Govt Lecturers Promotions: ప్రభుత్వ డిగ్రీ కళాశాలల అధ్యాపకుల కెరీర్ అడ్వాన్స్‌మెంట్ స్కీమ్ (సీఏఎస్‌) పదోన్నతులలో యూజీసీ నిబంధనలను ఉల్లంఘిస్తూ ప్రమోషన్ పొందేందుకు కనీస అర్హత జూనియర్ లెక్చరర్ సర్వీసును పరిగణనలోకి తీసుకోవడంపై తెలంగాణ ప్రభుత్వ కళాశాల  అధ్యాపకుల సంఘం (టీజీసీటీఏ) తీవ్ర అభ్యంతరం వ్యక్తం చేసింది. 2004 సంవత్సరంలో ఇచ్చిన జీఓ నంబర్‌-10ని 22 సంవత్సరాల తర్వాత జీఓ నంబర్‌ 21 ద్వారా పునరుద్ధరించడంతో యూజీసీ నిబంధనలను తెలంగాణ ప్రభుత్వం తుంగలో తొక్కిందని ఆ సంఘం నాయకులు ఆరోపించారు.

'జూనియర్‌ లెక్చరర్ నుంచి ప్రభుత్వ డిగ్రీ కళాశాలల్లో లెక్చరర్‌గా పదోన్నతి పొందిన వారి జూనియర్‌ లెక్చరర్ ‌ సర్వీసును (N-5/2) అనే సూత్రం ప్రకారం లెక్కించారు. ఇందులో ఎన్‌ అనేది మొత్తం జూనియర్‌ లెక్పరర్‌ సర్వీసును సూచిస్తుంది. దీని నుంచి 5 సంవత్సరాల సర్వీసును తీసివేసిన తర్వాత, మిగిలిన 50 శాతం సర్వీసును కెరీర్‌ అడ్వాన్స్‌మెంట్‌ స్కీమ్‌ (సీఏఎస్‌) పదోన్నతి కోసం లెక్కించారు' అని తెలంగాణ ప్రభుత్వ అధ్యాపకుల సంఘం నాయకులు తెలిపారు.

'2004లో ఆంధ్రప్రదేశ్ ప్రభుత్వం ఇచ్చిన జీఓ నంబర్‌ 10ని ఇప్పుడు మళ్లీ అమలు చేయమనడం అన్యాయం, యూజీసీ నిబంధనలను ఉల్లంఘించడం, రాజ్యాంగ విరుద్దం' అని టీజీసీటీఏ స్పష్టం చేసింది. విశ్వవిద్యాలయాలు, కళాశాలలలో ఉపాధ్యాయుల నియామకం కోసం యూజీసీ మార్గదర్శకాలలో నిర్దేశించిన అర్హతా ప్రమాణాల ప్రకారం ఒక పోస్టుకు నియామకం జరిగితే.. సీఏఎస్‌ పదోన్నతి కోసం గత సర్వీసును లెక్కించవచ్చుని యూజీసీ మార్గదర్శకాలు స్పష్టంగా పేర్కొంటున్నాయని గుర్తుచేసింది. ఈ అర్హతా ప్రమాణాల ప్రకారం సంబంధిత సబ్జెక్ట్‌లో పీజీ డిగ్రీతోపాటు నెట్‌/సెట్‌, పీహెచ్‌డీ తప్పనిసరి అని తెలంగాణ ప్రభుత్వ కళాశాల  అధ్యాపకుల సంఘం నాయకులు వివరించారు. 'కానీ, జూనియర్‌ లెక్చరర్‌ నియామకం సంబంధిత సబ్జెక్టులో కేవలం పీజీ డిగ్రీ అర్హతతో జరుగుతుంది. జూనియర్‌ లెక్చరర్ ‌సర్వీసును CAS పదోన్నతికి లెక్కించడం UGC మార్గదర్శకాల ప్రకారం ఒక స్పష్టమైన ఉల్లంఘన' అని వెల్లడించారు.

డిగ్రీ లెక్చరర్ పదోన్నతులకు ఫీడర్ కేడర్‌గా జూనియర్ లెక్చరర్ పోస్టు మార్పు, ఏ ప్రభుత్వ శాఖలోనూ ప్రమోషన్లకై ఫీడర్ క్యాడర్ సర్వీస్ వర్తించదని తెలంగాణ ప్రభుత్వ కళాశాల  అధ్యాపకుల సంఘం నాయకులు స్పష్టంచేశారు. ఏపీ ప్రభుత్వం జారీ చేసిన జీఓ నంబర్‌ 423 ద్వారా ఇంటర్మీడియట్‌ విద్యలోని జూనియర్‌ లెక్చరర్ ‌కేడర్‌ నుంచి కళాశాల విద్యలోని డిగ్రీ లెక్చరర్ ‌కేడర్‌కు ఒక పదోన్నతి మార్గాన్ని ఏర్పాటు చేసింది. దీంతో జూనియర్‌ లెక్పరర్‌ పోస్టు ప్రభుత్వ డిగ్రీ కళాశాలల్లోని లెక్చరర్ పోస్టుకు ప్రమోషన్ పొందుటకు ఫీడర్‌ కేటగిరీగా ఉంది' అని వివరించారు.

ప్రమోషన్‌కు కావాల్సిన అర్హతలు
==> డిగ్రీ కళాశాలలు, యూనివర్సిటీ అధ్యాపకుల సీఏఎస్‌ పదోన్నతులకు యూజీసీ మార్గదర్శకాలను తప్పనిసరిగా పాటించాల్సి ఉంది.
==> ఓరియంటేషన్ కోర్స్, రిఫ్రెష్ కోర్స్‌లను పూర్తిచేయడం రీసెర్చ్ పబ్లికేషన్స్ తప్పనిసరిగా పూర్తి చేసి ఉండాలి.
==> అసిస్టెంట్ ప్రొఫెసర్‌గా పీహెచ్‌డీ కలిగి ఉండి నాలుగేళ్ల సంవత్సరాల సర్వీస్ ఉండాలి.
==> ఎంఫిల్‌తో అయితే 5 సంవత్సరాల సర్వీస్ / నెట్‌, సెట్‌తో అయితే 6 సంవత్సరాల కనీస సర్వీస్ పూర్తి చేయాలి.
==> అసోసియేట్ ప్రొఫెసర్, ప్రొఫెసర్ వంటి సీఏఎస్‌ పదోన్నతులు పొందడానికి కూడా యూజీసీ మార్గదర్శకాలను తప్పనిసరిగా పాటించాలి.

