Heavy Rain Alert To Hyderabad: వేసవికాలంతో విలవిలలాడిన తెలంగాణపై వరుణుడు కరుణించాడు. వర్షాకాలం ప్రారంభమే వర్షాలు దంచికొడుతున్నాయి. ఇప్పటికే హైదరాబాద్‌లో పలుమార్లు వర్షం భారీగా పడగా జిల్లాల్లోనూ అదే పరిస్థితి కొనసాగుతోంది. నైరుతి రుతుపవనాలు చురుగ్గా కదులుతుండడంతో వర్షాలు జోరుగా పడుతున్నాయి. ఆదివారం కూడా అంటే జూన్‌ 14వ తేదీన భారీ వర్షాలు పడతాయని వాతావరణ శాఖ తెలిపింది. హైదరాబాద్‌తోపాటు జిల్లాల్లో మోస్తరు నుంచి భారీ వర్షాలు ఉన్నాయని వాతావరణ శాఖ వెల్లడించింది.

రాష్ట్రవ్యాప్తంగా పలు జిల్లాల్లో భారీ వర్షం కురుస్తుందని వాతావరణ శాఖ ప్రకటించింది. ఈ సందర్భంగా పలు జిల్లాలకు రెడ్‌, ఎల్లో  అలర్ట్‌లు జారీ చేసింది. హైదరాబాద్, రంగారెడ్డి, యాదాద్రి భువనగిరి జిల్లా, మేడ్చల్, సూర్యాపేట, సంగారెడ్డి జిల్లాలకు వాతావరణ శాఖ రెడ్‌ అలర్ట్‌ జారీ చేసింది. సిద్ధిపేట, జగిత్యాల, భద్రాద్రి కొత్తగూడెం జిల్లాలకు ఎల్లో అలర్ట్ ఇచ్చింది. మిగిలిన జిల్లాల్లో కూడా వర్షాలు పడే అవకాలున్నాయని వాతావరణ శాఖ వివరించింది.

నైరుతి రుతుపవనాల ప్రభావంతో భారీ వర్షాలు పడే జిల్లాల్లో ప్రజలంతా అప్రమత్తంగా ఉండాలని వాతావరణ శాఖ సూచనలు చేసింది. మూడు రోజులుగా రాష్ట్రంలో భారీ వర్షాలు కురుస్తుండగా.. నాలుగో రోజు కూడా కురవనుండడంతో రైతులు హర్షం వ్యక్తం చేస్తున్నారు. ఇక రాజధాని హైదరాబాద్‌లో కూడా భారీ వర్షం కురిసే అవకాశం ఉంది. ఉదయం నుంచి వాతావరణం చల్లగా ఉండగా.. సాయంత్రం వర్షం దంచికొట్టే అవకాశం ఉందని వాతావరణ శాఖ తెలిపింది. 

ప్రభుత్వం అప్రమత్తం
కాగా ఇప్పటికే వర్షాలపై తెలంగాణ ప్రభుత్వం అప్రమత్తం ప్రకటించింది. భారీ వర్షాలపై ప్రభుత్వం అప్రమత్తమై అధికార యంత్రాంగానికి కీలక ఆదేశాలు జారీ చేసింది. వర్షాలు పడుతున్న ప్రాంతాల్లో వెంటనే సహాయ చర్యలు ముమ్మరం చేయాలని ప్రభుత్వం ఆదేశించింది. వర్షాలతో ఆస్తి, ప్రాణ నష్టం జరగకుండా చర్యలు తీసుకోవాలని పోలీస్‌, రెవెన్యూ, మున్సిపల్‌ శాఖకు ముఖ్యమంత్రి ఆదేశాలు జారీ చేశారు. హైదరాబాద్‌లో ఇప్పటికే వర్షాలతో దాదాపు ఆరుగురు మృతి చెందిన విషయం తెలిసిందే. విద్యుత్‌ శాఖ నిర్లక్ష్యంతో నలుగురు ప్రాణాలు కోల్పోవడంతో అలాంటి ప్రమాదాలు జరగకుండా చర్యలు తీసుకోవాలని విద్యుత్‌ శాఖకు ప్రభుత్వం ఆదేశించింది.

Telangana Govt Schools Breakfast Scheme Telugu News: తెలంగాణ రాష్ట్రంలోని ప్రభుత్వ విద్యాసంస్థల్లో చదువుకునే పేద విద్యార్థుల కోసం ప్రభుత్వం మరో చారిత్రాత్మక నిర్ణయం తీసుకుంది రేపటి నుంచి ప్రభుత్వ పాఠశాలలతో పాటు జూనియర్ కాలేజీల విద్యార్థులకు ఉచితంగా పోషకాలతో కూడిన అల్పాహారాన్ని అందించే బ్రేక్ ఫాస్ట్ పథకం అమల్లోకి రాబోతోంది విద్యార్థులు ఖాళీ కడుపుతో బడికి రాకూడదనే ఉద్దేశంతో వారి ఆరోగ్యంతో పాటు చదువుపై శ్రద్ధ పెంపొందించేందుకు ఈ ప్రతిష్టాత్మక పథకాన్ని ప్రభుత్వం రేపటి నుంచి అధికారికంగా ప్రారంభించబోతోంది. అయితే ఈ పథకానికి సంబంధించిన అన్ని వివరాలను మనం ఇప్పుడు తెలుసుకుందాం..

తొలి విడతగా 1.44 లక్షల మంది విద్యార్థులకు లబ్ధి..
ఈ పథకాన్ని విడతల వారీగా రాష్ట్రవ్యాప్తంగా విస్తరించాలని ప్రభుత్వం నిర్ణయించుకుంది ఇందులో భాగంగా మొదటి విడతలో 8 జిల్లాలను ఎంపిక చేశారు రేపటి నుంచి ఈ ఎనిమిది జిల్లాల్లో మొత్తం 1269 ప్రభుత్వ పాఠశాలలతో పాటు 33 ప్రభుత్వ జూనియర్ కాలేజీల్లో ఈ అల్పాహార పథకం అందుబాటులోకి రాబోతోంది తొలి విడతలోనే దాదాపు 1.44 లక్ష మంది విద్యార్థులకు ప్రతిరోజు ఉదయం వేడి వేడి బ్రేక్ ఫాస్ట్ అందబోతోంది. రాబోతున్న రోజుల్లో ఈ పథకాన్ని రాష్ట్రవ్యాప్తంగా ఉన్న అన్ని విద్యాసంస్థలకు విస్తరించి.. మొత్తం 22 లక్షల మంది విద్యార్థులకు లబ్ధి చేకూరడమే లక్ష్యంగా ప్రభుత్వం ప్రణాళికల సిద్ధం చేస్తోంది..

నోరూరించే మెనూ..
విద్యార్థులకు కేవలం అల్పాహారం అందించడమే కాకుండా అది రుచికరంగా.. అత్యంత పోషక విలువలతో కూడుకున్నదిగా ఉండేలా ప్రభుత్వం ప్రత్యేకమైన మెనూ రూపొందించింది. ప్రతిరోజు ఒకే రకమైన టిఫిన్ కాకుండా విద్యార్థులంతా ఎంతో ఇష్టంగా తినేలా వివిధ రకాల రుచికరమైన టిఫిన్లను అందుబాటులో ఉంచారు. ఈ మెనూలో ప్రధానంగా వేడివేడి దోశతో పాటు పూరీ, బోండా వంటి అల్పాహారాలు ఉండడం విశేషం. అలాగే ఆరోగ్యానికి ఎంతో మేలు చేసే మిల్లెట్ ఇడ్లీతో పాటు కూరగాయలతో తయారుచేసిన ఉప్మా ఇతర పోషక పదార్థాలు అందించే టిఫిన్స్ ఉండడం ఈ మెనూ ప్రత్యేకత..

తల్లిదండ్రుల్లో ఆనందం.. 
ఉదయాన్నే పనులకు వెళ్లే పేద కుటుంబాల తల్లిదండ్రులకు ఈ పథకం పెద్ద ఊరటనివ్వబోతోంది.. పిల్లలకు పొద్దున్నే వంట చేసే సమయం లేక చాలామంది విద్యార్థులు పరిగడుపునె బడులకు వస్తూ ఉంటారు. ఈ పథకం వల్ల విద్యార్థుల్లో పౌష్టిక ఆహార లోపం తగ్గడమే కాకుండా.. బడులలో విద్యార్థుల హాజరు శాతం గణనీయంగా పెరుగుతుందని విద్యాశాఖ అధికారులు భావిస్తున్నారు. పాఠశాలల్లో మంచి టిఫిన్ దొరకతుండడంతో అటు విద్యార్థులతో పాటు ఇటు తల్లిదండ్రులు ప్రభుత్వంపై హర్షం వ్యక్తం చేస్తున్నారు. రేపటి నుంచి ప్రారంభం కాబోతున్న ఈ పథకానికి సంబంధించి అధికారులు అన్ని పాఠశాలల్లో ఇప్పటికే ప్రత్యేకమైన ఏర్పాట్లను కూడా చేసినట్లు తెలుస్తోంది..

