Jagtial Voter List Special Revision 2026: జగిత్యాల జిల్లాలోని ఓటర్ల జాబితా ప్రత్యేక సవరణ (SIR) ప్రక్రియను అత్యంత పారదర్శకంగా నిర్వహించేందుకు జిల్లా యంత్రాంగం సర్వం సిద్ధం చేసింది. భారత ఎన్నికల సంఘం ఆదేశాలకు మేరకు ఓటర్ల జాబితాను పకడ్బందీగా రూపొందించేందుకు అధికారులు కసరత్తును ప్రారంభించారు. అర్హులైన ప్రతి ఒక్కరికి ఓటు హక్కు కల్పించడంతోపాటు.. జాబితాలో ఉన్న తప్పులను సరిదిద్దుకోవడమే లక్ష్యంగా ఈ ప్రత్యేక సవరణ కార్యక్రమాన్ని చేపట్టబోతున్నారు. అంతేకాకుండా అర్హులైన వారికి ప్రత్యేకమైన ఓటర్ గుర్తింపు కార్డును కూడా అందించే ప్రక్రియను అందుబాటులోకి తీసుకువచ్చే అవకాశాలున్నట్లు కూడా తెలుస్తోంది..

డిజిటలైజ్ ప్రక్రియ..
ప్రస్తుతం జిల్లా వ్యాప్తంగా బూత్ స్థాయి అధికారులు 2002తో పాటు 2026 ఓటరు జాబితాల మ్యాపింగ్ పనుల్లో నిమగ్నమైనట్లు సమాచారం.. పాత ఓటరు జాబితాలను.. ప్రస్తుతం తాజా జాబితాలతో సరిపోల్చుతూ.. ఎక్కడైనా లోపాలు ఉన్నాయా? ఓటర్ల విభజన సరిగ్గా జరిగిందా? లేదా అనే అంశాలను క్షుణ్ణంగా పరిశీలిస్తున్నారు. పోలింగ్ కేంద్రాల వారీగా ఓటర్ల వివరాలను డిజిటలైజ్ చేసే ప్రక్రియను వేగవంతం చేస్తున్నట్లు సమాచారం..

జూన్ 15 నుంచి శిక్షణా కార్యక్రమాలు..
ఈ భారీ ప్రక్రియను ఎలాంటి పొరపాట్లు లేకుండా నిర్వహించేందుకు వీలుగా క్షేత్రస్థాయి సిబ్బందితో పాటు బీఎల్వోలకు అధికారులు ప్రత్యేకమైన శిక్షణను అందించబోతున్నట్లు తెలుస్తోంది. జూన్ 15వ తేదీ నుంచి జూన్ 24వ తేదీ వరకు వివిధ విడుదల్లో ఈ ప్రత్యేకమైన శిక్షణ కార్యక్రమాలు కొనసాగబోతున్నట్లు సమాచారం. అంతేకాకుండా ఓటర్ల నమోదు తో పాటు మార్పులు చేర్పులు, సాంకేతిక యాపుల వినియోగంపై సిబ్బందికి ఈ శిక్షణలో భాగంగా పూర్తిస్థాయి అవగాహన కల్పించబోతున్నట్లు తెలుస్తోంది..

సర్వే ప్రారంభ తేది..
జూన్ 25వ తేదీ నుంచి నెలరోజులపాటు ఇంటింటి సర్వే శిక్షణ పూర్తి కాగానే.. అసలైన ప్రక్రియ ప్రారంభం కాబోతున్నట్లు తెలుస్తోంది. జూన్ 25 నుంచి జూలై 24 వరకు నెల రోజులపాటు బీఎల్వోలు జిల్లా వ్యాప్తంగా ప్రతి ఇంటినీ సందర్శించి సర్వే నిర్వహించబోతున్నారు. ఈ ఇంటింటి సర్వేలో భాగంగా ఓటర్ల వివరాలను క్షేత్రస్థాయిలో నమోదు చేసుకోబోతున్నట్లు సమాచారం. 

Bank Holidays In June 2026: మే నెల ముగుస్తుండటంతో.. జూన్ నెలలో వివిధ ఆర్థిక లావాదేవీల కోసం బ్యాంకులకు వెళ్లాలని ప్లాన్ చేసుకుంటున్నారా? అయితే మీరు ఈ వార్తను తప్పక చదవాలి. వచ్చే నెలలో బ్యాంకులకు వెళ్లే కస్టమర్లకు ఇబ్బంది కలగకుండా ఉండేందుకు రిజర్వ్ బ్యాంక్ ఆఫ్ ఇండియా(RBI) సెలవుల జాబితాను విడుదల చేసింది.

సాధారణ వారాంతపు సెలవులతో (శని, ఆదివారాలు) పాటు వివిధ రాష్ట్రాల్లోని ప్రాంతీయ పండుగలు, స్థానిక ఆచారాల ఆధారంగా జూన్ నెలలో దేశవ్యాప్తంగా వివిధ ప్రాంతాల్లో మొత్తం 11 రోజుల పాటు బ్యాంకులు మూతపడనున్నాయి. అందువల్ల మీ నగరంలో ఏ రోజు బ్యాంకుకు సెలవు ఉందో ముందుగానే తెలుసుకొని మీ పనులను ప్లాన్ చేసుకోవడం మంచిది.

జూన్‌లో బ్యాంక్ సెలవుల పూర్తి జాబితా..
జూన్ నెలలో వచ్చే సాధారణ సెలవులు (4 ఆదివారాలు, 2 శనివారాలు) కాకుండా, నిర్దిష్ట తేదీల్లో రాష్ట్రాల వారీగా ఉన్న సెలవుల వివరాలు కింద ఇవ్వబడ్డాయి. జూన్ 13, జూన్ 27న రెండో, నాలుగో శనివారాల కారణంగా బ్యాంకులు మూతపడనున్నాయి.

అలాగే జూన్ 15న 'వైఎంఏ డే' సందర్భంగా ఐజాల్ (మిజోరం) సహా 'రాజా సంక్రాంతి' సందర్భంగా భువనేశ్వర్ (ఒడిశా)లో బ్యాంకులకు సెలవు ఉండనుంది. జూన్ 17న 'మహారాణా ప్రతాప్ జయంతి' సందర్భంగా హర్యానాలో బ్యాంకులు బంద్ కానున్నాయి. జూన్ 18న 'శ్రీ గురు అర్జున్ దేవ్ జీ అమరత్వ దినోత్సవం' కారణంగా పంజాబ్‌లో బ్యాంకులు సెలవు ప్రకటించారు.

మన తెలుగు రాష్ట్రాల విషయానికొస్తే.. జూన్ 25న మొహరం పండుగ సందర్భంగా ఆంధ్రప్రదేశ్, తెలంగాణ రాష్ట్రాల్లో (హైదరాబాద్, విజయవాడ వంటి ప్రధాన నగరాల్లో) మొహరం సందర్భంగా బ్యాంకులకు సెలవు ఉంటుంది.

జూన్ నెలలో అత్యధిక రాష్ట్రాలలో వచ్చే ప్రధాన సెలవు జూన్ 26 కావడం విశేషం. ఢిల్లీ, ఉత్తరప్రదేశ్, బీహార్, మహారాష్ట్ర, కర్ణాటక, తెలంగాణ, తమిళనాడు వంటి రాష్ట్రాల్లోని ప్రధాన నగరాలైన ముంబై, న్యూఢిల్లీ, బెంగళూరు, చెన్నై, హైదరాబాద్, కోల్‌కతా, లక్నోలలో బ్యాంకులు మూతపడతాయి. (గమనిక: గుజరాత్, ఒడిశా, ఆంధ్రప్రదేశ్, కేరళ వంటి కొన్ని రాష్ట్రాల్లో ఈ రోజు సెలవు వర్తించదు).

జూన్ 29న 'సంత్ గురు కబీర్ జయంతి' సందర్భంగా సిమ్లా (హిమాచల్ ప్రదేశ్), హర్యానా, పంజాబ్, ఛత్తీస్‌గఢ్‌లలో సెలవు పాటిస్తారు. జూన్ 30న 'రెంమ్నా ని' (శాంతి దినం) సందర్భంగా ఐజాల్ (మిజోరం)లో బ్యాంకులు మూసి ఉంటాయి.