సహజ న్యాయాన్ని నిలబెట్టడానికి.. యూజీసీ నిబంధనలను సక్రమంగా.. కచ్చితంగా అమలయ్యేలా తక్షణమే స్పందించి తెలంగాణ ప్రభుత్వం చర్యలు తీసుకోవాలని తెలంగాణ ప్రభుత్వ కళాశాల  అధ్యాపకుల సంఘం నాయకులు కోరారు. గతంలో ఎప్పుడో 2004లో ఇచ్చిన జీఓ నంబర్‌- 10ను డిగ్రీ లెక్చరర్‌గా పదోన్నతి పొందడానికి  ఫీడర్ కేడర్ ఉన్న జూనియర్ లెక్చరర్ సర్వీసును సీఏఎస్‌ పదోన్నతులకు లెక్కించాలని కోరడం ప్రస్తుత సర్వీస్ నిబంధనలకు, యూజీసీ నిబంధనలకు విరుద్ధమని తెలిపారు. యూజీసీ నిబంధనల ప్రకారం అర్హత కలిగిన సర్వీసును మాత్రమే సీఏఎస్‌ పదోన్నతులకు పరిగణనలోకి తీసుకోవాలని కోరారు.

KS Bharat Retirement News: తెలుగు క్రికెట్ అభిమానులకు షాకింగ్ న్యూస్. ఆంధ్రప్రదేశ్‌కు చెందిన భారత వికెట్ కీపర్-బ్యాటర్ కోన శ్రీకర్ భరత్ (కేఎస్ భరత్) అంతర్జాతీయ క్రికెట్‌కు రిటైర్మెంట్ ప్రకటిస్తూ సంచలన నిర్ణయం తీసుకున్నారు. కేవలం 32 ఏళ్ల వయసులోనే ఆయన అంతర్జాతీయ క్రికెట్‌లోని అన్ని ఫార్మాట్ల నుండి తప్పుకుంటున్నట్లు సోషల్ మీడియా వేదికగా ఒక భావోద్వేగభరితమైన పోస్ట్ ద్వారా వెల్లడించారు. దీంతో టీమిండియా తరఫున టెస్ట్ ఫార్మాట్‌లో ప్రాతినిధ్యం వహించిన ఒక తెలుగు ఆటగాడి అంతర్జాతీయ ప్రస్థానానికి ముగింపు పడింది.

భావోద్వేగానికి గురైన కేఎస్ భరత్:
తన రిటైర్మెంట్ నోట్‌లో భరతదేశం తరఫున ఆడటాన్ని అత్యున్నత గౌరవంగా భావిస్తూ ఇలా రాసుకొచ్చారు. "గర్వంతో, కృతజ్ఞతా భావంతో నేను అంతర్జాతీయ క్రికెట్ నుండి విరమించుకుంటున్నట్లు ప్రకటిస్తున్నాను. నా దేశం కోసం ఆడటం నా జీవితంలో లభించిన గొప్ప గౌరవం. ఈ ప్రయాణంలో ఎన్నో ఒడిదుడుకులు ఎదురైనప్పటికీ, టెస్టుల్లో భారతదేశానికి ప్రాతినిధ్యం వహించడం ప్రతి క్షణానికీ తగిన గౌరవాన్ని ఇచ్చింది. నా కలను సాకారం చేయడానికి అండగా నిలిచిన నా కుటుంబానికి, బీసీసీఐ, కోచ్‌లకు, సహచర ఆటగాళ్లకు నా హృదయపూర్వక ధన్యవాదాలు" అని కేఎస్ భరత్ రాసుకొచ్చాడు.

కోహ్లీ, రోహిత్, ద్రవిడ్‌లకు ప్రత్యేక కృతజ్ఞతలు..
తన కెరీర్‌లో అత్యంత కీలక పాత్ర పోషించిన ముగ్గురు దిగ్గజాలకు భరత్ ప్రత్యేకంగా ధన్యవాదాలు తెలిపారు. ఐపీఎల్‌లో రాయల్ ఛాలెంజర్స్ బెంగళూరు (RCB) తరఫున ఆడే అవకాశం ఇచ్చి, తన నైపుణ్యాన్ని ప్రపంచానికి చాటేలా చేసినందుకు ఆర్సీబీ అప్పటి కెప్టెన్ విరాట్ కోహ్లీకి కృతజ్ఞతలు తెలిపారు. అలాగే రోహిత్ శర్మ సారథ్యంలోనే భారత్ తరఫున టెస్ట్ అరంగేట్రం చేసే అమూల్యమైన అవకాశం దక్కిందని భరత్ గుర్తుచేసుకున్నారు.

Kavya Maran Liam Livingstone: ఐపీఎల్ 2026 సీజన్ ముగిసిన వెంటనే సన్‌రైజర్స్ హైదరాబాద్ క్యాంపులో తీవ్ర కలకలం రేగింది. అద్భుత ప్రదర్శన చేసి ఈ జట్టు ప్లేఆఫ్స్ వరకు చేరినప్పటికీ ఎలిమినేటర్ మ్యాచ్‌లో రాజస్థాన్ రాయల్స్ చేతిలో ఓడి టోర్నీ నుంచి నిష్క్రమించింది. ఈ నేపథ్యంలో ఎస్ఆర్‌హెచ్ ఇంగ్లాండ్ స్టార్ ఆల్ రౌండర్ లియాన్ లివింగ్ స్టోన్ ఫ్రాంచైజీ యాజమాన్యాన్ని ముఖ్యంగా కావ్య మారన్‌ను ఉద్దేశించి పరోక్షంగా చేసిన సంచలన ఆరోపణలు ఇప్పుడు నెట్టింట హార్ట్ టాపిక్ గా మారాయి.