Tuni Girl Missing Case Search Operation: దారి తప్పి అటవీ ప్రాంతంలోకి వెళ్లిన బాలిక ఆచూకీ లభించలేదు. 9 రోజుల పాటు అటవీ ప్రాంతంలోనే బాలిక ఉండిపోయింది. బతికి ఉందో లేదో తెలియదు.. కానీ బతికి ఉంటుందనే ఆశతో పోలీసు బృందాలు.. ఇతర సహాయ బృందాలు అటవీ ప్రాంతాన్నీ జల్లెడ పడుతున్నాయి. నిర్విరామంగా వెతుకుతున్నా ఎంతకీ ఆచూకీ లభించకపోవడం విస్మయానికి గురి చేస్తోంది. బాలిక అదృశం కేసుపై ఏపీ ప్రభుత్వం ఎప్పటికప్పుడు సమీక్ష చేస్తోంది.

FIFA World Cup 2026: ఫిఫా ప్రపంచకప్ 2026  లో సరికొత్త హిస్టరీ క్రియేట్ అయ్యింది. ఫుట్‌బాల్ చరిత్రలోనే అత్యంత అరుదైన, మొట్టమొదటి ఘటనకు ఈ మెగా టోర్నీ వేదికైంది. అమెరికా   వెటరన్ డిఫెండర్ టిమ్ రీమ్  ఫిఫా వరల్డ్‌కప్ హిస్టరీలోనే ఒక అరుదైన రికార్డును తన పేరిట లిఖించుకున్నాడు. మ్యాచ్‌ రెఫరీ చేసిన ఒక తప్పుడు నిర్ణయం నుంచి  వార్  (VAR - Video Assistant Referee) టెక్నాలజీ ద్వారా లబ్ధి పొందిన ప్రపంచపు మొట్టమొదటి ఆటగాడిగా టిమ్ రీమ్ రికార్డుకెక్కాడు.

అసలు ఏం జరిగిందంటే?
గ్రూప్ స్టేజ్ మ్యాచ్ సందర్భంగా మైదానంలో ఒక ఫౌల్  జరిగింది. అయితే, ఆ ఫౌల్ చేసింది అమెరికాకు చెందిన వేరే ఆటగాడు అయినప్పటికీ.. మ్యాచ్ రెఫరీ పొరపాటున టిమ్ రీమ్‌కు ఎల్లో కార్డ్  చూపించాడు. ఫుట్‌బాల్ భాషలో దీనిని  మిస్టేకెన్ ఐడెంటిటీ  అంటారు. ఒకవేళ ఆ ఎల్లో కార్డ్ అలాగే ఉండి ఉంటే, అది మ్యాచ్ సమీకరణాలను, సదరు ఆటగాడి తదుపరి మ్యాచ్‌ల అవకాశాలను దెబ్బతీసేది.
 
రెఫరీ తప్పుడు నిర్ణయాన్ని గమనించిన వీడియో అసిస్టెంట్ రెఫరీ  బృందం వెంటనే రంగంలోకి దిగింది. ఫిఫా ప్రపంచకప్ చరిత్రలోనే తొలిసారిగా ఒక  మిస్టేకెన్ ఐడెంటిటీ చెక్  కోసం  వార్  టెక్నాలజీని ఉపయోగించారు. రీప్లేలను నిశితంగా పరిశీలించిన తర్వాత, ఫౌల్ చేసింది టిమ్ రీమ్ కాదని స్పష్టమైంది. దీనితో మైదానంలోని రెఫరీ తన తప్పును సరిదిద్దుకుని, టిమ్ రీమ్‌కు ఇచ్చిన ఎల్లో కార్డును రద్దు చేశారు.

  ఈ  ఘటనతో టిమ్ రీమ్ అయాచితంగా హిస్టరీ బుక్స్‌లోకి ఎక్కాడు. వార్' టెక్నాలజీని కేవలం గోల్స్, రెడ్ కార్డ్స్ లేదా పెనాల్టీల కోసమే కాకుండా.. ఇలాంటి తప్పుడు గుర్తింపులను సరిదిద్దడానికి ఉపయోగించి విజయం సాధించడం ఇదే తొలిసారి. ప్రస్తుతం ఈ అరుదైన ఫుట్‌బాల్ రికార్డు సోషల్ మీడియాలో విపరీతంగా ట్రెండ్ అవుతోంది. క్రీడల్లో టెక్నాలజీ వాడకం ఎంత పారదర్శకతను తెస్తుందో చెప్పడానికి ఈ ఘటనే ఒక ఉదాహరణ అని పలువురు కొనియాడుతున్నారు.

Dwidasha Yoga 2026 Effect On Zodiac Telugu News: జ్యోతిష్య శాస్త్రంలో గ్రహాల ప్రత్యేక కలయిక జరిగినప్పుడు.. ఆ సమయంలోనే శక్తివంతమైన రాజయోగాలు ఏర్పడుతూ ఉంటాయి. ఇలా ఏర్పడిన రాజయోగాలు తప్పకుండా మానవ జీవితాలపై ఊహించని ప్రభావాన్ని చూపుతాయి.. ముఖ్యంగా కొన్ని కొన్ని సందర్భాల్లో ద్విదశ యోగం కూడా ఏర్పడుతుంది. ఇదిలా ఉంటే జూన్ 14వ తేదీన ఈ యోగం ఏర్పడింది. దీనిని జ్యోతిష్య శాస్త్రంలో అత్యంత పవిత్రమైన యోగంగా పరిగణిస్తారు. చంద్రుడు మేషరాశిని వదిలి.. ఉచ్చరాశిగా భావించే వృషభంలోకి సంచారం చేసినప్పుడు ఈ యోగం ఏర్పడింది.. జూన్ 14వ తేదీన 9 గంటల వరకు అదే రాశిలో చంద్రుడు కొనసాగుతూ ఉంటాడు. ఇదే సమయంలో బుధుడు తన సొంత రాశిగా భావించే మిథునంలోకి ప్రవేశించడం వల్ల, చంద్రుడు బుధులు అరుదైన కలయికతో కొన్ని రాశుల వారికి అదృష్టం ఊహించని స్థాయిలో వరించబోతోంది అంతేకాకుండా అనుకున్న పనుల్లో అద్భుతమైన విజయాలు సాధించగలుగుతారు. వ్యాపారాలు కూడా చాలావరకు లాభసాటిగా మారే అవకాశాలు కనిపిస్తున్నాయి.

ఈ రాశులవారికి బంపర్‌ లాభాలు:
వృషభ రాశి 
చంద్రుడు ఇదే రాశుల ఉండడం కారణంగా వృషభ రాశి వారికి ఈ సమయం ఒక వరం కంటే ఎక్కువగా భావించవచ్చు. ఎందుకంటే ఈ సమయంలో ఉద్యోగాలు చేస్తున్న వారికి అదృష్టం విపరీతంగా పెరుగుతుంది. అలాగే పనుల్లో అద్భుతమైన శుభవార్తలు వినే అవకాశాలున్నాయి. ఆర్థిక పరిస్థితులు గణనీయంగా మెరుగుపడే సూచనలు కూడా కనిపిస్తున్నాయి. సమాజంలో కీర్తి, ప్రతిష్టలతో పాటు గౌరవం కూడా విపరీతంగా పెరుగుతుంది. కొత్త ఉద్యోగాల కోసం ఎదురుచూస్తున్న వ్యక్తులకు విశేషమైన ఫలితాలు కలుగుతాయి.

మిథున రాశి 
సొంత రాశిలో బుధుడు ఉండడం కారణంగా వీరిపై కూడా ద్విదశ యోగ ప్రభావం పడుతుంది. దీని కారణంగా వీరికి కొత్త ఆదాయ మార్గాలు కూడా తెరుచుకుంటాయి అలాగే స్థిరమైన ధన ప్రవాహం కూడా లభించి ఊహించని లాభాలు పొందుతారు. ముఖ్యంగా ఉద్యోగాలు చేస్తున్న వ్యక్తులు అద్భుతమైన పదోన్నతులు పొంది.. జీతాలు కూడా భారీగా పెంచుకోగలుగుతారు. గతంలో అనారోగ్య సమస్యలతో బాధపడుతున్న వ్యక్తులందరికీ పరిష్కారం లభించి ఆరోగ్యం కూడా మెరుగుపడుతుంది..

