Sravana Masam Snakes Rituals: హిందూ మాసాలలో శ్రావణ మాసానికి ఎంతో ప్రత్యేకత ఉంది. ఈ పవిత్ర మాసంలో భక్తులు అత్యంత భక్తిశ్రద్ధలతో శివుడిని పూజిస్తారు. అయితే, శ్రావణ మాసం అనగానే అందరికీ శివారాధనతో పాటు మరో విషయం కూడా గుర్తుకు వస్తుంది. అదే.. ఈ కాలంలో పాములు ఎక్కువగా కనిపించడం! మనం చిన్నప్పటి నుంచి ఈ మాట వింటూనే ఉంటాము. అసలు శ్రావణ మాసంలోనే పాములు బయటకు రావడానికి గల శాస్త్రీయ, మతపరమైన కారణాలు ఏమిటో తెలుసుకుందాం.

శాస్త్రీయ కారణాలు..
శ్రావణ మాసంలో అనగా ఆగస్టులో (వర్షాకాలంలో) వానా కాలం తీవ్రస్థాయిలో ఉంటుంది. విపరీతమైన వర్షాల కారణంగా పాములు ఎక్కువగా కనిపించడం వెనుక కొన్ని బలమైన ప్రాకృతిక కారణాలు ఉన్నాయి.

1) శ్రావణ మాసంలో విస్తృతంగా కురిసే వర్షాల కారణంగా, పాములు నివసించే పుట్టలు, బొరియలలోకి నీరు చేరుతుంది. దీనివల్ల వాటికి శ్వాస తీసుకోవడం కష్టమై, సురక్షితమైన పొడి ప్రదేశాల కోసం అవి బయటకు వస్తాయి.

2) వర్షాకాలం కప్పలకు సంతానోత్పత్తి కాలం కావడంతో, కప్పలు విపరీతంగా తిరుగుతుంటాయి. పాములకు కప్పలు ప్రధాన ఆహారం కాబట్టి, వాటిని వెతుక్కుంటూ పాములు జనావాసాల వైపు వస్తుంటాయి.

3) శాస్త్రీయంగా జూలై, ఆగస్టు నెలలను పాముల సంతానోత్పత్తి కాలంగా పరిగణిస్తారు. జత కోసం, ఆహారం కోసం అవి ఒక చోటు నుంచి మరో చోటుకి ఎక్కువగా సంచరిస్తుంటాయి.

హిందూ మతపరమైన నమ్మకాలు..
శివుడితో అనుబంధం: శ్రావణ మాసం మహాశివునికి అత్యంత ప్రీతిపాత్రమైన మాసం. శివుని ఆభరణంగా భావించే సర్పాలను ఈ మాసంలో భక్తులు ఎంతో పవిత్రంగా భావిస్తారు.

నాగపంచమి వేడుకలు: ఈ మాసంలోనే ప్రఖ్యాత 'నాగపంచమి' పండుగను జరుపుకొంటారు. సర్పదేవుడిని పూజించి పాలు పోసే సంప్రదాయం మన దేశంలో ఉంది. ఈ ఆధ్యాత్మిక వాతావరణం కారణంగా కూడా ఈ మాసంలో పాముల గురించి చర్చ ఎక్కువగా జరుగుతుంది.

గమనిక: పైన పేర్కొన్న సమాచారం శాస్త్రీయ కారణాలు, మన సంప్రదాయాల్లోని నమ్మకాల ఆధారంగా అందించబడింది. వర్షాకాలంలో పాములు బయటకు వచ్చే అవకాశం ఎక్కువగా ఉంటుంది కాబట్టి, పరిసరాల పట్ల అప్రమత్తంగా ఉండటం మంచిది.

Poco M8 Power 5G Price: చాలా మంది రోజు చార్జింగ్ అయిపోతుందని భయపడుతూ.. పవర్ బ్యాంక్‌లు పట్టుకుని తిరిగే స్మార్ట్‌ఫోన్ వినియోగదారులకు ఇది నిజంగానే అతిపెద్ద ఊరటనిచ్చే వార్తగా భావించవచ్చు.. మొబైల్ మార్కెట్ చరిత్రలోనే పోకో (Poco) ఒక అద్భుతం సృష్టించేందుకు రెడీ అయిన్నట్లు తెలుస్తోంది. రేపే (ఆగస్టు 4న) భారత మార్కెట్లో Poco M8 Power 5G స్మార్ట్‌ఫోన్ అధికారికంగా విడుదల చేయబోతోంది. ఇది ప్రీమియం ఫీచర్స్‌తో అందుబాటులోకి రాబోతోంది. అంతేకాకుండా అతిపెద్ద బ్యాటరీని కలిగి ఉంటుంది. అయితే, దీనికి సంబంధించిన పూర్తి వివరాలు ఇప్పుడు తెలుసుకుందాం.

ఈ ఫోన్ కేవలం ఒక డివైజ్ మాత్రమే కాదు.. ఛార్జింగ్ సమస్యలతో సతమతమయ్యే కోట్లాది మంది యూజర్ల ఆవేదనకు ప్రత్యక్ష సమాధానంగా మారబోతోందని నిపుణులు చెబుతున్నారు. కంపెనీ అందించిన సమాచారం ప్రకారం.. ఇందులో ఎంతో శక్తివంతమైన 8,000mAh భారీ సిలికాన్-కార్బన్ బ్యాటరీని కలిగి ఉంటుందని తెలిపింది. ఒక్కసారి ఛార్జ్ చేస్తే చాలు.. ఏకంగా మూడు రోజుల పాటు ఛార్జింగ్‌తో సంబంధం లేకుండా గేమ్స్ ఆడుకోవచ్చు.. అంతేకాకుండా వీడియోలు చూడవచ్చని.. మీ పనులను నిరంతరాయంగా పూర్తి చేసుకోవచ్చని వెల్లడించింది.

ఈ ఫోన్ కేవలం బ్యాటరీలోనే కాదు.. విజ్యువల్స్ అనుభూతిలోనూ సరికొత్త డిస్ల్పేతో విడుదల కాబోతోంది. ఇందులో 6.9 అంగుళాల AMOLED డిస్‌ప్లేతో పాటు 120Hz రిఫ్రెష్ రేట్, 1,800 నిట్స్ బ్రైట్‌నెస్‌ను అందించారని కంపెనీ తెలిపింది. దీనివల్ల బ్రైట్‌నెస్‌ ఎండలో కూడా స్క్రీన్ చాలా స్పష్టంగా కనిపిస్తుంది. అలాగే డిస్‌ప్లేలోనే ఫింగర్ ప్రింట్ సెన్సార్ ఉండటం దీని మరొక ప్రత్యేకతగా ఉంటుందని సమాచారం.