"స్టిక్ టు క్రికెట్" పాడ్‌కాస్ట్‌లో లివింగ్‌స్టోన్ మాట్లాడుతూ తనకు తుదిజట్టులో ఆడే అవకాశం రాకపోవడానికి గల కారణాన్ని బయటపెట్టాడు. "మినీ వేలంలో ముంబై ఇండియన్స్ కు అత్యవసరమైన ఓ దేశీ ఆటగాడిని మా ఫ్రెండ్ చేసి కొనుగోలు చేసింది. మా యజమాని పరిస్థితిలో బోలెడు డబ్బు ఉండటంతో భారీ ధర పెట్టి అతడిని సొంతం చేసుకుంది. మా యజమానులకు (కావ్య మారన్) అతనంటే చాలా ఇష్టం. అందుకే అతడ్ని జట్టులోకి తీసుకున్నారు. మా కోచ్ డేనియల్ వెటోరి స్వయంగా నాతో ఈ మాట చెప్పాడు. నాకు అప్పుడే అర్థమైంది. జట్టులో ఎవరో ఒకరు గాయపడితే తప్ప నా గురించి జట్టులో చోటు దక్కద"ని లివింగ్ స్టోన్ వెల్లడించాడు. అందుకు సంబంధించిన వీడియో సోషల్ మీడియాలో విపరీతంగా వైరల్ కావడంతో సన్‌రైజర్స్ అభిమానులు షాక్‌కు గురవుతున్నారు. 

లివింగ్ స్టోన్ టార్గెట్ చేసిన ఆటగాడు ఎవరు? 
లివింగ్ స్టోన్ చేసిన వ్యాఖ్యల నేపథ్యంలో యాజమాన్యానికి అంతగా నచ్చిన ఆ ప్లేయర్ ఎవరిని చర్చ క్రికెట్ వర్గాల్లో మొదలైంది. నెటిజెన్లు, విశ్లేషకులు ఎక్కువగా సలీల్ అరోరా పేరును తెరపైకి తెస్తున్నారు. పంజాబ్ కు చెందిన 23 ఏళ్ల వికెట్ కీపర్ బాటర్ సలీల్ అరోరా కోసం మినీ వేలంలో ముంబై, హైదరాబాద్ గట్టిగా పోటీ పడ్డాయి. చివరికి రూ.1.5 కోట్లకు సన్‌రైజర్స్ హైదరాబాద్ జట్టు అతడ్ని సొంతం చేసుకుంది.

ఈ సీజన్ ఆరంభంలో ఆర్సీబీతో జరిగిన మ్యాచ్‌లో సలీల్ అరోరా అరంగేట్రం చేశాడు. మొత్తం ఈ సీజన్లో 11 ఇన్నింగ్స్ లో ఆడిన తర్వాత కేవలం 156 పరుగులు మాత్రమే చేయగలిగాడు. గత సీజన్లో ఆర్సీబీ తరఫున ఆడి నిరాశపరిచిన లివింగ్ స్టోన్ ను సన్‌రైజర్స్ హైదరాబాద్ జట్టు ఏకంగా రూ.13 కోట్ల భారీ ధరకు సొంతం చేసుకుంది. అయితే ఇంత భారీ ధర పలికిన ఇంగ్లాండ్ హిట్టర్ ఈ సీజన్లో కేవలం రెండు మ్యాచ్‌‌లే ఆడగా.. అందులోనూ కేవలం 15 మార్కులు మాత్రమే చేశాడు, కనీసం బౌలింగ్ చేసే అవకాశం కూడా రాలేదు.

Silver Import Duty News: బంగారం, వెండి కొనుగోలు చేయాలని ప్లాన్ చేస్తున్నారా? అయితే ఈ చేదు నిజం ఇప్పుడే తెలుసుకోండి. దేశంలో రానున్న రోజుల్లో వెండి ధరలు రెక్కలు తొడగనున్నాయని మార్కెట్ నిపుణులు అంచనా వేస్తున్నారు. వెండి దిగుమతులను తగ్గించేందుకు కేంద్ర ప్రభుత్వం తీసుకున్న సంచలన నిర్ణయమే ఇందుకు ప్రధాన కారణంగా కనిపిస్తోంది. దేశీయంగా రూపాయి విలువ బలహీనపడకుండా చూసేందుకు, విదేశీ మారక నిల్వలపై ఒత్తిడిని తగ్గించేందుకు గాను కేంద్రం వెండి దిగుమతులపై కఠిన ఆంక్షలను అమల్లోకి తెచ్చింది.

ఇకపై లైసెన్స్ తప్పనిసరి?
గత నెలలో వెండి కడ్డీలు, సెమీ ఫినిష్డ్ ప్రొడక్ట్స్‌పై ఆంక్షలు విధించిన కేంద్రం.. ఇప్పుడు మరికొన్ని ఉత్పత్తులను కూడా నియంత్రిత వర్గంలోకి చేర్చింది. కొత్త నిబంధన ప్రకారం.. 99.9 శాతం స్వచ్ఛత కలిగిన వెండి పొడి (Silver Powder), రేణువులు (Silver Grains), పాక్షికంగా తయారైన వెండి ఉత్పత్తులను విదేశాల నుండి దిగుమతి చేసుకోవాలంటే ఇకపై డైరెక్టరేట్ జనరల్ ఆఫ్ ఫారిన్ ట్రేడ్ (DGFT) నుండి ముందస్తుగా ప్రత్యేక లైసెన్స్ లేదా అనుమతి తీసుకోవడం తప్పనిసరి చేయనున్నారు.

ప్రపంచంలోనే అత్యధికంగా వెండిని వినియోగించే దేశాల్లో భారతదేశం అగ్రస్థానంలో ఉంది. గత ఆర్థిక సంవత్సరంలో భారత్ వెండి దిగుమతుల కోసం ఏకంగా రూ.1.20 లక్షల కోట్లు ఖర్చు చేసింది. కేవలం ఏప్రిల్ నెలలోనే వెండి దిగుమతులు 157 శాతం మేర పెరిగినట్లు కేంద్ర ఆర్థిక శాఖ వెల్లడించింది. ఈ భారీ దిగుమతులకు అడ్డుకట్ట వేయడానికే ప్రభుత్వం ఈ కఠిన నిర్ణయం తీసుకున్నట్లు తెలుస్తోంది.