కన్య రాశి 
చంద్ర-బుధ గ్రహాల సంయోగం కారణంగా కన్య రాశి వారికి మానసిక ప్రశాంతత విపరీతంగా పెరుగుతుంది. కొంతకాలంగా మనసులో ఉన్న మానసిక సమస్యలు కూడా పూర్తిగా తొలగిపోతాయి. అదృష్టం తోడు లభించి.. విపరీతమైన ప్రయోజనాలు కలిగే అవకాశాలున్నాయి. అంతేకాకుండా కష్టానికి తగిన ప్రతిఫలాలు లభించే అవకాశాలున్నాయి. కార్యాలయంలో అధికారులు మీపై హర్షం కూడా వ్యక్తం చేస్తారు..

తులారాశి 
తులా రాశిలో జన్మించిన వ్యక్తులకు ఈ సమయంలో ఆనందంతో పాటు సానుకూల ప్రయోజనాలు పొందగలుగుతారు. అంతేకాకుండా మనసు కూడా చాలా ఉల్లాసంగా మారుతుంది.. అన్ని విషయాల్లో మీ కుటుంబ సభ్యులతో పాటు ప్రియమైన వారి సపోర్టు లభించి.. విశేషమైన ప్రయోజనాలు కలుగుతాయి. అలాగే ఆర్థిక పరిస్థితులు గతంలో కంటే ఇప్పుడు మరింత మెరుగుపడతాయి. మానసిక ఉపశమనం లభించడమే కాకుండా కొన్ని అనారోగ్య సమస్యలు కూడా తొలగిపోతాయి..

మీన రాశి 
మీన రాశిలో జన్మించిన వ్యక్తులకు శని ప్రభావం నడుస్తున్నప్పటికీ చంద్రుడి ప్రభావంతో కొంత ఉపశమనం కలిగే అవకాశాలు ఉన్నాయి. ముఖ్యంగా మీడియా రంగాల్లో ఉన్న వ్యక్తులకు ఈ సమయంలో అద్భుతమైన లాభాలు కలుగుతాయి. కొత్త బాధ్యతలు లభించడమే కాకుండా అనుకున్న పనుల్లో విజయాలు సాధించగలుగుతారు. వ్యాపారాల్లో ఆర్థిక నష్టాలనుంచి విముక్తి పొందుతారు. దీర్ఘకాలిక సమస్యలతో బాధపడుతున్న వారికి తప్పకుండా పరిష్కారం దొరుకుతుంది.

Brazil Woman Dies After Thrown Without Rope Video: సాహస క్రీడలు చేసేటప్పుడు ప్రమాదాలు జరిగే అవకాశం ఎప్పుడూ ఉంటుంది. ముఖ్యంగా వ్యక్తుల నిర్లక్ష్యం లేదా నిర్వాహకుల అజాగ్రత్త వల్ల పరిస్థితులు చేయిదాటి ప్రాణనష్టం జరుగుతోంది. రోప్ జంపింగ్ లేదా బంజి జంపింగ్ వంటి క్రీడల్లో ఏ చిన్న పొరపాటు జరిగినా అది ప్రాణాంతకంగా మారుతోంది. బ్రెజిల్‌లో జరిగిన ఈ ఘోర ప్రమాదం కూడా అలాగే జరిగింది. భద్రతా తాడు సరిగ్గా కట్టకపోవడంతో ఒక యువతి సుమారు 100 అడుగుల ఎత్తు నుండి పడి అక్కడికక్కడే మరణించింది.

పోలీసుల సమాచారం ప్రకారం.. బ్రెజిల్‌లోని లిమేరలో ఉన్న పోంటే డోస్కోలేటో ట్రైల్ వద్ద రోప్ జంపింగ్ చేయడం చాలా సాధారణం. పర్యాటకులు ఇక్కడ ఎంతో ఆసక్తిగా ఈ సాహసాలు చేస్తుంటారు. శనివారం రోజు 21 ఏళ్ల ఎడ్వర్డా అనే యువతి జంపింగ్ కోసం వచ్చింది. ఆ సమయంలో అక్కడ ముగ్గురు సిబ్బంది ఉన్నారు. కానీ, ఆమెకు సేఫ్టీ తాడు కట్టకుండానే పైనుంచి తోసేశారు. ఈ ఘటన తర్వాత ఇద్దరు ఆర్గనైజర్లు భయంతో అడవిలోకి పారిపోవడానికి ప్రయత్నించారు. అయితే పోలీసులు గాలింపు జరిపి ఆరుగురిని అదుపులోకి తీసుకున్నారు. ఈ నిర్లక్ష్యం వల్ల మరణం సంభవించినందుకు వారిని విచారిస్తున్నారు. ఈ ప్రమాదం తర్వాత సంబంధిత అడ్వెంచర్ కంపెనీ తన సోషల్ మీడియా ఖాతాలను కూడా తొలగిస్తోంది.

వీడియోలో ఏముంది?
వైరల్ అవుతున్న వీడియోలో ఇద్దరు వ్యక్తులు ఒక యువతిని పైనుంచి కిందకు తోసేయడం కనిపిస్తుంది. సాధారణంగా బంజీ లేదా రోప్ జంపింగ్ చేసేటప్పుడు రక్షణ తాడు కడతారు. కానీ ఇక్కడ సిబ్బంది ఆమెకు తాడు కట్టకుండానే నిర్లక్ష్యంగా తోసేశారు. దీంతో ఆమె కిందపడి మరణించింది. దీంతో పక్కనే ఉన్న మరికొంత మంది అరుపులు కేకలు వేశారు. పోలీసుల ప్రకారం.. మృతురాలితో పాటు మరో ఇద్దరు కూడా ఆమెతో వచ్చారు. నిందితులు తప్పించుకోవడానికి ప్రయత్నించినా, పోలీసులు వారిని పట్టుకున్నారు. భద్రతా తనిఖీలు సరిగ్గా నిర్వహించకపోవడం వల్లే ఈ ప్రమాదం జరిగిందని తెలుస్తోంది. గతంలో కూడా ఇక్కడ ఇలాంటి ప్రాణనష్టాలు జరిగినట్లు అధికారులు పేర్కొన్నారు. ఈ ప్రాంతంలో రాకపోకలను నియంత్రించే, నిర్వహించే పూర్తి బాధ్యత మున్సిపాలిటీకి ఉందని ఫెడరల్ ప్రభుత్వం తెలిపింది.

Telangana Paddy Procurement: తెలంగాణ విభజనకు ముందు.. తర్వాత అని చెప్పుకోవాల్సి ఉంది. విభజనకు ముందు కరువు నేల.. వలస ప్రాంతం.. గంజికి దిక్కు లేని ప్రాంతంగా తెలంగాణ గుర్తింపు పొందింది. పోరాడి సాధించుకున్న తెలంగాణ ఇప్పుడు అన్నపూర్ణగా మారింది. అన్నీ రంగాల్లో అద్భుతమైన రాష్ట్రంగా గుర్తింపు పొందుతున్న తెలంగాణ రాష్ట్రం... వ్యవసాయంలో ఆల్‌టైమ్‌ రికార్డులు నమోదు చేస్తోంది. పంటల్లో సరికొత్త రికార్డులు సాధిస్తోంది. వరి ఉత్పత్తిలో దేశంలోనే అత్యధికంగా ఉత్పత్తి చేసి నంబర్‌వన్‌గా నిలిచింది.

స్వరాష్ట్రం ఏర్పడిన అనంతరం తెలంగాణ వ్యవసాయంలో అద్బుతాలు చేస్తోంది. అన్నమో రామచంద్ర అనే స్థాయి నుంచి దేశానికే అన్నం పెట్టే స్థాయికి తెలంగాణ ఎదిగింది. ఈ ఏడాది కూడా తెలంగాణ వరి ఉత్పత్తిలో సరికొత్త రికార్డులు నమోదు చేసింది. దేశంలో ఏ రాష్ట్రంలో సాధించని వరి ధాన్యం ఉత్పత్తి తెలంగాణలో జరిగింది. 2025-26 సంవత్సరంలో 150 లక్షల టన్నుల వరిధాన్యాన్ని తెలంగాణ ప్రభుత్వం కొనుగోలు చేసింది. 