NIMS Creates History: తెలుగు రాష్ట్రాల్లోని పేద, మధ్యతరగతి ప్రజలకు కార్పొరేట్ స్థాయి వైద్యసేవలు అందిస్తున్న నిజామ్స్ ఇన్‌స్టిట్యూట్ ఆఫ్ మెడికల్ సైన్సెస్ (నిమ్స్) మరొక అరుదైన, చారిత్రాత్మక ఘనతను సాధించింది. అత్యంత సంక్లిష్టమైన, అత్యాధునికమైన రోబోటిక్ శస్త్రచికిత్సలలో నిమ్స్ రికార్డు కొట్టింది. అందుబాటులోకి వచ్చిన కేవలం మూడేళ్ల వ్యవధిలోనే ఏకంగా 1,000 రోబోటిక్ సర్జరీలను అత్యంత విజయవంతంగా పూర్తి చేసి, ప్రభుత్వ వైద్యరంగంలో ఒక నూతన అధ్యాయాన్ని లిఖించింది.

ప్రైవేట్, కార్పొరేట్ ఆసుపత్రుల్లో లక్షల రూపాయల ఖర్చు అయ్యే.. ఈ రోబోటిక్ సర్జరీలను, నిమ్స్ నిరుపేదలకు సైతం సులభంగా అందుబాటులోకి తీసుకువచ్చింది. ఈ మొత్తం 1,000 ఆపరేషన్లలో 90 శాతానికి పైగా శస్త్రచికిత్సలను ఆరోగ్యశ్రీతో పాటు ముఖ్యమంత్రి సహాయ నిధి (CMRF) ద్వారా బాధితులకు పూర్తిగా ఉచితంగా అందిస్తోంది.

ఈ చారిత్రాత్మక మైలురాయిని చేరుకోవడంలో నిమ్స్‌లోని వివిధ వైద్య విభాగాలు కీలక పాత్ర పోషించాయి. యూరాలజీ విభాగం అత్యధికంగా 590 రోబోటిక్ శస్త్రచికిత్సలతో అగ్రస్థానంలో నిలిచింది. అలాగే సర్జికల్ గ్యాస్ట్రోఎంటరాలజీ అత్యంత క్లిష్టమైన 248 ఆపరేషన్లను విజయవంతంగా నిర్వహించింది. ఇక సర్జికల్ ఆంకాలజీ క్యాన్సర్ చికిత్సల్లో భాగంగా 162 సర్జరీలను పూర్తి చేసిన్నట్లు అధికారులు తెలిపారు.

సాధారణ కోతలతో పనిలేకుండా.. తక్కువ రక్తస్రావంతో, రోగులు త్వరగా కోలుకునేలా ఈ రోబోటిక్ పరిజ్ఞానం ఎంతగానో ఉపయోగపడింది. నిమ్స్ వైద్య బృందం ఈ సాంకేతికత ద్వారా పలు సంక్లిష్టమైన ప్రాణాంతక చికిత్సలను విజయవంతంగా పూర్తి చేసింది. ముఖ్యంగా ప్రోస్టేట్, మూత్రాశయంతో పాటు కిడ్నీ మార్పిడి (Kidney Transplant) శస్త్రచికిత్సలు చేసిన్నట్లు వెల్లడించారు. అలాగే కాలేయం (Liver), ప్యాంక్రియాస్ (Pancreas) పేగులకు సంబంధించిన కష్టమైన శస్త్రచికిత్సలు కూడా అందించారని అధికారులు వెల్లడించారు.

 80-Year-Old Kolkata Taxi Driver Video Watch: వృద్ధప్యంలో హాయిగా విశ్రాంతి తీసుకోవాల్సిన వయసులో.. జీవనోపాధి కోసం ఒక వృద్ధుడు పడుతున్న కష్టం సోషల్ మీడియా వేదికగా లక్షలాది మంది హృదయాలను కలచివేస్తోంది. కోల్‌కతాకు చెందిన 80 ఏళ్ల రవీంద్రనాథ్ సర్కార్ అనే టాక్సీ డ్రైవర్ ఇప్పుడు సోషల్ మీడియాలో విపరీతంగా వైరల్ అవుతన్నాడు. అసలు ఇంత కష్టపడడానికి గల కారణాలేంటో పూర్తి వివరాలు ఇప్పుడు మనం తెలుసుకుందాం. 

రవీంద్రనాథ్ సర్కార్ గత 52 సంవత్సరాలుగా కోల్‌కతా వీధుల్లో టాక్సీ నడుపుతూ జీవనం సాగిస్తున్నారు. 80 ఏళ్ల వయసులోనూ ఆయన ప్రతిరోజూ ఉదయం 6 గంటలకే అద్దె టాక్సీతో రోడ్డుపైకి వచ్చి.. రాత్రి 10 నుంచి 11 గంటల వరకు కష్టపడతారు. అంటే రోజుకు ఏకంగా 16 గంటల పాటు ఆయన స్టీరింగ్ పట్టుకుని ప్రయాణికులను గమ్యస్థానాలకు చేరుస్తుంటారు. సొంత టాక్సీ లేకపోవడంతో రోజువారీ వాహన అద్దె.. పెట్రోల్‌ ఖర్చులు పోను ఆయనకు మిగిలేది చాలా తక్కువే.. కొన్నిసార్లు కనీసం రోజువారీ మందులకు కూడా డబ్బులు చాలని పరిస్థితి ఏర్పడుతుంది.

రవీంద్రనాథ్ సర్కార్ తన 77 ఏళ్ల భార్యతో కలిసి కోల్‌కతాలోని దమ్‌దమ్ ప్రాంత సమీపంలో ఒక చిన్న ఇంట్లో నివసిస్తున్నారు. ఈ వృద్ధ దంపతులకు పిల్లలు లేరు.. వారు నివసించే రేకుల ఇల్లు పూర్తిగా దెబ్బతినింది. వర్షాకాలంలో కప్పు నుంచి నీరు కారుతున్నా.. కిటికీలు ఊడిపోయిన.. రిపేరు చేయించే ఆర్థిక స్తోమత లేదు. వయసు పెరగడంతో చేతులు వణుకుతున్నా.. ఊపిరి తీసుకోవడం కష్టంగా ఉన్నా ఆయన ఏనాడూ ఎవరినీ చేయి చాచి అడగలేదు. ప్రయాణికులు అద్దె ఎంత అని అడిగితే.. మీకు ఎంత తోస్తే అంత ఇవ్వండి అని చిరునవ్వుతో చెప్పడం ఆయన ఆత్మాభిమానానికి అద్దం పడుతోంది.

