Tata Tiago Ev 2026 Facelift Revealed: హ్యాచ్‌బ్యాక్ కార్లకు మార్కెట్‌లో మంచి డిమాండ్‌ ఉంది. ముఖ్యంగా టాటా బ్రాండ్‌కి సంబంధించిన కార్లు ఊహించని స్థాయిలో వినియోగదారులు కొనుగోలు చేస్తూ ఉంటారు. దీనిని దృష్టిలో పెట్టుకుని టాటా మోటార్స్ టియాగో (Tiago)తో పాటు టియాగో ఈవీ (Tiago EV)లకు సంబంధించిన ఫేస్‌లిఫ్ట్ మోడల్స్‌ను ఈ నెల 28వ తేదిన మార్కెట్‌లోకి విడుదల చేసేందుకు సిద్ధమైంది. అయితే, ఈ మోడల్స్‌ లాంచ్‌కి ముందే ఎక్స్‌టీరియర్ డిజైన్‌కి సంబంధించిన ఫోటోతో పాటు వీడియోలను కంపునీ టీజర్‌ విడుదల చేసింది. గత మోడల్స్‌తో పోలిస్తే ఈ ఇవి డిజైన్‌ పరంగా మరింత అద్భుతంగా, ప్రీమియం ఫీచర్స్‌తో అందుబాటులోకి రాబోతున్నట్లు తెలుస్తోంది. 

కొత్త టాటా టియాగోతో పాటు టియాగో ఈవీ మోడల్స్‌కి సంబంధించిన డిజైన్స్‌ చాలా ప్రత్యేకంగా ఉండబోతున్నట్లు తెలుస్తోంది. వీటి ముందు భాగంలో ఐబ్రో-షేప్ (Eyebrow-shaped) ఎల్‌ఈడీ డేటైమ్ రన్నింగ్ లైట్లు (DRLs)తో పాటు కొత్త ఎల్‌ఈడీ హెడ్‌ల్యాంప్‌లను అందుబాటులోకి తీసుకు రాబోతున్నట్లు తెలుస్తోంది.. పెట్రోల్ (ICE) మోడల్‌లో నల్లటి గ్రిల్‌తో పాటు ప్రత్యేకమైన డిజైన్‌తో ఫాగ్ ల్యాంప్స్ ఉండబోతున్నట్లు తెలుస్తోంది. ఇక ఈవీ వెర్షన్‌లో బాడీ కలర్ గ్రిల్‌తో పాటు ఫాగ్ ల్యాంప్స్ లేని క్లీన్ బంపర్ డిజైన్‌ను అందిస్తున్నట్లు టీజర్‌లోని డిజైన్‌ క్లియర్‌గా చెబుతోంది. ఈ కారు వెనుక భాగంలో సరికొత్త  కనెక్టెడ్ ఎల్‌ఈడీ టెయిల్-లైట్లతో పాటు ప్రత్యేకమైన బంపర్ డిజైన్ ఈ కార్లుకు మరింత ప్రీమియం లుక్‌ను అందించబోతోంది. అదనంగా వీల్ ఆర్చ్‌లపై క్లాడింగ్, కొత్త డ్యూయల్-టోన్ అలాయ్ వీల్స్ కారుకు స్పోర్టీ లుక్కును అందిస్తాయి. 

ఫీచర్స్‌ పరంగా ఈ బడ్జెట్ హ్యాచ్‌బ్యాక్‌లలో టాటా కంపెనీ ఒక అద్భతమైన పెద్ద అప్‌గ్రేట్‌ అందించిన్నట్లు తెలుస్తోంది. ఇందులో కంపెనీ మొట్టమొదటిసారిగా 360-డిగ్రీ కెమెరా ఫీచర్‌ను అందిస్తోంది. అంతేకాకుండా కారు ముందు బంపర్‌తో పాటు సైడ్ మిర్రర్ల (ORVMs) కింద ఉన్న కెమెరా మాడ్యూల్స్‌ను వినియోగించి ఈ ఫీచర్‌ను అందుబాటులోకి తీసుకు రాబోతున్నట్లు తెలుస్తోంది. అంతేకాకుండా క్యాబిన్‌లో 10.25-ఇంచుల ఇన్ఫోటైన్‌మెంట్‌తో పాటు కొత్త డిజిటల్ ఇన్‌స్ట్రుమెంట్ క్లస్టర్, ఇల్యూమినేటెడ్ లోగోతో కూడిన స్టీరింగ్ వీల్ ఉండే అవకాశం ఉన్నట్లు సమాచారం.. అలాగే ఇందులో కంపెనీ సెఫ్టీని దృష్టిలో పెట్టుకుని ఇందులో 6 ఎయిర్‌బ్యాగ్‌లను స్టాండర్డ్‌గా అందించే అవకాశాలు ఉన్నట్లు తెలుస్తోంది. 

Narasaraopet Bus Accident: ఉత్తర్‌ప్రదేశ్‌లో ఆంధ్రప్రదేశ్‌కు చెందిన పర్యాటకుల బస్సుకు ఒక పెద్ద ప్రమాదం తప్పింది. పల్నాడు జిల్లా నరసరావుపేటకు చెందిన సుమారు 50 మంది ప్రయాణికులతో వెళ్తున్న బస్సు మార్గమధ్యంలో ప్రమాదానికి గురైంది. అయితే, అదృష్టవశాత్తూ ఎలాంటి ప్రాణనష్టం జరగకపోవడంతో అందరూ ఊపిరి పీల్చుకున్నారు.

అసలేం జరిగిందంటే?
నరసరావుపేటకు చెందిన యాత్రికులు ఉత్తర భారతదేశ పర్యటనలో భాగంగా ఉత్తర్‌ప్రదేశ్‌లోని ప్రముఖ పుణ్యక్షేత్రమైన నైమిశారణ్యం దర్శించుకుని, అక్కడ నుండి అయోధ్యకు బస్సులో బయలుదేరారు. లక్నో, అయోధ్య మీదుగా వారు నేపాల్ వెళ్లాల్సి ఉంది. అయితే, మార్గమధ్యంలో వీరి బస్సు ప్రమాదానికి గురైంది.

ప్రస్తుతం అందిన సమాచారం ప్రకారం.. బస్సులో ఉన్న నరసరావుపేటకు చెందిన 50 మంది ప్రయాణికులు క్షేమంగా ఉన్నారు. కానీ, ప్రమాదం కారణంగా ప్రయాణికులందరికీ స్వల్ప గాయాలయ్యాయి. ఎవరికీ తీవ్రమైన గాయాలు కాకపోవడం, ప్రాణాపాయం తప్పడంతో బాధితులు, వారి కుటుంబ సభ్యులు హర్షం వ్యక్తం చేస్తున్నారు. ప్రమాదానికి సంబంధించిన పూర్తి వివరాలు, ప్రమాదం జరగడానికి గల కారణాలు ఇంకా తెలియాల్సి ఉంది.