ఆలస్యంగా మేల్కొన్న ప్రభుత్వం
రాష్ట్రవ్యాప్తంగా 8,575 కొనుగోలు కేంద్రాలను ఏర్పాటుచేసిన ప్రభుత్వం రైతులు పండించిన వరి ధాన్యాన్ని కొనుగోలు చేసింది. ఆలస్యంగా మేల్కొన్న ప్రభుత్వం అనంతరం బీఆర్‌ఎస్‌ పార్టీ ఒత్తిడితో వరి కొనుగోళ్లను చకచకా పూర్తి చేసింది. వర్షాకాలం కూడా ప్రారంభమవడంతో వరి సేకరణను వేగం పెంచింది. వరి కొనుగోలు చేసిన అనంతరం రవాణా, నిల్వ, మిల్లింగ్‌, డబ్బుల చెల్లింపు వరకు ప్రభుత్వం ప్రతి దశలో సమన్వయంతో పనిచేసింది. 

రైతుల ఖాతాల్లో రూ.35,537 కోట్లు
వరి ధాన్యం కొనుగోలు కేంద్రాల్లో 150 లక్షల కోట్ల టన్నుల ధాన్యం సేకరించగా.. దీనికి గాను రైతుల ఖాతాల్లో రూ.35,537 కోట్ల డబ్బును జమ చేసింది. 26.43 లక్షల చెల్లింపులను ప్రభుత్వం చేసింది. రికార్డు స్థాయిలో ధాన్యం కొనుగోలు చేయడంపై తెలంగాణ ప్రభుత్వం హర్షం వ్యక్తం చేసింది. అయితే కాంగ్రెస్‌ ప్రభుత్వం ధాన్యం కొనుగోలు ఆలస్యంగా చేయడంతో కొందరు రైతులు ప్రైవేటుగా ధాన్యం అమ్ముకున్నారు. ఆ ధాన్యం కూడా దాదాపు ఒక లక్ష టన్నులకు పైగా ఉంటుందని తెలుస్తోంది. అంటే 152 లక్షల టన్నుల ధాన్యం తెలంగాణ ఉత్పత్తి చేసి ఉంటుంది. గతంలో పంజాబ్‌, ఆంధ్రప్రదేశ్‌ వరి ఉత్పత్తిలో నంబర్‌వన్‌గా ఉండగా.. ఇప్పుడు తెలంగాణ ఆ రెండు రాష్ట్రాలను వెనక్కి నెట్టేసింది.

నీరు, పెట్టుబడి సహాయం
వరి ఉత్పత్తిలో తెలంగాణ అగ్రభాగంలో ఉండడానికి కారణం అనుసరించిన వ్యూహాలే. తెలంగాణ ఏర్పడిన తొలి నుంచి నాటి ముఖ్యమంత్రి కేసీఆర్‌ వ్యవసాయంపై దృష్టి సారించారు. వ్యవసాయ అభివృద్ధికి అన్నీ చర్యలు తీసుకున్నారు. సాగునీటి పారుదల వ్యవస్థను పునరుద్ధరించడమే కాకుండా పెద్ద ఎత్తున సాగునీటి ప్రాజెక్టులను నిర్మించారు. కాళేశ్వరం ప్రాజెక్టు తెలంగాణ స్వరూపాన్ని మార్చేసింది. కృష్ణ, గోదావరి నీళ్లను ఒడిసిపట్టుకోవడమే కాకుండా వాన నీటిని కాపాడుకోవడంతో ఆ నీరంతా పొలాలకు మళ్లింది. దీనికితోడు వ్యవసాయానికి ప్రోత్సాహం కల్పించేలా రైతు బంధు పథకం ప్రవేశపెట్టడం తెలంగాణ వ్యవసాయ గతినే మార్చింది. బీడు బడ్డ భూములు కూడా వ్యవసాయ పొలాలుగా మారాయి. యూరియా, ఎరువులు అందుబాటులో ఉంచడం.. నాణ్యమైన విత్తనాలు అందించడం.. వర్షాలు సమృద్ధిగా పడుతుండడంతో తెలంగాణ వ్యవసాయంలో రారాజుగా నిలుస్తోంది. ప్రస్తుత కాంగ్రెస్‌ ప్రభుత్వం కేసీఆర్‌ చేసినట్టు వ్యవసాయానికి ప్రోత్సాహం అందిస్తే మరిన్ని అద్భుతాలు తెలంగాణ నమోదు చేస్తుంది.

What Really Happened in tuni girl missing In 15 Minutes:  ఆంధ్రప్రదేశ్ అంతటా సంచలనం సృష్టిస్తున్న తుని చిన్నారి మిస్సింగ్ కేసుపై ఏపీ డిప్యూటీ సీఎం పవన్ కళ్యాణ్ స్పందించారు. కాకినాడ, తుని అగ్రహారంలో వారం రోజుల క్రితం అదృశ్యమైన జ్ఞానేశ్వరి ఆచూకీ కోసం బృందాలను ఏర్పాటు చేసి తనిఖీలు చేయాలని ఏపీ డిప్యూటీ సీఎం సూచించారు. దట్టమైన అడవుల్లో కూడా వెతకడానికి అటవీ శాఖ నైట్ వాచర్స్‌, బేస్ క్యాంప్ సిబ్బందిని తీసుకుని వెతకాలని ఆదేశించారు. ఈ గాలింపు కోసం సుమారు 400 మందికి పైగా సిబ్బంది రంగంలోకి దిగారు. డ్రోన్ల సహాయంతో, ఇంటి పరిసరాల్లోని 38 సీసీ కెమెరాల ఫుటేజీని పరిశీలిస్తున్నారు. వారం రోజులు గడిచిపోతున్నందున కేసును మరింత వేగవంతం చేయాలని పవన్ కళ్యాణ్ ఆదేశించారు.

ఆ 15 నిమిషాల సమయమే అత్యంత కీలకం...
పాపతో పాటు అదృశ్యమైన కుక్క కూడా నిన్న చనిపోవడంతో ఈ కేసు మరింత సంచలనంగా మారింది. ఈ నెల 6వ తేదీన ఈ కేసు నమోదైంది. అయితే ఆ తర్వాత కుక్క తిరిగి వచ్చినప్పుడు దానికి జీపీఎస్ ట్రాకర్ అమర్చి కుక్క పాప వద్దకు వెళ్తుందేమో అని అనుకున్నారు.. అయినా ఎటువంటి ఫలితం కనిపించలేదు. నిన్న ఆ కుక్క కూడా చనిపోవడంతో ఒక ఆశ కూడా పోయింది.  అయితే, 6వ తేదీ ఉదయం 11:50కి భర్త పాపను భార్యకు ఇచ్చి వెళ్ళాడు. జ్ఞానేశ్వరి మరో పాపను చూస్తూ ఉండటంతో ఆ సమయంలో పాపను గమనించలేకపోయింది. తండ్రి వెళ్ళిన దారిలో ఒక వ్యక్తి పాపను చూసి ఎత్తుకెళ్లే ప్రయత్నం చేయగా, కుక్క తనను కరవబోయిందని ఒకరు తెలిపారు. కుటుంబ సభ్యులు వెతికినా పాప దొరకలేదు. మధ్యాహ్నం 12:00-12:15 లోపు పాప కనిపించకుండా పోయిందని పోలీసులు చెబుతున్నారు.

Telangana Earthquake: తెలంగాణలో అర్థరాత్రి భూమి కంపించింది. భద్రాద్రి కొత్తగూడెం జిల్లాల్లో ఆదివారం తెల్లవారుజామును 2.26 గంటల సమయంలో భూమి స్వల్పంగా కంపించింది. దీని తీవ్రత రెక్టర్ స్కేలుపై 3.8గా నమోదు అయ్యింది. భూప్రకంపనలతో జనాలు భయంతో ఇళ్లనుంచి బయటకు పరుగులు తీశారు.  కొత్తగూడెం, బూర్గంపాడు, భద్రాచలం, పాల్వంచలో ఈ భూప్రకంపనలు వచ్చాయి. ఆకస్మికంగా భూమి కంపించడంతో ప్రజలు భయాందోళనకు గురయ్యారు. కొంతమంది నిద్రిస్తున్న వేళ ప్రకంపనలు గమనించి ఇళ్ల నుంచి బయటకు పరుగెత్తారు.  అయితే ఈ భూకంపం వల్ల ఎలాంటి ఆస్తి, ప్రాణ నష్టం జరగలేదు. భూకంప తీవ్రత తక్కువగానే ఉన్నా.. ప్రకంపనలు స్పష్టంగా కనిపించడంతో స్థానికులు కొంతసేపు ఆందోళనకు గురయ్యారు. అయితే, తీవ్రత 6 కంటే ఎక్కువగా ఉండి ఉంటే భారీ నష్టం జరిగి ఉండేది.