Sarees In D-Mart Stores: దేశవ్యాప్తంగా సామాన్యుడి నుంచి మధ్యతరగతి కుటుంబాలను తక్కువ ధరలతో ఆకర్షిస్తున్న షాపింగ్ స్టోర్ డీమార్ట్. కిరాణా సామాగ్రి, నిత్యావసరాలు అందించే ఈ స్టోర్‌లో కుర్తీలు, టీ-షర్టులు, పిల్లల బట్టలు వంటి రకరకాల రెడీమేడ్ వస్త్రాలు తక్కువ ధరకే లభిస్తాయని ప్రజల అభిప్రాయం. కానీ, మన దేశంలో అత్యధికంగా అమ్ముడయ్యే చీరలు మాత్రం డీమార్ట్‌లో సాధారణంగా కనిపించవు. ఇంత పెద్ద రిటైల్ స్టోర్ చైన్ చీరలను ఎందుకు విక్రయించదో తెలుసా? దీని వెనుక ఒక పెద్ద ప్లాన్ ఉంది. 

డీమార్ట్ బిజినెస్ మోడల్..
డీమార్ట్ విజయ రహస్యం అంతా దాని ప్రత్యేకమైన బిజినెస్ మోడల్‌పైనే ఆధారపడి ఉంటుంది. కంపెనీ ప్రధానంగా రోజువారీ జీవితంలో నిత్యం అవసరమయ్యే, వేగంగా అమ్ముడయ్యే ఉత్పత్తులపై దృష్టి పెడుతుంది. తక్కువ లాభాలతో ఎక్కువ మొత్తంలో వస్తువులను విక్రయించడం, స్టాక్ త్వరగా క్లియర్ కావడం ద్వారా కస్టమర్లకు భారీ డిస్కౌంట్లు అందించడం వీరి ప్రధాన సూత్రం.

చీరల వ్యాపారంలో ఉన్న సవాళ్లు..
ఇతర రెడీమేడ్ దుస్తులతో పోలిస్తే చీరల వ్యాపారం పూర్తిగా భిన్నంగా ఉంటుంది. చీరల్లో వేలాది రకాల ఫ్యాబ్రిక్‌లు, విభిన్న డిజైన్లు, ప్యాటర్న్లు, రంగులు, ఎప్పటికప్పుడు మారే ఫ్యాషన్ ట్రెండ్‌లు ఉంటాయి. వీటన్నింటితో మహిళలను మెప్పించాలంటే భారీ స్థాయిలో స్టాక్ నిర్వహించాల్సి ఉంటుంది.

కుర్తీలు లేదా కిరాణా సామాగ్రి మాదిరిగా చీరలు అంత వేగంగా అమ్ముడవ్వవు. స్టాక్ ఎక్కువ కాలం కౌంటర్లోనే నిల్వ ఉండిపోతే కంపెనీకి పెట్టుబడి నిలిచిపోయి నష్టం వచ్చే అవకాశం ఉంటుంది.

డీమార్ట్ తన వేగవంతమైన అమ్మకాల విధానానికి కట్టుబడి ఉంటుంది కాబట్టి, చీరల వంటి సంక్లిష్టమైన విభాగంలో భారీగా పెట్టుబడి పెట్టడం వారికి లాభదాయకం కాదు. అందుకే కిరాణా, హోమ్ కేర్, రోజూ అమ్ముడయ్యే ప్రాథమిక వస్త్రాలకే డీమార్ట్ ప్రాధాన్యత ఇస్తుంది. అయితే కొన్ని ప్రత్యేక ప్రాంతాల్లోని ఎంపిక చేసిన స్టోర్లలో కస్టమర్ల డిమాండ్‌ను బట్టి ఎప్పుడైనా పరిమిత సంఖ్యలో చీరలు అందుబాటులో ఉంచినప్పటికీ, దేశవ్యాప్తంగా మాత్రం దీనికోసం ప్రత్యేక విభాగం ఉండదు.

Bank Holiday Tomorrow: దేశంలోని ప్రభుత్వ, ప్రైవేట్ రంగ బ్యాంకులకు రేపు అనగా 2026 ఆగస్టు 4న సెలవు రానుంది. మీరు రేపు ఏదైనా బ్యాంక్ పనులు ప్లాన్ చేసుకుంటే వెంటనే వాటిని వాయిదా వేసుకోవడం మంచిది. అయితే ఈ సెలవు కేవలం కొన్ని ప్రాంతాలకు మాత్రమే పరిమితం. రిజర్వ్ బ్యాంక్ ఆఫ్ ఇండియా (ఆర్బీఐ) విడుదల చేసిన సెలవుల జాబితా ప్రకారం.. రేపు ఏఏ ప్రాంతాల్లో బ్యాంకులు బంద్‌ కానున్నాయనే వార్తలు ఇప్పుడు తెలుసుకుందాం. 

దేశంలోని త్రిపుర రాష్ట్రంలో ఆగస్టు 4న బ్యాంకులు మూతపడనున్నాయి. స్టేట్ బ్యాంక్ ఆఫ్ ఇండియా, బ్యాంక్ ఆఫ్ బరోడా, పంజాబ్ నేషనల్ బ్యాంక్, యాక్సిస్, కెనరా, హెచ్‌డిఎఫ్‌సి, ఐసిఐసిఐతో సహా అన్ని ప్రభుత్వ, ప్రైవేట్ రంగ బ్యాంకులకు సెలవు ఉండనుంది. భారత రాష్ట్రమైన త్రిపురలో జరిగే ప్రధాన హిందూ పండుగ అయిన కేర్ పూజ కారణంగా త్రిపురలోని బ్యాంకులు మూసివేయబడతాయి.

కేర్ పూజ అంటే ఏమిటి?
త్రిపుర రాష్ట్రంలో ఖర్చీ పూజ జరిగిన రెండు వారాలకు కేర్ పూజను ప్రజలకు భక్తి శ్రద్ధలతో నిర్వహిస్తారు. త్రిపుర రాష్ట్రానికి వాస్తు దేవతగా కేర్‌ను పూజిస్తారు. సుమారు ఈ పూజను రెండున్నర రోజుల పాటు నిర్వహిస్తారు. త్రిపురలోని మాణిక్య రాజవంశపు రాజులు ఈ ఆచారాన్ని ప్రారంభించగా.. శతాబ్దాల నాటి నుంచి ఆనవాయితీగా వస్తుంది.

అయితే ఈ కేర్ పూజ నేపథ్యంలో త్రిపుర రాష్ట్రంలో సెలవును ప్రకటించారు. ఈ క్రమంలో రాష్ట్రంలోని స్కూళ్లు, కాలేజీలతో పాటు బ్యాంకులు, ఇతర ప్రభుత్వ రంగ కార్యాలయాలు మూతపడనున్నాయి. అయితే త్రిపుర మినహా మిగిలిన రాష్ట్రాల్లో బ్యాంకులు యథావిధిగా తెరిచే ఉంటాయి. 