ధరలు ఎందుకు పెరుగుతాయి?
ప్రభుత్వ అనుమతులు (లైసెన్స్) రావడానికి చాలా సమయం పడుతుంది. దీనివల్ల మార్కెట్లో వెండి సరఫరా తగ్గి, తాత్కాలికంగా తీవ్ర కొరత ఏర్పడే అవకాశం ఉంది. డిమాండ్‌కు తగ్గ సప్లై లేకపోవడం వల్ల రాబోయే రోజుల్లో వెండి ధరలు తక్షణమే పెరిగే అవకాశం ఉందని నిపుణులు హెచ్చరిస్తున్నారు.

వెండిని కేవలం ఆభరణాలు, నాణేలు, పూజా సామాగ్రి కోసమే కాకుండా పారిశ్రామిక అవసరాల కోసం కూడా విరివిగా వాడుతుంటారు. ఈ కొత్త ఆంక్షల ప్రభావం సోలార్ ప్యానెల్స్ తయారీ, ఎలక్ట్రానిక్స్ రంగానికి చెందిన పరిశ్రమలపై తీవ్రంగా పడనుంది. ముడిసరుకు కొరత కారణంగా ఆయా రంగాల్లో తయారీ వ్యయం పెరిగే ప్రమాదం ఉంది.

వెండి ధర ఎంత ఉంది?
ప్రస్తుతం మార్కెట్లో కిలో వెండి ధర సుమారు రూ.2.90 లక్షల వద్ద కొనసాగుతోంది. గతంలో ఇది గరిష్టంగా రూ.4 లక్షల మార్కును తాకగా.. ప్రస్తుతానికి స్థిరంగా ఉంది. అయితే కేంద్రం విధించిన తాజా ఆంక్షల నేపథ్యంలో ఈ ధరలు మళ్లీ రికార్డు స్థాయికి చేరే సూచనలు కనిపిస్తున్నాయి.

India Vs Afghanistan ODI 2026 News: ఆఫ్ఘనిస్తాన్‌తో జూన్ 14 నుండి ధర్మశాల వేదికగా ప్రారంభం కానున్న 3 వన్డేల సిరీస్‌కు ముందు టీమ్ఇండియాకు గట్టి ఎదురుదెబ్బ తగిలింది. ఐపీఎల్ ఫైనల్ మ్యాచ్‌లో గాయపడిన స్టార్ బ్యాటర్ విరాట్ కోహ్లీ ఈ సిరీస్‌కు దూరం కానున్నట్లు తెలుస్తోంది. ఈ నేపథ్యంలో కోహ్లీ స్థానంలో ఐపీఎల్‌లోని చెన్నై సూపర్ కింగ్స్ కెప్టెన్ రుతురాజ్ గైక్వాడ్‌ను వన్డే జట్టులోకి ఎంపిక చేసే అవకాశం ఉంది. మరోవైపు ఇండియా 'ఎ' జట్టులో రజత్ పటీదార్‌కు చోటు దక్కే సూచనలు కనిపిస్తున్నాయి.

కోహ్లీకి 2 వారాలు విశ్రాంతి..
అహ్మదాబాద్‌ వేదికగా ఐపీఎల్‌ ఫైనల్‌ మ్యాచ్‌లో గుజరాత్ టైటాన్స్‌తో రాయల్ ఛాలెంజర్స్ బెంగళూరు ఛేజింగ్ చేస్తున్న సమయంలో కోహ్లీ హామ్‌స్ట్రింగ్ (కండరాల) గాయానికి గురయ్యాడు. ఆ సమయంలో వైద్య సహాయం తీసుకుని బ్యాటింగ్ కొనసాగించినప్పటికీ, తదుపరి పరీక్షలలో గాయం తీవ్రత బయటపడింది. ఈ క్రమంలో కోహ్లీకి కనీసం రెండు వారాల పాటు పూర్తి విశ్రాంతి అవసరమని వైద్యులు స్పష్టం చేశారు.

జూన్ 20న జరిగే చివరి వన్డే సమయానికి కోహ్లీ కోలుకునే అవకాశం ఉన్నప్పటికీ, ముందున్న బిజీ షెడ్యూల్ (జూలైలో ఇంగ్లాండ్ పర్యటన) దృష్ట్యా సెలెక్టర్లు అతనికి రిస్క్ ఇవ్వకూడదని భావిస్తున్నారు.

రోహిత్, హార్దిక్ సంగతి ఏంటి?
కోహ్లీ గాయం ఒకవైపు ఆందోళన కలిగిస్తుండగా, కెప్టెన్ రోహిత్ శర్మ, ఆల్‌రౌండర్ హార్దిక్ పాండ్యాల ఫిట్‌నెస్‌పై కూడా సెలెక్టర్లు నివేదికల కోసం ఎదురుచూస్తున్నారు. రోహిత్ శర్మ విషయానికొస్తే.. కండరాల గాయంతో ఐపీఎల్‌లో కొన్ని మ్యాచ్‌లకు దూరమైన రోహిత్‌ను వన్డే జట్టులోకి తీసుకున్నప్పటికీ, అతను బీసీసీఐ సెంటర్ ఆఫ్ ఎక్సలెన్స్‌లో ఫిట్‌నెస్ టెస్ట్ పాస్ కావాల్సి ఉంది. ఒకవేళ రోహిత్ అన్‌ఫిట్‌గా ఉంటే, కెప్టెన్ శుభ్‌మన్ గిల్‌తో కలిసి ఓపెనింగ్ చేయడానికి యశస్వి జైస్వాల్ రేసులో ముందున్నాడు. బ్యాకప్ ఓపెనర్‌గా ఇషాన్ కిషన్ కూడా అందుబాటులో ఉన్నాడు.

మరోవైపు హార్దిక్ పాండ్యా కూడా దీర్ఘకాలంగా వెన్నునొప్పితో బాధపడుతున్న పాండ్యా ప్రస్తుతం సెంటర్ ఆఫ్ ఎక్సలెన్స్‌లో పర్యవేక్షణలో ఉన్నాడు. అతను పూర్తి స్థాయిలో బౌలింగ్ చేయగలిగితేనే జట్టులోకి తీసుకునే అవకాశం ఉంది.