జాతీయ భూకంప శాస్త్ర కేంద్రం ప్రకారం..   రిక్టర్ స్కేలుపై 3.8 తీవ్రతతో భూకంపం సంభవించినట్లు తెలిపింది. తెల్లవారుజామున 2:26 గంటల ప్రాంతంలో ఈ ప్రకంపనలు సంభవించాయి. భూకంప కేంద్రం భూమికి కేవలం 10 కిలోమీటర్ల లోతులో ఉన్నట్లు గురించింది.  భూకంప తీవ్రతను రిక్టర్ స్కేల్ లేదా ఆధునిక మూమెంట్ మాగ్నిట్యూడ్ స్కేల్‌పై కొలుస్తారు. ఇది ఒక లాగరిథమిక్ స్కేల్. ప్రతి 1 పాయింట్ పెరుగుదలకు, ప్రకంపనల బలం 10 రెట్లు,  శక్తి సుమారుగా 31-32 రెట్లు పెరుగుతుంది. 3.8 తీవ్రత గల భూకంపం సురక్షిత పరిధిలోకి వస్తుంది.  కానీ భవనాలు కూలిపోవడం లేదా పెద్ద నష్టం జరిగే అవకాశం చాలా తక్కువగా ఉంటుంది. 

3.0 కంటే తక్కువ: చాలా తేలికైనది, చాలా వరకు తెలియదు.
3.0–3.9: స్వల్పం : తరచుగా ప్రకంపనలు అనుభూతి చెందుతాయి, కానీ నష్టం చాలా తక్కువగా లేదా అసలు ఉండదు.
4.0–4.9: స్వల్పం నుండి మధ్యస్థం: కొన్ని బలహీనమైన భవనాలలో పగుళ్లు ఏర్పడవచ్చు.
5.0–5.9: మధ్యస్థం: మంచి భవనాలకు స్వల్ప నష్టం, బలహీనమైన భవనాలకు గణనీయమైన నష్టం.
6.0–6.9: తీవ్రం: విశాలమైన ప్రాంతంలో నష్టం, వందల కిలోమీటర్ల వరకు ప్రభావం.
7.0–7.9: భారీ భూకంపం: తీవ్రమైన నష్టం, వేలాది మరణాలు సంభవించే అవకాశం.
8.0 లేదా అంతకంటే ఎక్కువ: అతి భారీ భూకంపం : తీవ్ర విధ్వంసం, లక్షలాది మంది ప్రభావితం, సునామీ ముప్పు.

భూకంపాలు ఎందుకు సంభవిస్తాయి?
భూపటలం అనేక టెక్టోనిక్ ప్లేట్లుగా విభజించి ఉంటుంది. ఈ ఫలకాలు ఏడాదికి కొన్ని సెంటీమీటర్ల వేగంతో తిరుగుతాయి. ఈ ఫలకాలు ఢీకొన్నప్పుడు, రాసుకున్నప్పుడు లేదా విడిపోయినప్పుడు, వాటి మధ్య ఒత్తిడి ఏర్పడుతుంది. ఈ ఒత్తిడి మరీ ఎక్కువైనప్పుడు, ఫలకాలు అకస్మాత్తుగా పక్కకు జరుగుతాయి. ఈ మార్పు వల్ల విడుదలయ్యే శక్తి భూకంప తరంగాల రూపంలో వెలువడుతుంది. వీటినే మనం భూకంపాలుగా చెబుతుంటాము. భారతదేశం ప్రధానంగా ఇండియన్ ప్లేట్‌పై ఉంది. ఇది యురేషియన్ ప్లేట్‌తో ఢీకొంటోంది. ఇదే హిమాలయాల ఏర్పాటుకు కారణమవుతోంది. తెలంగాణ వంటి ప్రాంతాలలో భూకంపాలు తక్కువగా సంభవిస్తాయి. , కానీ అప్పుడప్పుడు చిన్నపాటి ప్రకంపనలు సంభవించవచ్చు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.

Hanamakonda SI Assaults Woman: నాకు కొడుకు లేడు, నా మొదటి భార్యకు విడాకులు ఇచ్చి నిన్ను పెళ్లి చేసుకుంటాను అని హనుమకొండ ఎస్ఐ గోదారి రాజకుమార్ నమ్మించి, ఒక మహిళను లొంగదీసుకున్నాడు. దీనివల్ల ఆమె గర్భవతి కూడా అయ్యింది. అయితే బలవంతంగా ఆమెకు అబార్షన్ మాత్రలు వేయించాడు. దీంతో తీవ్ర రక్తస్రావమై ఆమె అనారోగ్యానికి గురైంది. ఆమె కోలుకున్నాక పెళ్లి చేసుకోమని సదరు చేయడంతోనే అసలు నిజం బయటపడింది. పోలీసుల సమాచారం ప్రకారం.. గతంలో హనుమకొండ పోలీస్ స్టేషన్‌లో ఎస్ఐ గోదారి రాజకుమార్ పనిచేస్తున్న సమయంలో 2022లో ఒక మహిళ తన భర్తపై ఫిర్యాదు చేయడానికి వచ్చింది. ఆమెను అదనపు అవకాశంగా భావించి, పెళ్లి చేసుకుంటానని నమ్మించి ఆమెను లోబరుచుకున్నాడు. తనకు తెలిసిన న్యాయవాది సహాయంతో ఆమె భర్తకు విడాకులు ఇప్పించి, ఆ తర్వాత పెళ్లి చేసుకుంటానని నమ్మి ఆమెను రెండుసార్లు గర్భవతిని చేశాడు. ఇటీవల బలవంతంగా అబార్షన్ మాత్రలు ఇవ్వడంతో ఆమె ఆరోగ్యం క్షీణించింది. మళ్లీ పెళ్లి చేసుకోమని అడగగా, ఫోటోలు బయటపెడతానని బ్లాక్‌మెయిల్ చేశాడు. 

India Tour Of Zimbabwe: మీడియా రంగంలో అగ్రగామి సంస్థగా ఉన్న జీ మీడియా క్రీడా రంగంలోనూ సత్తా చాటుతోంది. అంతర్జాతీయ క్రీడా టోర్నీల ప్రసార హక్కులను వరుసగా జీ మీడియా సంస్థ సొంతం చేసుకుంటోంది. ఇప్పటికే ఫిఫా ప్రపంచకప్‌ 2026తో సత్తా చాటిన జీ మీడియా తాజాగా క్రికెట్‌లోనూ ఎంట్రీ ఇచ్చింది. జింబాబ్వేతో జరగనున్న టీ20 సిరీస్‌ ప్రసార హక్కులను జీ మీడియా సంస్థ దక్కించుకుంది. ఈ సిరీస్‌కు సంబంధించిన వివరాలు ఇలా ఉన్నాయి.

క్రీడా రంగంలో తన స్థానాన్ని మరింత బలోపేతం చేసుకుంటూ జీ ఎంటర్‌టైన్‌మెంట్ ఎంటర్‌ప్రైజెస్ లిమిటెడ్ మరో భారీ ఒప్పందాన్ని కుదుర్చుకుంది. 2026 జూలైలో జరగబోయే భారత క్రికెట్ జట్టు జింబాబ్వే పర్యటనకు సంబంధించిన ప్రత్యేక అధికారిక ప్రసార హక్కులను జీ మీడియా సొంతం చేసుకుంది. ఈ ఒప్పందంతో జీ నెట్‌వర్క్ స్పోర్ట్స్ విభాగం యునైట్8 స్పోర్ట్స్ ఛానెళ్లలో ప్రసారాలు జరగుతాయి. ట్వంటీ20 ఇంటర్నేషనల్ సిరీస్‌ను దేశవ్యాప్తంగా ఉన్న కోట్ల మంది వీక్షకులు ప్రత్యేకంగా వీక్షించనున్నారు.

సిరీస్‌ ఎప్పుడు 
భారత్ వర్సెస్ జింబాబ్వే టీ20 సిరీస్‌ జూలై 2026లో జరగనుంది. ఈ మ్యాచ్‌లు 'యునైట్8 స్పోర్ట్స్' ఛానెళ్లలో మాత్రమే ప్రత్యక్ష ప్రసారం కానున్నాయి. జింబాబ్వే క్రికెట్ చరిత్రలోనే అత్యంత పెద్ద అంతర్జాతీయ సిరీస్‌లలో ఒకటైన ఈ టూర్‌ను టీవీ ద్వారా కోట్ల మంది ప్రేక్షకులకు సంస్థ అందుబాటులో రానున్నాయి. ఇప్పటికే IL T20, ఫిఫా వరల్డ్ కప్ 2026 వంటి ప్రతిష్టాత్మక టోర్నమెంట్ల హక్కులను కలిగి ఉన్న జీ మీడియా ఇప్పుడు భారత్-జింబాబ్వే సిరీస్‌తో క్రీడా విభాగంలో మరింత పటిష్టం చేసుకుంది.