ఆగస్టులో బ్యాంకులు ఎప్పుడు మూసి ఉంటాయి?
ఆగస్టు 4 -  త్రిపుర కేర్ పూజ (మంగళవారం)
ఆగస్టు 8 - శనివారం (రెండో శనివారం)
ఆగస్టు 9 - ఆదివారం (వారాంతపు సెలవు)

ఆగస్టు 13 - మణిపూర్‌లో పెట్రియాట్స్ డే (గురువారం) 
ఆగస్టు 15 - శనివారం (నేషనల్ హాలీడే)
ఆగస్టు 16 - ఆదివారం (వారాంతపు సెలవు)

ఆగస్టు 19 - త్రిపుర మహారాజా బీర్ విక్రమ్ కిషోర్ మాణిక్య బహదూర్ జయంతి (బుధవారం) 
ఆగస్టు 22 - శనివారం (నాలుగో శనివారం)
ఆగస్టు 23 - ఆదివారం (వారాంతపు సెలవు)

ఆగస్టు 25 -  మిల్-ఉన్-నబీ సెలవు (మంగళవారం)
ఆగస్టు 26  -  మిల్-ఉన్-నబీ సెలవు (కొన్ని రాష్ట్రాల్లో మాత్రమే)

Leopard Attack Viral Video: సోషల్ మీడియాల్లో (Social Media) ప్రతి రోజు రకరకాల వీడియోలు వైరల్ అవుతుంటాయి. అయితే, తాజాగా నెట్టింట హల్‌చల్ చేస్తున్న ఒక వీడియో మాత్రం నెటిజన్లను భయాందోళనకు గురిచేస్తోంది.. ఒక కారు సన్‌రూఫ్ (Car Sunroof) నుంచి సగం వరకు బయటకు వచ్చి నిలబడిన ఒక వ్యక్తిపై.. ఒక్కసారిగా చిరుతపులి (Leopard Attack) దాడి చేస్తున్న దృశ్యాలు ఇప్పుడు విపరీతంగా వైరల్‌ అవుతున్నాయి. ఈ వీడియో చూసిన ప్రతీ ఒక్కరూ స్పందిస్తూ వస్తున్నారు. అయితే, దీనికి సంబంధించిన పూర్తి వివరాలు ఇప్పుడు మనం తెలుసుకుందాం. 

వైరల్ అవుతున్న వివరాల ప్రకారం... ఒక కారు ప్రయాణిస్తున్న సమయంలో.. కారులోని వ్యక్తి సన్‌రూఫ్ తెరిచి.. ప్రకృతి అందాలను ఆస్వాదించేందుకు బయటకు వచ్చి నిలబడి ఉండడం మీరు చూడొచ్చు.. అదే సమయంలో అకస్మాత్తుగా ఎక్కడి నుంచో దూసుకొచ్చిన చిరుతపులి.. నేరుగా ఆ వ్యక్తిపైకి దూకి దాడికి యత్నించింది. అత్యంత ప్రమాదకరమైన రీతిలో ఉన్న ఈ దృశ్యాలు సోషల్ మీడియాలో విపరీతంగా వైరల్ అవుతోంది. దీనిని చూసిన వారు ఎక్స్, ఇన్‌స్టాగ్రామ్‌తో పాటు ఫేస్‌బుక్‌లలో వేల సంఖ్యలో షేర్‌లు అవుతున్నాయి. ప్రకృతి వైపరీత్యాలతో పాటు అడవి జంతువుల ప్రాంతాల్లో ప్రయాణించేటప్పుడు సన్‌రూఫ్‌ల నుంచి బయటకు రావడం ఎంత ప్రమాదకరమో ఈ వీడియో చూస్తే అర్థమవుతుంది..

అయితే, ఈ వీడియోపై ఇప్పుడు తీవ్ర అనుమానాలు వ్యక్తమవుతున్నాయి. వీడియోను క్షుణ్ణంగా పరిశీలించిన అనేక మంది సాంకేతిక నిపుణులు, నెటిజన్లు ఇది నిజమైన సంఘటన కాదని.. ఆర్టిఫిషియల్ ఇంటెలిజెన్స్ సహాయంతో సృష్టించిన ఫేక్ వీడియో అని అభిప్రాయపడుతున్నారు. 

కంప్యూటర్ జెనరేటెడ్ విజువల్స్ (CGI)తో పాటు AI టూల్స్ ఉపయోగించి ఇలాంటి వీడియోలను క్రియేట్‌ చేయడం ఈ మధ్యకాలంలో ఎక్కువైందని అంటున్నారు. చిరుతపులి కదలికలతో పాటు వెలుగు-నీడలు సరిగ్గా లేకపోవడం, సదరు వ్యక్తి ప్రవర్తనను గమనిస్తే ఇది ఖచ్చితంగా డిజిటల్ క్రియేషన్ అని తెలుస్తోందని స్పష్టం చేస్తున్నారు.

Opabinia Regalis Facts: మన భూమిపై లక్షలాది సంవత్సరాల క్రితం నివసించిన జీవుల గురించి తెలిసిన ప్రతిసారీ శాస్త్రవేత్తలతో పాటు సామాన్యులు కూడా ఆశ్చర్యపోతుంటారు. సాధారణంగా మనం రెండు కళ్లు ఉన్న జీవులను, లేదా కొన్ని క్రిమి కీటకాలకు ఉండే మల్టిపుల్ కళ్లు గురించి వినే ఉంటాం. కానీ, ఏకంగా ఐదు కళ్ళతో, వింత శరీర ఆకృతితో సముద్రాల్లో ఈదుతున్న ఒక పురాతన జీవి గురించి మీకు తెలుసా? ఈ జీవి గురించి తెలుసుకున్న ప్రతి ఒకరూ ఆశ్చర్యపోతున్నారు. అయితే, దీనికి సంబంధంచిన పూర్తి వివరాలు ఇప్పుడు మనం తెలుసుకుందాం..

సుమారు 50.5 కోట్ల సంవత్సరాల క్రితం భూమిపై జీవించిన ఈ విచిత్ర జీవి పేరు ఓపాబినియా రేగాలిస్ (Opabinia regalis).. కెనడాలోని బర్గెస్ షేల్ (Burgess Shale) అనే ప్రసిద్ధ శిలాజ ప్రాంతంలో దీనికి సంబంధించిన శిలాజాలు లభ్యమయ్యాయి. ఇది చూడడానికి చాలా వింతగా కనిపిస్తుంది. దీని తల భాగంలో ఐదు కళ్లు ఉన్నాయి. ఇవి చుట్టూ 360 డిగ్రీల కోణంలో శత్రువులను, ఆహారాన్ని చూడటానికి సహాయపడేవని పరిశోధకులు భావిస్తున్నారు.