గమనిక: అరుణాచల్ ప్రదేశ్, అస్సాం, మేఘాలయ వంటి ఈశాన్య రాష్ట్రాలలో జూన్ నెలలో ఎలాంటి అదనపు ప్రాంతీయ సెలవులు లేవు. అక్కడ కేవలం సాధారణ శని, ఆదివారాల సెలవులు మాత్రమే వర్తిస్తాయి.

సెలవు దినాల్లో బ్యాంక్ బ్రాంచ్‌లు మూసి ఉన్నా.. వినియోగదారుల అవసరాల కోసం ఆన్‌లైన్ సేవలు నిరంతరాయంగా అందుబాటులో ఉంటాయి. యూపీఐ (UPI) లావాదేవీలు, ఏటీఎంలు (ATMs), మొబైల్ బ్యాంకింగ్, నెట్ బ్యాంకింగ్ సేవలు యథావిధిగా పనిచేస్తాయి. నేరుగా బ్యాంక్ శాఖలకు వెళ్లి చేసుకునే నగదు డిపాజిట్లు, విత్‌డ్రాయల్స్, చెక్ క్లియరెన్స్‌లు, పాస్‌బుక్ ప్రింటింగ్, కొత్త అకౌంట్ ఓపెనింగ్ వంటి సేవలు మాత్రం సెలవు రోజుల్లో లభించవు. కాబట్టి, బ్యాంకులకు వెళ్లి పూర్తి చేసుకోవాల్సిన పనులను ఈ సెలవుల జాబితా ఆధారంగా ముందే ప్లాన్ చేసుకోండి!

TTD Free Bus Service: తిరుమల వెంకటేశ్వర స్వామి భక్తులకు మరింత మెరుగైన, పర్యావరణహితమైన సేవలు అందుబాటులోకి వచ్చాయి. వెంకటేశ్వర స్వామిని దర్శించుకునేందుకు వచ్చే భక్తుల సౌకర్యార్థం తిరుమలలో నడుస్తున్న ఉచిత బస్సుల విభాగంలోకి మరో సరికొత్త ఎలక్ట్రిక్ బస్సు వచ్చి చేరింది. లీలా రజియా అనే మహిళా భక్తురాలు తిరుమల తిరుపతి దేవస్థానానికి ఆధునిక ఎలక్ట్రిక్ బస్సును విరాళంగా అందజేశారు. తిరుమల కొండపై కాలుష్యాన్ని తగ్గించి.. ఎకో ఫ్రెండ్లీ వాతావరణాన్ని పెంపొందించడమే లక్ష్యంగా టీటీడీ వేస్తున్న అడుగులకు స్పందన లభిస్తోంది.

తిరుమల క్షేత్రంలో పర్యావరణ పరిరక్షణకు తిరుమల తిరుపతి దేవస్థానం (టీటీడీ) పెద్దపీట వేస్తోంది. ఇందులో భాగంగానే డీజిల్ వాహనాల వాడకాన్ని తగ్గిస్తూ ఎలక్ట్రిక్ వాహనాల వినియోగాన్ని భారీగా పెంచుతోంది. తాజాగా లీలా రజియా అనే మహిళా భక్తురాలు స్వామివారిపై భక్తితో ఒక అధునాతన ఎలక్ట్రిక్ బస్సును విరాళంగా ఇచ్చారు. తిరుమలలోని అన్నదాన భవనం వద్ద టీటీడీ అదనపు ఈఓ వెంకయ్య చౌదరి పూజా కార్యక్రమాలు నిర్వహించి ఈ బస్సును ప్రారంభించారు. కార్యక్రమంలో టీటీడీ చైర్మన్ బీఆర్ నాయుడు పాల్గొన్నారు. కాగా అంతకుముందు బస్సు అందించిన దాత రజియా తిరుమల శ్రీవారిని దర్శించుకున్నారు. ఆమెకు దర్శన ఏర్పాట్లు టీటీడీ అధికారులు దగ్గరుండి చూసుకున్నారు. అనంతరం తీర్థ ప్రసాదాలు అందించి వేదాశీర్వచనం చేశారు.

బస్సుకు సంబంధించిన పత్రాలు, తాళం చెవిని అందుకున్న అనంతరం అదనపు ఈఓ వెంకయ్య చౌదరి మాట్లాడుతూ.. తిరుమలలో భక్తుల కోసం నడుపుతున్న ఉచిత బస్సుల (ధర్మ రథాలు) సంఖ్య ఈ కొత్త బస్సుతో కలిపి మొత్తం 20 బస్సులు అయ్యాయని వెల్లడించారు. తిరుమలలో ప్రస్తుతం తిరుగుతున్న 20 ఉచిత బస్సుల్లో 14 బస్సులు పూర్తిగా ఎలక్ట్రిక్ వాహనాలే ఉన్నాయని తెలిపారు. శ్రీవారి భక్తులకు రవాణా ఇబ్బందులు లేకుండా తిరుమల వీధుల్లో రోజుకు ఏకంగా 320 ట్రిప్పులు తిరుగుతూ ఈ బస్సులు నిరంతర సేవలు అందిస్తున్నాయి. భక్తుల రద్దీని దృష్టిలో ఉంచుకుని ఎక్కువ మంది ప్రయాణించేలా ఈ కొత్త బస్సును డిజైన్ చేయగా.. ఈ బస్సులో 40 మంది భక్తులు నిలబడి ప్రయాణించేలా ప్రత్యేక సౌకర్యాలు కల్పించారు.

కాలుష్య రహిత తిరుమలే లక్ష్యంగా భవిష్యత్తులో డీజిల్ బస్సులను పూర్తిగా పక్కన పెట్టి.. కేవలం ఎలక్ట్రిక్ వాహనాలనే నడపాలని టీటీడీ యోచిస్తోంది. భక్తులకు ఉచితంగా.. సౌకర్యవంతంగా సేవలందిస్తున్న ఈ గ్రీన్ బస్సుల సంఖ్య పెరగడంపై హర్షం వ్యక్తమవుతోంది. కాగా తిరుమలలో భక్తుల అసాధారణ రద్దీ కొనసాగుతోంది. శ్రీవారి ఉచిత దర్శనానికి 24 గంటలకు సమయం పడుతోంది. దీంతో కిలోమీటర్ల మేర క్యూలైన్లు నిలిచిపోయాయి. నారాయణగిరి షెడ్లు భక్తులతో నిండిపోయాయి. క్యూలైన్‌లలో ఉన్న భక్తులకు ఎలాంటి ఇబ్బందులు లేకుండా టీటీడీ సహాయ చర్యలు చేస్తోంది. నిరంతరాయంగా అన్నప్రసాదం, మజ్జిగ పంపిణీ కొనసాగుతోంది.

Upendra Dwivedi On Operation Sindoor: భారత సరిహద్దుల్లో మరోసారి ఉద్రిక్తతలు కొనసాగుతున్న నేపథ్యంలో, ఆర్మీ చీఫ్ జనరల్ ఉపేంద్ర ద్వివేది శనివారం అనగా మే 30 నాడు సంచలన వ్యాఖ్యలు చేశారు. శత్రు దేశాల కుట్రలను అడ్డుకోవడానికి, జాతీయ రక్షణ లక్ష్యంతో 'ఆపరేషన్ సింధూర్ 2.0'కు భారత్ సన్నద్ధమవుతోందని ఆయన స్పష్టం చేశారు. కశ్మీర్‌లోని పహల్గామ్ ఉగ్రదాడి తర్వాత పాకిస్థాన్ చర్యలకు ప్రతిస్పందనగా భారత్ తీసుకున్న కఠినమైన సైనిక వైఖరి ఇప్పటికీ కొనసాగుతోందని ఆయన అన్నారు.

ఏఎన్ఐ మీడియా సంస్థతో మాట్లాడిన జనరల్ ఉపేంద్ర ద్వివేది, ఆపరేషన్ సింధూర్ ఇప్పటికీ కొనసాగుతోందని స్పష్టం చేశారు. ప్రస్తుత సరిహద్దు పరిస్థితిని ఆయన తాత్కాలిక ఘర్షణల విరమణగా అభివర్ణించారు. పాకిస్థాన్ పేరును నేరుగా ప్రస్తావించకుండానే శత్రువుకు గట్టి హెచ్చరికలు జారీ చేశారు.