శనివారం సెలక్షన్ కమిటీ సమావేశం!
యునైటెడ్ కింగ్‌డమ్ (UK) పర్యటనతో పాటు ఆసియా క్రీడల కోసం భారత టీ20 జట్లను ఎంపిక చేయడానికి శనివారం చీఫ్ సెలెక్టర్ అజిత్ అగార్కర్ నేతృత్వంలో సెలక్షన్ కమిటీ సమావేశం కానుంది. అదే సమయంలో ఆఫ్ఘనిస్తాన్ వన్డే సిరీస్‌కు సంబంధించిన తుది మార్పులపై, రోహిత్-హార్దిక్ లభ్యతపై అధికారిక ప్రకటన వెలువడే అవకాశం ఉంది. ఆల్-ఫార్మాట్ కెప్టెన్సీ రేసులో ఉన్న రుతురాజ్ గైక్వాడ్‌కు కోహ్లీ స్థానంలో వన్డే జట్టులో అవకాశం రావడం సీఎస్కే అభిమానుల్లో ఆనందాన్ని నింపుతోంది.

Uttar Pradesh Government Doctor News: సమాజంలో దేవుడిలా భావించే వైద్య వృత్తికే చెడ్డ పేరు తెచ్చే ఘోర ఉదాంతం ఉత్తరప్రదేశ్లోని ముజఫర్నగర్ ప్రభుత్వ ఆసుపత్రిలో ఇటీవల వెలుగు చూసింది. లంచం డబ్బులు ఇవ్వలేదని కక్షతో ఒక ప్రభుత్వ వైద్యుడు మానవత్వాన్ని మరిచిపోయి వింతగా ప్రవర్తించాడు. ప్రమాదంలో విరిగి.. ఇప్పుడిప్పుడే అతుక్కుతున్న ఒక 14 ఏళ్ల మైనర్ బాలిక కాలు ఎముకను సదరు డాక్టర్ ఉద్దేశపూర్వకంగా మళ్ళీ విరగగొట్టినట్లు వచ్చిన ఆరోపణలు దేశవ్యాప్తంగా తీవ్ర కలకలం రేపుతున్నాయి..

బాధిత కుటుంబ సభ్యులు తెలిపిన వివరాల ప్రకారం.. కొన్ని రోజుల క్రితం ప్రమాదానికి గురైన 14 ఏళ్ల బాలిక కాలు విరిగింది.. చికిత్స కోసం ఆమెను ముజఫర్నగర్ లోని ప్రభుత్వ హాస్పిటల్లో అడ్మిట్ చేశారు.. అయితే అక్కడ విధుల్లో ఉన్న ప్రభుత్వ డాక్టర్ బాలికకు చికిత్స చేయడానికి దాదాపు రూ.25 వేల రూపాయలు లంచం డిమాండ్ చేశాడు. అంత పెద్ద మొత్తాన్ని చెల్లించలేని పరిస్థితుల్లో ఉన్న ఆ పేద కుటుంబం, ఎలాగోలా కష్టపడి దాదాపు రూ.8 వేల రూపాయలు వైద్యుడికి ముట్ట చెప్పినట్లు తెలుస్తోంది. మిగిలిన డబ్బులు కూడా ఇస్తేనే పూర్తి చికిత్స అందిస్తామని.. లేదంటే డిశ్చార్జ్ చేస్తామని సదరు డాక్టర్ బాధితులను వేధించడం మొదలుపెట్టాడు..

జిల్లా కలెక్టర్‌ను కలిశారు..
వైద్యుడి వేధింపులు భరించలేక.. నిరుపేదలైన ఆ కుటుంబ సభ్యులు న్యాయం కోసం స్థానిక జిల్లా కలెక్టర్‌ను ఆశ్రయించారు.. బాధితుల పరిస్థితిని చూసి చలించిపోయిన కలెక్టర్.. బాలికకు తక్షణమే ఉచితంగా పూర్తి చికిత్స అందించాలని ఆసుపత్రి అధికారులతో పాటు వైద్యుడిని ఆదేశించారు. కలెక్టర్ ఆదేశాలతో చేసేదేమీ లేక పైకి సరేనన్న ఆ డాక్టర్.. లోపల మాత్రం బాధితులపై తీవ్ర కక్ష పెంచుకున్నాడు.. తనపై కలెక్టర్కు ఫిర్యాదు చేస్తారా అనే కోపంతో రగిలిపోయాడు..

ఎక్స్ర్‌రే అని చెప్పి..
కలెక్టర్ ఆదేశాల తర్వాత బాలికకు ఉచితంగా చికిత్స అందిస్తామని నమ్మ బలికిన ఆ డాక్టర్.. ఎక్స్ర్‌రేతో పాటు తదుపరి పరీక్షల పేరుతో బాలికను గదిలోకి పిలిపించాడు.. అక్కడ తల్లిదండ్రులు లేని సమయంలో చూసి.. లంచం డబ్బులు ఇవ్వనందుకు కక్ష సాధింపుగా.. ఇప్పుడిప్పుడే అతుక్కుంటున్న బాలిక కాలు ఎముకను గట్టిగా ఒత్తి మళ్లీ విరగగొట్టాడని.. బాలిక తల్లి కన్నీరు మునీరుగా ఆరోపిస్తున్నారు. గదిలో నుంచి బాలిక గట్టిగా కేకలు వేయడంతో లోపలికి వెళ్లిన తల్లిదండ్రులకు ఈ దారుణం అర్థమైంది..

 Five-Headed Cobra Video Watch: ఇంటర్నెట్, ఆర్టిఫిషియల్ ఇంటిలిజెన్సీ యుగంలో రోజుకు ఒక వింతైన ఆశ్చర్యం కలిగించే వీడియోలు సోషల్ మీడియాలో ప్రత్యక్షమవుతూనే ఉంటాయి. తాజాగా ఒక అరుదైన పాముకు సంబంధించిన వీడియో సోషల్ మీడియా వినియోగదారులను విపరీతంగా ఆకర్షిస్తోంది. సాధారణంగా మనం పురాణాల్లో, సినిమాల్లో మాత్రమే చూసే ఐదు పడగల శేషనాగు నిజజీవితంలో దర్శనం ఇచ్చిందంటూ.. ఒక వీడియో సోషల్ మీడియాలో ఊహించని స్థాయిలో వైరల్ అవుతూ వస్తోంది. ఈ వీడియోను చూసిన సోషల్ మీడియా వినియోగదారులు ఆశ్చర్యపోతున్నారు..

