Baby King Cobra Video Here: ప్రకృతిలో జీవరాశులన్నీ దాహానికి అతీతం కావని నిరూపించే ఒక అద్భుతమైన వీడియో ఇప్పుడు సోషల్ మీడియా మాధ్యమాల్లో ఊహించని స్థాయిలో వైరల్ అవుతూ వస్తోంది. సాధారణంగా కింగ్ కోబ్రా పేరు వినగానే ప్రాణాలు చేతులు పెట్టుకొని గజ గజలాడుతూ ఉంటారు. అలాంటిది ఒక అత్యంత విషపూరితమైన కింగ్ కోబ్రా పిల్లకు ఒక వ్యక్తి ఏకంగా జగ్గుతో నీళ్లను తాగించడం ఇప్పుడు అందర్నీ ఆశ్చర్యపోయేలా చేస్తోంది. దీనికి సంబంధించిన ఘటన ఇప్పుడు సోషల్ మీడియాలో విపరీతంగా వైరల్ అవుతుంది. 

ఎండల తీవ్రత పెరగడంతో అటవీ ప్రాంతాల్లో నీటి వనరులు ఎండిపోతున్నాయి. ఈ క్రమంలో దాహంతో అలమటిస్తున్న ఒక కింగ్ కోబ్రా పిల్ల జనాభాసాల్లోకి వచ్చింది. దాని అవస్థను గమనించిన ఒక స్నేక్ క్యాచర్.. అది ఎక్కడ దాడి చేస్తుందో అని భయపడకుండా మానవత్వంతో స్పందించాడు.. ఒక ప్లాస్టిక్ నీటి జగ్గును తీసుకొని ఆ పాము దగ్గరకు వెళ్ళాడు. అంతేకాకుండా ఆ పాముకు నీటిని పట్టించడం కూడా మీరు చూడొచ్చు.. 

వైరల్ అవుతున్న వీడియోలు ఒక వ్యక్తి ఒక చేత్తో పాము తోకను పట్టుకొని.. మరొక చేతితో నీటి జగ్గును పాము నోటి దగ్గరగా ఉంచి నీటిని విడవడం మీరు గమనించవచ్చు. సాధారణంగా మనుషులను చూడగానే బుసలు కొట్టే పాము.. ఈ వీడియోలో మాత్రం ఎంతో ప్రశాంతంగా నీటిని తాగడం విశేషం. ఆ వ్యక్తి జగ్గును వంచుతుంటే.. ఆ కింగ్ కోబ్రా పిల్ల ఎంతో సులభంగా దాహం తీర్చుకుంటూ నీటిని ఆస్వాదించడం చూసి సోషల్ మీడియా వినియోగదారులు ఫిదా అవుతున్నారు..

Symptoms of Ebola Virus: కాంగోలో ఎబోలా వైరస్ కలకలం రేపుతోంది. ఈ వైరస్ వ్యాప్తి వల్ల దాదాపు 65 మంది చనిపోయినట్లుగా నిర్ధారించారు. ఇంకా 246 మందికి సోకినట్లు అంచనా వేస్తున్నారు. కాంగోలో ఈ వైరస్ వ్యాప్తి నేపథ్యంలో పొరుగు దేశాల మధ్య నిఘా సహకారాన్ని కూడా బలోపేతం చేయనున్నారు. దీంతోపాటు ఇన్ఫెక్షన్ నియంత్రణ కోసం ప్రజల్లో అవగాహన పెంచడం, లాబొరేటరీ సేవలను మెరుగుపరచడం, వ్యాధి నిర్ధారణను కూడా వేగవంతం చేస్తున్నారు. మరణించిన వారికి సురక్షితమైన రీతిలో అంత్యక్రియలు చేస్తున్నారు. ఈ వ్యాధిని నిరోధించడానికి కావలసిన నిధులు, వైద్య పరికరాలను కూడా సమకూరుస్తున్నారు.

కాంగో ఇన్స్టిట్యూట్ నేషనల్ డి రీచార్చే బయో మెడికల్ ప్రకారం 20 మందిలో రక్త నమూనాలను సేకరించగా, 13 మందికి ఎబోలా వైరస్ సోకినట్లు ప్రకటించింది. ఎబోలా వైరస్ తీవ్రత మోంగ్వాలు, ర్వాంపారా ప్రాంతాల్లో ఎక్కువగా ఉంది. బునియా ప్రాంతంలో కూడా ఎబోలా సోకి ఉండవచ్చని అనుమానిస్తున్నారు.

ఎబోలా వైరస్ కారణాలు..
ఎబోలా వైరస్ ఎక్కువగా వ్యాప్తి చెందడానికి ముఖ్య కారణం.. ఇది పట్టణ ప్రాంతాల్లో ఎక్కువగా వ్యాప్తి చెందడమే. ఇక్కడ ఎక్కువ జనాభా ఉంటారు. అందుకే ఇది త్వరగా వ్యాప్తి చెందుతుంది. మైనింగ్ వంటి పనుల కోసం ప్రజలు రాకపోకలు సాగిస్తుండటంతో మోంగ్వాలు ప్రజలకు ఎక్కువగా వ్యాప్తి చెందింది.

వైరస్ రకం..
ఎబోలా వైరస్ బారిన పడిన వారి రక్త నమూనాల్లో సాధారణంగా కనిపించే రకానికి చెందిన 'జైర్‌ ' వైరస్ కాదని తేలింది. ఈ కొత్త రకం వైరస్ లక్షణాలు కచ్చితంగా తెలుసుకోవడానికి ప్రస్తుతం ప్రక్రియ కొనసాగుతోందని చెబుతున్నారు.