8th Pay Commission Update: దేశవ్యాప్తంగా ఉన్న కోటి మందికి పైగా కేంద్ర ప్రభుత్వ ఉద్యోగులు, పెన్షనర్లు ఎంతో ఉత్కంఠగా ఎదురుచూస్తున్న 8వ వేతన సంఘం పరిధిలో వేతన సవరణల ప్రక్రియ ఊపందుకుంది. సుప్రీంకోర్టు మాజీ న్యాయమూర్తి జస్టిస్ రంజనా ప్రకాష్ దేశాయ్ అధ్యక్షతన ఏర్పాటైన ఈ కమిషన్, ప్రస్తుతం దేశంలోని వివిధ ప్రాంతాలలో భాగస్వామ్య పక్షాలతో క్షేత్రస్థాయి చర్చలు జరుపుతోంది. ఈ క్రమంలో ఉద్యోగుల జీతాలు, పెన్షన్ల పెంపును డిసైడ్ చేసే 'ఫిట్మెంట్ ఫ్యాక్టర్' ఇప్పుడు ప్రధాన చర్చనీయాంశంగా మారింది. కొత్త పే స్కేల్ ఖరారైతే ఉద్యోగుల కనీస బేసిక్ శాలరీ ఏకంగా మూడు రెట్లు పెరిగే అవకాశం ఉందని రక్షణ, రైల్వే తదితర కార్మిక సంఘాల అంచనాలు స్పష్టం చేస్తున్నాయి.

కేంద్ర ప్రభుత్వ ఉద్యోగుల పాత ప్రాథమిక వేతనాన్ని (బేసిక్ పే) కొత్త పే-స్ట్రక్చర్‌కు అనుగుణంగా మార్చడానికి ఉపయోగించే ఒక గణిత గుణకాన్ని 'ఫిట్మెంట్ ఫ్యాక్టర్' అంటారు. సరళంగా చెప్పాలంటే, ప్రస్తుత బేసిక్ జీతాన్ని ఈ నంబర్‌తో గుణించి కొత్త జీతాన్ని లెక్కిస్తారు.

7వ వేతన సంఘం హయాంలో ఈ ఫిట్మెంట్ ఫ్యాక్టర్‌ను 2.57గా ఖరారు చేయగా.. దీనివల్ల ఉద్యోగుల కనీస ప్రాథమిక వేతనం అప్పట్లో రూ.7,000 నుండి ఒకేసారి రూ.18,000కి పెరిగింది. ఇప్పుడు ద్రవ్యోల్బణం, పెరిగిన జీవన వ్యయాలను దృష్టిలో ఉంచుకుని ఈ గుణకాన్ని భారీగా పెంచాలని ఉద్యోగ సంఘాలు పట్టుబడుతున్నాయి.

రూ.18 వేల నుండి రూ.72 వేలకు పెంపు?
ప్రస్తుతం కొనసాగుతున్న చర్చల్లో వివిధ ఉద్యోగ సంఘాలు తమ డిమాండ్లను కమిషన్ ముందు ఉంచాయి. నేషనల్ కౌన్సిల్ (NC-JCM) ఫిట్మెంట్ ఫ్యాక్టర్‌ను 3.83కి పెంచాలని ప్రతిపాదించింది. ఒకవేళ ప్రభుత్వం దీనిని అంగీకరిస్తే, కనీస ప్రాథమిక వేతనం రూ.18,000 నుండి ఒకేసారి రూ.51,480కి చేరుతుంది.

భారతీయ ప్రతిరక్ష మజ్దూర్ సంఘ్ (BPMS) ఒక అడుగు ముందుకు వేసి దీనిని 4.0 శాతానికి పెంచడంతో పాటు వార్షిక ఇంక్రిమెంట్‌ను 3% నుండి 6% కి పెంచాలని డిమాండ్ చేస్తోంది. ఈ డిమాండ్‌కు గ్రీన్ సిగ్నల్ లభిస్తే, కనీస బేసిక్ శాలరీ ఏకంగా రూ.72,000 కు పెరుగుతుంది.

రైల్వే టెక్నికల్ స్టాఫ్ అసోసియేషన్ (IRTSA) కూడా ఉద్యోగుల స్థాయిని బట్టి (లెవెల్ 1 నుండి లెవెల్ 18 వరకు) 2.92 నుండి 4.38 వరకు వేర్వేరు మల్టిపుల్ ఫిట్‌మెంట్ ఫ్యాక్టర్లను ఇవ్వాలని, కనీస జీతం రూ.52,000 ఉండాలని సరికొత్త ప్రతిపాదనను తెచ్చింది.

జనవరి 1, 2026 నుండి కొత్త వేతన సవరణలు అమలులోకి రావాల్సి ఉన్నందున, 8వ పే కమిషన్ తన కసరత్తును వేగవంతం చేసింది. మే 18, 19 తేదీల్లో హైదరాబాద్‌లో పర్యటించిన కమిషన్ సభ్యులు, జూన్ మొదటివారంలో శ్రీనగర్, లడఖ్, లక్నోలలో పర్యటించి ఉద్యోగ సంఘాల అభిప్రాయాలను సేకరించనున్నారు. ప్రతి 10 ఏళ్లకు కాకుండా, ప్రతి ఐదేళ్లకోసారి పెన్షన్ సవరణ చేపట్టాలనే పార్లమెంటరీ కమిటీ సిఫార్సును కూడా పరిశీలించాలని క్యాబినెట్ సెక్రటరీ టీవీ సోమనాథన్ నేతృత్వంలోని జేసీఎం (JCM) సమావేశంలో నిర్ణయించారు.

కమిషన్ డేటా విశ్లేషణ, నివేదిక తయారీకి ప్రభుత్వం సుమారు 18 నెలల సమయం కేటాయించింది. దీని ప్రకారం 2027 మధ్య నాటికి కానీ కమిషన్ తన తుది నివేదికను కేంద్ర ప్రభుత్వానికి సమర్పించే అవకాశం లేదు. ఆ తర్వాతే కేంద్ర క్యాబినెట్ దీనిపై తుది నిర్ణయం తీసుకుంటుంది. అంటే పెరిగిన కొత్త జీతాలు చేతికి అందడానికి ఉద్యోగులు 2027 వరకు వేచి చూడక తప్పదు.

అయితే, ఈ కొత్త పే స్కేల్స్ 2026 జనవరి 1 నుండి పాత తేదీతో వర్తిస్తాయి. కాబట్టి, అమలు ఆలస్యమైనప్పటికీ మధ్యలో ఉన్న నెలలన్నింటికీ భారీ మొత్తంలో బకాయిలు ఒకేసారి ఉద్యోగుల ఖాతాల్లో జమకానున్నాయి. అప్పటివరకు ఉద్యోగులకు 7వ పే కమిషన్ నిబంధనల ప్రకారమే కరువు భత్యం (DA) పెంపుదల వంటి ఆర్థిక ప్రయోజనాలు కొనసాగుతాయి.

Rahu Blessing On These Zodiac Signs Telugu News: జ్యోతిష్య శాస్త్రం ప్రకారం, రాహువు గ్రహాన్ని ఎంతో శక్తివంతమైన, క్రూరమైన గ్రహంగా పరిగణిస్తారు. రాహువు బాధలను కలిగించడమే కాకుండా.. ఈ గ్రహం జాతకంలో శుభస్థానంలో ఉంటే జీవితంలో అనేక రకాల అద్భుతాలను సృష్టిస్తాడు. అంతేకాకుండా పేదవాడి నుంచి డైరెక్ట్‌గా కోటీశ్వరులను కూడా చేయగలుగుతాడు. కాబట్టి ఈ గ్రహానికి చాలా ప్రత్యేకమైన ప్రాముఖ్యత ఉంటుందని జ్యోతిష్య శాస్త్ర నిపుణులు తెలుపుతున్నారు. ఇదిలా ఉంటే రాహువు అనుగ్రహం కొన్ని రాశులవారు ఎల్లప్పుడు పొందుతారు. కాబట్టి ఆయా రాశులవారికి ఎల్లప్పుడు ఊహించని ధన లాభాలు కలుగుతాయి. అంతేకాకుండా జీవితం మొత్తం చాలా అద్భుతంగా ఉంటుంది. కోరుకున్న కోరికలు కూడా సులభంగా నెరవేరుతూ ఉంటాయి. అనుకోకుండా ఊహించని స్థాయిలో డబ్బులు సొంతం చేసుకుంటారు. అలాగే జీవితం మొత్తం ఎంతో అద్భుతంగా ఉంటుందని జ్యోతిష్యులు తెలుపుతున్నారు. 

