం వైపు కదులుతాడు. జ్యోతిష్య శాస్త్రంలో ఈ మార్పుకు చాలా ప్రత్యేకమైన ప్రాముఖ్యత ఉంటుంది.

ముఖ్యంగా బుధుడిని తెలివితేటలతో పాటు వ్యాపారం, కమ్యూనికేషన్, ఆర్థిక లావాదేవీలకు సూచికగా పరిగణిస్తూ ఉంటాం. అలాంటివి ఈ గ్రహం కదలికల కారణంగా కెరీర్, వ్యాపారం, ఆర్థిక పరిస్థితుల పరంగా అనేకమైన మార్పులను తీసుకువచ్చే అవకాశాలున్నాయి. అంతేకాకుండా ఈ సమయంలో నాలుగు రాశుల వారికి ఎంతో మేలు జరగబోతోంది. దీంతోపాటు అదృష్టాన్ని కూడా తెచ్చి పెడుతుంది..

వృషభరాశి 
ముఖ్యంగా ఈ సమయంలో వృషభ రాశి వారికి ఎంతో మేలు జరగబోతోంది. కెరీర్‌తో పాటు వ్యాపారంపరంగా మరుగుదల కనిపించబోతోంది. అంతేకాకుండా చాలా కాలంగా నిలిచిపోయిన పనులు కూడా ఈ సమయంలో పూర్తవుతాయి. అలాగే డబ్బులు కూడా భారీ మొత్తంలో తిరిగి పొందుతారు. కొత్త పెట్టుబడుల నుంచి భారీ మొత్తంలో లాభాలు తిరిగి పొందుతారు. ముఖ్యంగా ఉద్యోగాలు చేస్తున్న వ్యక్తులు పదోన్నతులు పొందడమే కాకుండా జీతాన్ని కూడా భారీగా పెంచుకుంటారు. అంతేకాకుండా కుటుంబంలో ఆనందంతో పాటు సామాజికంగా గౌరవం కూడా పెరుగుతుంది.

కర్కాటక రాశి 
కర్కాటక రాశిలో జన్మించిన వ్యక్తులకు ఈ సమయంలో మంచి ఫలితాలు రావడం ప్రారంభమవుతాయి. ముఖ్యంగా ఉద్యోగాలు చేసే వారికి కొత్త కొత్త అవకాశాలు కూడా లభిస్తాయి. ఈ సమయంలో వీరు తప్పకుండా శుభవార్తలు కూడా వింటారు. వ్యాపారవేత్తలకు కావలసిన విజయాలు కూడా లభించే అవకాశాలున్నాయి. దీంతోపాటు వ్యక్తిగత ఖ్యాతి కూడా విపరీతంగా పెరుగుతుందని జ్యోతిష్యులు తెలుపుతున్నారు. ముఖ్యంగా ఏవైనా వివాదాలుంటే ఈ సమయంలో తప్పకుండా తొలగిపోతాయి. చదువుతో సంబంధం ఉన్న వ్యక్తులకు చాలావరకు మేలు జరిగే అవకాశాలు కనిపిస్తున్నాయి. 

కన్యారాశి 
కన్యారాశిలో జన్మించిన వ్యక్తులకు కూడా జీవితంలో కొత్త కొత్త అవకాశాలు రావడం ప్రారంభమవుతాయి. ఉద్యోగాలు చేస్తున్న వ్యక్తులకు ఊహించని ప్రయోజనాలు కలిగే ఛాన్సులు ఉన్నాయి. దీంతోపాటు ఆత్మవిశ్వాసం కూడా ఊహించని స్థాయిలో పెరగబోతోంది. కొత్త ప్రణాళికలతో ముందుకు సాగడం వల్ల అనుకున్న పనుల్లో విజయాలు సాధించక తప్పదు. అలాగే మీడియా కమ్యూనికేషన్ రంగాల్లో పనులు చేస్తున్న వ్యక్తులకు అనుకోని లాభాలు కలుగుతాయి. ముఖ్యంగా దూర ప్రయాణాలు చేసే అవకాశాలు కూడా కనిపిస్తున్నాయి. 