Cobra On Scooter Video Watch Here: నేటి కాలంలో సోషల్ మీడియా పుణ్యమా అని వింత వింత ఆశ్చర్యం కలిగించే ఘటనలు వెలుగులోకి వస్తూ ఉన్నాయి. తాజాగా నెట్టింట వైరల్ అవుతున్న ఒక వీడియో చూస్తే ఎవరికైనా వెన్నులో వణుకు పుట్టక మానదు.. నడిరోడ్డుపై ఆగి ఉన్న ఒక యాక్టివా స్కూటీపై భారీ నాగుపాము పడగవిప్పి హల్చల్ చేసిన ఘటన స్థానికంగా కలకలం రేపింది. అయితే ఆ స్కూటీ పైకి పాము ఎలా వచ్చిందనేది అసలు ఎవ్వరికీ తెలీదు. కానీ స్కూటీపై పడక విప్పి నిలబడి నానా హంగామా సృష్టించింది. ఇప్పుడు దీనికి సంబంధించిన దృశ్యాలు సోషల్ మీడియాను షేక్ చేస్తున్నాయి..

సాధారణంగా పాములు పొదల్లోనూ.. పచ్చిక మైదానంలోనో.. అడవుల్లోనూ కనిపిస్తూ ఉంటాయి. కానీ ఈ ఘటనలు ఒక వ్యక్తి తన యాక్టివ్ స్కూటీని రోడ్డు పక్కన నిలిపి ఉంచాడు.  కొద్దిసేపటి తర్వాత తిరిగివచ్చి చూసేసరికి కూటి వెనక భాగంలో ఒక భారీ నాగుపాము బయటికి వచ్చి పడక విప్పి నిలబడి ఉండడం మీరు చూడొచ్చు. ఈ పాము పరిమాణం.. దాని ఆవేశం చూసి అక్కడున్న వారంతా భయాందోళనకు గురైనట్లు తెలుస్తోంది..

స్కూటీపై పడగ విప్పి నాగుపాము..
రోడ్డుపై వెళ్లే వాహనదారులు స్కూటీపై పడగ విప్పి ఉన్న పామును చూసి ఆశ్చర్యపోయారు. క్షణాల్లో ఈ వార్త స్థానికంగా వ్యాపించడంతో స్థానికులు భారీ ఎత్తున అక్కడికి చేరుకున్నారు. పాము ఎక్కడ వారిపై దాడి చేస్తుందోనని అందరూ భయాందోళనకు గురై.. ఆ స్కూటీకి దూరంగా నిలబడి ఉండడం మీరు చూడొచ్చు. అయితే, స్థానికులు వెంటనే స్థానికంగా ఉన్న స్నేక్ క్యాచర్స్ కి సమాచారం అందించారు.. రంగంలోకి దిగిన వారు అత్యంత చాకచక్యంగా ఆపరేషన్‌ను ప్రారంభించారు..

బుసలు కొడుతూ పాము హల్‌చల్‌..
ఆ పాము అత్యంత ప్రమాదకరమైన రీతిలో బుసలు కొడుతూ ఉండడం మీరు చూడొచ్చు. అయితే స్నేక్ క్యాచర్స్ ఎలాగోలా ఆ పామును పట్టుకొని ఒక సంచిలో బంధించి సురక్షితమైన పరిసరాల్లో వదిలిపెట్టినట్లు తెలుస్తోంది. అయితే ఈ పామును పట్టుకోవడానికి స్నేక్ క్యాచర్స్ కొన్ని గంటలపాటు శ్రమించినట్లు తెలుస్తోంది. ఇప్పుడు వైరల్ అవుతున్న వీడియోను స్నేక్ క్యాచర్స్ బృందంలోని ఒకరు తీసి సోషల్ మీడియాలో పోస్ట్ చేశారు. ఈ వీడియో ఇప్పుడు యూట్యూబ్ తో పాటు వివిధ సోషల్ మీడియా మాధ్యమాల్లో వైరల్ అవుతూ వస్తోంది. 

Best Second Hand Car Market Deals 2026: మధ్యతరగతి కుటుంబ సభ్యులు ఇప్పుడు ఎక్కువ సెకండ్ హ్యాండ్ కార్లు మాత్రమే కొనుగోలు చేస్తున్నారు. ముఖ్యంగా అత్యంత తక్కువ ధరల్లో లభించే ఎక్కువ సేఫ్టీ ఫీచర్లు కలిగిన కార్లు అత్యధికంగా కొనుగోలు చేస్తున్నట్లు అధ్యయనాల్లో తేలింది. అంతేకాకుండా చాలామంది ఢిల్లీలోని సెకండ్ హ్యాండ్ కార్ల మార్కెట్‌లో ఎక్కువగా కొనుగోలు చేస్తున్నట్లు సమాచారం. దీనిని దృష్టిలో పెట్టుకొని అక్కడ నిర్వాహకులు కొన్ని కార్లపై ఎప్పటికప్పుడు స్పెషల్ డిస్కౌంట్ ఆఫర్స్ అందిస్తూ వస్తున్నారు. 

ఢిల్లీలో సెకండ్ హ్యాండ్ కార్ షోరూమ్స్..