భవిష్యత్తులో కొత్త ఆపరేషన్ చేపట్టాల్సి వస్తే, కేవలం సైన్యం మాత్రమే కాకుండా వాయుసేన, నావికా దళం కూడా సంయుక్త దాడికి సిద్ధంగా ఉన్నాయని ఆయన వివరించారు. తదుపరి యుద్ధం కోసం ఈ మూడు దళాలు రోజుకు 24 గంటలూ సిద్ధంగా ఉన్నాయని, వాటి మధ్య సమన్వయం పెంచబడుతోందని ఆయన అన్నారు.

ఆధునిక యుద్ధ వ్యూహాల గురించి మాట్లాడుతూ, సైన్యాధిపతి ఉపేంద్ర ద్వివేది కీలక వ్యాఖ్యలు చేశారు. "ఈ రోజుల్లో యుద్ధరంగం చాలా పారదర్శకంగా మారింది. మన ప్రతి కదలిక ఇతరులకు తెలిసిపోతోంది. కాబట్టి మన సైనికులను, సరిహద్దు ప్రాంతాల్లోని పౌరులను రక్షించడానికి వ్యూహాత్మక రక్షణ, సైనిక మోహరింపు విషయంలో మనం చాలా జాగ్రత్తగా ఉండాలి" అని ఆయన అన్నారు.

RCB Vs GT IPL Final Preview: ఇండియన్ ప్రీమియర్ లీగ్‌ 2026 గ్రాండ్ ఫినాలేకు సర్వం సిద్ధమైంది. మే 31 (ఆదివారం) రాత్రి 7:30 గంటలకు అహ్మదాబాద్‌లోని నరేంద్ర మోదీ స్టేడియంలో డిఫెండింగ్ ఛాంపియన్ రాయల్ ఛాలెంజర్స్ బెంగళూరు (RCB), గుజరాత్ టైటాన్స్ (GT)ల మధ్య టైటిల్ పోరు జరగనుంది. క్వాలిఫైయర్-1లో జీటీపై ఆర్సీబీ గెలవగా, క్వాలిఫైయర్-2లో రాజస్థాన్‌ను ఓడించి గుజరాత్ ఫైనల్‌కు దూసుకొచ్చింది. ఫైనల్ మ్యాచ్‌కు ముందు ఇరు జట్ల బలాబలాల గురించి ఇప్పుడు అంచనా వేద్దాం.

అయితే ఈ రెండు జట్లు సమవుజ్జీలుగా కనిపిస్తున్నప్పటికీ.. ప్రస్తుత ఫామ్ ప్రకారం రాయల్ ఛాలెంజర్స్ బెంగళూరు ఈ మ్యాచ్‌లో స్వల్ప ఆధిక్యంతో బరిలోకి దిగుతోంది. గత సీజన్ (2025) ఛాంపియన్ అయిన ఆర్సీబీ, ఈసారి కూడా అద్భుతమైన బ్యాటింగ్ లైన్అప్‌తో ఫేవరెట్‌గా కనిపిస్తోంది. ముఖ్యంగా రజత్ పాటిదార్, విరాట్ కోహ్లీ సూపర్ ఫామ్‌లో ఉన్నారు. ఆల్‌రౌండర్ కృనాల్ పాండ్యా కూడా తనదైన ప్రదర్శనతో ఆకట్టుకుంటున్నాడు. బౌలింగ్ దళం భువనేశ్వర్ కుమార్, ఢఫీ, హేజిల్ వుడ్, రసిఖ్ సలామ్, సుయాష్ శర్మ వంటి వారితో బలంగా కనిపిస్తోంది.

మరోవైపు రాజస్థాన్ రాయల్స్ జరిగిన క్వాలిఫైయర్-2 మ్యాచ్‌లో సెంచరీతో చెలరేగిన శుభ్‌మన్ గిల్‌తో పాటు సాయి సుదర్శన్ మంచి ఫామ్‌లో కనిపిస్తున్నాడు. అలాగే బ్యాటింగ్‌తో పాటు బౌలింగ్‌లో మహ్మద్ సిరాజ్, కగిసో రబడా, రషీద్ ఖాన్, జేసన్ హోల్డర్, ప్రసిద్ధ్ కృష్ణ వంటి వారితో ఎంతో బలంగా కనిపిస్తోంది. అయితే, అహ్మదాబాద్ పిచ్‌పై ఆర్సీబీ బ్యాటింగ్ లోతు, అనుభవజ్ఞులైన బౌలింగ్ అటాక్ వల్ల ఆర్సీబీ వరుసగా రెండోసారి టైటిల్ గెలిచే అవకాశాలు (53%) ఎక్కువగా కనిపిస్తున్నాయి.

ఐపీఎల్ చరిత్రలో రాయల్ ఛాలెంజర్స్ బెంగళూరు, గుజరాత్ టైటాన్స్ జట్ల మధ్య పోటీ ఎప్పుడూ రసవత్తరంగానే ఉంటుంది. ఐపీఎల్ చరిత్రలో మొత్తంగా 9 సార్లు ఇరుజట్లు తలపడ్డాయి. ఇందులో ఆర్సీబీ 5 సార్లు గెలుపొందగా.. గుజరాత్ 4 సార్లు గెలుపొందింది. ఇటీవల జరిగిన క్వాలిఫైయర్-1 మ్యాచ్‌లో బెంగళూరు జట్టు 92 పరుగుల భారీ తేడాతో గుజరాత్‌ను ఓడించి హెడ్-టు-హెడ్ రికార్డులో ముందంజ వేసింది.  

రాయల్ ఛాలెంజర్స్ బెంగళూరు తుదిజట్టు అంచనా..
వెంకటేష్ అయ్యర్, విరాట్ కోహ్లీ, దేవదత్ పడిక్కల్, రజత్ పాటిదార్ (కెప్టెన్), జితేశ్ శర్మ (వికెట్ కీపర్), టిమ్ డేవిడ్, రొమారియో షెపర్డ్, కృనాల్ పాండ్యా, భువనేశ్వర్ కుమార్, జోష్ హేజిల్‌వుడ్, రసిఖ్ సలామ్. (ఇంపాక్ట్ ప్లేయర్: సుయాష్ శర్మ)

గుజరాత్ టైటాన్స్ తుదిజట్టు అంచనా..
శుభ్‌మన్ గిల్ (కెప్టెన్), సాయి సుదర్శన్, జోస్ బట్లర్ (వికెట్ కీపర్), వాషింగ్టన్ సుందర్, నిశాంత్ సింధు, రాహుల్ తెవాటియా, జేసన్ హోల్డర్, రషీద్ ఖాన్, అర్షద్ ఖాన్/సాయి కిషోర్, కగిసో రబడా, మహ్మద్ సిరాజ్.(ఇంపాక్ట్ ప్లేయర్: ప్రసిద్ధ్ కృష్ణ)  

IPL 2026 RCB Vs GT: ఐపీఎల్ 2026 గ్రాండ్ ఫినాలేకు సమయం ఆసన్నమైంది! అహ్మదాబాద్‌లోని ప్రపంచంలోనే అతిపెద్ద క్రికెట్ స్టేడియమైన నరేంద్ర మోదీ స్టేడియం వేదికగా రాయల్ ఛాలెంజర్స్ బెంగళూరు (RCB), గుజరాత్ టైటాన్స్ (GT)ల మధ్య ఈ చారిత్రాత్మక టైటిల్ పోరు జరగనుంది.

మొత్తం 73 మ్యాచ్‌ల ఉత్కంఠభరిత పోరు ముగిసిన తర్వాత ఈ రెండు జట్లు ఫైనల్‌కు చేరాయి. ఈ మెగా మ్యాచ్‌ను ప్రత్యక్షంగా వీక్షించాలనుకునే అభిమానుల కోసం టిక్కెట్ల ధరలు, ఆన్‌లైన్ బుకింగ్ ప్రక్రియ, స్టేడియం నియమ నిబంధనల పూర్తి వివరాలు ఇప్పుడు తెలుసుకుందాం.

ఫైనల్ టిక్కెట్ల ధరలు ఎలా ఉన్నాయంటే?
ఈ హై-వోల్టేజ్ మ్యాచ్ టిక్కెట్ల ధరలు మీరు ఎంచుకునే స్టాండ్ మరియు లభించే సౌకర్యాల ఆధారంగా ఉంటాయి. కనీస ధర రూ.5,000 (బ్యాక్ స్టాండ్ టికెట్లు) ఉండగా.. గరిష్ట ధర రూ.2,20,000 (హాస్పిటాలిటీ యాక్సెస్, విలాసవంతమైన సీటింగ్, విందు సౌకర్యాలతో కూడిన ప్రీమియం టిక్కెట్లు) అమ్మకాలు జరుగుతున్నాయి. 