ఈ రాశులవారికి రాహువు అనుగ్రహం..
మకర రాశి
రాహువు ప్రభావంతో మకర రాశివారికి జీవితంలో అద్బుతమైన అధికారం దక్కుతుంది. అంతేకాకుండా రాహువు అనుగ్రహంతో జీవితంలో వీరు శుభప్రభావంతో ముందుకు సాగుతారు. వీరు చేసే పనుల్లో గణనీయమైన విజయాలు సాధిస్తారు. వీరు రియల్‌ ఎస్టేట్‌ రంగాల్లో పనులు చేస్తే మరింత సక్సెస్‌ అవుతారు. కఠోర శ్రమతో ఊహించని దాని కంటే అద్భుతమైన విజయాలు సాధిస్తారు. సాంకేతిక రంగంలో పనులు చేసేవారికి బంపర్ లాభాలు కలుగుతాయని జ్యోతిష్యులు తెలుపుతున్నారు. 

వృషభ రాశి 
ఈ వృషభ రాశివారికి అధిపతి శుక్రుడు వ్యవహరిస్తాడు. కాబట్టి రాహువుకు ఈ గ్రహం చాలా సన్నిహిత మిత్ర సంబంధం ఉంటుంది. దీని కారణంగా వీరికి రాహువు ప్రభావంతో కూడా దీర్ఘకాలిక సమస్యలు కూడా సులభంగా దూరమవుతాయి. వీరు తప్పకుండా లౌకిక సుఖాలు పొందుతారని జ్యోతిష్యులు తెలుపుతున్నారు. ఈ రాశివారు ఆకస్మికంగా ఆర్థిక లాభాలు కూడా పొందుతారు. భూమి, ఆస్తి, వాహనాలతో సహా వారి సంపదన కూడా ఊహించని స్థాయిలో పెరుగుతుంది. 

మిథున రాశి
మిథున రాశివారికి రాహువు ప్రభావంతో ఎల్లప్పుడు అద్భుతమైన ఆలోచనలతో ముందుకు సాగుతారు. అంతేకాకుండా రచన, మీడియా, మార్కెటింగ్ రంగాల్లో ఈ రాశులవారికి దిమ్మతిరిగే లాభాలు కలుగుతాయి. అత్యంత క్లిష్ట పరిస్థితులలో కూడా బంపర్‌ లాభాలు పొందుతారు. అలాగే అనుకోకుండా కూడా దిమ్మతిరిగే ధన లాభాలు పొందుతారని జ్యోతిష్యులు తెలుపుతున్నారు. జీవితం ఎల్లప్పుడు సంతోషంగా ఉంటుంది. 

కన్యారాశి
కన్యా రాశివారికి కూడా రాహువు ప్రభావంతో అనేక సమస్యల నుంచి అద్భుతమైన లాభాలు కలుగుతాయి. వీరికి శ్రమకు తగ్గ ప్రతిఫలాలు లభిస్తాయి. అంతేకాకుండా శత్రువులు కోరుకున్నా కూడా వారికి హాని చేయలేరని జ్యోతిష్యులు తెలుపుతున్నారు. అలాగే వ్యాపారాల్లో కూడా అద్భుతమైన ప్రయోజనాలు పొందుతారు. అంతేకాకుండా అకౌంటింగ్‌ రంగాల్లో పనులు చేసే ఈ రాశులవారు అద్భుతమైన లాభాలు సొంతం చేసుకుంటారు. అలాగే కోర్టు కేసుల నుంచి కూడా పూర్తి పరిష్కారం లభిస్తుంది. 

తులారాశి 
తులారాశి వారికి కూడా రాహువు ప్రభావంతో భారీ ధన లాభాలు పొందుతారు. వీరు విదేశాల నుంచి కూడా భారీ మొత్తంలో డబ్బులు సంపాదించే అవకాశాలు కూడా కనిపిస్తున్నాయి. సామాజిక హోదా కూడా విపరీతంగా పెరుగుతుంది. రాజకీయాలు లేదా ప్రజా సంబంధాల రంగంలో విస్తృతమైన కీర్తిని కూడా పొందుతారు. దీర్ఘకాలిక సమస్యలతో బాధపడేవారికి కూడా ఈ సమయంలో తప్పకుండా పరిష్కారం లభిస్తుంది. 

Guru Pushya Yoga Effect On Zodiac: జ్యోతిష్య శాస్త్రం ప్రకారం.. మే నెలలోని 21వ తేదికి ప్రత్యేకమైన ప్రాముఖ్యత ఉంది. ఎందుకంటే ఈ రోజు గ్రహాల సంయోగం జరిగింది. ముఖ్యంగా ఈ గురు సంచారంతో శుక్రుడి కలయిక జరిగి ఎంతో శక్తివంతమైన గజలక్ష్మి యోగం ఏర్పడింది. అలాగే చంద్రుడు కూడా కర్కాటక రాశిలోకి సంచారం చేయడం వల్ల గౌరీ యోగం ఏర్పడింది. ఈ సమయంలో అనేక రాజయోగాలు ఏర్పడ్డాయి. దీని కారణంగా వీటి ప్రభావం దాదాపు వారం రోజుల పాటు కొనసాగుతుందని జ్యోతిష్యులు తెలుపుతున్నారు. ముఖ్యంగా ఈ సమయంలో ఏర్పడే గురు పుష్యమి యోగంతో ఆయా రాశులవారికి అద్భుతమైన ప్రయోజనాలు కలుగుతాయి. ఆర్థికంగా బోలెడు లాభాలు చేకూరుతాయని జ్యోతిష్యులు తెలుపుతున్నారు. 

ఈ రాశులవారికి బంపర్‌ లాభాలు:
మేషరాశి 
మేష రాశివారికి మే 21వ తేది చాలా శుభప్రదమైనదని జ్యోతిష్యులు తెలుపుతున్నారు. వీరికి ఈ సమయంలో సంభాషణ నైపుణ్యం విపరీతంగా పెరుగుతుంది. అంతేకాకుండా ఇతరుల నుంచి కూడా భారీ మొత్తంలో డబ్బు కూడా సొంతం చేసుకునే అవకాశాలు ఉన్నాయని జ్యోతిష్యులు తెలుపుతున్నారు. ముఖ్యంగా వీరికి చంద్రుడు శుభ స్థానంలో ఉండడం వల్ల కోరుకున్న కోరికలు సులభంగా నెరవేరబోతున్నాయి. అంతేకాకుండా వీరికి అదృష్టం కూడా విపరీతంగా పెరుగుతుంది. అలాగే జీవితంలో కూడా విలాసవంతం గడుపుతారని జ్యోతిష్యులు తెలుపుతున్నారు. కార్యాలయాల్లో ఉన్న వ్యక్తులకు జీవితంలో సానుకూలమైన మార్పులు రావడం ప్రారంభమవుతాయి. వ్యాపారాలు కూడా సక్రమంగా సాగుతాయని జ్యోతిష్యులు తెలుపుతున్నారు. అలాగే సంబంధాల్లో భావోద్వేగ బంధం మరింత బలపడే అవకాశాలు ఉన్నాయి. 