ముఖ్యంగా ఢిల్లీలోని డిడిఎ మార్కెట్, సెక్టార్-16, రోహిణి, బై ఎన్.ఎస్, ఏ-బ్లాక్‌లో అందుబాటులో ఉన్న కొన్ని సెకండ్ హ్యాండ్ కార్ షోరూమ్స్ మిడిల్ క్లాస్ వినియోగదారులను దృష్టిలో పెట్టుకొని అత్యంత తక్కువ ధరలలోనే మంచి మంచి కార్లను విక్రయిస్తూ వస్తున్నాయి. ఇక్కడ కొన్ని బ్రాండ్లకు సంబంధించిన కార్లు సగం ధరలకే లభించడం విశేషం..అంతేకాకుండా ఇక్కడి సెకండ్ హ్యాండ్ కార్లకు సంబంధించిన షోరూమ్స్ లో సాధారణ వినియోగదారులను దృష్టిలో పెట్టుకొని కేవలం రూ.99 వేల నుంచి కార్లు ప్రారంభమవుతున్నాయి. ఇక్కడ మారుతి వ్యాగన్ఆర్ నుంచి లగ్జరీ అన్ని రకాల ఎస్యూవీల వరకు అన్నీ అత్యంత తక్కువ ధరలకే అందుబాటులో ఉన్నాయి. అంతేకాకుండా పండగల సందర్భంగా ప్రత్యేకమైన డిస్కౌంట్ ఆఫర్స్ కూడా అందుబాటులో ఉండడం విశేషం..

సెవెన్ సీటర‌్స్..

ఇక్కడ సెవెన్ సీటర్ గో ప్లస్ మోడల్ 2017 CNG కారు కేవలం 1,79,000 నుంచే ప్రారంభమవుతుంది. అంతేకాకుండా 2018 మోడల్‌కి సంబంధించిన రెనాల్ట్ ట్రైబర్ వంటి సెవెన్ సీటర్లు కేవలం రూ. 2.29 లక్షలకే విక్రయిస్తున్నారు. అలాగే ఇవే కాకుండా ఇక్కడ కొన్ని సెవెన్ సీటర్ కార్లు కేవలం మూడు లక్షల లోపే అందుబాటులో ఉన్నాయి..అదేవిధంగా హ్యాచ్‌బ్యాక్ కార్ల వినియోగదారులను దృష్టిలో పెట్టుకొని.. మధ్యతరగతి వారి ఫేవరెట్ వ్యాగన్ఆర్ 2017 మోడల్ కార్లు కేవలం ఇక్కడ రెండు లక్షల 50 వేల లోపే విక్రయిస్తున్నారు. అంతేకాకుండా 2019 మోడల్ కు సంబంధించిన స్విఫ్ట్ డిజైర్ కార్ కేవలం నాలుగు లక్షల లోపే విక్రయిస్తూ రావడం విశేషం..

Vemulawada Farmers Struggle: తెలంగాణలో కాంగ్రెస్ ప్రభుత్వం అధికారంలోకి వస్తే రైతుల కష్టాలు తీరుతాయని ఆశించిన అన్నదాతకు నిరాశే ఎదురవుతూ వస్తోంది. క్షేత్రస్థాయిలో ధాన్యం కొనుగోళ్ల ప్రక్రియ అస్తవ్యస్తంగా మారడంతో రైతులు రోడ్లపైనే పడిగాపులు కాస్తున్నారు. తాజాగా రాజన్న సిరిసిల్ల జిల్లా వేములవాడ నియోజకవర్గం పరిధిలోని చందుర్తి మండలంలో నెలకొన్న పరిస్థితులు ప్రభుత్వ అసమర్థతకు అడ్డం పడుతున్నాయి. అంతేకాకుండా దాన్యం లోడుతో వచ్చిన ట్రాక్టర్లకు సంబంధించిన వీడియోలు కూడా సోషల్ మీడియాలో చక్కర్లు కొడుతున్నాయి..

చందుర్తి మండలంలోని ఓ రైస్ మిల్లు వద్ద ధాన్యం లోడ్లతో వచ్చిన ట్రాక్టర్లు కొన్ని మీటర్ల మీరా నిలిచిపోయాయి. ధాన్యం అమ్ముకోవడానికి వచ్చిన రైతులు రాత్రింబవళ్లు వాహనాల వద్ద ఉండి పోవాల్సి వస్తోందని ఆవేదన వ్యక్తం చేస్తున్నారు. మిల్లు యజమానులు లోడు దింపుకోవడంలో జాప్యం చేస్తుండడంతో.. రోడ్డుపై ట్రాక్టర్లను ఉంచడం వల్ల ఆటుగుండా వెళుతున్న వాహనాలు కూడా స్తంభించిపోతున్నాయి. 

ఎంతో కష్టపడి పంట పండించడం ఒక ఎత్తు అయితే.. పండిన పంటను అమ్ముకోవడం ఇప్పుడు మాకు మరో యుద్ధంలా మారిందని.. స్థానిక రైతులు ఆవేదన వ్యక్తం చేస్తున్నారు.. ప్రభుత్వం దాన్యం కొనుగోలు కేంద్రాలను ప్రారంభించామని చెబుతున్నప్పటికీ.. ఇప్పటికీ కొన్నిచోట్ల ప్రారంభం కాకపోవడంతో రైతులు తీవ్ర ఇబ్బందులు పడుతున్నారు. రైతుల గోస వినే నాధుడే కరువయ్యాడని వేములవాడ, చందుర్తి పరిసర ప్రాంతాల్లోని రైతులు వాపోతున్నారు. మిల్లుల వద్ద ఫేమశాతం పేరుతో కోతలు విధిస్తున్నారని రైతులు ఆవేదన వ్యక్తం చేస్తున్నారు..