ఈ మ్యాచ్ అధికారిక టిక్కెట్లను 'డిస్ట్రిక్ట్ బై జొమాటో' యాప్ లేదా వారి వెబ్‌సైట్ ద్వారా సులభంగా బుక్ చేసుకోవచ్చు. ఈ మ్యాచ్ టికెట్‌ను బుక్ చేసుకునేందుకు వీలుగా ముందు మీ మొబైల్‌లో 'డిస్ట్రిక్ట్ బై జొమాటో' యాప్ లేదా వెబ్‌సైట్‌ను ఓపెన్ చేయండి. సెర్చ్ బార్‌లో 'IPL 2026 Final' అని టైప్ చేసి వెతకండి. ఐపీఎల్ ఫైనల్ మ్యాచ్‌ను ఎంచుకుని, మీకు నచ్చిన స్టాండ్, సీట్లను సెలెక్ట్ చేసుకోండి. ఆ తర్వాత మీ వ్యక్తిగత వివరాలను నమోదు చేసి, ఆన్‌లైన్ ద్వారా చెల్లింపు (Payment) పూర్తి చేయండి. బుకింగ్ పూర్తయ్యాక, కన్ఫర్మేషన్ టిక్కెట్‌ను డౌన్‌లోడ్ చేసుకోండి.

అయితే క్రికెట్ ప్రేమికులకు ఓ గమనిక. ఒకే అకౌంట్/ఖాతా నుండి గరిష్టంగా 4 టిక్కెట్లను మాత్రమే బుక్ చేసుకునే అవకాశం ఉంది. ఆన్‌లైన్ కన్ఫర్మేషన్ లభించిన తర్వాత, మ్యాచ్‌కు ఒక రోజు ముందు అహ్మదాబాద్‌లోని నిర్దేశిత టిక్కెట్ కౌంటర్‌కు వెళ్లి మీ ఫిజికల్ (అసలు) టిక్కెట్లను సేకరించాల్సి ఉంటుంది.

ఐపీఎల్ ఫైనల్ మ్యాచ్ రాత్రి 7:30 గంటలకు మ్యాచ్ ప్రారంభమవుతుంది. ప్రేక్షకులను సాయంత్రం 4:30 గంటల నుంచే మైదానంలోకి అనుమతిస్తారు. స్టేడియంలోకి ప్రవేశించడానికి ఎటువంటి వయోపరిమితి లేదు. అయితే, 2 సంవత్సరాల కంటే ఎక్కువ వయస్సు ఉన్న పిల్లలందరికీ విడిగా టిక్కెట్ తీసుకోవడం తప్పనిసరి. లక్షకు పైగా ప్రేక్షకుల సమక్షంలో జరిగే ఈ రసవత్తర పోరును మైదానంలో చూసేందుకు ఇప్పుడే మీ టిక్కెట్లను సిద్ధం చేసుకోండి!

Telangana Govt Telugu Latest News: సమాజంలో తీవ్ర వివక్షకు, ఆర్థిక ఇబ్బందులకు గురవుతున్న ట్రాన్స్ జెండర్ల సంక్షేమం కోసం తెలంగాణ ప్రభుత్వం ఒక చారిత్రాత్మక, మానవయ్య నిర్ణయం తీసుకుంది. హైదరాబాద్లోని ప్రముఖ ప్రభుత్వ ఆసుపత్రి అయిన ఉస్మానియా జనరల్ హాస్పిటల్లో ట్రాన్స్ జెండర్లకు లింగమార్పిడి చికిత్స పూర్తిగా ఉచితంగా అందించాలని తెలంగాణ రాష్ట్ర ప్రభుత్వం నిశ్చయించింది. ఈ మేరకు వైద్య ఆరోగ్యశాఖ కీలకమైన కసరత్తును ప్రారంభించినట్లు తెలుస్తోంది. అయితే, ఈ అంశానికి సంబంధించిన పూర్తి వివరాలను మనం ఇప్పుడు తెలుసుకుందాం..

ఉచితంగా శస్త్రచికిత్స..
సాధారణంగా లింగ మార్పిడి ప్రక్రియ అనేది సుదీర్ఘమైనది, అత్యంత ఖరీదైనది.. దీనికోసం నిర్వహించే హార్మోనల్ తెరపి తో పాటు SRS సర్జరీలకు ఖర్చులను సాధారణ ప్రజలు భరించడం దాదాపు అసాధ్యం.. ఈ విషయాన్ని గమనించిన తెలంగాణ ప్రభుత్వం ఈ చికిత్స కోసం ఉస్మానియా ఆసుపత్రికి ప్రత్యేక లెటర్ ఆఫ్ క్రెడిట్ మంజూరు చేయాలని నిర్ణయించింది. దీని ద్వారా అర్హులైన ట్రాన్స్ జెండర్లకు ఎలాంటి ఖర్చు లేకుండా ఉచితంగా శస్త్రచికిత్సలతో పాటు మందులు అందుతాయి..

కార్పొరేట్ స్థాయి వైద్యం..
ప్రస్తుతం ప్రైవేటు, కార్పొరేట్ ఆసుపత్రుల్లో ఈ తరహా లింగమార్పిడి సర్జరీలకు సుమారు రూ.5 లక్షల నుంచి రూ.10 లక్షల వరకు ఖర్చవుతుంది. ఇంత పెద్ద మొత్తంలో డబ్బులు చెల్లించలేక.. సరైన వైద్య సదుపాయాలు లేని చోట తక్కువ ఖర్చులతో సర్జరీలు చేయించుకొని ఎంతోమంది ట్రాన్స్ జెండర్లు తమ ప్రాణాల మీదికి తెచ్చుకుంటున్నారు. ఈ ఆర్థిక భారాన్ని పూర్తిగా తగ్గించి.. వారికి అధునాతన కార్పొరేట్ స్థాయి వైద్యాన్ని ప్రభుత్వ ఆసుపత్రిలోనే అందుబాటులోకి తీసుకురావడం ద్వారా నిరుపేద ట్రాన్స్ జెండర్లకు ప్రభుత్వం పెద్ద అండగా నిలిచింది..

Ts Police Recruitment Latest News: తెలంగాణలో కొలువుల వేటలో ఉన్న నిరుద్యోగులకు రాష్ట్ర ప్రభుత్వం త్వరలో మరో భారీ శుభవార్త అందించేందుకు సిద్ధమైనట్లు తెలుస్తోంది. పోలీస్ శాఖను మరింత బలోపేతం చేయడంతో పాటు శాంతిభద్రతల పరిరక్షణను మరింత సమర్థవంతంగా నిర్వహించేందుకు వీలుగా భారీ భారీ సంఖ్యలో ఖాళీలను భర్తీ చేయాలని సర్కార్ నిర్ణయించినట్లు తెలుస్తోంది. ప్రస్తుతం పోలీస్ శాఖలో వివిధ విభాగాల్లో దాదాపు 19వేల కంటే ఎక్కువ పోస్టులు ఖాళీ ఉన్నట్లు ఉన్నతాధికారులు గుర్తించారు. ఇందులో భాగంగా తొలి విడత సుమారు 5000 పోస్టుల భర్తీకి అడుగులు పడుతున్నాయి..

ఐదు వేల కానిస్టేబుల్‌ ఉద్యోగాలు..
మొదటి విడత కింద భర్తీ చేయబోతున్న ఐదు వేల కానిస్టేబుల్‌తో పాటు సబ్ ఇన్స్పెక్టర్ పోస్టులకు సంబంధించిన సమగ్ర నివేదికను పోలీస్ నియామక బోర్డు సిద్ధం చేసినట్లు తెలుస్తోంది. ఈ పోస్టుల భర్తీకి అనుమతి కోరుతూ పోలీసు ఉన్నతాధికారులు ఇప్పటికే ఆర్థిక శాఖ అధికారికంగా ప్రతిపాదనలు పంపించినట్లు సమాచారం.. ఆర్థిక శాఖ నుంచి గ్రీన్ సిగ్నల్ లభించిన వెంటనే.. తెలంగాణ రాష్ట్ర స్థాయి పోలీస్ నియామక బోర్డు ద్వారా ఉద్యోగ ప్రకటన విడుదల అయ్యే అవకాశం ఉంది..