వృషభ రాశి
వ్యాపారాలు చేస్తున్న వ్యక్తులకు ఈ గురు పుష్యమి యోగంతో జీవితంలో అపారమైన తెలివితేటలు పెరిగే అవకాశాలు ఉన్నాయి. దీని కారణంగా వ్యాపార రంగాల్లో ఉన్న వ్యక్తులకు అద్భుతమైన లాభాలు కలుగుతాయి. అంతేకాకుండా ఈ సమయంలో తోబుట్టువుల నుంచి కూడా సపోర్ట్‌ పొందే అవకాశాలు ఉన్నాయి. అలాగే అధికారులతో సంబంధాలు మెరుగుపడతాయి. దీంతో పాటు వైవాహిక బంధం మధురంగా మారుతుంది. వీరికి జీవిత భాగస్వామితో అద్భుతమైన ప్రేమ సంబంధాలు ఏర్పడతాయి. దీని వల్ల వైవాహిక బంధం చాలా మధురంగా మారే అవకాశాలు కనిపిస్తున్నాయి. అనుకుంటున్న పనుల్లో అద్భుతమైన విజయాలు సాధించే ఛాన్స్‌లు ఉన్నాయి. 

కర్కాటక రాశి
కర్కాటక రాశి రాశివారికి కూడా ఈ యోగంతో దిమ్మతిరిగే లాభాలు కలుగుతాయని జ్యోతిష్యులు తెలుపుతున్నారు. అంతేకాకుండా వీరికి చంద్రుడి సంచారంతో వివిధ రకాల కళలు, కళాత్మక విషయాలపై ఆసక్తి కూడా విపరీతంగా పెరుగుతుంది. అలాగే ఇతరులతో సంబంధాలు స్నేహపూర్వకంగా మారుతాయి. దీంతో పాటు వీరు తప్పకుండా విలాసవంతమైన వస్తువులను కొనుగోలు చేస్తారు. కాబట్టి దీని కారణంగా డబ్బులు కూడా విపరీతంగా ఖర్చయ్యే అవకాశాలు కనిపిస్తున్నాయి. ఈ సమయంలో  సహోద్యోగుల నుంచి మీకు మంచి సపోర్ట్‌ కూడా లభిస్తుంది. అలాగే అదృష్టం ఈ సమయంలో 99 శాతం వరకు సహకరిస్తుంది. 

మకర రాశి 
మే 21వ తేదీ నుంచి మకర రాశివారికి కూడా ఈ సమయం చాలా ఆహ్లాదకరంగా ఉంటుంది. వ్యాపారాల విషయాల్లో అద్భుతమైన విజయాలు సాధిస్తారు. అంతేకాకుండా ఏడవ స్థానంలో చంద్రుడు ఉండడం వల్ల వీరికి తగిన తెలివితేటలు కూడా విపరీతంగా పెరుగుతాయి. అలాగే అద్భుతమైన నిర్ణయాలు కూడా తీసుకుంటారు. దీంతో పాటు మీ సామాజిక పలుకుబడి, గౌరవం పెరుగుతాయి. ఈ సమయంలో తప్పకుండా ప్రభుత్వ పనులలో విజయం సాధిస్తారు. వీరికి ఈ సమయంలో ఎలాంటి ప్రత్యర్థులు మీకు హాని చేసే అవకాశాలు ఉండవని జ్యోతిష్యులు తెలుపుతున్నారు. అంతేకాకుండా ప్రేమ జీవితంలో సంబంధాలు కూడా మధురంగా మారుతాయి. వీరికి అదృష్టం కూడా 87 శాతం వరకు సహకరిస్తుంది.

SRH Vs RCB Match Preview: ఐపీఎల్ లీగ్ దశ ముగింపుకు చేరుకున్న వేళ.. నేడు సన్‌రైజర్స్ హైదరాబాద్ (SRH), రాయల్ ఛాలెంజర్స్ బెంగళూరు (RCB) జట్లు తమ చివరి లీగ్ మ్యాచ్‌లో తలపడనున్నాయి. పాయింట్ల పట్టికలో టాప్-2 స్థానాల్లో లక్ష్యంగా ఇరు జట్లు శుక్రవారం హోరాహోరీగా తలపడేందుకు సిద్ధమయ్యాయి.

రాయల్ ఛాలెంజర్స్ బెంగళూరు ప్రస్తుతం 18 పాయింట్లతో పాయింట్ల పట్టికలో అగ్రస్థానంలో ఉంది. 10 జట్లలోనే +1.065 అత్యుత్తమ నెట్ రన్ రేట్ (NRR) ఆర్సీబీ సొంతం చేసుకుంది. ఈ మ్యాచ్‌లో గెలిస్తే ఆర్సీబీ నంబర్ 1 స్థానాన్ని ఖరారు చేసుకోవడంతో పాటు, ఫైనల్‌కు చేరడానికి రెండు అవకాశాలు (క్వాలిఫయర్-1 ఆడటం ద్వారా) లభిస్తాయి.

అలాగే మరోవైపు సన్‌రైజర్స్ హైదరాబాద్ 13 మ్యాచ్‌ల్లో 16 పాయింట్లతో ప్రస్తుతం మూడో స్థానంలో ఉంది. గుజరాత్ టైటాన్స్ కూడా 18 పాయింట్లతో ఉన్నప్పటికీ, నెట్ రన్ రేట్ పరంగా గుజరాత్ (+0.400) కంటే హైదరాబాద్ (+0.350) వెనుకబడి ఉంది. SRH టాప్-2లోకి వెళ్లాలంటే.. ఆర్సీబీని భారీ తేడాతో ఓడించడమే కాకుండా మెరుగైన నెట్‌ రన్‌రేట్‌తో గెలిస్తే టాప్-2 స్థానానికి చేరే అవకాశం ఉంది. 

కెప్టెన్ రజత్ పాటిదార్ నాయకత్వంలో ఆర్సీబీ విధ్వంసకర బ్యాటింగ్ లైనప్ క్రమశిక్షణతో కూడిన బౌలింగ్‌తో వరుసగా రెండో సీజన్‌లోనూ టైటిల్ ఫేవరెట్‌గా నిలిచింది. సీనియర్ స్టార్ విరాట్ కోహ్లీ ఓపెనర్‌గా దుమ్మురేపుతున్నాడు (13 మ్యాచ్‌ల్లో 542 పరుగులు). యువ బ్యాటర్ దేవదత్ పడిక్కల్ కూడా అద్భుతమైన ఫామ్‌లో ఉన్నాడు.

అదే విధంగా అనుభవజ్ఞులైన ఫాస్ట్ బౌలర్లు భువనేశ్వర్ కుమార్, జోష్ హేజిల్‌వుడ్ జోడి పవర్‌ప్లేలో ప్రత్యర్థులను వణికిస్తోంది. ఈ సీజన్‌లో అత్యధిక వికెట్లు తీసిన బౌలర్లలో భువనేశ్వర్ ఒకడిగా ఉన్నాడు. కృనాల్ పాండ్యా ఆల్‌రౌండ్ ప్రదర్శనతో, లెగ్ స్పిన్నర్ సుయాష్ శర్మ, రొమారియో షెపర్డ్ తమ వైవిధ్యమైన బౌలింగ్‌తో మిడిల్ ఓవర్లలో జట్టుకు బలంగా నిలుస్తున్నారు.