ముఖం ముందు భాగంలో ఏనుగు తొండం లాంటి ఒక పొడవైన అవయవం ఉంటుంది. దానికి చివర పంజాల వంటి నిర్మాణాలు ఉంటాయి. దీని సహాయంతో బురదలో దాగి ఉన్న చిన్న చిన్న జీవులను పట్టుకుని తినేది. చూడటానికి ఏలియన్ లాగా.. భయంకరంగా అనిపించినప్పటికీ.. దీని పరిమాణం కేవలం 4 నుంచి 7 సెంటీమీటర్లు మాత్రమే ఉండేది. అంతేకాకుండా వింత కలర్స్‌లో ఉండేదని సమాచారం.. 

DA Hike Calculator: కేంద్ర ప్రభుత్వ ఉద్యోగులకు త్వరలో కరువు భత్యం (డీఏ) పెంపు రూపంలో మరో శుభవార్త అందే అవకాశం ఉంది. జూన్ 2026 నాటికి విడుదలైన ఏఐసీపీఐ-ఐడబ్ల్యూ (AICPI-IW) డేటా ప్రకారం.. ఉద్యోగుల డీఏ మరో 3 శాతం పెరిగే అవకాశాలు స్పష్టంగా కనిపిస్తున్నాయి. ఇదే గనుక అమలులోకి వస్తే.. 7వ వేతన సంఘం కింద కేంద్ర ప్రభుత్వ ఉద్యోగులకు డీఏ ప్రస్తుత 60% నుండి 63%కి పెరుగుతుంది.

డీఏ లెక్కింపు, తాజా అంచనాలు..
కేంద్ర ప్రభుత్వ ఉద్యోగుల డీఏను ఆల్ ఇండియా కన్స్యూమర్ ప్రైస్ ఇండెక్స్ - ఇండస్ట్రియల్ వర్కర్స్ (AICPI-IW) 12 నెలల సగటు ఆధారంగా లెక్కిస్తారు. లేబర్ బ్యూరో విడుదల చేసిన జూన్ 2026 నాటి గణాంకాల ప్రకారం AICPI-IW సూచీ 151.9గా ఉండగా, 12 నెలల సగటు 148.65గా నమోదైంది.

నిర్ణీత సూత్రం ప్రకారం లెక్కించగా డీఏ 63.76% వచ్చింది. సాధారణంగా ప్రభుత్వం దశాంశాలను కాకుండా రౌండ్ ఫిగర్లను పరిగణనలోకి తీసుకుంటుంది కాబట్టి, ఇది 63%గా ఉండనుంది. గమనించదగ్గ విషయం ఏమిటంటే, ప్రభుత్వం కొత్త 8వ పే కమిషన్‌ను ప్రకటించినప్పటికీ, దాని సిఫార్సులు అమల్లోకి వచ్చే వరకు కేంద్ర ఉద్యోగులు 7వ పే కమిషన్ నిబంధనల ప్రకారమే డీఏను అందుకుంటారు.

జీతంలో పెరుగుదల, బకాయిల లెక్కలు..
డీఏ 3% పెరిగితే ఉద్యోగుల బేసిక్ పే ఆధారంగా నెలసరి జీతంతో పాటు బకాయిలు కూడా మంజూరవుతాయి. ఉదాహరణకు కేంద్ర ప్రభుత్వ ఉద్యోగులకు కనిష్ట బేసిక్ జీతం రూ.18,000 ఉండగా.. అలాంటి ఉద్యోగులకు 63 శాతం డీఏ పెంపు తర్వాత నెలవారీ జీతంలో రూ.540 పెరుగుతుంది. అలాగే బకాయిల రూపంలో రూ.3,240 వరకు అందుకుంటారు. 

అదే విధంగా పే లెవల్ 10 స్థాయిలో ఉన్న ఉద్యోగలు అనగా.. బేసిక్ పే రూ.56,100 జీతం అందుకుంటున్న వారికి.. రాబోయే 63 శాతం డీఏ పెంపు తర్వాత నెలవారీ జీతంలో రూ.1,683 వరకు పెంపు ఉంటుంది. అలాగే సుమారు రూ.10,098 వరకు బకాయిల రూపంలో అందుకుంటారు. 

అధికారిక ప్రకటన ఎప్పుడు?
ప్రస్తుతానికి జూన్ 2026 ఏఐసీపీఐ-ఐడబ్ల్యూ డేటా ఆధారంగా డీఏ 63%కి చేరే అవకాశం ఉందని అంచనా వేస్తున్నారు. కేంద్ర ఆర్థిక మంత్రిత్వ శాఖ దీనిపై అధికారికంగా ఆమోదం తెలిపి, తదనుగుణంగా ఉత్తర్వులు జారీ చేసిన తర్వాతే పెరిగిన రేట్లు, బకాయిలు ఉద్యోగుల ఖాతాల్లో జమ అవుతాయి.

 Bihar Railway Viral Video: భారత రైళ్లలో నిత్యం అనేక ఆసక్తికరమైన సంఘటనలు వెలుగులోకి వస్తుంటాయి. అయితే, తాజాగా బీహార్‌లోని ఛాప్రా రైల్వే స్టేషన్‌లో చోటుచేసుకున్న ఒక ఉదంతం నెటిజన్లను ఆశ్చర్యానికి గురిచేయడమే కాకుండా పొట్టచెక్కలయ్యేలా నవ్విస్తోంది. రైల్వే ప్లాట్‌ఫామ్‌పై గేదెలు స్వేచ్ఛగా తిరగడంతో పాటు మరోవైపు రైలు బోగీలోని సీట్లలో మేకలు అత్యంత రాజసంగా కూర్చోవడం ప్రయాణికులను ఆశ్చర్యపోయేలా చేస్తున్నాయి. దీనికి సంబంధించిన వీడియోలు ప్రస్తుతం సోషల్ మీడియాలో తెగ వైరల్ అవుతున్నాయి. తాజా వైరల్ అవుతున్న వీడియోను చూసి అందరూ ఆశ్చర్యపోతున్నారు. అయితే, దీనికి సంబంధించిన పూర్తి వివరాలు ఇప్పుడు మనం తెలుసుకుందాం..