సైబర్ సెక్యూరిటీ బ్యూరో..
ప్రస్తుతం సమాజంలో పెరుగుతున్న సైబర్ నేరాలను అరికట్టడానికి.. అత్యాధునిక సాంకేతికతతో కూడిన భద్రతను ప్రతిష్ట చేయడానికి రాష్ట్ర ప్రభుత్వం ప్రత్యేక కార్యాచరణను రూపొందించినట్లు తెలుస్తోంది. ఈ రిక్రూట్మెంట్‌లో భాగంగా సైబర్ సెక్యూరిటీ బ్యూరోను, అలాగే ఈగల్ ఫోర్స్ ను బలోపేతం చేయడమే ప్రధాన లక్ష్యంగా పెట్టుకున్నారు. కొత్తగా ఎంపికయ్యే అభ్యర్థులకు సైబర్ క్రైమ్ ఇన్వెస్టిగేషన్‌తో పాటు టెక్నికల్ ఇంటెలిజెన్స్ వంటి విభాగాల్లో ప్రత్యేక శిక్షణ ఇవ్వబోతున్నట్లు సమాచారం..

Rare Saraswati Yoga 2026 Effect: జ్యోతిష్య శాస్త్రంలో గ్రహ సంచారాలతో పాటు వాటి సంయోగాలకు చాలా ప్రత్యేకమైన ప్రాముఖ్యత ఉంటుంది. మే నెల చివరి వారంలో చాలా అరుదైన శుభప్రదమైన కొన్ని గ్రహాల సంచారం జరుగుతుంది. అంతేకాకుండా కొన్ని గ్రహాలు కదలికలు కూడా చేస్తాయి. ఇదిలా ఉంటే ఇప్పటికే మే 29వ తేదీన బుద్ధితో పాటు వాక్కుకు అధిపతిగా భావించే భూతగ్రహం మిథున రాశిలోకి ప్రవేశించింది. అలాగే  శుక్రుడితో పాటు గురుడు ఇప్పటికే  మిథున రాశిలో సంచార దశలో కొనసాగుతున్నాయి. ఫలితంగా మే 29న మిథున రాశిలో బుధుడు కూడా సంచారం చేయడంతో మూడు గ్రహాలు కలయిక జరిగింది. ఈ సంచార కలయికనే సరస్వతి యోగాన్ని ఏర్పాటు చేసిందని జ్యోతిష్యులు చెబుతున్నారు. దీని కారణంగా కొన్ని రాశుల వారికి ఆర్థికంగా ఎంతో మేలు జరుగుతుంది.. అంతేకాకుండా కోరుకున్న కోరికలు కూడా వేరవేరబోతున్నాయి.

సరస్వతి యోగం అంటే ఏమిటి? 
జ్యోతిష్య శాస్త్రం ప్రకారం జ్ఞానానికి అధిపతి అయిన గురుడితో పాటు బుద్ధికి అధిపతి అయిన బుధుడు.. సృజనాత్మకత కళకు సూచికగా చెప్పుకునే.. శుక్రుడు ఒకే రాశిలో కలిసినప్పుడు ఎంతో శక్తివంతమైన ఈ సరస్వతి యోగం ఏర్పడుతుంది.. ఈ యోగం జ్ఞానంతో పాటు విద్యా, కళా, సంగీతం, రచన సమాచార రంగాల్లో ఉన్న వారికి ఒక వరంలా మారుతుంది. దీని కారణంగా కొన్ని రాశుల వారికి చాలా శుభ్రంగా ఉంటుంది. ముఖ్యంగా మానసికంగా మెరుగుపడడమే కాకుండా ఎప్పుడు పొందలేదు జ్ఞానాన్ని కూడా సొంతం చేసుకుంటారు. 

వృషభ రాశి 
ఈ గ్రహల సంయోగంతో వృషభ రాశి వారికి రెండవ స్థానంలో సరస్వతి యోగం ఏర్పడడం కారణంగా వృషభ రాశి వారికి ఆర్థిక విషయాలపరంగా చాలా శుభప్రదంగా ఉంటుంది.. అంతే కాకుండా డబ్బు సంపాదించడంతో పాటు పొదుపు చేయడంలో అద్భుతమైన విజయాలు సాధిస్తారు.. వీరు ఆకస్మికంగా గణనీయమైన ఆర్థిక లాభాలు పొందుతారు పూర్వీకుల ఆస్తుల నుంచి వారసత్వంగా భూములు కూడా పొందే అవకాశాలు కనిపిస్తున్నాయి. మాటల్లో బలమైన ఆకర్షణ కూడా పెరుగుతుంది. వ్యాపార ఒప్పందాలతో పాటు అసంపూర్తిగా ఉన్న పనుల్లో త్వరగా విజయాలు సాధించగలుగుతారు.

మిథున రాశి 
మిధున రాశి వారికి ఈ గ్రహాల సంయోగంతో విశేషమైన లాభాలు కలిగే అవకాశాలు కనిపిస్తున్నాయి. ముఖ్యంగా వీరికి సమాజంలో ఊహించని స్థాయిలో గౌరవం లభించడమే కాకుండా వ్యక్తిత్వ వికాసం విపరీతంగా పెరుగుతుంది. పనుల్లో అద్భుతమైన ధన లాభాలు పొందే అవకాశాలు ఉన్నాయి. ముఖ్యంగా విద్యాతో పాటు మీడియా రంగాల్లో ఉన్న వ్యక్తులకు విశేషమైన ప్రయోజనాలు కలుగుతాయి. అలాగే రచన రంగాల్లో పనులు చేసే వారికి కూడా గణనీయమైన లాభాలు కలుగుతాయని జ్యోతిష్యులు తెలుపుతున్నారు.

సింహరాశి 
సింహరాశి వారికి 11వ స్థానంలో సరస్వతి యోగం ఏర్పడడం కారణంగా కోరుకున్న కోరికలు ఎంతో సులభంగా నెరవేరుతాయి. అలాగే వీరు కొత్త శాశ్వతమైన ఆదాయ మార్గాలు కూడా పొందగలుగుతారు. చాలాకాలంగా నిలిచిపోయిన డబ్బులు కూడా తిరిగి పొందే అవకాశాలు కనిపిస్తున్నాయి. పెట్టుబడులు పెట్టాలనుకుంటున్న వ్యక్తులకు విశేషమైన ధన లాభాలు కలిగే అవకాశాలు కనిపిస్తున్నాయి. ముఖ్యంగా సీనియర్ల నుంచి డబ్బులు పొందడమే కాకుండా స్నేహపూర్వకమైన సంబంధాలు పొందగలుగుతారు. అలాగే కొత్త ప్రాజెక్టులు ఒప్పందాలు కూడా జరుగుతాయి.

కన్య రాశి 
కన్యా రాశి వారికి పదవ స్థానంలో సరస్వతి యోగం ఏర్పడడం కారణంగా వ్యాపారంతో పాటు ఇతర రంగాల్లో ఎంతో మేలు జరుగుతుంది.. ముఖ్యంగా వీరికి కోరుకున్న కోరికలు చాలా కాలం తర్వాత నెరవేరబోతున్నాయి.. పనుల్లో ప్రశంసలు కూడా లభిస్తాయి.. దీంతో పాటు అధికారుల నుంచి అద్భుతమైన సపోర్టు లభించి విశేషమైన ధన లాభాలు పొందుతారు ఏవైనా కొత్త పనులు ప్రారంభించాలనుకుంటున్న వ్యక్తులకు ఈ సమయం ఎంతో అద్భుతంగా ఉంటుంది. వ్యాపార ఒప్పందాలు ఖరారు కావడమే కాకుండా వ్యాపార విస్తరణ కూడా జరుగుతుంది.