Sun And Saturn Blessings Effect On Zodiac Telugu: మార్చి నెల చాలా ప్రత్యేకంగా ఉండబోతోంది. ముఖ్యంగా ఈ నెల ప్రారంభం నుంచి చివరి వరకు అనేక ప్రధాన గ్రహాలు కదలికలు చేయడమే కాకుండా.. సంయోగం కూడా జరుగుతుంది. ముఖ్యంగా మార్చి నెలలో తండ్రి కుమారులుగా భావించే సూర్యశని గ్రహాల సంయోగం జరుగుతుంది. అయితే ఈ రెండు గ్రహాల సంయోగం వల్ల కొన్ని రాశులు ఊహించని స్థాయిలో ప్రభావితం అవుతాయి. ముఖ్యంగా శని సంయోగం కారణంగా మార్చి 15వ తేదీ నుంచి కొన్ని రాశుల వారికి ఊహించని ప్రయోజనాలు కలగబోతున్నాయి.

జ్యోతిష్యులు తెలిపిన వివరాల ప్రకారం.. మీన రాశిలో శని సూర్యుల కలయిక దాదాపు 30 సంవత్సరాల తర్వాత  జరగబోతోంది. ఈ కలయిక కొన్ని రాశుల వారిపై తీవ్ర ప్రభావాన్ని చూపుతుంది. ముఖ్యంగా కొన్ని రాశుల వారికి ఆర్థికంగా మేలు జరగడమే కాకుండా.. వృత్తిపరంగా విశేషమైన ప్రయోజనాలు కలుగుతాయి. అలాగే కొత్త కొత్త బాధ్యతలు కూడా లభిస్తాయి. కాబట్టి ఈ రెండు గ్రహాల సంయోగానికి చాలా ప్రత్యేకమైన ప్రాముఖ్యత ఉంది. 

ఈ రాశులవారికి బంపర్‌ లాభాలు:
మిథున రాశి 
మిథున రాశిలో జన్మించిన వ్యక్తులకు సూర్యశని గ్రహాల కలయిక కెరీర్ పరంగా అద్భుతమైన సానుకూలమైన ఫలితాలను అందించబోతోంది. ముఖ్యంగా ప్రమోషన్స్ లభించడమే కాకుండా కొత్త కొత్త ఉద్యోగాలు లభించబోతున్నాయి. అలాగే అదృష్టం కూడా పించని స్థాయిలో పెరుగుతుంది. దీంతోపాటు అనుకున్న పనుల్లో అద్భుతమైన విజయాలు సాధించగలుగుతారు. ఆర్థిక పరిస్థితులు గతంలో కంటే ఇప్పుడు మరింత మెరుగుపడతాయి. పాత అప్పుల నుంచి భారీ మొత్తంలో డబ్బులు కూడా పొందుతారు. అంతేకాకుండా కొన్ని పనుల్లో చాలా జాగ్రత్తగా ఉండాల్సి ఉంటుంది. 

కర్కాటక రాశి 
కర్కాటక రాశిలో జన్మించిన వ్యక్తులకు ఈ రెండు గ్రహాల సంయోగం కారణంగా అద్భుతం జరగబోతోంది. అదృష్టాన్ని తెచ్చిపెట్టడమే కాకుండా.. ఈ సమయంలో చాలా బాగా ప్రయాణాలు చేసే అవకాశాలు ఉన్నాయి. కెరీర్ పరంగా పరిస్థితులు కూడా చాలా వరకు మెరుగుపడే అవకాశాలు కనిపిస్తున్నాయి. వ్యాపారవేత్తలు కొత్త ఒప్పందాలు కూడా కుదుర్చుకుంటారు. అంతేకాకుండా కుటుంబంలో సానుకూలమైన వాతావరణం నెలకొంటుంది. అలాగే జీవితంలో ఆనందం కూడా విపరీతంగా పెరుగుతుంది.

Morning Routine For Inner Peace: నేటి ఉరుకుల పరుగుల జీవితంలో ఒత్తిడి, ఆందోళన సర్వసాధారణం అయిపోయాయి. అయితే, ఉదయం నిద్రలేవగానే మనం చేసే కొన్ని చిన్న మార్పులు రోజంతా మనల్ని ఉత్సాహంగా, ప్రశాంతంగా ఉంచుతాయి. మానసిక ఉల్లాసం కోసం నిపుణులు సూచిస్తున్న 6 అద్భుతమైన ఉదయపు అలవాట్లను తెలుసుకుందాం.