ప్రసారాలు ఎక్కడ?
నిరంతరం వార్తా ప్రసారాలు చేస్తున్న జీ మీడియా క్రీడా రంగానికి కూడా ప్రత్యేకంగా ఏర్పాట్లు చేసింది. యునైట్‌ 8 స్పోర్ట్స్‌ చానల్స్‌తో జింబాబ్వే సిరీస్‌ మ్యాచ్‌లు తెరపైకి రానున్నాయి. క్రికెట్ అభిమానుల వినోదాన్ని రెట్టింపు చేస్తూ ఈ మ్యాచ్‌లు వివిధ భాషల్లో ప్రత్యక్ష ప్రసారం కానున్నాయి. దీంతోపాటు ఫిఫా ప్రపంచకప్ మ్యాచ్ లు కూడా చూసే అవకాశం లభిస్తోంది.

హిందీ
యునైట్8 స్పోర్ట్స్ 1, యునైట్8 స్పోర్ట్స్ 1 హెచ్‌డీ చానల్స్‌లో ప్రత్యక్షప్రసారం
ఇంగ్లీష్ భాష: యునైట్8 స్పోర్ట్స్ 2, యునైట్8 స్పోర్ట్స్ 2,

ఇదొక కీలక అడుగు
జింబాబ్వే, భారత్‌ టీ20 సిరీస్‌ దక్కించుకోవడంపై జీ ఎంటర్‌టైన్‌మెంట్ ఎంటర్‌ప్రైజెస్ లిమిటెడ్ (యునైట్8 స్పోర్ట్స్) చీఫ్ బిజినెస్ ఆఫీసర్ భవేష్ జనావ్లేకర్ స్పందించి కొన్ని వ్యాఖ్యలు చేశారు. 'భారత్-జింబాబ్వే పర్యటనను ప్రేక్షకుల ముందుకు తీసుకురావడం సంతోషాన్ని ఇస్తోంది. యునైట్8 స్పోర్ట్స్‌ను ప్రపంచస్థాయి ప్రీమియం క్రీడలకు ఒక ప్రధాన వేదికగా తీర్చిదిద్దాలనే ప్రయత్నంలో ఇదొక కీలక అడుగు' అని భవేష్ జనావ్లేకర్ తెలిపారు. విభిన్నమైన క్రీడా కంటెంట్‌ను ప్రేక్షకులకు అందించాలనే తమ వ్యూహానికి ఈ ఒప్పందం అద్దం పడుతోందని పేర్కొన్నారు. రాబోయే రోజుల్లో మా ప్లాట్‌ఫారమ్‌ల ద్వారా సరికొత్త, ఆకట్టుకునే క్రీడా వినోదాన్ని అందిస్తూనే ఉంటామని పేర్కొన్నారు. జింబాబ్వే క్రికెట్‌తో సుదీర్ఘ భాగస్వామ్యాన్ని కొనసాగించేందుకు ఆసక్తిగా ఎదురుచూస్తున్నట్లు తెలిపారు.

Tuni Girl Missing Case Search Operation: తల్లిదండ్రులు పొలం వద్ద కాపలా కాస్తుండగా.. తమ పెంపుడు కుక్కతో కలిసి ఇంటి వద్ద ఆడుకుంటున్న బాలిక పొలంలోకి వెళ్లి అదృశ్యమైంది. అటవీ ప్రాంతంలోకి వెళ్లిన బాలిక ఆచూకీ వారమైనా లభించలేదు. మూడు రోజుల కనిపించిన పెంపుడు కుక్క అనూహ్యంగా మృతి చెందడంతో ఈ ఉదంతం ఊహించని మలుపు తిరిగింది. ఏపీలో తీవ్ర సంచలనం రేపుతున్న బాలిక అదృశ్యంపై జనసేన పార్టీ అధినేత, ఉప ముఖ్యమంత్రి పవన్‌ కల్యాణ్‌ స్పందించారు. వెంటనే బాలిక ఆచూకీ తెలుసుకోవాలని అధికార యంత్రాంగానికి ఆదేశించారు.

తుని ప్రాంతంలో చిన్నారి అదృశ్యం ఘటనపై డిప్యూటీ సీఎం పవన్ కల్యాణ్ ఆరా తీశారు. ఈ సందర్భంగా కాకినాడ జిల్లా ఎస్పీతో ఫోన్‌లో మాట్లాడి వివరాలు తెలుసుకున్నారు. బాలిక ఆచూకీ కనిపెట్టేందుకు చేపట్టిన చర్యలపై చర్చించారు. కాకినాడ జిల్లా, తుని మండల పరిధిలోని సీహెచ్ అగ్రహారంలో వారం రోజుల కిందట అదృశ్యమైన చిన్నారి జ్ఞానేశ్వరి ఆచూకీ త్వరితగతిన కనుగొనేందుకు మరిన్ని బృందాలను రంగంలోకి దించాలని డిప్యూటీ సీఎం పవన్‌ కల్యాణ్‌ ఆదేశించారు.

బాలిక జ్ఞానేశ్వరి ఆచూకీ కోసం ప్రస్తుతం గాలింపు చర్యల్లో ఉన్న పోలీసు, ఎస్డీఆర్ఎఫ్ బృందాలతోపాటు ఎన్డీఆర్ఎఫ్ బృందాల సేవలు కూడా వినిగియోగించుకోవాలని డిప్యూటీ సీఎం పవన్‌ కల్యాణ్‌ సూచించారు. దట్టమైన అడవుల్లోకి కూడా వెళ్లే సత్తా ఉన్న అటవీశాఖ నైట్ వాచర్స్, బేస్ క్యాంప్ వాచర్స్, నిపుణుల సహాయం తీసుకుని పరిసర అటవీ ప్రాంతాల్లో జల్లెడ పట్టాలని ఆదేశించారు. చిన్నారి జ్ఞానేశ్వరి అదృశ్యం ఘటనపై శనివారం మరోసారి కాకినాడ జిల్లా ఎస్పీతో ఫోన్‌లో సమీక్షించారు. ఇప్పటికే పలుమార్లు ఈ అంశంపై పోలీసు ఉన్నతాధికారులతో ఉప ముఖ్యమంత్రి మాట్లాడారు. బాలిక ఆచూకీ కనుగొనేందుకు ఇప్పటికే 400 మందికిపైగా సిబ్బంది గాలింపు చర్యల్లో పాల్గొంటున్నట్టు, అత్యాధునిక డ్రోన్లతో అణువణువు జల్లెడ పడుతున్నట్టు కాకినాడ ఎస్పీ వివరించారు. చిన్నారి జ్ఞానేశ్వరి ఇంటి పరిసరాల్లో 38 సీసీ కెమెరాల్లో ఫుటేజీని పరిశీలించినట్టు తెలిపారు. చిన్నారి అదృశ్యమై వారం రోజులు గడచిన క్రమంలో దర్యాప్తు మరింత వేగవంతం చేయాలని ఈ సందర్భంగా డిప్యూటీ సీఎం పవన్ కల్యాణ్ ఆదేశించారు.

పెంపుడు కుక్క మృతి
అదృశ్యమైన చిన్నారి జాహ్నవి కేసులో కీలకమైన పెంపుడు కుక్క కొద్ది సేపటి కిందట చనిపోయింది. ఉన్న ఒక్క సాక్ష్యం కనుమరుగైపోయింది. దానిపైన ఆశలు పెట్టుకున్న చిన్నారి తల్లిదండ్రులు గణేశ్‌, భవాని కన్నీరు మున్నీరవుతున్నారు. తమ పాప పరిస్థితి ఏమిటని తల్లిదండ్రులు ఆందోళన వ్యక్తం చేస్తున్నారు.

కరాటే కల్యాణి పరామర్శ
అదృశ్యమైన చిన్నారి జ్ఞానేశ్వరి కుటుంబాన్ని సినీ నటి కరాటే కల్యాణి పరామర్శించారు. అమావాస్య సందర్భంగా బాలికను బలిచ్చేందుకు ఎవరో అపహరించి ఉండవచ్చని ఆమె అనుమానం వ్యక్తం చేశారు. ఈ కేసులో ఏదో మిస్టరీ ఉందని.. దీనిని ఛేదించాలని కరాటే కల్యాణి పోలీసులను కోరారు.