Vaibhav Suryavanshi: మే 29వ తేదీ శుక్రవారం ఐపీఎల్ 2026 క్వాలిఫైయర్ 2 మ్యాచులో గుజరాత్ టైటాన్స్ చేతిలో రాజస్థాన్ రాయల్స్ 7 వికెట్ల తేడాతో ఓడిపోయింది. ఈ సీజన్ లో ఆ జట్టు ఐపీఎల్ జర్నీ అత్యంత బాధాకరంగా ముగిసిందనే చెప్పాలి. మ్యాచ్ ముగిసిన వెంటనే ఆ ఓటమి తాలుకా బాధ 15ఏండ్ల వైభవ్ సూర్యవంశీ ముఖంలో కనిపించింది. గుజరాత్ విజయం ఖరరాైన కొన్ని నిమిషాలకే.. వైభవ్ రాజస్థాన్ డకౌట్ లో ఒంటరిగా కూర్చుని వెక్కి వెక్కి ఏడ్చాడు. తనలో తాను బాధను దిగమింగుకున్నాడు. మొదట తన ఆరెంజ్ క్యాప్ తో కన్నీళ్లు దాచుకునే ప్రయత్నం చేశాడు. ఆ తర్వాత ఓటమిని తట్టుకోలేక ముఖానికి టవల్ అడ్డుపెట్టుకుని బోరున విలపించాడు. ఈ ఒత్తిడితో కూడిన నాకౌట్ మ్యాచులోనూ ఈ చిన్నోడు అద్బుత ఇన్నింగ్స్ ఆడినా.. రాజస్థాన్ రాయల్స్ జట్టుకు చివరకు తీవ్ర నిరాశే మిగిలింది. 

ఎస్ఆర్ హెచ్ తో జరిగిన ఎలిమినేటర్ మ్యాచులో 97 పరుగులతో చెలరేగిపోయిన వైభవ్.. గుజరాత్ తో జరిగిన ఈ మ్యాచులోనూ అదే జోరును కొనసాగించాడు. భయం లేని బ్యాటింగ్ చేస్తూ అందర్నీ ఆకట్టుకున్నాడు. యశస్వి జైస్వాల్, ధ్రువ్ జురెల్ వికెట్లను ప్రారంభంలోనే కోల్పోయి.. తీవ్ర ఇబ్బందుల్లో పడ్డా... ఈ బుడతడి సంచలనం ఎదురుదాడికి దిగి ఇన్నింగ్స్ ను నిలబెట్టాడు. ఒకానొక దశలో రాజస్థాన్ తక్కువ పరుగులకే కుప్పకూలినట్లు కనిపించినా.. వైభవ్ మిడిల్ ఓవర్ లో గేర్ మార్చాడు. ఓవైపు వికెట్లు పడుతును్నా.. ఏమాత్రం భయపడకుండా సంయమానం పాటించాడు. గుజరాత్ బౌలింగ్ అటాన్ కు తీవ్ర ఒత్తిడిలోకి నెట్టేశాడు. 18 ఓవర్ లో కాగిసో రబడా వేసిన షార్ట్ డెలివరీకి వైభవ్ వెనుతిరిగాడు. 

RBI Warning Fake Notes: 2025-26 ఆర్థిక సంవత్సరంలో దేశంలో రూ. 500 నోట్ల చలామణి 11.2 శాతం పెరిగి.. , కరెన్సీ వ్యవస్థలో అతిపెద్ద వాటాను నిలుపుకుంది. అయితే, ఈ డినామినేషన్‌లో నకిలీ నోట్ల కేసులు కూడా వేగంగా పెరిగాయి. ఈ సమాచారాన్ని రిజర్వ్ బ్యాంక్ ఆఫ్ ఇండియా  వార్షిక నివేదికలో వెల్లడించింది. శుక్రవారం విడుదల చేసిన నివేదిక ప్రకారం, ఏడాది క్రితం 6,34,458 లక్షలుగా ఉన్న రూ. 500 నోట్ల సంఖ్య, మార్చి 2026 చివరి నాటికి 7,05,482 లక్షలకు పెరిగింది. విలువ పరంగా చూస్తే, ఈ నోట్ల మొత్తం చలామణి గత ఆర్థిక సంవత్సరంలో రూ. 31.72 లక్షల కోట్లుగా ఉండగా, ఇప్పుడు అది రూ. 35.27 లక్షల కోట్లకు చేరుకుంది.

చలామణిలో ఉన్న మొత్తం కరెన్సీలో రూ. 500 నోట్ల వాటా అత్యధికంగా 41.2 శాతంగా ఉందని ఆర్‌బిఐ తెలిపింది. విలువ పరంగా చూస్తే, వాటి వాటా 86 శాతానికి పైగా ఉంది. అయితే, ఇదే కాలంలో గుర్తించిన నకిలీ రూ. 500 నోట్ల సంఖ్య 20 శాతానికి పైగా పెరిగింది. మొత్తమ్మీద, బ్యాంకింగ్ వ్యవస్థలో గుర్తించిన నకిలీ నోట్ల సంఖ్య గత ఏడాది 217,396 నుండి 2025-26 నాటికి 5.7 శాతం పెరిగి 229,746కు చేరింది. వీటిలో, ₹500 నోట్ల సంఖ్య అత్యధికంగా 141,907కు చేరుకుంది.

నకిలీ కరెన్సీ కేసుల పెరుగుదల:
రూ. 20 నకిలీ నోట్లలో కూడా గణనీయమైన పెరుగుదల కనిపించగా, రూ. 100, రూ. 50, రూ. 200 నకిలీ నోట్లు తగ్గుముఖం పట్టాయని నివేదిక పేర్కొంది. రూ. 2,000 నోట్ల రద్దు కూడా ఈ డినామినేషన్‌లో నకిలీ నోట్లను గణనీయంగా తగ్గించింది. ఆర్‌బిఐ ప్రకారం, 2025-26లో చలామణిలో ఉన్న నోట్ల పరిమాణం 10.5 శాతం, విలువ 11.9 శాతం పెరిగాయి. ఇది ఆర్థిక వ్యవస్థలో నగదుకు ఉన్న బలమైన డిమాండ్‌ను ప్రతిబింబిస్తుంది.

Gold Rate Today: బంగారం కొనాలనుకునేవారికి ఊరట కలిగించే విషయం. బంగారం ధరలు గత రెండు మూడు రోజులుగా భారీగా తగ్గుతున్నాయి. హైదరాబాద్ బులియన్ మార్కెట్లో బంగారం ధరలు తగ్గుముఖం పడుతున్నాయి. అటు విజయవాడలోనూ తగ్గాయి. 10 గ్రాముల స్వచ్చమైన 24క్యారెట్ల బంగారం ధర రూ. 1,56,060 పలుకుతుంది. 10 గ్రాముల 22 క్యారెట్ల ఆర్నమెంట్ ధర రూ. 1,43,050 వద్ద ట్రేడ్ అవుతోంది. 10 గ్రాముల 18 క్యారెట్ల గోల్డ్ రేట్ రూ. 1,17,040 వద్ద ఉంది. బంగారంతోపాటు వెండి ధరలు కూడా తగ్గాయి. కిలో వెండి ధర ప్రస్తుతం రూ. 2,84,900 రూపాయలు పలుకుతోంది.

ఢిల్లీ బులియన్ మార్కెట్‌లో బంగారం ధర రూ. 1.62 లక్షలకు చేరింది. ఇదిలా ఉండగా, ఎంసీఎక్స్ లో 24-క్యారెట్ల బంగారం ఫ్యూచర్స్ ధర ఈ ఉదయం 0.59శాతం లేదా రూ. 925 తగ్గి, 10 గ్రాములకు రూ. 1,56,000కు చేరింది. గత ట్రేడింగ్ రోజున ఇది 10 గ్రాములకు రూ. 1,56,925 వద్ద ముగిసింది. గుడ్‌రిటర్న్స్ ప్రకారం, 24-క్యారెట్ల బంగారం ధర 10 గ్రాములకు రూ. 1,57,790కి పెరిగింది. ఇండియన్ బులియన్ అండ్ జ్యువెలర్స్ అసోసియేషన్ ప్రకారం, శుక్రవారం మార్కెట్ ముగిసే సమయానికి ఇది 10 గ్రాములకు రూ. 1,56,463కి చేరుకుంది. 

24 క్యారెట్ల (999) బంగారం 10 గ్రాములకు రూ. 156463

23 క్యారెట్ల (995) బంగారం 10 గ్రాములకు రూ. 155836

22 క్యారెట్ల (916) బంగారం 10 గ్రాములకు రూ. 143320

18 క్యారెట్ల (750) బంగారం 10 గ్రాములకు రూ. 117347

14 క్యారెట్ల (585) బంగారం 10 గ్రాములకు రూ. 91531

అమెరికా-ఇరాన్ ఒప్పందం త్వరగా కుదిరే అవకాశం, దేశీయ మార్కెట్లో పెళ్లిళ్ల సీజన్ డిమాండ్ అంచనాల కారణంగా, శుక్రవారం జాతీయ రాజధాని బులియన్ మార్కెట్లో 10 గ్రాముల బంగారం ధర రూ.1,600 పెరిగి రూ.1.62 లక్షలకు చేరింది. స్థానిక మార్కెట్ నిపుణుల ప్రకారం, 99.9 శాతం స్వచ్ఛమైన బంగారం ధర  10 గ్రాములకు రూ.1,600 పెరిగి రూ.1,62,900కు చేరింది. ఈద్-ఉల్-అజ్హా పండుగ కారణంగా గురువారం బులియన్ మార్కెట్లు మూసిఉన్నాయి. బుధవారం మార్కెట్ ముగిసే సమయానికి 10 గ్రాముల బంగారం ధర రూ.1,61,300గా ఉంది. అంతర్జాతీయ మార్కెట్లలో, స్పాట్ గోల్డ్ ధర దాదాపు ఒక శాతం పెరిగి ఔన్సుకు $4,530.72కు చేరింది.