డిజిటల్ డెటాక్స్ (ఫోన్‌కు దూరంగా ఉండండి)
నిద్రలేవగానే నోటిఫికేషన్లు, సోషల్ మీడియా లేదా ఈమెయిల్స్ చూడటం వల్ల మెదడుపై ఒక్కసారిగా ఒత్తిడి పెరుగుతుంది. అందుకే లేవగానే కనీసం మొదటి 30 నిమిషాల పాటు ఫోన్‌ను ముట్టుకోకుండా ఉండటం మెదడు ఆరోగ్యానికి ఎంతో మేలు చేస్తుంది.

సూర్యరశ్మి, తాజా గాలి
ఉదయాన్నే కిటికీలు తెరిచి లేదా కాసేపు బయట కూర్చుని సూర్యరశ్మి తగిలేలా చూసుకోవాలి. సూర్యకాంతి వల్ల శరీరానికి విటమిన్-డి అందడమే కాకుండా, మెదడులోని సెరోటోనిన్ స్థాయిలు పెరిగి నిద్రలేమి, డిప్రెషన్ వంటి సమస్యలు తగ్గుతాయి.

శారీరక శ్రమ లేదా వ్యాయామాలు
భారీ వర్కౌట్లు చేయకపోయినా పర్వాలేదు, కనీసం 10-15 నిమిషాల పాటు నడవడం లేదా యోగా చేయడం వల్ల రక్త ప్రసరణ మెరుగుపడుతుంది. ఇది మెదడును చురుగ్గా మార్చి, ఒత్తిడిని తగ్గించే సహజమైన మార్గంగా పనిచేస్తుంది.

హైడ్రేషన్ (నీరు తాగడం)
రాత్రంతా నిద్రలో మన శరీరం నీటిని కోల్పోతుంది. అందుకే ఉదయం లేవగానే ఒక గ్లాసు గోరువెచ్చని నీరు తాగడం వల్ల మెదడు కణాలకు తక్షణ శక్తి అందుతుంది. దీనివల్ల డీహైడ్రేషన్ వల్ల కలిగే చిరాకు, అలసట దూరమవుతాయి.

ధ్యానం లేదా యోగా
కాసేపు నిశ్శబ్దంగా కూర్చుని మీ శ్వాసపై ధ్యాస పెట్టండి. రాబోయే పనుల గురించి ఆందోళన చెందకుండా, ప్రస్తుత క్షణంలో ప్రశాంతంగా ఉండటానికి ధ్యానం అద్భుతంగా తోడ్పడుతుంది.

గమనిక: మానసిక ఆరోగ్యం అనేది ఒక్కరోజులో వచ్చేది కాదు. పైన పేర్కొన్న అలవాట్లను ప్రతిరోజూ క్రమం తప్పకుండా పాటిస్తే, మీ జీవనశైలిలో, ఆలోచనా విధానంలో గొప్ప సానుకూల మార్పులను గమనించవచ్చు.

Who Is New Governor Of Telangana  Shiv Pratap Shukla: దేశవ్యాప్తంగా తొమ్మిది రాష్ట్రాలకు గవర్నర్ల బదిలీ నిన్న జరిగింది. కేంద్రం పలు రాష్ట్రాలకు కొత్త గవర్నర్లను నియమించింది. అదే విధంగా తెలంగాణకు కూడా హిమాచల్ ప్రదేశ్ గవర్నర్‌గా పనిచేస్తున్న శివప్రతాప్ శుక్లాను బదిలీ చేసింది. ప్రస్తుతం తెలంగాణ గవర్నర్ గా ఉన్న జిష్ణు దేవ్‌ వర్మాను మహారాష్ట్రకు బదిలీ చేసింది. నాగాలాండ్ గవర్నర్‌ -నందకిషోర్ యాదవ్, బీహార్ గవర్నర్‌- సయ్యద్ హస్నేన్, బెంగాల్ గవర్నర్‌గా ఆర్‌ఎన్‌ రవిని కూడా నియమించింది. 

తెలంగాణ గవర్నర్ శివ ప్రతాప్ శుక్ల ఎవరు?
తెలంగాణకు కొత్తగా అపాయింట్ అయినా శివప్రతాప్ శుక్ల 1952 ఏప్రిల్‌ 1వ తేదీ ఉత్తరప్రదేశ్‌లోని రుద్రాపూర్‌లో జన్మించారు. ఈయనకు ప్రస్తుతం 73 ఏళ్ల వయసు.   గోరఖ్‌పూర్ లో ఆయన లా పూర్తి చేశారు. ఇక రాజకీయంగా ఆయన కెరీర్ అక్కడ నుంచి ప్రారంభమైంది. అఖిల భారతీయ విద్యార్థి పరిషద్‌ (ABVP) లో విద్యార్థి దశ నుంచి రాజకీయాల్లో అరంగేట్రం చేశారు. 1983 వ సంవత్సరంలో బీజేపీలో జాయిన్ అయ్యారు.