Rahmanullah Gurbaz Record Century: టెస్టుల్లో భారీ విజయం సాధించిన భారత జట్టు అఫ్ఘానిస్తాన్‌తో జరిగిన తొలి వన్డే మ్యాచ్‌లో బౌలర్లు చెలరేగిపోయారు. వర్షం కారణంగా 25 ఓవర్లకు కుదించగా.. పూర్తి ఓవర్లు కూడా ఆడలేక చేతులెత్తేశారు. అఫ్ఘాన్‌ బ్యాటర్లపై బౌలర్లు ప్రతాపం చూపించారు. ఆరంభ మ్యాచ్ లోనే యువ బౌలర్లు మూడేసి వికెట్లతో అదరగొట్టారు. భారత బౌలింగ్‌ను తట్టుకుని నిలబడిన రహహ్మనుల్లా గుర్బాజ్‌ దూకుడుగా ఆడి తక్కువ బంతుల్లోనే రికార్డు సెంచరీ నమోదు చేశాడు.

ధర్మశాల వేదికగా జరిగిన తొలి వన్డేకు వర్షం అంతరాయం కలిగించింది. వరుణుడు శాంతించిన అనంతరం రిఫరీలు 25 ఓవర్లకు కుదించారు. టాస్‌ నెగ్గిన భారత్‌ బౌలింగ్ ఎంచుకోగా.. బ్యాటింగ్‌కు దిగిన అఫ్ఘానిస్థాన్‌ 24.5 ఓవర్లకు 194 పరుగులు చేసి ఆలౌటైంది. అఫ్ఘాన్‌ బ్యాటర్‌లలో రహ్మనుల్లా మినహా ఎవరూ ఝుళిపించలేకపోయారు. బ్యాటర్లు బ్యాట్‌ కదిలించడంలో పూర్తిగా విఫలమయ్యారు.

ఇబ్రహీం జద్రాన్‌ (1), సిద్దీఖుల్లా అటల్‌ (0), రహ్మత్‌ షా (3), మహ్మద్‌ నబీ (9), రషీద్‌ ఖాన్‌ (9), అల్లా ఘజాన్‌ఫర్‌ (0), జియార్‌ రహ్మన్‌ (4) డబుల్‌ డిజిట్‌ పరుగులు కూడా సాధించలేకపోయారు. వరుసగా బ్యాటర్లందరూ ఔటవుతున్న వేళ రహ్మనుల్లా గొప్పగా ఆడాడు. మైదానంలో నిలబడి అతి తక్కువ బంతుల్లోనే శతకాన్ని నమోదు చేశాడు. బ్యాట్‌తో దూకుడుగా ఆడి 51 బంతుల్లో వేగంగా 102 పరుగులు చేశాడు. 8 ఫోర్లు, 8 సిక్సర్లు నమోదు చేశాడు. మైదానంలోకి వచ్చిన ప్రతి ఆటగాడు అలా వచ్చి ఇలా వెళ్లిపోయారు. టెస్టుల్లో పరువు పోవడంతో వన్డేలో అయినా నిలకడగా ఆడాలనే తపనతో గుర్బాజ్‌ పోరాడాడు. గుర్బాజ్‌ ఔటయిన తర్వాత వరుసగా ఔటవడంతో ఒక బంతి మిగిలుండగానే ఆలౌటైంది.

బౌలర్ల ప్రతాపం
అఫ్ఘానిస్థాన్‌పై భారత బౌలర్లు అద్భుతంగా వేశారు. టెస్టుల్లో మాదిరి వన్డేలో కూడా చెలరేగి బంతులు వేశారు. హర్ష్‌ దూబే, గుర్నూర్‌ బ్రార్‌తోపాటు మిగతా బౌలర్లు పొదుపుగా వేసి వికెట్లు పడగొట్టారు. అరంగేట్ర మ్యాచ్‌లోనే హర్ష్‌ దూబే, గుర్నూర్‌ మూడు వికెట్లు తీసి ఔరా అనిపించారు. సీనియర్‌ బౌలర్లు అర్ష్‌దీప్‌, నితీశ్‌ కుమార్ రెడ్డి తలా రెండు వికెట్లు తీసి రాణించారు. ఫీల్డింగ్‌లోనూ ఆటగాళ్లు అదరగొట్టారు.

రోహిత్‌ శర్మ రికార్డు
ఈ వన్డే మ్యాచ్‌తో మాజీ కెప్టెన్‌ రోహిత్ శర్మ అరుదైన రికార్డు నమోదు చేశాడు. భారత జట్టు తరపున వన్డేల్లో ఆడిన అతిపెద్ద వయస్కుడిగా ఘనత సాధించాడు. రోహిత్ వయసు ప్రస్తుతం 39 సంవత్సరాల 44 రోజులు. గతంలో మాజీ ప్లేయర్ మోహిందర్ అమర్‌నాథ్ రికార్డును రోహిత్‌ శర్మ బ్రేక్ చేశాడు.

pradhan mantri mudra yojana: ప్రపంచంలోనే అతిపెద్ద సోషల్ వెల్ఫేర్ స్కీమ్ గా ముద్ర యోజన స్కీమ్ ఆదరణ పొందింది.  ముఖ్యంగా ముద్ర యోజన స్కీం ద్వారా ప్రతి ఏడాది దాదాపు లక్షలాది మంది యువత ఎలాంటి గ్యారెంటీ లేకుండానే బ్యాంకుల నుంచి లోన్ పొందుతున్నారు.  ముద్రా యోజన స్కీం ద్వారా కొత్తగా వ్యాపారం చేసేవారు కావచ్చు.. అలాగే ఉన్న వ్యాపారాన్ని మరింత అభివృద్ధి చేసుకోవాలి అనుకునే వారు కూడా ఈ స్క్రీన్ ద్వారా లబ్ధి పొందే అవకాశం ఉంటుంది.

కేంద్రంలోని మోదీ ప్రభుత్వం అత్యంత ప్రతిష్టాత్మక ప్రవేశపెట్టిన స్కీం ఏదైనా ఉందంటే అది ప్రధానమంత్రి ముద్ర యోజన స్కీమ్ అనే చెప్పాలి. ఈ స్కీం కింద ఇప్పటికే దాదాపు 50 కోట్లకు మంది పైగా లబ్ధిదారులు దేశవ్యాప్తంగా లబ్ధి పొందుతున్నారు. ప్రపంచంలోనే అతిపెద్ద సోషల్ వెల్ఫేర్ స్క్రీన్ గా ఈ ముద్రా యోజన స్కీమ్. భావిస్తున్నారు. ముఖ్యంగా ముద్రా యోజన స్కీం ద్వారా ప్రతి ఏడాది దాదాపు లక్షలాది మంది యువత ఎలాంటి గ్యారెంటీ లేకుండా బ్యాంకుల నుంచి లోన్ తీసుకుంటున్నారు. ముద్ర యోజన స్కీం ద్వారా కొత్తగా బిజినెస్ చేయాలనుకునే వాళ్ళు కావచ్చు లేదంటే ఉన్న వ్యాపారాన్ని మరింత విస్తరించుకోవాలనుకునేవారు కావచ్చు ఈ లోన్ ద్వారా లబ్ధి పొందే అవకాశం ఉంటుంది.

ముద్ర యోజన స్కీం ద్వారా మీరు మీ సమీపంలో ఉన్నటువంటి ప్రభుత్వ, ప్రైవేట్ బ్యాంకు నుంచి కూడా లోన్స్ ఎలాంటి తాకట్టు లేకుండానే పొందే అవకాశం ఉంటుంది. ఈ స్కీమ్ ద్వారా మీరు బిజినెస్ ప్రారంభించాలి అనుకున్నట్లయితే మీకు గరిష్టంగా 20 లక్షల రూపాయల వరకు లోన్ అందిస్తారు.   దీనిలో మొత్తం మూడు కేటగిరీలో లోన్స్ అందిస్తారు.  కొత్తగా చిన్న వ్యాపారం ప్రారంభించే వారికి శిశు రుణాల కేటగిరిలో భాగంగా 50 వేల రూపాయల వరకు లోన్ పొందవచ్చు.  కిషోర్ కేటగిరీలో 5 లక్షల వరకు లోన్స్ పొందవచ్చు.  దీనిలో ముఖ్యంగా ఇప్పటికే ఉన్న వ్యాపారాన్ని విస్తరించుకోవడానికి ఇది ఎంతగానో ఉపయోగపడుతుందని చెప్పాలి. 