Second Hand Cars Delhi Telugu News: కొత్త కారు కొనాలని కలలు కంటున్నారా? కానీ బడ్జెట్ భయమేస్తోందా? అయితే మీకోసం ఒక అదిరిపోయే అవకాశం ఉంది. ఢిల్లీలోని షాలిమార్ బాగ్ సమీపంలో ఉన్న సెకండ్ హ్యాండ్ కార్ షోరూమ్స్‌లో మల్టీ నేషనల్ బ్రాండ్లకు తో పాటు భారతదేశానికి బ్రాండ్లకు సంబంధించిన కార్లపై కళ్లు చెదిరే ఆఫర్స్ అందిస్తూ వస్తున్నారు. కేవలం కొన్ని వందల కిలోమీటర్లు మాత్రమే తిరిగిన అన్‌రిజిస్టర్డ్ (Unregistered) డెమో కార్లను, సెకండ్ హ్యాండ్ వాహనాల ధరలకే విక్రయిస్తున్నట్లు అక్కడ నిర్వాహకులు చెబుతున్నారు. అంతేకాకుండా ఈ కార్లు కొనుగోలు చేసే వారికి RCపై నేరుగా ఫస్ట్ ఓనర్ అయ్యే అవకాశం ఉండడం విశేషం. అయితే ఈ మార్కెట్లో ఏ కార్లు అత్యంత చీకు ధరలకు అందుబాటులో ఉన్నాయో? వాడికి సంబంధించిన పూర్తి వివరాలు మనం ఇప్పుడు తెలుసుకుందాం. 

సాధారణంగా షోరూం నుంచి కారును రోడ్డుపైకి తీసుకురావాలంటే భారీగా పన్నులతో పాటు ఇతర ఖర్చులు కూడా ఉంటాయి. కానీ ఇక్కడ లభించే అన్ రిజిస్టర్ డెమో కార్లపై వినియోగదారులు రూ.2 లక్షల నుంచి ఏకంగా 5 లక్షల వరకు ఆదా చేసుకోవచ్చు. అంతేకాకుండా ఇక్కడ లభించే కార్లకు కొన్ని ప్రత్యేకమైన డిస్కౌంట్ ఆఫర్స్ కూడా అందుబాటులో ఉన్నాయి. వీటన్నిటిని వినియోగిస్తే అత్యంత తక్కువ ధరల్లోనే ఈ అన్ రిజిస్టర్ కార్లు కొనుగోలు చేయొచ్చు..

ఇప్పుడు మార్కెట్‌లో మహీంద్రా XUV 9 (EV) కార్లకు మంచి డిమాండ్ ఉంది.. అయితే, మార్కెట్‌లో సుమారు ఈ కారు ధర రూ.33 లక్షల వరకు పలుకుతోంది. ముఖ్యంగా ఎలక్ట్రిక్ ఎస్‌యూవీ ల్లో బాగా  సేల్ అవుతున్న కార్లలో ఇది ఒకటి. కానీ ఇక్కడ మార్కెట్లో కేవలం 480 కిలోమీటర్లు తిరిగిన ఈ కారు కేవలం రూ.27 లక్షల్లోపే అందుబాటులో ఉంది. అంతేకాకుండా దీనిపై అదనంగా ఎన్నో రకాల ఆఫర్స్ కూడా లభిస్తున్నాయి. ఈ ఆఫర్స్ అన్నీ పోను దాదాపు రూ.5 నుంచి రూ.6 లక్షల వరకు సేవ్ అవుతుంది.. టాటా పంచుతోపాటు ఆల్ట్రోజ్ (CNG) మిడిల్ క్లాస్ ఫ్యామిలీ కార్లు కేవలం ఇక్కడ  12000 కిలోమీటర్లు తిరిగినవి రూ.8 లక్షల లోపే అందుబాటులో ఉన్నాయి. 

Puttaparthi AMCA Laying Foundation: శ్రీసత్యసాయి జిల్లా పుట్టపర్తి వేదికగా ఆంధ్రప్రదేశ్ అభివృద్ధి పథంలో మరో చరిత్రాత్మక ఘట్టం ఆవిష్కృతమైంది. ముఖ్యమంత్రి నారా చంద్రబాబు నాయుడు, కేంద్ర రక్షణ శాఖ మంత్రి రాజ్‌నాథ్ సింగ్, రాష్ట్ర మంత్రి నారా లోకేష్ కలిసి అడ్వాన్స్‌డ్ మీడియం కాంబాట్ ఎయిర్‌క్రాఫ్ట్ (AMCA) ప్రాజెక్టుకు శంకుస్థాపన చేశారు. ఈ కార్యక్రమం రాయలసీమ ముఖచిత్రాన్ని, ముఖ్యంగా ఉమ్మడి అనంతపురం జిల్లా భవిష్యత్తును మార్చే దిశగా అడుగులు వేసింది.