అసలేం జరిగింది?
ఛాప్రా జంక్షన్ పరిసరాల్లో తీసిన ఈ వీడియోలో.. ప్లాట్‌ఫామ్ పైభాగంలో ప్రయాణికులు నడిచే మార్గంలో పెద్ద సంఖ్యలో గేదెలు హల్‌చల్ చేస్తూ కనిపించాయి. రైలు కోసం ఎదురుచూసే బెంచీల సమీపంలో పశువులు గుంపులుగా సంచరిస్తుండటంతో ప్రయాణికులు భయాందోళనకు గురయ్యారు. అంతేకాకుండా చాలా మంది ఈ వింతను చూసి మొబైల్స్‌లో వీడియోలు కూడా రికార్డ్‌ చేశారు.

80th Independence Day 2026: 1947లో దేశం బ్రిటిష్ పాలన నుండి స్వాతంత్ర్యం పొందిన చారిత్రాత్మక రోజుకు గుర్తుగా, భారతదేశం 2026 ఆగస్టు 15న స్వాతంత్ర్య దినోత్సవాన్ని ఘనంగా జరుపుకుంటోంది. స్వాతంత్ర్య సమరయోధుల త్యాగాలను గౌరవించడానికి, ఒక స్వతంత్ర దేశంగా భారతదేశం సాధించిన ప్రయాణాన్ని వేడుకగా మార్చుకోవడానికి ఈ పవిత్ర దినాన్ని ప్రతి ఏటా జరుపుకొంటారు.

దేశవ్యాప్తంగా జరిగే ఈ వేడుకలలో జెండా ఆవిష్కరణ కార్యక్రమాలు, దేశభక్తి గీతాలు, సాంస్కృతిక ప్రదర్శనలు, భారతదేశ చరిత్ర, ఐక్యతను చాటిచెప్పే వివిధ కార్యక్రమాలు ఉంటాయి. ఈ ముఖ్యమైన రోజున ప్రధానమంత్రి సాంప్రదాయకంగా న్యూఢిల్లీలోని ఎర్రకోట వద్ద జాతీయ జెండాను ఎగురవేసి, జాతిని ఉద్దేశించి ప్రసంగిస్తారు.

2026 స్వాతంత్ర్య దినోత్సవం: 79వదా లేక 80వదా?
భారతదేశం మరో స్వాతంత్ర్య దినోత్సవ వేడుకలకు సిద్ధమవుతున్న తరుణంలో, ఒక ప్రశ్న చాలా మందిలో చర్చకు దారితీసింది. ఆగస్టు 15, 2026 భారతదేశపు 79వ స్వాతంత్ర్య దినోత్సవమా లేక 80వదా అనేది అందరిలో తొలుస్తున్న ప్రశ్న? ప్రజలు లెక్కించడానికి రెండు వేర్వేరు పద్ధతులను ఉపయోగించడం వల్ల ఈ చిన్నపాటి గందరగోళం తలెత్తుతోంది.

సంవత్సరాల లెక్కింపు: 2026 నుండి 1947ని తీసివేస్తే (2026 - 1947 = 79). దీని అర్థం ఆగస్టు 15, 2026 నాటికి భారతదేశం పూర్తి చేసుకున్న స్వాతంత్ర్య సంవత్సరాలు 79.

వేడుకల లెక్కింపు: స్వాతంత్ర్య దినోత్సవ వేడుకల సంఖ్యను లెక్కించేటప్పుడు, ఆగస్టు 15, 1947న జరిగిన మొదటి వేడుకను కూడా కలుపుకోవాలి (2026 - 1947 + 1 = 80). 2026 ఆగస్టు 15 నాటికి భారతదేశం 79 ఏళ్ల స్వాతంత్ర్యాన్ని పూర్తి చేసుకుని, 80వ స్వాతంత్ర్య దినోత్సవాన్ని జరుపుకుంటోంది.

భారత స్వాతంత్ర్య ఉద్యమ చారిత్రక ఘట్టాలు
భారత స్వాతంత్ర్య దినోత్సవం దాదాపు రెండు శతాబ్దాల బ్రిటిష్ వలస పాలన ముగింపును సూచిస్తుంది. స్వయం పాలనను కోరుకున్న నాయకులు, విప్లవకారులు, సామాన్య పౌరుల నిరంతర కృషి ఫలితంగా దశాబ్దాల తరబడి ఈ స్వాతంత్ర్య పోరాటం సాగింది.

1857 తిరుగుబాటు: బ్రిటిష్ పాలనకు వ్యతిరేకంగా దేశవ్యాప్తంగా జరిగిన తొలి ప్రధాన తిరుగుబాటు.

1920: మహాత్మా గాంధీ నేతృత్వంలో ప్రారంభమైన సహాయ నిరాకరణ ఉద్యమం.

1930: ఉప్పు సత్యాగ్రహంతో ప్రారంభమైన శాసనోల్లంఘన ఉద్యమం.

1942: బ్రిటిష్ వారు దేశం విడిచి వెళ్లాలని డిమాండ్ చేస్తూ ప్రారంభించిన 'క్విట్ ఇండియా' ఉద్యమం.

1947 ఆగస్టు 15: భారతదేశం స్వతంత్ర దేశంగా అవతరించింది. అర్ధరాత్రి దాటిన తర్వాత, మొదటి ప్రధాని జవహర్‌లాల్ నెహ్రూ తన ప్రసిద్ధ "ట్రైస్ట్ విత్ డెస్టినీ" (భాగ్యంతో ఒప్పందం) ప్రసంగాన్ని చేశారు.

పాఠశాలలు, కార్యాలయాలలో వేడుకల ఆలోచనలు
పాఠశాలల్లో జెండా ఎగురవేత, దేశభక్తి గీతాలు, నృత్యాలు, వ్యాసరచన, క్విజ్, వక్తృత్వ పోటీలు నిర్వహించడం ఆనవాయితీగా వస్తుంది.

అలాగే కార్యాలయాల్లో సాంస్కృతిక కార్యక్రమాలు, స్ఫూర్తిదాయక భారతీయుల ప్రయాణాలను గుర్తుచేసుకోవడం, సామాజిక సేవా కార్యక్రమాలు చేపట్టడం వంటి చేయాలి..

చివరగా ఇళ్లలో దేశభక్తి చిత్రాలు లేదా డాక్యుమెంటరీలు చూడటం, పిల్లలకు స్వాతంత్ర్య పోరాట చరిత్రను వివరించడం వల్ల రాబోయే తరాలకు మన స్వాతంత్ర్యం విలువను తెలియజెప్పినట్లు ఉంటుంది.

స్వాతంత్ర్య దినోత్సవం కేవలం ఒక జాతీయ వేడుక మాత్రమే కాదు. ఇది మనకు స్వేచ్ఛ, ఐక్యత, బాధ్యతల విలువలను గుర్తుచేస్తుంది. 2026లో భారతదేశం తన 80వ స్వాతంత్ర్య దినోత్సవాన్ని జరుపుకుంటున్న సందర్భంగా, ఘనమైన మన గతాన్ని స్మరించుకుంటూ, మరింత బలమైన భవిష్యత్తు వైపు ముందడుగు వేద్దాం.