ఇక తరుణ్ కేటగిరి విషయానికి వచ్చినట్లయితే 5 లక్షల రూపాయల కంటే ఎక్కువగా 10 లక్షల లోపు రుణాలు పొందే ఛాన్స్ ఉంటుంది. ఇది స్థిరపడిన వ్యాపారాన్ని మరింత విస్తరింప చేయాలనుకునే వారికి ఎంతోగానో ఉపయోగపడుతుందని చెప్పాలి. అలాగే తరుణ్ ప్లస్ స్కీం కింద 10 లక్షల కంటే ఎక్కువగా అంటే 20 లక్షల వరకు లోన్స్ పొందే ఛాన్స్ ఉంటుంది. గతంలో తరుణ్ లోన్స్ తీసుకుని సకాలంలో చెల్లించిన వారికి ఈ లోన్స్ ఈజీగా అందిస్తారు. అయితే ఇప్పటివరకు గమనించినట్లయితే దేశవ్యాప్తంగా దాదాపు 40 లక్షల కోట్ల రూపాయలు ఈ లోన్స్ కింద మంజూరు అయ్యాయి. దీనిలో దాదాపు 70% మంది మహిళలే ఉండటం విశేషమని చెప్పాలి.

 ముఖ్యంగా ఎస్సీ, ఎస్టీ, బీసీ సామాజిక వర్గాలకు చెందిన వారికి సుమారు 50% వరకు లోన్స్ అందిస్తున్నారు. సుమారు 12 కోట్ల మంది మొదటిసారిగా వ్యాపారంలో ప్రవేశించేందుకు ఈ లోన్స్ ఎంతగానో ఉపయోగపడ్డాయి. లోన్స్ తిరిగి చెల్లించే స్కీములో ఇది అగ్రస్థానంలో ఉందని చెప్పాలి. కేవలం 2.3 శాతం  మొండి బాకీలు మాత్రమే ఇందులో ఉన్నాయి. ముద్ర లోన్స్ పొందేందుకు మీ సమీపంలో ఉన్న ప్రభుత్వ, ప్రైవేట్, గ్రామీణ, స్మాల్ ఫైనాన్స్ బ్యాంకులకు కూడా వెళ్ళవచ్చు.

 మీరు కేంద్ర ప్రభుత్వం అధికారిక ఉద్యమ్ మిత్ర పోర్టల్ లేదా జన సమర్థ వెబ్సైట్ ద్వారా ఆన్లైన్లో ఈజీగా దరఖాస్తు చేసుకోవచ్చు. మీ దగ్గరలో ఉన్నటువంటి బ్యాంకు శాఖను సందర్శించి ముద్ర లోన్ అప్లికేషన్ ఫారం సమర్పించడంతో పాటు ఆధార్ కార్డు, పాన్ కార్డు, ఓటర్ ఐడి, అలాగే బిజినెస్ ప్లాన్ కు సంబంధించి ప్రాజెక్ట్ రిపోర్ట్ అలాగే పాస్పోర్ట్ సైజ్ ఫోటోలు అందించాల్సి ఉంటుంది. లోన్ మంజూరైన తర్వాత మీకు ముద్రకార్డు రూపంలో డిబేట్ కార్డ్ అందిస్తారు. దీని ద్వారా మీరు ఎప్పుడు అవసరమైతే అప్పుడు డబ్బులు ఉపయోగించుకునే ఛాన్స్ ఉంటుంది. మీరు ఎంత డబ్బు వాడుకుంటారో దానిపై మాత్రమే వడ్డీ పడుతుంది. 

Telangana Govt Breakfast Scheme: పాఠశాల విద్యార్థులతోపాటు కళాశాల విద్యార్థులకు తెలంగాణ ప్రభుత్వం భారీ శుభవార్త వినిపించింది. ప్రభుత్వ విద్యాలయాలకు వచ్చే పేద విద్యార్థుల కోసం ఉచితంగా అల్పాహారం, మధ్యాహ్న భోజనం అందించాలని ప్రభుత్వం నిర్ణయం తీసుకుంది. ఈ పథకాన్ని విద్యాలయాల పునఃప్రారంభం రోజు నుంచి ప్రారంభించనుంది. ఈ మేరకు తెలంగాణ ప్రభుత్వం ఈ పథకాన్ని జూన్‌ 15వ తేదీ నుంచి అంటే సోమవారం నుంచి ప్రారంభించేందుకు చర్యలు చేపడుతోంది.

విద్యా వ్యవస్థ బలోపేతంపై తెలంగాణ ప్రభుత్వం చర్యలు తీసుకుంటోంది. విద్యా సంవత్సరం ప్రారంభమవుతుండడంతో విద్యార్థులకు తెలంగాణ ప్రభుత్వం తీపి కబురు వినిపించింది. విద్యార్థులకు పాఠశాల, కళాశాలల ఆవరణల్లో ఉదయం టిఫిన్‌ అందించడమే కాకుండా మధ్యాహ్న భోజనం అందించనుంది. అంతేకాకుండా పాలు లేదా రాగిజావ ఇవ్వాలని కూడా ప్రభుత్వం నిర్ణయం తీసుకుంది. ఇదివరకు పాఠశాలల్లో మధ్యాహ్న భోజనం మాత్రమే అందించేవారు. ఇప్పుడు టిఫిన్‌ కూడా విద్యార్థులకు అందిస్తున్నారు. దాంతోపాటు పాలు లేదా రాగిజావ ఇవ్వనున్నారు.

కళాశాలల్లో మూడు.
ప్రభుత్వ కళాశాలల్లో ఇప్పటివరకు మధ్యాహ్న భోజనం అంటూ ఏమీ లేదు. గతంలో కేసీఆర్‌ ప్రభుత్వం ఉన్న సమయంలో మధ్యాహ్న భోజనం అందించాలని చర్యలు తీసుకున్నా కార్యరూపం దాల్చలేదు. నేటి కాంగ్రెస్‌ ప్రభుత్వం ఇంటర్‌తోపాటు డిగ్రీ కళాశాలల్లో మధ్యాహ్న భోజనం ప్రారంభించనుంది. దీంతోపాటు టిఫిన్‌ కూడా ప్రారంభించబోతున్నది. ఇక పాలు లేదా రాగిజావ అందించనుంది.

విద్యార్థుల సంఖ్య పెంపు లక్ష్యం
ప్రభుత్వ పాఠశాలలు, కళాశాలలపై ప్రజల్లో నమ్మకం కోల్పోతుండడంతో వాటి ఉనికి ప్రమాదకరంగా మారింది. రోజురోజుకు ప్రభుత్వ విద్యాలయాల్లో చదువుకునే వారి సంఖ్య తగ్గిపోతున్నది. డ్రాపౌట్స్‌ సంఖ్య పెరిగిపోతున్నది. విద్యార్థులు లేక కొన్ని పాఠశాలలు వెలవెలబోతున్నాయి. ఈ పరిస్థితి గ్రామీణ ప్రాంతాల్లో తీవ్రంగా ఉంది. ఈ నేపథ్యంలో ప్రభుత్వం విద్యా వ్యవస్థ బలోపేతం కోసం కొన్ని పథకాలు, సంక్షేమ కార్యక్రమాలు అమలు చేస్తోంది. విద్యార్థులు తిరిగి విద్యా సంస్థకు ఉత్సాహంగా వచ్చేందుకు ప్రభుత్వం బ్రేక్‌ఫాస్ట్‌తోపాటు లంచ్‌ అందించనుంది. ప్రభుత్వ విద్యా వ్యవస్థపై నమ్మకం కలిగించడమే కాకుండా నాణ్యమైన విద్య అందిస్తున్నామని.. వాటితోపాటు పోషకాహారం అందిస్తున్నట్లు విద్యార్థుల తల్లిదండ్రులకు ప్రభుత్వం చెప్పబోతున్నది. 

ప్రభుత్వ విద్యాలయాలకు పూర్వ వైభవం
ప్రభుత్వ స్కూల్స్, కాలేజీలలో బ్రేక్ ఫాస్ట్ పథకం అమలు చేయనుండడంతో మరి విద్యార్థులు, వారి తల్లిదండ్రుల్లో మార్పు వస్తుందా? లేదా? అనేది చూడాలి. పాఠశాలలు, కళాశాలల్లో టిఫిన్, భోజనంతో పాటు పాలు లేదా రాగిజావ ఇవ్వనుండగా.. ఈ పథకాన్ని ముఖ్యమంత్రి ప్రారంభిస్తారని తెలుస్తోంది. ఈ పథకాన్ని పక్కాగా.. నాణ్యంగా గ్రామీణ ప్రాంతాల్లో అమలు చేస్తే ప్రభుత్వ విద్యాలయాలకు మళ్లీ పూర్వవైభవం వచ్చే అవకాశం ఉంది. మరీ ఈ పథకం విజయవంతం కావాలని కోరుకుందాం.