స్పాట్ డిమాండ్ బలహీనంగా ఉండటం.. స్పెక్యులేటర్లు తమ డీల్స్ పరిమాణాన్ని తగ్గించుకున్నారు. దీని కారణంగా శుక్రవారం ఫ్యూచర్స్ ట్రేడింగ్‌లో 10 గ్రాముల బంగారం ధర రూ. 259 మేర తగ్గి రూ. 62,507కి పడిపోయింది. ఎంసీఎక్స్ లో జూన్ డెలివరీ కాంట్రాక్ట్ ధర 10 గ్రాములకు రూ. 259 లేదా 0.17 శాతం తగ్గి రూ. 1,56,666కి చేరింది. ప్రపంచవ్యాప్తంగా, న్యూయార్క్‌లో బంగారం ధర 0.28 శాతం పెరిగి ఔన్సుకు $ 4,508కి చేరింది. స్పాట్ డిమాండ్ బలహీనంగా ఉండటం వల్లే బంగారం ఫ్యూచర్స్ ధరలు పడిపోయాయని మార్కెట్ నిపుణులు తెలిపారు.

అమెరికా-ఇరాన్ కాల్పుల విరమణకు సంబంధించిన పరిణామాలు, ఇటీవలి ద్రవ్యోల్బణ గణాంకాల నేపథ్యంలో యూఎస్ ఫెడరల్ రిజర్వ్ వడ్డీ రేట్లపై వెలువరించిన అంచనాలే ఇందుకు కారణమని నిపుణులు చెబుతున్నారు. దేశీయ మార్కెట్లో పెళ్లిళ్లకు డిమాండ్ ఉంటుందనే అంచనాల కారణంగా ఈ విలువైన లోహాల ధరలు బలంగా నిలబడ్డాయని అన్నారు. మార్కెట్ మౌలిక అంశాలు ధరలకు మద్దతునిస్తూనే ఉన్నందున, సమీప భవిష్యత్తులో చెప్పుకోదగ్గ అమ్మకాల ఒత్తిడిని తాము చూడటం లేదని  చెప్పారు.  సేఫ్ హెవెన్  డిమాండ్, పారిశ్రామిక రంగ అవకాశాల మద్దతుతో వెండి కూడా బంగారం ధోరణినే అనుసరించే అవకాశం ఉంది.

Disclaimer: ఇక్కడ అందించిన సమాచారం కేవలం మీ అవగాహన కోసం మాత్రమే. దయచేసి దీన్ని పెట్టుబడి, ఆర్థిక లేదా వ్యాపార సలహాగా భావించవద్దు. గుర్తుంచుకోండి స్టాక్ మార్కెట్లు, మ్యూచువల్ ఫండ్స్, క్రిప్టోకరెన్సీలు, రియల్ ఎస్టేట్, విలువైన లోహాలు వంటి అన్ని రకాల పెట్టుబడులు మార్కెట్ ఆటు పోటులు రిస్కులకు లోబడి ఉంటాయి. దీని అర్థం, మీరు లాభపడవచ్చు లేదా నష్టపోవచ్చు. మీరు తీసుకునే ఎలాంటి పెట్టుబడి నిర్ణయాలు లేదా వ్యాపార కార్యకలాపాల వల్ల కలిగే నష్టాలు లేదా లాభాలకు మా సంస్థ జీ తెలుగు వెబ్ పోర్టల్ ఎట్టి పరిస్థితుల్లోనూ బాధ్యత వహించదు. ఏదైనా ఆర్థిక నిర్ణయం తీసుకునే ముందు, తప్పకుండా ఒక రిజిస్టర్డ్ లేదా సర్టిఫైడ్ ఆర్థిక నిపుణుడిని సంప్రదించి, వారి సలహా తీసుకోమని పాఠకులకు సిఫార్సు చేస్తున్నాము.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.

Plastic currency notes India: భారత రిజర్వు బ్యాంక్.. దేశ ఆర్థిక వ్యవస్థను, బ్యాంకింగ్ వ్యవస్థను ఆధునీకరించేందుకు నిరంతరం కీలకమైన చర్యలు తీసుకుంటోంది. డిజిటల్ చెల్లింపులు, ఈ రూపాయి సక్సెస్ తర్వాత ఆర్బిఐ మరో సరికొత్త విప్లవానికి త్వరలోనే శ్రీకారం చుట్టబోతోంది. మన చేతుల్లో నగదు రూపంలో అంటే.. నోట్ల రూపంలోని సాంకేతికతలో విప్లవాత్మకమైన మార్పులు తీసుకువచ్చేందుకు సిద్ధమవుతోంది. దేశంలో కరెన్సీకి పెరుగుతున్న డిమాండ్ ను .. కాగితపు నోట్లను వాడకంలో ఉన్న ఇబ్బందులను ద్రుష్టిలో ఉంచుకుని.. ఆర్బిఐ త్వరలోనే దేశవ్యాప్తంగా పాలిమర్ నోట్లను ప్రవేశపెట్టబోతోంది. 

ఈ నోట్లను ఒక ప్రత్యేక ప్లాస్టిక్ పదార్థంతో తయారు చేస్తారు. బిజినెస్ స్టాండర్డ్ రిపోర్టు ప్రకారం.. ఈ కొత్త నోట్లను ఎలా తయారు చేస్తారు? అవి ఎలా ఉంటాయి.. ప్రస్తుత నోట్లకు ఎలా భిన్నంగా ఉంటాయి.. సాధారణ వినియోగదారులకు ఎలాంటి ప్రయోజనాలను అందిస్తాయన్న విషయాలను తెలుసుకునేందుకు ప్రజల్లో ఆసక్తి నెలకొంది. అయితే ఆర్బిఐ తీసుకోబోతున్న ఈ చర్య కరెన్సీ చరిత్రలో ఒక కొత్త మైలురాయిగా నిలుస్తుందని ఆర్థిక నిపుణులు భావిస్తున్నారు. 

పాలిమర్స్ నోట్లు ఎలా ఉంటాయి? 
ఆర్బిఐ కొత్త ప్రవేశపెట్టబోతున్న పాలిమర్ నోట్లు.. ప్రస్తుతం చెలామణిలో ఉన్న నోట్లకు ఎలా భిన్నంగా ఉంటాయో తెలుసుకుందాం. మనం రోజు వాడుతున్న నోట్లు పూర్తిగా కాగితంతో తయారు చేసినవి కావు. అందులో పత్తి,  కొన్ని రసాయనాల మిశ్రమంతో తయారు చేశారు. అందుకే ఆ నోట్లు నీటిలో తడవగానే పాడైపోతాయి. జేబులో మడిచిపెట్టినప్పుడు వాటి గట్టిదనం కోల్పోతాయి. ఎక్కువ రోజులు చెలామణిలో ఉన్న తర్వాత మురికిగా, పాతబడిపోతాయి. 

అయితే పాలిమర్ నోట్లు ఈ నోట్లకు పూర్తిగా భిన్నంగా ఉంటాయి. వీటిని ఒక ప్రత్యేకమైన సింథటిక్ ప్లాస్టిక్ తో తయారు చేస్తారు. ఈ నోట్లు కూడా ప్రస్తుతం వాడుతున్న నోట్ల మాదిరిగానే కాగితం వలే కనిపిస్తాయి. కానీ వాటి బలం ఎక్కువగా ఉంటుంది. డిజైన్ లో కూడా మరింత ఆధునికత ఉంటుంది. ఫేక్ కరెన్సీని అరికట్టేందుకు అత్యంత అధునాతన సేఫ్టీ ఫీచర్లతో ఈ నోట్లను ప్రవేశపెట్టబోతోంది ఆర్బిఐ. 