అలా శివ ప్రతాప్‌ శుక్లా 1989, 1991, 1993, 1996 లో వరుసగా గోరఖ్‌పూర్‌ నుంచి నాలుగు సార్లు ఎమ్మెల్యేగా గెలిచారు. ఇక 2016 లో ఆయన ఉత్తర్ ప్రదేశ్ నుంచి రాజ్యసభ సభ్యుడుగా కూడా పనిచేశారు. 2017 నుంచి 2019 వరకు నరేంద్ర మోదీ క్యాబినెట్‌లో ఆర్థిక శాఖ సహాయ మంత్రిగా కూడా పనిచేసిన బ్యాక్ గ్రౌండ్ ఉంది. ఇక 2023 నుంచి ఇప్పటివరకు ఆయన హిమాచల్ గవర్నర్‌గా ఉన్నారు. 

Swarna Grama Swarna Ward Promotions: ఆంధ్రప్రదేశ్ ప్రభుత్వం గ్రామ, వార్డు సచివాలయ వ్యవస్థలో భారీ మార్పులకు శ్రీకారం చుట్టింది. కూటమి సర్కార్ ఈ వ్యవస్థను మరింత పటిష్టం చేస్తూ, ఉద్యోగుల ప్రయోజనాలకు పెద్దపీట వేస్తూ కీలక నిర్ణయాలు తీసుకుంది. సచివాలయ వ్యవస్థను కేవలం సేవా కేంద్రాలుగానే కాకుండా, అభివృద్ధికి చిరునామాలుగా మార్చాలని ప్రభుత్వం నిర్ణయించింది. ఈ మేరకు శాసనమండలిలో కీలక బిల్లుకు ఆమోదం లభించింది.

ఇకపై 'స్వర్ణ గ్రామం - స్వర్ణ వార్డు'
గతంలో ఉన్న 'గ్రామ, వార్డు సచివాలయాల' పేరును ఇకపై 'స్వర్ణ గ్రామం, స్వర్ణ వార్డు' కార్యాలయాలుగా మారుస్తూ ప్రభుత్వం నిర్ణయం తీసుకుంది. 2047 నాటికి 'స్వర్ణాంధ్ర' లక్ష్యాన్ని చేరుకోవడంలో భాగంగా ఈ సంస్థాగత మార్పులు చేపట్టారు. సచివాలయ ఉద్యోగుల సుదీర్ఘ నిరీక్షణకు తెరదించుతూ మంత్రి డోలా శ్రీ బాల వీరాంజనేయ స్వామి కీలక ప్రకటన చేశారు. గత ప్రభుత్వ హయాంలో ప్రమోషన్లు లేక ఒకే హోదాలో ఉండిపోయిన వేలాది మంది ఉద్యోగులకు త్వరలోనే పదోన్నతులు కల్పించనున్నట్లు మంత్రి హామీ ఇచ్చారు. ఈ నిర్ణయం క్షేత్రస్థాయిలో పనిచేస్తున్న ఉద్యోగుల్లో కొత్త ఉత్సాహాన్ని నింపనుంది.

ప్రజలకు అందే సేవల్లో జాప్యం తగ్గించి, జవాబుదారీతనాన్ని పెంచేందుకు ప్రభుత్వం మూడంచెల పర్యవేక్షణ వ్యవస్థను ప్రవేశపెట్టింది. గతంలో దారిమళ్లిన ఆర్థిక సంఘం నిధులను ఇప్పుడు నేరుగా పంచాయతీలకే కేటాయిస్తున్నట్లు ప్రభుత్వం స్పష్టం చేసింది. వాలంటీర్ల వ్యవస్థకు బదులుగా ప్రజాప్రతినిధులే నేరుగా పెన్షన్లు అందించడం ద్వారా వ్యవస్థలో మరింత పారదర్శకత వచ్చిందని ప్రభుత్వం భావిస్తోంది.

సచివాలయాలను రాజకీయ కేంద్రాలుగా కాకుండా, సామాన్య పౌరుడికి అవినీతి రహిత సేవలు అందించే నిజమైన సేవా కేంద్రాలుగా తీర్చిదిద్దడమే ఈ మార్పుల వెనుక ఉన్న ప్రధాన ఉద్దేశం. ఈ నూతన విధానం ద్వారా అటు ఉద్యోగులకు లబ్ధి చేకూరడమే కాకుండా, గ్రామీణ స్థాయిలో పాలనా యంత్రాంగం మరింత సమర్థవంతంగా తయారు కానుంది.