జై హింద్!

Ias Tukaram Mundhe News: మహారాష్ట్ర వ్యాప్తంగా సేకరించిన పాల శాంపిళ్లలో ఏకంగా 79 శాతం నాణ్యతా ప్రమాణాలు పాటించడంలో విఫలమై.. కల్తీ అని తేలడంతో వీటిని వాడుతున్న వారంతా ఆశ్చర్యపోతున్నారు. ప్రజల ఆరోగ్యంతో సాగుతున్న ఈ ప్రాణాంతక వ్యాపారానికి చరమగీతం పాడేందుకు సీనియర్ ఐఏఎస్ అధికారి తుకారాం ముండే నేతృత్వంలో ఫుడ్ అండ్ డ్రగ్ అడ్మినిస్ట్రేషన్ (FDA) అద్భుతమైన రీతిలో విరుచుకుపడింది. ప్రజలు తాగే ప్రతి గ్లాసు పాలు ఆరోగ్యానికి పుష్టిని ఇవ్వాలి కానీ రోగాలను కాదని చాటిచెబుతూ.. రాష్ట్రలో ఎక్కడ కల్తీ జరగకూడదని ఆయన శ్రీకారం చుట్టారు.

30 రోజుల రికార్డు..
ఐఏఎస్ తుకారాం ముండే నేతృత్వంలో ఎఫ్‌డీఏ సిబ్బంది రాత్రింబవళ్లు శ్రమించి కేవలం నెల రోజుల వ్యవధిలో నిర్వహించిన మెరుపు దాడులు కల్తీ రాయుళ్ల గుండెల్లో రైళ్లు పరిగెత్తించాయి. దాదాపు ఒక్కనెలలోనే 360 ప్రాంతాల్లో ఆకస్మిక తనిఖీలు చేపట్టిన్నట్లు అధికారు వెళ్లడించారు. అంతేకాకుండా వివిధ కంపెనీలపై ఏకంగా 235 కేసులు నమోదు చేసిన్నట్లు తెలిపారు. ఇందులో భాగంగా 350 మంది కల్తీ చేసి విక్రయిస్తున్నవారిని అరెస్ట్ చేసిన్నట్లు తెలిపారు. ప్రమాణాలు పాటించని 274 అక్రమ పాల కేంద్రాలు, డైరీల సీలింగ్‌లను సీజ్‌ చేసిన్నట్లు తెలుస్తోంది.

పెద్ద బ్రాండ్‌లకు సైతం మినహాయింపు ఇవ్వకుండా నిర్వహించిన ఈ దాడుల్లో, ముంబైలోని అత్యంత ప్రసిద్ధ కంపెనీలు కూడా నాణ్యతా లోపాలు, పరిశుభ్రతా పాటించలేని కారణాల వల్ల ఎఫ్‌డీఏ చర్యలను ఎదుర్కోవాల్సి రావడం గమనార్హంగా మారింది.. ఎంతటి వారైనా చట్టం ముందు సమానులేనని ఈ చర్య ద్వారా స్పష్టమైన్నట్లు తెలుస్తోంది. అంతేకాకుండా పెద్ద పెద్ద కంపెనీలు కూడా ఇలా కల్తీ చేయడంపై చాలా మంది స్పందిస్తున్నారు. పెద్ద కంపెనీలే ఇలా చేస్తే ఏ కంపెనీలకు సంబంధించిన పాలను విక్రయించాలని అని అంటున్నారు.

Sangareddy Chit Fund Scam News: సంగారెడ్డి జిల్లా అమీన్‌పూర్ పోలీస్ స్టేషన్ పరిధిలో భారీ మోసం వెలుగులోకి వచ్చింది. పక్కా ప్రణాళికతో స్థానికుల నమ్మకాన్ని ఆసరాగా చేసుకుని.. చిట్టీల పేరుతో ఏకంగా రూ.2.5 కోట్లకు పైగా వసూలు చేసి.. ఓ భార్యాభర్తల జంట రాత్రికి రాత్రే జంప్ అయ్యారు. ఏళ్ల తరబడి కలిసి ఉన్నవారే ఇలా కష్టార్జితాన్ని పట్టుకుని పారిపోవడంతో బాధితులు రోడ్డున పడ్డారు..

పోలీసులతో పాటు బాధితులు తెలిపిన వివరాల ప్రకారం... గుంటూరు జిల్లా చిలకలూరిపేటకు చెందిన సాంబశివరావు, శిరీష దంపతులు గత 20 సంవత్సరాలుగా అమీన్‌పూర్‌లోని బిఎస్ఆర్ కాలనీ (BSR Colony)లో నివాసముంటున్నారు. స్థానికులతో చాలా ఆప్యాయంగా ఉంటూ.. మంచి సంబంధాలు ఏర్పరచుకున్నారు. ఈ నమ్మకంతోనే కాలనీవాసులు, చుట్టుపక్కల ప్రజలు తమ కష్టార్జితాన్ని ప్రతి నెలా వీరి వద్ద చిట్టీల రూపంలో జమ చేయడం ప్రారంభించారు.

గత కొన్నేళ్లుగా చిట్టీల వ్యవహారం సక్రమంగానే సాగడంతో, బాధితులు వీరిపై మరింత నమ్మకం పెంచుకున్నారు. అయితే, ఇటీవల అనేక మందికి చెందిన చిట్టీల గడువు అయిపోయింది. బాధితులు తమ డబ్బులను తిరిగి ఇవ్వాలని కోరగా.. దంపతులు రకరకాల సాకులు చెబుతూ మాటలు మార్చేసే ప్రయత్నం చేశారు. దాదాపు 20 మందికి పైగా స్థానికులు వీరి దగ్గర చిట్టిలు వేయగా.. రూ.2.5 కోట్లకు పైగా జేబులు నింపుకుని పరార్‌ అయ్యారు.

రాత్రికి రాత్రే ఇల్లు అమ్మి పరార్..
బాధితుల అనుమానం నిజం చేస్తూ.. ఈ దంపతులు ఎవరికీ అనుమానం రాకుండా తమ సొంత ఇంటిని ముందే విక్రయించారు.. అనంతరం ఫోన్లు స్విచ్ ఆఫ్ చేసుకుని.. రాత్రికి రాత్రే ఇల్లు ఖాళీ చేసి పరారయ్యారు. మరుసటి రోజు ఉదయం బాధితులు వారి ఇంటికి వెళ్లి చూడగా ఇల్లు ఖాళీగా ఉండటంతో తాము తీవ్రంగా మోసపోయామని గ్రహించిన్నట్లు తెలుస్తోంది.