భారీ సంఖ్యలో తరలివచ్చిన భక్తులు..
వైరల్ అవుతున్న వీడియోలు ఒక భారీ నాగుపాము ఒకచోట స్థిరంగా ఉండడం మీరు చూడొచ్చు.. ఆ పాము ఒక్కసారిగా తన ఐదు పడగలను విప్పి నిలబడటం కనిపిస్తుంది. ఈ అద్భుతమైన దృశ్యాన్ని చూసేందుకు స్థానికులతో పాటు చుట్టుపక్కల ఉన్న ప్రజలు భారీ సంఖ్యలో తరలివచ్చారు.. కొందరు ఈ సమయంలో భయాందోళనకు గురవ్యగా.. మరికొందరు మాత్రం దీన్ని ఒక దైవ శక్తితో కూడిన వింత అరుదైన పాముగా భావిస్తున్నారు.. సాక్షాత్తు ఆ లక్ష్మీనారాయణ కొలువై ఉండే శేషనాగే భూమిపైకి వచ్చిందంటూ అక్కడికి వచ్చిన భక్తులు దండాలు పెట్టడంతో పాటు హారతులు పట్టడం కూడా ఈ వీడియోలో కనిపిస్తూ ఉంది. ఈ అరుదైన దృశ్యాలు చూసిన వారంతా ఆశ్చర్యపోతున్నారు..

ఇది దైవలీలనా?
అయితే, ఈ వీడియో పై సోషల్ మీడియా వినియోగదారుల నుంచి భిన్నమైన స్పందనలు వస్తున్నాయి. ఒక వర్గం ప్రజలు ఇది దైవలీల అని నమ్ముతుండగా.. సాంకేతిక పరిజ్ఞానంపై అవగాహన ఉన్న చాలామంది సోషల్ మీడియా వినియోగదారులు మాత్రం దీన్ని కొట్టి పారేస్తూ ఉన్నారు.. ప్రస్తుత కాలంలో అందుబాటులోకి వచ్చిన ఆర్టిఫిషియల్ ఇంటిలిజెన్సీ లేదా అధునాతన వీడియో ఎడిటింగ్, గ్రాఫిక్స్ టూల్స్‌ను ఉపయోగించి ఈ వీడియోని సృష్టించారని కామెంట్లు పెడుతూ వస్తున్నారు..

 King Cobra Rare Viral Video Watch Here: సోషల్ మీడియాలో ప్రతిరోజు వేలాది వీడియోలు ప్రత్యక్షమవుతూ ఉంటాయి. వాటిల్లో నవ్వించేలా ఉంటే.. మరికొన్ని ఆశ్చర్యపరుస్తూ భయాందోళన కూడా కలిగిస్తూ ఉంటాయి. తాజాగా సోషల్ మీడియాలో వైరల్ అవుతున్న ఒక వీడియో చూస్తే ఎవరికైనా సరే వెన్నులో వణుకు పుట్టడం ఖాయం.. ఒక యువకుడు అజాగ్రత్తగా చెట్టు కింద పడుకోగా.. అతని షర్టులోకి అత్యంత విషపూరితమైన కింగ్ కోబ్రా దూరిన ఘటన ఇప్పుడు సోషల్ మీడియాలో ఊహించని స్థాయిలో వైరల్ అవుతుంది. 

షర్టు లోపలికి దూరిన పాము..

వైరల్ అవుతున్న దృశ్యాల వివరాల ప్రకారం.. ఒక యువకుడు చెట్టు నీడన ప్రశాంతంగా నిద్రపోతున్నాడు.. అయితే, అదే సమయంలో ఎక్కడి నుంచి వచ్చిందో కానీ.. ఒక భారీ కింగ్ కోబ్రా నెమ్మదిగా అతని శరీరానికి పాకుతూ షర్టు లోపలికి దూరిపోయింది. ఆ యువకుడు నిద్రలేచి చూసేసరికి తన షర్టు లోపల పాము కదలడాన్ని గమనించి.. తీవ్ర భయాందోళనకు గురయ్యాడు.. చిన్నపాటి పొరపాటు జరిగినా.. కాస్త కదిలినా.. ఆ విష సర్పం కాటేయడం ఖాయం.. దీంతో ఆ యువకుడు ప్రాణాలు అరచేతిలో పెట్టుకొని.. కదలకుండా అలాగే శవంలా పడుకొని ఉండిపోయాడు..

రంగంలోకి స్నేక్ క్యాచర్..

ఈ ప్రమాదకరమైన పరిస్థితిని గమనించిన స్థానికులు వెంటనే ఎక్స్పీరియన్స్ కలిగిన స్నేక్ క్యాచర్‌కు సమాచారం అందించారు. ఘటనా స్థలానికి చేరుకున్న స్నేక్ క్యాచర్ అత్యంత చాకచక్యంగా వ్యవహరించాడు. ఆ యువకుడికి ఎటువంటి హాని కలగకుండా.. పామును రెచ్చగొట్టకుండా చాలా నెమ్మదిగా యువకుడి షర్టు బటన్లు విప్పడం ప్రారంభించాడు..

షర్టులో నుంచి ఎలా తీశాడు?

ఆ సమయంలో ఒక్కొక్క క్షణం.. ఎంతో కీలకంగా మారింది. షర్టు విప్పుతున్న క్రమంలో ఆ కింగ్ కోబ్రా ఒక్కసారిగా తన పెద్ద పడగలను విప్పి.. కాటేసేందుకు తీవ్రంగా ప్రయత్నించింది.. అక్కడున్న వారంతా కొద్ది దూరం జరిగినట్లు తెలుస్తోంది. అయితే, ఆ స్నేక్ క్యాచర్ అత్యంత నైపుణ్యంతో ఆ పాము దృష్టిని మళ్లించి.. దాన్ని షర్టులో నుంచి బయటకు లాగేసాడు..