అలాగే సన్‌రైజర్స్ హైదరాబాద్ జట్టు గత 5 మ్యాచ్‌ల్లో వరుస విజయాలతో ఊపు మీదున్నట్లు కనిపించినా, చివరి 4 మ్యాచ్‌ల్లో రెండింటిలో ఓడిపోవడం హైదరాబాద్‌ను కాస్త ఆత్మరక్షణలో పడేసింది. ప్రమాదకర బ్యాటింగ్ లైనప్‌లో అభిషేక్ శర్మ, ట్రావిస్ హెడ్, ఇషాన్ కిషన్, హెన్రిచ్ క్లాసెన్ వంటి హార్డ్ హిట్టర్లు ఉన్నప్పటికీ.. ఇటీవలి కాలంలో బ్యాటింగ్‌లో నిలకడలేమి జట్టును దెబ్బతీసింది. నాకౌట్‌కు ముందు ఈ లోపాలను సరిదిద్దుకోవాలని జట్టు భావిస్తోంది.

కెప్టెన్ పాట్ కమిన్స్ గాయం నుంచి కోలుకుని తిరిగి రావడం జట్టుకు పెద్ద ప్లస్ పాయింట్. యువ శ్రీలంక ఫాస్ట్ బౌలర్ ఇషాన్ మలింగ ఈ సీజన్‌లో పెద్ద అసెట్‌గా మారాడు. ఒత్తిడిలోనూ నిలకడగా వికెట్లు తీస్తూ పొదుపుగా బౌలింగ్ చేస్తున్నాడు. లీగ్ దశలో చివరి మ్యాచ్ కావడం, పైగా టాప్-2 స్థానాల కోసం జరుగుతున్న పోరు కావడంతో ఈ మ్యాచ్ అభిమానులకు అసలైన ఐపీఎల్ మజాను అందించడం ఖాయంగా కనిపిస్తోంది!

హెడ్-టూ-హెడ్..
ఐపీఎల్ చరిత్రలో సన్‌రైజర్స్ హైదరాబాద్, రాయల్ ఛాలెంజర్స్ బెంగళూరు జట్లు 27 సార్లు తలపడ్డాయి. అయితే ఇందులో 14 సార్లు గెలుపొంది సన్‌రైజర్స్ హైదరాబాద్ పైచేయి సాధించగా.. ఆర్సీబీ 12 విజయాలను నమోదు చేసుకుంది. ఈ ఐపీఎల్ సీజన్ ప్రారంభ మ్యాచ్‌లో ఈ రెండు టీమ్‌లు తలపడడం గమనార్హం. ఆ ఆరంభ మ్యాచ్‌లో సన్‌రైజర్స్ హైదరాబాద్ జట్టుపై 42 పరుగుల తేడాతో ఆర్సీబీ గెలుపొందింది.

సన్‌రైజర్స్ హైదరాబాద్ తుదిజట్టు (అంచనా)
అభిషేక్ శర్మ, ఇషాన్ కిషన్, హెన్రిచ్ క్లాసెన్, సలీల్ అరోరా, సమ్రాన్, నితీష్ కుమార్ రెడ్డి, పాట్ కమిన్స్, శివాంగ్ కుమార్, ఇషాన్ మలింగ, షకీబ్ హుస్సేన్, ప్రఫుల్ హింగే, ట్రావిస్ హెడ్ (ఇంపాక్ట్ ప్లేయర్).

రాయల్ ఛాలెంజర్స్ బెంగళూరు తుదిజట్టు (అంచనా)
వెంకటేష్ అయ్యర్, విరాట్ కోహ్లీ, దేవ్‌దత్ పడిక్కల్, రజత్ పటిదార్, టిమ్ డేవిడ్, జితేష్ శర్మ, రొమారియా షెఫార్డ్, కృనాల్ పాండ్యా, భువనేశ్వర్ కుమార్, రసిఖ్ సలాం, జోష్ హేజిల్‌వుడ్, జకోబ్ డఫీ (ఇంపాక్ట్ ప్లేయర్).

SRH vs RCB Metro Timings Extended Today: హైదరాబాద్‌లోని ఉప్పల్ స్టేడియంలో ఈరోజు సన్‌రైజర్స్‌ హైదరాబాద్, ఆర్సీబీ మధ్య మ్యాచ్ జరగనుంది. ఈ కారణంగా ఆ ప్రాంతాల్లో ట్రాఫిక్ మళ్లింపులు కూడా చేశారు. సొంత వాహనాల్లో వస్తే ట్రాఫిక్ ఇబ్బందులు వస్తాయని ట్రాఫిక్ పోలీసులు సూచనలు కూడా చేశారు. మెట్రో రైల్ సంస్థ కూడా ఒక ముఖ్యమైన నిర్ణయం తీసుకుంది. ఐపీఎల్ క్రికెట్ మ్యాచ్ కారణంగా అభిమానులు మ్యాచ్ అయిపోయిన తర్వాత తిరిగి వెళ్ళడానికి మెట్రో సేవలను రాత్రి 12 గంటల వరకు పొడిగించింది. ఉప్పల్ స్టేడియం నుండి అన్ని కారిడార్లలో ప్రయాణించవచ్చు. రద్దీని బట్టి ఉప్పల్ నుండి నాగోల్, అమీర్‌పేట్, మియాపూర్ రూట్లలో ప్రత్యేక రైళ్లు నడుపుతారు.

ఈరోజు క్రికెట్ అభిమానులకు పండుగ. దీంతో హైదరాబాద్ మెట్రో ఈ ముఖ్యమైన నిర్ణయం తీసుకుంది. మ్యాచ్ ముగిసే సమయానికి ఒక్కసారిగా ఫ్యాన్స్‌ ఒక్కసారిగా బయటకు వస్తారు. ఈ సమయంలో ఇబ్బందులు కలగకుండా మెట్రో సమయాన్ని పొడిగించారు. ఇక మ్యాచ్ అయిపోయిన వెంటనే ప్రయాణికులు ఉప్పల్ నుండి వివిధ మార్గాల్లో వారి ఇళ్లకు చేరుకోవచ్చు. అంతేకాకుండా క్యూ లైన్‌లో వేచి ఉండకుండా ముందుగానే రిటర్న్ జర్నీ టికెట్లు, స్మార్ట్ కార్డ్స్‌ను క్యూఆర్ కోడ్ ద్వారా ఉపయోగించి ప్రయాణం చేయాలని అధికారులు చెబుతున్నారు.

సాధారణంగా మ్యాచ్ చూసి బయటకు రాగానే ఒక్కసారిగా రద్దీ పెరుగుతుంది. పార్కింగ్ నుండి వాహనాలు తీసేటప్పుడు కూడా రద్దీ ఏర్పడుతుంది. సొంత వాహనాలు కాకుండా మెట్రో, ఆర్టీసీ బస్సుల ద్వారా వెళ్లడం వల్ల రద్దీని నివారించవచ్చు. మెట్రోను ఉపయోగిస్తే త్వరగా కూడా చేరుకోవచ్చు. అందుకే రద్దీని తగ్గించడానికి రాత్రి 12 గంటల వరకు మెట్రో సమయాన్ని పొడిగించారు. దీనివల్ల ప్రయాణికులకు ఎలాంటి ఇబ్బందులు రాత్రి సమయంలో ఉండవు.