పాలిమర్ కరెన్సీ వల్ల కలిగే 5 ప్రయోజనాలు ఏంటో తెలుసుకుందాం: 

1. చెరగవు, కరగవు: పాలిమర్ నోట్ల అతిపెద్ద ప్రయోజనం  వాటి బలం. నీటిలో తడిసినా చెరగవు. బట్టలు ఉతికేటప్పుడు, వర్షంలో తడిసినప్పుడు జేబులో ఉంచినా పాడైపోవు. పాలిమర్ నోట్లు పూర్తిగా వాటర్ రెసిస్టెంట్ తో ఉంటాయి. నీళ్లు, కాఫీ, టీ వాటిపై ఒలికినా.. ఎలాంటి ప్రభావం ఉండదు. అంతేకాదు వాటిని చించినా పాడైపోవు. చాలా కాలం మన్నికగా కొత్త నోట్ల వలే ఉంటాయి. 

2. తక్కువ నిర్వహణ, దీర్ఘకాలం మన్నిక: ఈ నోట్లు అంత ఈజీగా పాడైపోవు. కాబట్టి జీవితం ఎక్కువగా ఉంటుంది. ప్రస్తుతం ఉన్న నోట్ల కంటే కనీసం 3 నుంచి 4 రెట్లు ఎక్కువగా ఉంటుంది. కాగితపు నోట్లు త్వరగా మురికిగా, జిడ్డుగా మారుతాయి. అందుకే ఆర్బిఐ వాటిని పదే పదే వెనక్కి తీసుకుంటుంది. కానీ పాలిమర్ నోట్లు దీర్ఘకాలం మన్నికగా ఉంటాయి  కాబట్టి ప్రభుత్వానికి, ఆర్బిఐకి నోట్ల ముద్రణ ఖర్చులతో కోట్లాది రూపాయాలు ఆదా అవుతాయి. 

Shubman Gill Century: రసవత్తరంగా సాగుతున్న ఐపీఎల్‌ 2026 టోర్నీ తుది అంకానికి చేరుకుంది. క్వాలిఫయర్‌ 2 మ్యాచ్‌లో రాజస్థాన్‌ రాయల్స్‌తో తలపడిన గుజరాత్‌ టైటాన్స్‌ అద్భుత విజయం సాధించి ఫైనల్‌ పోరుకు దూసుకెళ్లింది. అద్భుతంగా సాగిన మ్యాచ్‌లో శుభమన్‌ గిల్‌ భారీ శతకంతో గుజరాత్‌ జట్టు మ్యాచ్‌ను సొంతం చేసుకుని రాయల్‌ ఛాలెంజర్స్‌ బెంగళూరుతో ట్రోఫీ కోసం తలపడనుంది. 7 వికెట్ల తేడాతో రాజస్థాన్‌ రాయల్స్‌ ఓటమిపాలైంది.

 Supreme Court dowry harassment judgment: వరకట్నం కోసం వేధించి చంపుతున్న హత్యలపై దేశ సర్వోన్నత న్యాయం ఆందోళన వ్యక్తం చేసింది. యువకులు, అమ్మాయిలను వివాహం చేసుకుని.. తీసుకున్న కట్నకానుకలు చాలదు అన్నట్లు మళ్లీ కట్నం తీసుకురావాలంటూ భార్యలను వేధించడం, వారి కుటుంబాలను అవమానించడం వంటి ఘటనలపై సుప్రీంకోర్టు తీవ్ర అసంత్రుప్తి వ్యక్తం  చేసింది. ఇలా ఎందుకు చేస్తున్నారంటూ ప్రశ్నించింది.  ఛత్తీస్ ఘడ్ కు చెందిన ఓ కుటుంబానికి సంబంధించిన వరకట్న వేధింపులు హత్యకేసు విచారణ సందర్భంగా జస్టిస్ నాగరత్నం ఈ వ్యాఖ్యలు చేశారు. 

అధిక వరకట్నం కోసం వధువు కుటుంబాన్ని బిచ్చగాళ్లు అనడంపై తీవ్ర స్ధాయిలో ఆగ్రహం వ్యక్తం చేశారు. ముఖ్యంగా చదువుకుని మంచి ఉద్యోగాలు చేస్తున్నవారి కుటుంబాల్లోనే ఈ వరకట్న వేధింపులు  పెరగడంపై అత్యున్నత న్యాయస్థానం ఆందోళన వ్యక్తం చేసింది. ఛత్తీస్ గడ్ లో పెళ్లి జరిగిన 3 సంవత్సరాలకే ఓ వివాహిత అనుమానాస్పద స్థితిలో ఉరివేసుకుని మరణించింది. ఈ కేసును విచారించిన కోర్టు, నిందితులకు వార్నింగ్ వంటి మెసేజ్ వెళ్లాల్సిన అవసరం ఉందని స్పష్టం చేసింది. జస్టిస్ బీవీ నాగరత్న, జస్టిస్ ఉజ్జల్ భయాన్ లతో కూడిన న్యాయస్థానం ఈ కేసులో జోక్యం చేసుకునేందుకు నిరాకరిస్తూ భర్త కుటుంబ సభ్యుల తీరును తప్పుబట్టింది. సమాజంలో ఇంకా కొనసాగుతున్న ఈ దురాచారాన్ని ప్రశ్నిస్తూ జస్టిస్ నాగరత్న భావోద్వేగ వ్యాఖ్యలు చేయడం చర్చనీయాంశంగా మారింది. 

2010లో ఛత్తీస్ గఢ్ లో వివాహం జరిగిన 3 సంవత్సరాలకు ఓ మహిళ తన అత్తగారింట్లో ఉరివేసుకుని చనిపోయింది. భర్త అతని కుటుంబ సభ్యులు అదనపు కట్నంకోసం ఆ మహిళలను శారీరకంగా, మానసికంగా వేధించారంటూ ప్రాసిక్యూషన్ ఆరోపించింది. పెళ్లి జరిగిన 3ఏళ్లకే మరణించడంతో ఇది వరకట్న మరణమేనని ట్రయల్ కోర్టు నిర్ధారించింది. మరణానికి  కొన్నిరోజుల ముందు కూడా డబ్బు కోసం వేధించినట్లు బాధిత కుటుంబ సభ్యులు సాక్ష్యాధారాలు సమర్పించారు. ఈ కేసులో భర్త కుటుంబ  సభ్యులకు సెక్షన్ 304 బి , 306 , 498ఏ కింద కోర్టు శిక్ష విధించింది. దీన్ని ఛత్తీస్ ఘడ్ కోర్టు కూడా సమర్థించింది. 

హైకోర్టు తీర్పును సవాలు చేస్తూ భర్త తమ్ముడు సుప్రీంను ఆశ్రయించారు. తనపై కేవలం సెక్షన్ 498ఏ మాత్రమే ఉదని.. అది కూడా వర్తించదని అతని తరపు న్యాయవాది వాదించారు. కోర్టు ఈ వాదనను కొట్టిపారేసింది. మీ పై కేవలం 498ఏ కింద 3ఏళ్ల శిక్ష మాత్రమే పడినందుకు మీరు సంతోషం వ్యక్తం చేయాలని జస్టిస్ నాగరత్న వ్యాఖ్యానించారు. అమ్మాయి కుటుంబాన్ని ఆర్ధికంగా వేధించే తీరును ఎండగడుతూ.. అమ్మాయి తరపు వారు తమ కూతురిని కాపాడుకునేందుకు 60వేలు ఇస్తామని బతిమిలాడితే.. మీరేమో వారిని భిక్షగాళ్లు అని పిలుస్తారా.. చదువుకున్న కుటుంబాల్లో కూడా ఇలా ప్రవర్తించడం ఆందోళనకరమని ధర్మాసనం ఆగ్రహం వ్యక్తం చేసింది.  అబ్బాయిలు ఎందుకు పెళ్లిళ్లు చేసుకుంటారు.. వరకట్నం పేరుతో వరుడి తరపు వారు వధువుపైనా ఆమె కుటుంబంపై ఒత్తిడి తీసుకువస్తారా. వధువును ఆమె కుటుంబాన్ని పీడించడమే లక్ష్యమా అంటూ చీవాట్లు పెట్టింది. ఇలాంటి కేసుల్లో కఠినమైన సందేశం వెళ్లాల్సిందే అంటూ సుప్రీంకోర్టు సదరు అప్పీల్ ను కొట్టివేసింది.