SBI Apprentice Recruitment 2026: బ్యాంకింగ్ రంగంలో తమ కెరీర్ ను ప్రారంభించాలనుకునే అభ్యర్థులకు స్టేట్ బ్యాంక్ ఆఫ్ ఇండియా (SBI) సువర్ణ అవకాశాన్ని కల్పించింది. 2026-27 ఏడాదికి గాను దేశవ్యాప్తంగా మొత్తం 7,150 అప్రెంటిస్ (శిక్షణార్థులు) పోస్టుల భర్తీకి ఎస్బీఐ అధికారిక నోటిఫికేషన్ విడుదల చేసింది. దరఖాస్తు ప్రక్రియ ఎప్పటికే ప్రారంభం అయ్యింది.

ఎస్బీఐ అప్రెంటిస్ నోటిఫికేషన్ ద్వారా మొత్తంగా 7,150 పోస్టులను భర్తీ చేయనున్నారు. అందుకోసం ఆన్లైన్ ద్వారా దరఖాస్తులు ఆహ్వానించగా.. మే 19 దరఖాస్తు ప్రారంభ తేదీ కాగా, జూన్ 8న దరఖాస్తుకు చివరి తేదీగా నిర్ణయించారు. ఈ నోటిఫికేషన్ లో భాగంగా పరీక్షను జులై నెలలో నిర్వహించేందుకు ప్రాథమికంగా వెల్లడించారు. 

ఇది ఒక సంవత్సరం కాలం పాటు పరిమితి గల అప్రెంటిషిప్ శిక్షణ కార్యక్రమం మాత్రమే, శాశ్వత ఉద్యోగం కాదు. అయితే ఈ శిక్షణ పూర్తి చేసుకుంటే భవిష్యత్తులో ఎస్బీఐతో పాటు ఇతర అనుబంధ సంస్థలు వచ్చే ఉద్యోగ నియామకాల్లో ప్రాధాన్యత లభించే అవకాశం ఉంది. 

అర్హతలు, వయోపరిమితి 
విద్యార్హత: గుర్తింపు పొందిన యూనివర్సిటీ నుంచి ఏదైనా విభాగంలో డిగ్రీ పట్టభద్రత ఉత్తీర్ణులై ఉండాలి. 

వయసు: ఏప్రిల్ ఒకటి 2026 నాటికి 20 నుంచి 28 సంవత్సరాల మధ్య ఉండాలి. 

వయసు సడలింపు: ప్రభుత్వ నిబంధనల ప్రకారం ఎస్సీ, ఎస్టీ, ఓబీసీ, ఈడబ్ల్యూఎస్ దివ్యాంగుల గరిష్ట పరిమితులు సడలింపు ఉంటుంది. 

తప్పనిసరి నిబంధనలు 
1. అభ్యర్థులు గతంలో ఎక్కడా అప్రెంటిస్షిప్ శిక్షణ పొంది ఉండకూడదు. 
2. ఒకే సంవత్సరం కంటే ఎక్కువ పని అనుభవం వర్క్ ఎక్స్పీరియన్స్ ఉండకూడదు. 
3. అభ్యర్థి ఏదైనా ఒక్క రాష్ట్రానికి మాత్రమే దరఖాస్తు చేసుకోవడానికి వీలుంటుంది. 
4. దరఖాస్తు చేసుకునే రాష్ట్ర స్థానిక భాష పై పొట్టు ఉండాలి. స్థానిక భాషలోనూ పరీక్ష రాయాల్సి ఉంటుంది. 

ఎంపిక ప్రక్రియ..
ఈ పోస్టులను నియామక ప్రక్రియ రెండు దశల్లో జరగనుంది. అందులో ఒకటి ఆన్లైన్ రాత పరీక్ష కాగా రెండోది స్థానిక భాషా పరీక్ష. వీటిలో ఉత్తీర్ణత పొందిన వారే అప్రెంటిస్షిప్ కి అర్హత సాధిస్తారు. 

స్టైఫండ్, విరోచనాలు 
ఎంపికైన అభ్యర్థులకు ఒక ఏడాది శిక్షణ కాలంలో నెలకు రూ.15,000 స్టైఫండ్ చెల్లిస్తారు. ఈ కాలంలో ఎస్బీఐ బ్యాంకింగ్ విధానాలు కస్టమర్ సర్వీస్ అనుభవం లభిస్తుంది. శిక్షణ విజయవంతంగా పూర్తి చేసిన వారికి అధికారిక సర్టిఫికేట్ అందజేస్తారు. 

ఆన్‌లైన్‌లో ఎలా దరఖాస్తు చేసుకోవాలి 
1. మొదటగా అభ్యర్థులు కేంద్ర ప్రభుత్వ NAPS వెబ్‌సైట్‌లో తమ పేరు నమోదు చేసుకోవాలి.
2. ఆ తర్వాత ఎస్బిఐ అధికారిక వెబ్సైట్ ‌లో అప్లికేషన్ ఫిల్ చేయాల్సి ఉంటుంది.
3. హోం పేజీలో ఉన్న కెరియర్స్ విభాగంలోకి వెళ్లి అప్రెంటిస్ రిక్రూట్మెంట్ లింక్ పై క్లిక్ చేయాలి.
4. అప్లికేషన్ ఫామ్ లో అడిగిన వివరాలను నింపి అవసరమైన పత్రాలను అప్లోడ్ చేయాలి. 
5. దరఖాస్తు రుసుము చెల్లించి ఫారం ను సబ్మిట్ చేసి భవిష్యత్తు అవసరాల కోసం ప్రింట్ అవుట్ తీసుకోవాలి. 
6. బ్యాంకింగ్ రంగంలో స్థిరపడాలనుకునే యువతకు ప్రాక్టికల్ నాలెడ్జ్ సాధించడానికి ఇది ఒక అద్భుతమైన అవకాశం. ఆసక్తి కల అర్హులైన అభ్యర్థులు జూన్ 8లో ఆన్లైన్ ద్వారా దరఖాస్తు చేసుకోవచ్చు.