సాధారణంగా మెట్రో రైళ్లు రాత్రి 11 గంటల వరకు అందుబాటులో ఉంటాయి. కొన్ని ప్రత్యేక సందర్భాల్లో మాత్రమే హైదరాబాద్ మెట్రో సమయాన్ని పొడిగిస్తుంది. శుక్రవారం కూడా ఐపీఎల్ మ్యాచ్ ఉన్నందున ప్రయాణికుల కోసం ఈ సేవలను పొడిగించింది. ఈ నేపథ్యంలో ఉప్పల్‌ వైపుగా వచ్చే భారీ వాహనాలకు కూడా ముందుగానే ట్రాఫిక్ మళ్లింపులు చేశారు. మల్కాజిగిరి పోలీసులు క్రికెట్ స్టేడియం వైపుగా వచ్చే భారీ వాహనాలకు కూడా మళ్లింపులు చేపట్టారు. 

Heatwaves Deaths In Telangana: రాష్ట్రంలో ఎండల తీవ్రత రోజురోజుకూ పెరిగిపోతోంది. భానుడి భగభగలతో రాష్ట్రం మొత్తం నిప్పుల కొలిమిలా మారిపోయింది. వడదెబ్బ కారణంగా గురువారం ఒక్కరోజే తెలంగాణ వ్యాప్తంగా 22 మంది ప్రాణాలు కోల్పోవడం పరిస్థితి ఎంత తీవ్రంగా ఉందో తెలుస్తోంది. మృతులలో వృద్ధులు, హమాలీలు, వ్యవసాయ కూలీలతో పాటు ఓ విద్యార్థి కూడా ఉండడం గమనార్హం.

ఎండ తీవ్రతకు ఉమ్మడి వరంగల్ జిల్లా విలవిలలాడింది. భారీగా పెరిగిన ఉష్ణోగ్రతలకు ఈ ఉమ్మడి జిల్లాల్లో 9 మంది మృత్యువాత పడ్డారు. అలాగే మహబూబాబాద్ జిల్లా బయ్యారం మండలం కొత్త ఇర్సులాపురంలో ఒకరు.. కేసముద్రం మండలం కల్వ ఒకరు, నెల్లికుదురు మండలం హనుమాన్‌నగర్ తండాకు చెందిన మహిళా రైతు మృతి చెందారు. హనుమకొండ జిల్లాలోని కాజీపేటలో భూపాలపల్లి జిల్లా చల్లగరిగెలో ఓ వ్యక్తి చనిపోగా.. ఎల్కతుర్తి మండలం కేశవపూర్‌కు చెందిన ఓ యువకుడు మృత్యువాత పడ్డాడు. 

ములుగు జిల్లాలో ఏటూరునాగారం మండల కేంద్రానికి చెందిన ఓ మహిళ, ములుగు బస్టాండు ప్రాంతంలో ఒక గుర్తు తెలియని మహిళ మృతి చెందారు. అదే విధంగా భూపాలపల్లి జిల్లాలో మొగుళ్లపల్లి మండలం పోతుగల్‌లో మహిళా వ్యవసాయ కూలి, రేగొండ మండలం బాగిర్తిపేటలో ఓ వ్యక్తితో పాటు ఇతర జిల్లాల్లో వడదెబ్బ మరణాల వివరాలను తెలుసుకుందాం. 

ఉమ్మడి వరంగల్ జిల్లాలోని సూర్యాపేటలో ఓ ఇంటర్ విద్యార్థి.. తుంగుతుర్తిలో హమాలీ, నల్గొండలోని మునుగోడు మండలం చీమటిమామిడికి చెందిన ఓ రైతు, యాదాద్రి భువనగిరిలో కోమటికుంటలో ఓ వ్యక్తి, 

మంచిర్యాలలోని శ్రీరాంపూర్ ఏరియా లక్ష్మీనగర్ ఓ మహిళ, పాత మంచిర్యాలలో ఓ వ్యక్తి.. అలాగే కరీంనగర్‌లోని ఓ ఉపాధి హామీ కూలీ, ఇల్లందకుంట మండలం శ్రీరాములపల్లిలో ఓ మహిళ.. జోగులాంబ గద్వాలలోని ఇటిక్యాలలో ఓ వ్యక్తి.. మెదక్ నార్సింగిలో ఓ వ్యక్తి.. ఇలా జగిత్యాల, పెద్దపిల్లి, ఖమ్మం వంటి ప్రాంతాల్లో వడదెబ్బకు ఒక్కొక్కరుగా ప్రాణాలు కోల్పోయారు. 

నేడు 11 జిల్లాల్లో వడగాలులు..
తెలంగాణ రాష్ట్రంలోని 11 జిల్లాల్లో శుక్రవారం కూడా బలమైన వడగాలులు వీచే అవకాశం ఉందని భారత వాతావరణ శాఖ (IMD) స్పష్టం చేసింది. మంచిర్యాల, పెద్దపల్లి, కరీంనగర్, ఆసిఫాబాద్, భూపాలపల్లి, కొత్తగూడెం, ములుగు, ఖమ్మం, సూర్యపేట, నల్గొండ, నాగర్‌కర్నూల్ జిల్లాల్లో వడగాలులు తీవ్రంగా వీస్తాయని వాతావరణ శాఖ ఓ ప్రకటన ద్వారా తెలియజేసింది. ఆయా జిల్లాల ప్రజలు అవసరం ఉంటే తప్ప బయటకు రావొద్దని సూచించింది. మరోవైపు ఖమ్మం, కొత్తగూడెం, సంగారెడ్డి, మెదక్, మహబూబ్ నగర్, కామారెడ్డి వంటి జిల్లాల్లో అక్కడక్కడ ఉరుములు మెరుపులతో ఈదురుగాలులతో వర్షాలు పడే అవకాశం కనిపిస్తోంది. 

గమనిక: ఎండలు తీవ్రంగా ఉన్నందున ప్రజలు మధ్యాహ్నం వేళల్లో అత్యవసరమైతే తప్ప బయటకు రాకూడదని, తగిన జాగ్రత్తలు తీసుకోవాలని అధికారులు సూచిస్తున్నారు.

Ap Government Anganwadi Gratuity: ఆంధ్రప్రదేశ్ ప్రభుత్వం రాష్ట్రంలోని అంగన్‌వాడీ కార్యకర్తలకు, సహాయకులకు భారీ ఊరటనిచ్చింది. వారు సుదీర్ఘ కాలంగా ఎదురుచూస్తున్న రిటైర్మెంట్ బెనిఫిట్స్ (పదవీ విరమణ ప్రయోజనాలు) చెల్లింపు కోసం ప్రభుత్వం ఏకంగా రూ.19.70 కోట్ల అదనపు నిధులను మంజూరు చేసింది. ఈ మేరకు మహిళలు, వికలాంగులు, బాలలు, వృద్ధుల సంక్షేమ శాఖ అధికారికంగా పరిపాలనా అనుమతులు ఇస్తూ కీలక ఉత్తర్వులు (జీవో) జారీ చేసింది.

ఈ నిధులు 2025-26 ఆర్థిక ఏడాదికి సంబంధించిన పదవీ విరమణ బెనిఫిట్స్ చెల్లింపుల కోసమే ప్రత్యేకంగా కేటాయించినట్లు ప్రభుత్వం స్పష్టం చేసింది. అంగన్‌వాడీ మెయిన్, మినీ కార్యకర్తలతో పాటు సహాయకులు అందరికీ ఈ ప్రయోజనాలు అందనున్నాయి. అంగన్‌వాడీలకు వీలైనంత త్వరగా న్యాయం చేయాలనే సంకల్పంతో ప్రభుత్వం ఒక కీలక నిర్ణయం తీసుకుంది. సాధారణంగా నిధుల విత్‌డ్రాపై ఉండే ఆర్థికపరమైన ఆంక్షలను పక్కన పెట్టింది. ట్రెజరీ నియంత్రణ, త్రైమాసిక నియమాలను సడలించి, ఈ నిధులను తక్షణమే విడుదల చేయాలని ఆదేశించింది.