రక్షణ శక్తి కేంద్రంగా పుట్టపర్తి
భారతదేశ రక్షణ రంగంలో కొత్త శక్తి కేంద్రంగా పుట్టపర్తి అవతరించబోతోంది. రూ.15,803 కోట్ల భారీ వ్యయంతో ఏర్పాటు చేస్తున్న ఈ AMCA ప్రాజెక్టును ఏరోనాటికల్ డెవలప్‌మెంట్ ఏజెన్సీ (ADA), DRDO భాగస్వామ్యంతో నిర్మించారు. దీని ద్వారా సుమారు 7,500 మంది యువతకు ప్రత్యక్షంగా ఉద్యోగావకాశాలు లభించనున్నాయి. కేవలం ఫైటర్ జెట్లే కాకుండా, డ్రోన్ సిటీలోని నిషేధ రక్షణ ప్రాజెక్టులకు కూడా ముఖ్యమంత్రి శంకుస్థాపన చేశారు. ఈ సందర్భంగా ఏర్పాటు చేసిన క్షిపణులు, హ్యాండ్ గ్రెనెడ్లు, ఆధునిక తుపాకులు, యుద్ధ విమానాల ప్రదర్శన సందర్శకులను విశేషంగా ఆకట్టుకుంది.

బుల్లెట్ స్పీడ్‌తో అభివృద్ధి: సీఎం చంద్రబాబు
శంకుస్థాపన అనంతరం జరిగిన సభలో ముఖ్యమంత్రి చంద్రబాబు నాయుడు మాట్లాడుతూ.. రాష్ట్రంలో అభివృద్ధిని 'బుల్లెట్ స్పీడ్'తో పరుగులు తీయిస్తున్నామని ప్రకటించారు. "అవకాశాలు కల్పించే బాధ్యత ప్రభుత్వం తీసుకుంటుంది, వాటిని అందిపుచ్చుకుని ఎదగాల్సిన బాధ్యత యువతది" అని ఆయన అన్నారు. కరువు సీమలో గతంలో తాను తెచ్చిన కియా పరిశ్రమ నేడు 18 లక్షల కార్లను తయారు చేస్తూ, 80 దేశాలకు ఎగుమతి చేస్తోందని గుర్తుచేశారు. అదే స్ఫూర్తితో ఇప్పుడు యుద్ధ విమానాల తయారీ కేంద్రంగా ఈ ప్రాంతాన్ని మారుస్తున్నామని ధీమా వ్యక్తం చేశారు.

"ఫ్యాక్షన్ Vs ఫైటర్ జెట్": నారా లోకేష్
రాష్ట్ర విద్యాశాఖ మంత్రి నారా లోకేష్ ఈ సందర్భంగా ప్రతిపక్ష వైసీపీపై విమర్శలు గుప్పించారు. "నాడు కియా కార్లు తెచ్చినా, నేడు ఫైటర్ జెట్లు తెచ్చినా అది చంద్రబాబు వల్లే సాధ్యమైంది. వైసీపీది ఫ్యాక్షన్, క్రిమినల్ బ్యాగ్రౌండ్ అయితే, మనది ఫైటర్ జెట్, కియా బ్యాగ్రౌండ్" అని ఆయన ఎద్దేవా చేశారు. గత ప్రభుత్వం హయాంలో అభివృద్ధి కుంటుపడిందని, కూటమి ప్రభుత్వం అధికారంలోకి వచ్చి కేవలం 23 నెలల్లోనే 'స్పీడ్ ఆఫ్ డూయింగ్ బిజినెస్' అంటే ఏమిటో ప్రపంచానికి చూపామని లోకేష్ పేర్కొన్నారు.

పుట్టపర్తి ఆధ్యాత్మిక కేంద్రంగానే కాకుండా, ఇప్పుడు పారిశ్రామిక, రక్షణ రంగ హబ్‌గా మారుతోంది. సత్యసాయి బాబా దర్శనికతతో నిర్మించిన ఎయిర్‌పోర్టు నేడు పారిశ్రామిక అవసరాలకు ఎంతో ఉపయోగపడుతోంది. మొత్తానికి.. AMCA ప్రాజెక్టు రాకతో ఉమ్మడి అనంతపురం జిల్లా రాష్ట్రంలోనే నంబర్ వన్ అభివృద్ధి చెందిన రాష్ట్రంగా నిలవడం ఖాయమని ప్రభుత్వ వర్గాలకు ఉంది. ఈ కార్యక్రమంలో మంత్రులు, అధికారులు, బీజేపీ రాష్ట్ర నేతలు ఉన్నారు.

KTR At TIMS Hospital: 'హైదరాబాద్ నగర ప్రజలకు ప్రపంచ స్థాయి వైద్యం అందించాలనే లక్ష్యంతో టిమ్స్ హాస్పిటల్స్ ఏర్పాటు చేశాం. గతంలో గాంధీ, ఉస్మానియా వంటి ప్రభుత్వ ఆసుపత్రులే ప్రధాన ఆధారమైతే నేడు కేసీఆర్‌ ప్రభుత్వ హయాంలో అత్యాధునిక టిమ్స్ హాస్పిటల్స్ అందుబాటులోకి వచ్చాయి. హైదరాబాద్‌లో ఎయిమ్స్ స్థాయి వైద్యం అందించేలా టిమ్స్‌ను ఆలోచించి రూపకల్పన చేశాం' మాజీ మంత్రి, బీఆర్‌ఎస్‌ పార్టీ వర్కింగ్‌ ప్రెసిడెంట్‌ కేటీఆర్‌ వివరించారు.