5-Foot Crocodile Video Viral: సాధారణంగా చిన్న పాము కనిపించినా.. సరే ఎంతో దూరం పరిగెడుతూ ఉంటాం.. ఇక ఐదు అడుగుల భారీ మొసలి ఎదురొస్తే ఎవరైనా ఏం చేస్తారు? ప్రాణాలు గుప్పెట్లో పెట్టుకుని పరుగులు తీస్తారు.. కానీ, ఓ రైతు మాత్రం అందరికీ భిన్నంగా ఆలోచించాడు.. తన పంట పొలంలోకి వచ్చిన భారీ మొసలిని ఏమాత్రం భయం లేకుండా పట్టుకోవడమే కాకుండా.. దానిని ఏకంగా తన భుజాలపై వేసుకుని రోడ్డుపై నడుచుకుంటూ వెళ్లాడు. ఈ వింత దృశ్యాలు ఇప్పుడు సోషల్ మీడియాలో విపరీతంగా వైరల్ అవుతున్నాయి. దీనికి సంబంధించిన పూర్తి వివరాలు ఇప్పుడు మనం తెలుసుకుందాం.

ఈ ఆసక్తికర ఘటన బిహార్‌లోని సుపౌల్ జిల్లాలో చోటుచేసుకుంది. అమిత్ కుమార్ అనే రైతు ఇతర కూలీలతో కలిసి తమ వరి చేనులో పనులు చేసుకుంటున్నారు. ఆ సమయంలో పంట పొలం మధ్యలో ఏదో కదులుతున్నట్లు గమనించారు. దగ్గరకు వెళ్లి చూడగా సుమారు 5 అడుగుల పొడవున్న భారీ మొసలి కనిపించింది.. పంట పొలంలో అంత పెద్ద మొసలిని చూసి ఒక్కసారిగా స్థానికులు తీవ్ర భయాందోళనకు గురయ్యారు. 

అయితే, ఈ సమయంలో గ్రామస్తులు ఎవరూ తొందరపడలేదు.. మొసలికి ఎలాంటి హాని తలపెట్టకూడదని..అలాగే ఎవరికీ గాయాలు కాకుండా దానిని కంట్రోల్ చేయాలని నిర్ణయించుకున్నారు. రైతు అమిత్ కుమార్ గ్రామస్తుల సహాయంతో చాలా జాగ్రత్తగా వ్యూహం రచించి మొసలిని బంధించారు.. అది ఎవరిపైనా దాడి చేయకుండా ముందుగా దాని నోటిని తాడుతో గట్టిగా కట్టేశారు.

Bhavishyavani Rangam 2026: ఆషాడమాస బోనాలు అంటే ఉజ్జయిని లష్కర్ బోనాలే. ఇందులో మొదటి రోజు ఆదివారం బోనాలు నిర్వహించిన మరుసటి రోజే రంగం నిర్వహిస్తారు. రాష్ట్రవ్యాప్తంగా ఉజ్జయిని మహంకాళి సికింద్రాబాద్ రంగం కోసం భక్తులు ఎంతో ఎదురుచూస్తుంటారు. అమ్మవారు ఏం పలుకుతారో తెలుసుకోవడానికి పెద్ద సంఖ్యలో తరలివస్తారు. సికింద్రాబాద్ బోనాల మొదటి రోజు అంగరంగ వైభవంగా ముగిసిన తర్వాత, రెండో రోజు సోమవారం రంగం ద్వారా భవిష్యవాణి వినిపిస్తారు. అదే రోజున అంబారి ఊరేగింపు కూడా ఉంటుంది. ఈరోజు సికింద్రాబాద్ బోనాల రెండో రోజు సందర్భంగా, 2026కి సంబంధించిన రంగం భవిష్యవాణిని స్వర్ణలత వినిపించారు.

పచ్చి కుండపై నిలబడి ఆ ఏడాది ఎలా ఉండబోతుందో ఆమె భవిష్యవాణిని వినిపిస్తారు. ప్రభుత్వాలతో సహా కోట్లాది మంది భక్తులు అమ్మవారు ఏం పలుకుతారో అని ఆసక్తిగా ఎదురుచూస్తుంటారు. ప్రతిసారి రాష్ట్రంలోని వర్షాలు, జాతర లోటుపాట్లపై ఆమె వివరిస్తూ ఉంటారు. నిన్న ఆలయం బయట జరిగిన జోగిల ఆందోళనలు, భక్తులు ఎదుర్కొన్న ఇబ్బందులపై ఆమె తీవ్ర ఆగ్రహం వ్యక్తం చేశారు. 

ఈ ఏడాది ఎలా ఉంటుందంటే?
ఈరోజు మాతంగి స్వర్ణలత భవిష్యవాణిలో ఈ ఏడాది కుంభవృష్టి కురుస్తుందని చెప్పారు. అలాగే అగ్ని ప్రమాదాలు కూడా ఎక్కువగా జరిగే అవకాశం ఉన్నందున, ప్రాణనష్టం జరగకుండా ప్రజలు జాగ్రత్తగా ఉండాలని హెచ్చరించారు. జనాలు వర్షాల ధాటికి కొట్టుకుపోయే ప్రమాదం కూడా ఉందని హెచ్చరించారు. తాను సంతోషంగా కాకుండా క్రోధంతో వచ్చానని, విగ్రహ ప్రతిష్టను తాను చెప్పినట్లు చేయలేదని ఆమె ఆగ్రహం వ్యక్తం చేశారు. ఆరు నెలల్లోనే ఈ ప్రక్రియ పూర్తి చేయాలని, లేదంటే ప్రాణనష్టం జరుగుతుందని ఆమె హెచ్చరించారు.   దీనిపై ఆలయ ప్రధాన పూజారి స్పందిస్తూ, ఆరు నెలల గడువు కాదని, ఏడాదిలోపు విగ్రహ ప్రతిష్ఠ చేస్తామని హామీ ఇచ్చారు.

అంబారీ ఊరేగింపు..
భక్తుల విశ్వాసం మేరకు అమ్మవారి ఘట్టాన్ని అనంతరం ఏనుగు అంబారిపై ఊరేగిస్తారు. దీనితో లష్కర్ బోనాల ఉత్సవాలు ఘనంగా ముగుస్తాయి. ఈరోజు ఉదయం 8 గంటల వరకు ఉజ్జయిని మహంకాళి ఆలయంలో సాంప్రదాయబద్ధంగా రంగం భవిష్యవాణి నిర్వహించి అనంతరం ఉదయం 10:30 గంటల నుంచి అంబారీ ఊరేగింపు నిర్వహిస్తున్నారు.