ఎస్సీ డిక్లరేషన్ హామీలు అమలు చేయాలని కలెక్టర్ కి వినతి

మంచిర్యాల జిల్లా బీజేపీ ఎస్సీ మోర్చా అధ్యక్షులు కోడి రమేష్ ఆధ్వర్యంలో కాంగ్రెస్ ప్రభుత్వం చేవెళ్ల సభలో ప్రకటించిన విధంగా ఎస్సీ డిక్లరేషన్ హామీలు అమలు చేయాలని డిమాండ్ చేస్తూ జిల్లా కలెక్టర్ కి గురువారం వినతిపత్రం అందజేశారు. ఈ సందర్బంగా కోడి రమేష్ మాట్లాడుతూ ఎస్సీ డిక్లరేషన్ పేరుతో అబద్ధపు హామీలు ఇచ్చి గద్దెనెక్కిన సీఎం రేవంత్ రెడ్డి ఎస్సీ డిక్లరేషన్ మరిచిపోయారన్నారు. ఇచ్చిన ప్రతి హామీ అమలు చేయాలని లేనియెడల ఎస్సీ మోర్చా ఆధ్వర్యంలో పెద్ద ఎత్తున ఆందోళన కార్యక్రమాలు చేపడతాం అన్నారు.