Arrest Bandi Bhageerath: తాగిన మత్తులో అత్యాచారం చేసిన నిందితుడు బండి భగీరథ్‌, అతడి తండ్రి కేంద్ర మంత్రి బండి సంజయ్‌ కుమార్‌ చాలా కుట్ర పన్నుతున్నారని బాధితురాలి తల్లి సంచలన విషయాలు తెలిపారు. తన కుమార్తెకు జరిగిన అన్యాయం.. బండి భగీరథ్‌ చేసిన మోసం.. అనంతరం పోక్సో నమోదు.. తర్వాత జరిగిన పరిణామాలపై పూసగుచ్చినట్టు బాధితురాలి తల్లి వివరించారు. ఈ సందర్భంగా పోలీసులు, మీడియాకు విజ్ఞప్తి చేస్తూ ఆమె లేఖ విడుదల చేశారు. తీవ్ర ఆవేదనతో విడుదల చేసిన ఆ లేఖలో కీలక అంశాలు ఉన్నాయి.

Re NEET 2026 Extra 15 Minutes: ఇటీవలే జరిగిన నేషనల్ ఎలిజిబిలిటీ కమ్ ఎంట్రన్స్ టెస్ట్ (నీట్ NEET) పేపర్ లీక్ నేపథ్యంలో దాన్ని తిరిగి నిర్వహించేందుకు కేంద్ర ప్రభుత్వం కీలక ప్రకటన చేసింది. రీ-నీట్ ను 2026 జూన్ 21న నిర్వహించనున్నామని కేంద్ర విద్యాశాఖ మంత్రి ధర్మేంద్ర ప్రధాన్ స్పష్టం చేశారు. అయితే ఈసారి పరీక్ష రాసే అభ్యర్థులకు కొంతమేర ఊరట కలిగించారు. పరీక్ష రాసే విద్యార్థులకు 15 నిమిషాలు అదనంగా సమయం ఇస్తామని కేంద్ర విద్యాశాఖ మంత్రి ధర్మేంద్ర ప్రధాన్ తెలిపారు.

ఈ ఏడాది జరిగిన నీట్ పరీక్షకు సంబంధించిన ప్రశ్నాపత్రం ఇటీవలే లీక్ అయ్యిన సంగతి తెలిసిందే. దీంతో ఈ పరీక్షను రద్దు చేస్తూ నేషనల్ టెస్ట్ ఏజెన్సీ (ఎన్‌టీఏ) కీలక ప్రకటన చేసింది. దీంతో అప్పటివరకు పరీక్ష కోసం ప్రిపేర్ అయ్యి టైమ్ ధారపోసిన విద్యార్థులు, వారి తల్లీదండ్రుల ఊసూరుమన్నారు. అయితే ఈ పరీక్షను రద్దు చేసినా.. భారతదేశపు అతిపెద్ద వైద్య ప్రవేశ పరీక్షను ఎటువంటి లోపాలు లేకుండా సజావుగా నిర్వహించడంలో విఫలమైనందుకు NTA, భారత ప్రభుత్వం.. ప్రజల నుంచి తీవ్ర విమర్శలు ఎదుర్కొంటున్నాయి. అయితే ప్రస్తుతం ఈ ఘటనకు సంబంధించిన దర్యాప్తును కేంద్ర ప్రభుత్వం సీబీఐకి అప్పగించగా.. ఇప్పుడు ఆ పరీక్షను తిరిగి నిర్వహించేందుకు ప్రణాళికను విడుదల చేశారు. 

నీట్ ప్రశ్నపత్రం లీక్ కేసులో ఇప్పటికే ఐదుగురు నిందితులను అరెస్టు చేశారు. మంగీలాల్ బివాల్, దినేష్ బివాల్, వికాస్ బివాల్, శుభమ్ ఖైర్నార్, యష్ యాదవ్ అనే నిందితులను CBI కోర్టు ముందు హాజరుపరిచింది. వారిని ఏడు రోజుల పాటు తమ కస్టడీకి అప్పగించాలని రౌస్ అవెన్యూ కోర్టును కోరారు. 

పరీక్షా కేంద్రం ఎంపిక ఎలా!
అభ్యర్థులు తమ పరీక్షా కేంద్రాన్ని ఎంచుకోవడానికి వీలుగా వారికి ఒక వారం రోజుల సమయం ఇస్తామని మంత్రి ధర్మేంద్ర ప్రధాన్ తెలిపారు. తమ నివాసాన్ని మార్చుకున్న విద్యార్థులు, ప్రస్తుతం తాము నివసిస్తున్న నగరంలోనే పరీక్షా కేంద్రాన్ని ఎంచుకోవడానికి వీలుగా ఈ చర్యలు తీసుకున్నట్లు తెలుస్తోంది.

Jailer 2 Crew Death News: సూపర్ స్టార్ రజినీకాంత్ హీరోగా, నెల్సన్ దర్శకత్వంలో రూపొందుతోన్న 'జైలర్ 2' షూటింగ్‌లో విషాదం చోటుచేసుకుంది. గురువారం మధ్యాహ్నం ఆ సినిమా కోసం సెట్ వర్క్ జరుగుతున్న క్రమంలో ఆర్ట్ డిపార్ట్‌మెంట్‌కు చెందిన కార్తికేయన్ అనే 28 ఏళ్ల టెక్నీషియన్ కరెంట్ షాక్‌కు గురై మృతిచెందాడు. పనైయూర్‌లోని ఒక స్టూడియోలో సెట్ నిర్మాణ పనులు జరుగుతుండగా ఈ ప్రమాదం సంభవించినట్లు తెలుస్తోంది. ఈ దిగ్భ్రాంతి ఘటనతో షూటింగ్‌ వెంటనే నిలిపేశారు. ఈ ఘటనపై కేసు నమోదు చేసిన పోలీసులు దర్యాప్తు చేస్తున్నారు. 