IND vs ENG: టీ20 ప్రపంచకప్‌ 2026ను వరుసగా రెండోసారి అందుకునేందుకు భారత జట్టు ఒక్క అడుగు దూరంలో నిలిచింది. ఉత్కంఠగా జరిగిన రెండో సెమీ ఫైనల్‌లో ఇంగ్లాండ్‌పై పూర్తి ఆధిపత్యం ప్రదర్శించి టీమిండియా విజయం సాధించింది. ఇంగ్లాండ్‌ బౌలర్లను భారత బ్యాటర్లు ఉతికి పారేయగా.. ప్రత్యర్థిని మాత్రం భారత బౌలర్లు తీవ్రంగా కట్టడి చేసి జట్టుకు విజయాన్ని అందించి ఫైనల్‌లో నిలబెట్టారు. వాంఖడేలో జరిగిన ఈ మ్యాచ్‌ ఫలితాలు ఇలా ఉన్నాయి.

కోల్‌కత్తాలోని వాంఖడే స్టేడియంలో రెండో సెమీ ఫైనల్‌ భారత్‌, ఇంగ్లాండ్‌ మధ్య ఉత్కంఠ పోరు జరిగింది. ఇంగ్లాండ్‌ టాస్‌ గెలిచి బౌలింగ్‌ ఎంచుకోగా.. భారత్‌ బ్యాటింగ్‌ చేసింది. అభిషేక్‌ శర్మ 9 పరుగులకే ఔటవగా.. మరోసారి సంజూ శామ్‌సన్‌ బ్యాట్‌తో అదరగొట్టాడు. 42 బంతుల్లో 89 పరుగులు చేసి సెంచరీని మిస్సయ్యాడు. 8 ఫోర్లు, 7 సిక్స్‌లతో దుమ్మురేపాడు. ఈ మ్యాచ్‌లో అయినా సెంచరీ చేస్తాడనుకుంటే అనూహ్యంగా ఔటయ్యాడు. ఇషాన్‌ కిషన్‌ 39 పరుగులతో రాణించగా.. శివమ్‌ దూబే 43 స్కోర్‌తో మెరుపు ఇన్నింగ్స్‌ ఆడాడు. కెప్టెన్‌ సూర్య కుమార్‌ యాదవ్‌ (11), తిలక్‌ వర్మ (21), అక్షర్‌ పటేల్‌ (2) కొన్ని పరుగులు చేశారు.

ఇంగ్లాండ్‌ బౌలింగ్‌
భారత జట్టును ఇంగ్లాండ్‌ బౌలర్లు కట్టడి చేయడంలో విఫలమయ్యారు. భారత బ్యాటర్లను నిలువరించలేకపోవడంతో భారీ స్కోర్‌ నమోదైంది. భారీ స్కోర్‌ దిశగా దూసుకెళ్తున్న సమయంలో విల్‌ జాక్స్‌, అదిల్‌ రషీద్‌ కొంత నియంత్రించారు. వారిద్దరూ రెండు వికెట్ల చొప్పున తీయగా.. జోఫ్రా ఆర్చర్‌ ఒక వికెట్‌ తీశాడు.

పాండ్యా తీరు వివాదాస్పదం
సెమీస్‌ గెలవాలనే కసితో భారత జట్టు మొత్తం ఉండగా.. హార్దిక్‌ పాండ్యా ప్రవర్తన మాత్రం విస్మయానికి గురి చేసింది. హార్దిక్‌ పాండ్యా ఆట తీరు భారత్‌కు కొంత నష్టం చేసింది. శివమ్‌ దూబేతో కలిసి ఆడుతుండగా.. అవనసరంగా ఔట్‌ చేయించాడు. పరుగుకు పిలిచి తర్వాత వద్దనడంతో వెనక్కి తిరిగిన దూబే రనౌట్‌ అయ్యాడు. జట్టు భారీ స్కోర్‌ చేయాలంటే దూబే క్రీజులో ఉండాల్సి ఉంది. ఆ సమయంలో దూబే రనౌట్‌ కారణంగా భారత్‌కు మరో 20 పరుగులు వచ్చే అవకాశం ఉండేది.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.