ప్రస్తుతానికి అడ్వాన్స్‌గా ఇస్తున్న ఈ మొత్తాన్ని, రాబోయే 2026-27 ఆర్థిక సంవత్సరంలో సప్లిమెంటరీ గ్రాంట్స్ ద్వారా సర్దుబాటు చేయనున్నట్లు ఆర్థిక శాఖ వెల్లడించింది. ఈ నిధులను నిబంధనల ప్రకారం లబ్ధిదారులకు సకాలంలో చేరవేసే బాధ్యతను మహిళల అభివృద్ధి, బాల వికాస శాఖ డైరెక్టర్‌కు ప్రభుత్వం అప్పగించింది.

గ్రాట్యుటీ చట్టం పరిధిలోకి అంగన్‌వాడీలు..
గతంలో భారత సుప్రీంకోర్టు ఇచ్చిన చారిత్రాత్మక తీర్పు ప్రకారం.. అంగన్‌వాడీ కార్యకర్తలు, సహాయకులు కూడా 'గ్రాట్యుటీ చెల్లింపుల చట్టం, 1972' కింద రిటైర్మెంట్ బెనిఫిట్స్ పొందేందుకు అర్హులని స్పష్టం చేసింది. ఈ నేపథ్యంలో ఏపీ సర్కార్ తీసుకున్న తాజా నిర్ణయం, పదవీ విరమణ పొంది ఆర్థిక సాయం కోసం ఎదురుచూస్తున్న వేలాది మంది అంగన్‌వాడీలకు కొండంత అండగా మారనుంది.

రాష్ట్రంలో క్షేత్రస్థాయిలో గర్భిణులు, బాలింతలు, చిన్నారులకు పోషకాహారాన్ని అందిస్తూ రాత్రింబవళ్లు సేవలు అందిస్తున్న అంగన్‌వాడీల సంక్షేమానికి ఈ నిర్ణయం ఎంతగానో దోహదపడుతుందని ఉద్యోగ సంఘాలు హర్షం వ్యక్తం చేస్తున్నాయి. ప్రభుత్వ తాజా జీవోతో వేలాది అంగన్‌వాడీ కుటుంబాల్లో రిటైర్మెంట్ భరోసా లభించినట్లయింది. 

GT Beat CSK By 89 Runs: ఇండియన్‌ ప్రీమియర్‌ లీగ్‌ (ఐపీఎల్‌)-2026లో ప్లేఆఫ్స్‌ అవకాశాలు సజీవంగా ఉన్న పరిస్థితిలో చెన్నై సూపర్‌ కింగ్స్‌ చివరి మ్యాచ్‌లో పోరాడలేక చేతులెత్తేసింది. తప్పక గెలవాల్సిన మ్యాచ్‌లో బ్యాటింగ్‌, బౌలింగ్‌లో ఘోరంగా వైఫల్యమవండంతో మ్యాచ్‌ను చేజార్చుకోవడమే కాకుండా ఘోర పరాభవం ఎదుర్కొంది. ఇప్పటికే ప్లేఆఫ్స్‌లోకి వెళ్లిన గుజరాత్‌ టైటాన్స్‌ సంచలన ప్రదర్శన చేసి ప్రత్యర్థి చెన్నై జట్టుకు ఘోర పరాభవం మిగిల్చింది. సీజన్‌లో చివరి మ్యాచ్‌ ఆడిన చెన్నై ఓటమితో ఇంటి బాట పట్టగా.. లీగ్‌ దశలో ఆఖరి మ్యాచ్‌ను గుజరాత్‌ టైటాన్స్‌ 89 పరుగుల భారీ విజయాన్ని సొంతం చేసుకుంది. అహ్మదాబాద్‌ వేదికగా జరిగిన ఈ మ్యాచ్‌ విశేషాలు ఇలా ఉన్నాయి.

KTR Reacts On Save KBR Park: అభివృద్ధి కార్యక్రమాల కోసం హైదరాబాద్‌ నడిబొడ్డున ఉన్న కేబీఆర్‌ పార్క్‌లోని చెట్లను తొలగిస్తుండడంతో పెద్ద ఎత్తున ప్రజా ఉద్యమం కొనసాగుతోంది. అభివృద్ధి పనులతో పార్క్‌ ఉనికి ప్రశ్నార్థకంగా మారడంతో పర్యావరణ ప్రేమికులు ఆందోళన చెందుతూ నిత్యం నిరసన కార్యక్రమాలు చేస్తున్నారు. ఈ క్రమంలోనే కేబీఆర్‌ పరిరక్షణ కోసం పర్యావరణ ప్రేమికులు బీఆర్‌ఎస్‌ పార్టీ వర్కింగ్‌ ప్రెసిడెంట్‌, మాజీ మంత్రి కేటీఆర్‌ను కలిశారు.

Sara Tendulkar Body Shaming: సెలబ్రిటీలను కొందరు ప్రశాంతంగా ఉంచడం లేదు. నిత్యం ఏదో ఒక వివాదం సృష్టిస్తున్నారు. తాజాగా క్రికెట్‌ దేవుడు సచిన్‌ టెండూల్కర్‌ కుమార్తె సారా టెండూల్కర్‌పై అనుచిత వ్యాఖ్యలు చేశారు. ఆమెను బాడీ షేమింగ్‌ చేస్తూ ఫొటోలు, వీడియోలు పోస్టు చేయడం తీవ్ర దుమారం రేపింది. అంతేకాకుండా ఆమె వదినపై కూడా తీవ్ర వ్యాఖ్యలు చేయడంతో అతడిపై సారాతోపాటు నెటిజన్లు విరుచుకుపడుతున్నారు. ఈ వ్యవహారంపై సారా తీవ్ర ఆగ్రహం వ్యక్తం చేశారు. అసహ్యంగా మాట్లాడుతున్నారని మండిపడుతూ వెంటనే డిలీట్‌ చేయాలని కోరారు. ఇంతకీ ఏం జరిగిందో తెలుసుకుందాం.

Karimnagar Soil Mafia: ఉమ్మడి కరీంనగర్ జిల్లాలోని ప్రధాన జలాశయాలు ప్రస్తుతం అక్రమ మట్టి దారులకు అడ్డగా మారాయి. నీటి నిల్వలు తగ్గి.. బ్యాక్ వాటర్ వెనక్కి వెళ్లడమే ఆలస్యం.. ముంపు గ్రామాల భూములపై మట్టి మాఫియా పంజా విసురుతోంది. లోయర్ మానేరు డ్యాం, అప్పర్ మానేరు, మధ్య మానేరు జలాశయాల పరివాహక ప్రాంతాల్లో రాత్రింబగళ్లు యదేచ్చగా సాగుతున్న ఈ అక్రమ తవ్వకాలు పర్యావరణానికి తీవ్ర నష్టం చేకూరుస్తున్నాయి. కోట్ల రూపాయల విలువైన ప్రభుత్వ సంపద కొల్లగొడుతున్నప్పటికీ.. నిమ్మకు నీరెత్తినట్లు వ్యవహరిస్తున్న అధికారుల తీరుపై స్థానికులు తీవ్ర ఆగ్రహం వ్యక్తం చేస్తున్నారు..