పోలీసుల కథనం ప్రకారం.. మృతుడిని టి.కార్తికేయన్‌గా గుర్తించారు. ఈయన ఆర్ట్ డిపార్ట్‌మెంట్ సిబ్బందిలో ఒకరిగా పనిచేస్తున్నారు. ఒక ఇంటిని పోలిన సెట్ నిర్మాణ పనుల్లో కార్తికేయన్ నిమగ్నమై ఉన్నప్పుడు మధ్యాహ్న సమయంలో ఈ ప్రమాదం జరిగింది. విద్యుత్ కనెక్షన్ పనులు చేస్తుండగా, ప్రమాదవశాత్తు ఆయన విద్యుత్ తీగను తాకడం వల్లే ఈ ఘటన జరిగిందని పోలీసుల ప్రాథమిక విచారణలో తేలింది. తోటి సిబ్బంది వెంటనే అంబులెన్స్‌లో సమీప ఆసుపత్రికి తరలించేందుకు ప్రయత్నించినప్పటికీ, ఆసుపత్రికి చేరుకునేసరికే ఆయన మరణించినట్లు వైద్యులు నిర్ధారించారు.

ఈ ఘటన జరిగిన వెంటనే, కనత్తూర్ పోలీసులు సంఘటనా స్థలానికి చేరుకుని మృతదేహాన్ని స్వాధీనం చేసుకున్నారు. అనంతరం పోస్ట్‌మార్టం పరీక్షల నిమిత్తం మృతదేహాన్ని ప్రభుత్వ రాయపేట ఆసుపత్రికి తరలించారు. అధికారికంగా 'ప్రథమ సమాచార నివేదిక' (FIR) నమోదు చేసే ప్రక్రియ కొనసాగుతుండగా, విద్యుత్ లీకేజీకి గల కారణాలపై అధికారులు దర్యాప్తు ప్రారంభించారు. వైరింగ్ లోపాల వల్లనా, లేక సెట్‌లో తగినంత భద్రతా ప్రమాణాలు పాటించకపోవడం వల్లనా ఈ ప్రమాదం జరిగిందనే కోణంలో దర్యాప్తు అధికారులు విచారణ జరుపుతున్నారు.

ఆర్ట్ డిపార్ట్‌మెంట్‌లోని ఓ టెక్నిషియన్ మృతి కారణంగా 'జైలర్ 2' షూటింగ్‌ను అర్ధాంతరంగా ఆపేశారు. ప్రమాదం జరిగిన కొద్దిసేపటికే, అంటే మధ్యాహ్నం సుమారు 2:00 గంటల ప్రాంతంలో ప్రధాన నటుడు రజనీకాంత్ సెట్‌కు చేరుకోవాల్సి ఉన్నట్లు సంబంధిత వర్గాలు తెలిపాయి. నెల్సన్ దిలీప్‌కుమార్ దర్శకత్వంలో సన్ పిక్చర్స్ నిర్మిస్తున్న 'జైలర్ 2', 2023 బ్లాక్‌బస్టర్ 'జైలర్' చిత్రానికి సీక్వెల్‌గా రూపొందుతోంది. ఇటీవలే ఈ సినిమా షూటింగ్ పూర్తయినా.. ప్యాచ్ వర్క్ కోసం కొన్ని సన్నివేశాలు రీషూట్ చేస్తుంది చిత్రబృందం. అయితే దీనిపై చిత్రబృందం నుంచి ఎలాంటి అధికారిక ప్రకటన రాలేదు.

Jagtial Kendriya Vidyalaya Row Telugu News: జగిత్యాల జిల్లాకు మంజూరైన కేంద్రీయ విద్యాలయం ఇప్పుడు రాజకీయాలకు ఒక కీగా మారింది.. విద్యార్థులకు నాణ్యమైన విద్యను అందించాల్సిన పాఠశాల భవనంతో పాటు స్థల వివాదంలో చిక్కుకొని ప్రజాప్రతినిధుల మద్యం మాటల యుద్ధానికి దారితీస్తూ వస్తోంది. స్థానిక ఎమ్మెల్యే డాక్టర్ సంజయ్ కుమార్ తో పాటు నిజామాబాద్ ఎంపీ ధర్మపురి అరవింద్ మధ్య ఈ వివాదం ముదరడంతో జిల్లా రాజకీయాలు ఒక్కసారిగా మారిపోయినట్లు తెలుస్తోంది. అసలు అక్కడ ఏం జరుగుతుంది? వీరిద్దరి మధ్య మాటల యుద్ధం ఎందుకు? దీనికి సంబంధించిన పూర్తి వివరాలు మనం ఇప్పుడు తెలుసుకుందాం..