ఎండ తీవ్రతకు జలాశయాల్లోని నీటిమట్టాలు అడుగంటి పోవడంతో.. ముంపునకు గురైన రెవెన్యూ భూములు బయటపడుతున్నాయి. ఈ భూముల్లోని అత్యంత ఫలవంతమైన, నాణ్యమైన మట్టిపై మాఫియా కన్ను పడింది. ఎలాంటి అనుమతులు లేకున్నప్పటికీ వందలాది ఇసుక ట్రాక్టర్లతో పాటు జేసీబీలు, టిప్పర్లతో రంగంలోకి దిగుతున్నారు. రోజుకు వందల ట్రిప్పుల మట్టిని ఇటు ఇసుక బట్టీలకు, అటు రియల్ ఎస్టేట్ వెంచర్ల పూడిక పనులకు తరలిస్తూ రూపాయలు కోట్లలో వ్యాపారం చేస్తున్నారు.

ఈ అక్రమ రవాణాను అడ్డుకోవలసిన నీటిపారుదల, రెవెన్యూ, మైనింగ్, పోలీస్ శాఖల మధ్య కనీస సమన్వయం కరువైంది. ఏ శాఖను ప్రశ్నించినప్పటికీ.. మా పరిధిలోకి రాదు అంటూ కాలయాపన చేస్తుండడం అక్రమార్కులకు వరంగా మారింది. జలాశయ పరిధి ఇరిగేషన్ శాఖకు చెందితే.. భూమిపై హక్కులు రెవెన్యూ శాఖకు ఉంటాయి. ఖనిజ సంపద కాబట్టి మైనింగ్ శాఖ చర్యలు తీసుకోవాలి. కానీ ఏ ఒక్క శాఖ కూడా దీనిపై ప్రత్యేక నిఘా పెట్టడం లేదు. ఈ శాఖల మధ్య ఉన్న సమన్వయ లోపమే మాఫియాకు రక్షణ కవచంగా నిలుస్తోందని స్పష్టం అవుతుంది..

Jeevan Reddy Complaint To Collector: జగిత్యాల అర్బన్‌తో పాటు రూరల్ మండలాల పరిధిలో రోజురోజుకు మితిమీరుతున్న చెరువులు, కుంటల ఆక్రమణ పై స్పందించి, బాధ్యులపై కఠిన చర్యలు తీసుకోవాలని BRS రాష్ట్ర ప్రధాన కార్యదర్శి జీవన్ రెడ్డి డిమాండ్ చేశారు. ఈ మేరకు ఆయన గురువారం జిల్లా కలెక్టర్ తో పాటు ఆర్డిఓ, తహసిల్దార్లకు లిఖితపూర్వకంగా ఫిర్యాదు చేశారు. ప్రభుత్వ భూములతో పాటు సహజ నీటి వనరులను కాపాడటంలో అధికారులు నిర్లక్ష్యం వహించవద్దని ఆయన కోరారు..

ఈ సందర్భంగా జీవన్ రెడ్డి మాట్లాడుతూ.. జగిత్యాల పరిసర ప్రాంతాల్లోని మోతేతో పాటు చింతకుంట, ముప్పాల చెరువుల పరివాహక ప్రాంతాలు, బఫర్ జోన్లు తీవ్ర ఆక్రమణలకు గురవుతున్నాయని ఆరోపించారు. రియల్ ఎస్టేట్ వ్యాపారులతో పాటు కొంతమంది స్వార్థపరులు నిబంధనలకు విరుద్ధంగా చెరువు శిఖం భూముల్లోకి చొచ్చుకు వచ్చి అక్రమ కట్టడాలు నిర్మిస్తున్నారని మండిపడ్డారు. విలువైన ప్రభుత్వ భూములను యథేచ్ఛగా ఆక్రమిస్తున్నప్పటికీ సంబంధిత శాఖకు సంబంధించిన అధికారులు నిమ్మకు నీరెత్తినట్లు వ్యవహరించడం పై ఆయన తీవ్ర అభ్యంతరం వ్యక్తం చేశారు.. 

కొందరు అక్రమార్కులు రాత్రికి రాత్రే జెసిబిలతో చెరువుల్లోకి మట్టితో పాటు ముఠా వేసి పూడుస్తున్నారని.. సహజంగా వచ్చే నీటి ప్రవాహాలను అడ్డుకుంటూ కాలువలను మూసేస్తున్నారని.. దీనివల్ల వర్షాకాలంలో సమీప కాలనీలు మునిగిపోయే ప్రమాదం ఉందని జీవన్ రెడ్డి ఆందోళన వ్యక్తం చేశారు.. భవిష్యత్తులో భూగర్భ జలాలు అడుగంటిపోయి తీవ్రమైన నీటి సమస్యలతో పాటు సాగునీటి ఎద్దడి ఏర్పడే ప్రమాదం ఉందని ఆయన హెచ్చరించారు..

Jagtial Weather Updates: జగిత్యాల జిల్లాలో ఎండలు మునిపెన్నడూ లేనివిధంగా ప్రజలను పడలేత్తిస్తున్నాయి. రోహిణి కార్తె ప్రవేశించక ముందే సూర్యుడు తన ప్రతాపాన్ని చూపిస్తుండడంతో జిల్లా ప్రజలు తీవ్రంగా అల్లాడిపోతున్నారు. గురువారం జిల్లాలోని పలు ప్రాంతాల్లో రికార్డు స్థాయిలో గరిష్ట ఉష్ణోగ్రతలు నమోదయ్యాయి. ఉదయం 8 గంటల నుంచి ఎండ తీవ్రత మొదలై.. మధ్యాహ్నానికి నిప్పుల కొలిమిని తలపిస్తోంది. జిల్లాలోని కొన్ని చోట్లనైతే ఎప్పుడు రికార్డ్ కానీ గరిష్ట స్థాయిలో రికార్డింగ్ సంచలనం సృష్టిస్తున్నాయి.

అధికారుల గణాంకాల ప్రకారం.. జిల్లాలోని అత్యధికంగా ధర్మపురి మండలం నేరెళ్లలోని 46.4 డిగ్రీల సెల్సియస్ ఉష్ణోగ్రత నమోదయింది. అలాగే ఇబ్రహీంపట్నం మండలం గూడూరు లోని 46.3 డిగ్రీలో ఉష్ణోగ్రతతో పాటు.. ధర్మపురి మండలం జైనలో 46.2 డిగ్రీలు, ఎండపల్లి మండలం గుల్లకోటలో 46.1 డిగ్రీలు, ధర్మపురి పట్టణంలో 46.1 డిగ్రీల గరిష్ట ఉష్ణోగ్రతలు రికార్డ్ అయ్యాయి. జిల్లావ్యాప్తంగా సగటు ఉష్ణోగ్రతలు 45 డిగ్రీలకు పైగా నమోదు కావడంతో జనం ఇళ్లలో నుంచి బయటికి రావడానికి జంకుతున్నారు.

తీవ్రమైన వడగాల్పుల కారణంగా మధ్యాహ్నం 12 గంటల నుంచి సాయంత్రం నాలుగు గంటల వరకు జిల్లా కేంద్రంతో పాటు ప్రధాన రహదారులన్నీ జనసంచారం లేక వేలవేల బోతున్నాయి.. వ్యాపార సముదాయాలు సైతం మధ్యాహ్నం సమయంలో మూతపడుతుండడంతో కర్ఫ్యూ వాతావరణం కనిపిస్తోంది. ఉపాధి హామీ కూలీలు, నిర్మాణరంగ కార్మికులతో పాటు వీధి వ్యాపారులు ఈ తీవ్రమైన ఎండల వల్ల అనేక ఇబ్బందులు ఎదుర్కొంటున్నట్లు తెలుస్తోంది..