చలిగల్ గ్రామ శివారులో కేంద్రీయ విద్యాలయానికి కేటాయించిన స్థల విషయంలో ఏర్పడిన ఓ చిన్న సమస్య వీరిద్దరి మధ్య రణ రంగానికి దారితీసింది. ఈ స్థలాన్ని ఎమ్మెల్యే సంజయ్ కుమార్ అడ్డుకుంటున్నారని.. ఎంపీ ధర్మపురి అరవింద్ ఆరోపిస్తున్నారు. కేంద్రం పాఠశాలను మంజూరు చేసినప్పటికీ రాష్ట్ర ప్రభుత్వంతో పాటు స్థానిక ఎమ్మెల్యే ఉద్దేశపూర్వకంగానే స్థలం కేటాయింపులు జాప్యం చేస్తున్నారని ఆయన బండి పడ్డారు. దీనికి నిరసనగా జగిత్యాలాలు భారీ దీక్ష చేపట్టబోతున్నట్లు ఎంపీ ప్రకటించడం సంచలనంగా మారింది..

ఎంపీ ఆరోపణలను ఎమ్మెల్యే సంజయ్ కుమార్ తీవ్రంగా ఖండించారు. ఈ సందర్భంగా ఆయన మాట్లాడుతూ కొన్ని కీలక అంశాలను లేవనెత్తారు.. చలిగల్ వాలెంటరీ స్థలం ఇరిగేషన్ శాఖ పరిధిలో ఉందని.. దానికి సంబంధించిన నిర్ణయాలు మంత్రి స్థాయిలో జరుగుతాయని ఆయన స్పష్టం చేశారు. గత ఐదేళ్లుగా జిల్లా అభివృద్ధిని పట్టించుకోని ఎంపి.. ఇప్పుడు కేవలం రాజకీయాల కోసమే తనను టార్గెట్ చేస్తున్నారని ఎమ్మెల్యే ఆగ్రహం వ్యక్తం చేశారు.. స్థల కేటాయింపుకు సాంకేతిక ఇబ్బందులు ఉన్నాయని.. వాటిని పరిష్కరించాల్సింది పోయి తనపై బురద జల్లడం సరికాదని ఆయన  అన్నారు..

Delhi Gang Rape Telugu News: దేశ రాజధాని లోని మహిళా భద్రత మళ్లీ ప్రశ్నార్ధకంగా మారిపోయింది.. కామాందుల చేతిలో చిక్కిన ఒక బాధితురాలు తన ముగ్గురు పిల్లల కోసం ప్రాధేయపడిన.. వారు ఏమాత్రం కనికరించకుండా దారుణానికి ఒడిగట్టేసారు. హృదయాన్ని తగిలిస్తున్న ఈ ఘటన ఆలస్యంగా వెలుగులోకి వచ్చింది. ఈ ఘటనలో బాధితురాలు కామాందులతో మాట్లాడిన కొన్ని అరుదైన మాటలు వైరల్ గా మారాయి. 

నాకు ముగ్గురు పిల్లలు ఉన్నారు.. వాళ్లు నాకోసం ఎదురు చూస్తూ ఉంటారు.. ప్లీజ్ నన్ను వదిలేయండి అని సదరు మహిళ నిందితులను వేడుకున్న వారు వినిపించుకోలేదు.  బాధితురాలి వివరాలకు ప్రకారం.. ఆమెకు నాలుగు, ఆరు, 9 ఏళ్ల వయస్సు ఉన్న ముగ్గురు చ చిన్నారి ఆడపిల్లలున్నారు. పని ముగించుకుని ఇంటికి వెళ్తున్న సమయంలో కొందరు దుండగులు ఆమెను అడ్డగించి నిర్మాణస్య ప్రదేశానికి తీసుకెళ్లి ఆమెపై విచక్షణారహితంగా లైంగిక దాడికి పాల్పడ్డారు..

తనపై జరిగిన అఘాయిత్యాన్ని బాధితురాలు కన్నీరు మున్నీరవుతూ పోలీసులకు వివరించింది. నన్ను బలవంతంగా తీసుకెళ్లి హత్యాచారం చేశారు.. నేను ఎంతగా వదిలేయమని చెప్పినప్పటికీ వారు కనికరించలేదు.  చివరకు ఈ విషయం ఎవరికీ చెప్పనని.. నా పిల్లల కోసం నన్ను వదిలేయమని కాళ్ళ వేళ్ళ పడ్డానని.  నా దీన స్థితిని చూసి వారు వదిలిపెట్టారు.. అని ఆమె వాంగ్మూలంలో పేర్కొన్నారు..

నిందితుల నుంచి తప్పించుకున్న బాధితురాలు.. ఏ మాత్రం ధైర్యం కోల్పోకుండా కొంత దూరం వెళ్లిన తర్వాత వెంటనే పోలీసులకు ఫోన్ చేశారు. సమాచారం అందుకున్న పోలీసులు హుటాహుటిన ఘటనా స్థలానికి చేరుకొని బాధితురాలిని ఆసుపత్రికి తరలించారు. ఈ దారుణ ఘటనపై కేసు నమోదు చేసిన ఢిల్లీ పోలీసులు ప్రత్యేక బృందాలను రంగంలోకి దింపారు. బాధితురాలు చెప్పిన ఆడవాళ్లతో పాటు పరిసర ప్రాంతాల్లో సీసీటీవీ పుటిజి ఆధారంగా నిందితులను గుర్తించే పనిలో పడ్డట్లు తెలుస్తోంది.. నగర నడిబొడ్డున ముగ్గురు పిల్లల తల్లి పై ఇలాంటి అఘాయిత్యం జరగడం స్థానికంగా తీవ్ర కలకలం రేపుతోంది. నిందితులను కఠినంగా శిక్షించాలని మహిళా సంఘాలు డిమాండ్ కూడా చేస్తున్నాయి..