Illegal Gutka Sale Karimnagar: ఉమ్మడి కరీంనగర్ జిల్లాలో విద్యాసంస్థల పరిసరాలు మత్తు పదార్థాల కేంద్రాలుగా మారుతున్నాయి.. రేపటి పౌరులను తీర్చిదిద్దాల్సిన స్కూళ్లతో పాటు కాలేజీల సమీపంలోనే ప్రమాదకరమైన గుట్కా ప్యాకెట్లతో పాటు సిగరెట్ల విక్రయాలు విచ్చలవిడిగా విక్రయిస్తున్నారు. కోట్పా (COTPA) చట్టం ప్రకారం.. విద్యాసంస్థలకు 100 మీటర్ల లోపు ఎలాంటి పొగాకు ఉత్పత్తులతో పాటు ఇతర మత్తు పదార్థాలను విక్రయించకూడదనేది స్పష్టమైన నిషేధం ఉన్నప్పటికీ.. ఇక్కడ వ్యాపారులు ఆ నిబంధనలను తుడిచి పెడుతున్నారు.. కిరాణా దుకాణాలతో పాటు పాండబ్బాలు, చిరుదిండ్ల బండ్ల ముసుగులో మైనర్ విద్యార్థులకు సైతం బహిరంగంగానే సిగిరెట్ల విక్రయిస్తూ వస్తున్నారు. నిషేధిత గుట్కాలను విక్రయిస్తూ వారి జీవితాలతో చెలగాటమాడుతున్నారు.

ఈ విచ్చలవిడి అమ్మకాల వెనక కేవలం పొగాకు ఉత్పత్తులే కాకుండా.. అంతకుమించి పెను ప్రమాదం పొంచి ఉందని ఆందోళన వ్యక్తమవుతోంది.. సిగరెట్ల తో పాటు గుట్కా విక్రయాల ముసుగులో విద్యార్థులకు గంజాయితోపాటు ఇతర ప్రమాదకరమైన డ్రగ్స్ సరఫరా అయ్యే అవకాశాలు ఉన్నాయని తల్లిదండ్రులు తీవ్ర భయాందోళన వ్యక్తం చేస్తున్నారు.. ఆకర్షణీయమైన ప్యాకెట్లలో దొరికే మత్తు పదార్థాలకు అలవాటు పడి.. విద్యార్థులు తమ బంగారు భవిష్యత్తును నాశనం చేసుకుంటున్నారని ఆవేదన చెందుతున్నారు..

పక్కనే ఉన్న వరంగల్ జిల్లాలో పోలీసులు విద్యాసంస్థల సమీపంలో ఉన్న ప్రతి షాపుపై ప్రత్యేకమైన నిఘా ఉంచి.. ఆకస్మిక తనిఖీలతో పాటు కఠిన చర్యలు తీసుకుంటుండగా.. ఉమ్మడి కరీంనగర్ జిల్లాలో మాత్రం అలాంటి ముందస్తు చర్యలు కనిపించడం లేదనే విమర్శలు వెల్లువెత్తుతున్నాయి. స్థానిక పోలీసులతో పాటు టాస్క్ఫోర్స్ సిబ్బంది కేవలం మీద మీదనే తనిఖీలు చేసి వదిలేస్తున్నారే తప్ప.. శాశ్వత నియంత్రణపై దృష్టి పెట్టడం లేదని స్థానికులు సైతం మండిపడుతూ వస్తున్నారట..

Haier 602l Side-by-side Convertible Refrigerator Deal: అత్యంత తక్కువ ధరలోనే సైడ్ బై సైడ్ కన్వర్టబుల్ ఫ్రిడ్జ్ కొనుగోలు చేయాలనుకుంటున్నారా? అది కూడా లక్ష రూపాయలు కలిగిన రిఫ్రిజిరేటర్ కేవలం సగం దరికి కొనుగోలు చేస్తారా? అయితే, ఈ స్టోరీ మీకోసమే.. ప్రముఖ ఈ కామర్స్ కంపెనీ Haier బ్రాండ్‌కి సంబంధించిన ఈ రిఫ్రిజిరేటర్ల పై అద్భుతమైన డిస్కౌంట్ ఆఫర్స్ అందిస్తూ వస్తోంది.. ఇందులో భాగంగా కొనుగోలు చేస్తే చాలా తక్కువ ధరకే సొంతం చేసుకోవచ్చు..

ముఖ్యంగా Haier 602 L సైడ్ బై సైడ్ కన్వర్టబుల్ రిఫ్రిజిరేటర్ ఫ్లిప్‌కార్ట్‌లో అత్యంత తక్కువ ధరకే అందుబాటులో ఉంది. HRS-682KS మోడల్  కలిగిన రిఫ్రిజిరేటర్ సగం ధరకే కొనుగోలు చేయాలనుకుంటే.. ఇదే మంచి అవకాశంగా భావించవచ్చు. ఫ్లిప్‌కార్ట్‌లో దీనిపై స్పెషల్‌గా ఫ్లాట్ తగ్గింపుతో పాటు అదనంగా బ్యాంకు క్రెడిట్ కార్డ్ ఆఫర్స్ అందిస్తుంది. Haier 602 L సైడ్ బై సైడ్ రిఫ్రిజిరేటర్ భారత్ మార్కెట్లో MRP ధర రూ.1,08,800 కాగా.. దీనిని ఇప్పుడే ఫ్లిప్‌కార్ట్‌లో కొనుగోలు చేసే వారికి ఏకంగా 43 శాతం వరకు స్పెషల్ ఫ్లాట్ డిస్కౌంట్ లభిస్తుంది. దీనిని ఇప్పుడే కొనుగోలు చేస్తే కేవలం రూ.62,400 లోపే పొందవచ్చు.. ఇవే కాకుండా అదనంగా బ్యాంకు క్రెడిట్ కార్డ్ ఆఫర్స్ కూడా లభిస్తున్నాయి..

ఈ Haier 602 L సైడ్ బై సైడ్ రిఫ్రిజిరేటర్ పై ఉన్న బ్యాంక్ ఆఫర్స్ వివరాల్లోకి వెళితే.. దీనిని ఎస్బిఐ బ్యాంకుతో పాటు హెచ్డిఎఫ్సి బ్యాంక్ క్రెడిట్ కార్డును వినియోగించి పేమెంట్ చేస్తే రూ.6,000 వేల వరకు స్పెషల్ తగ్గింపు లభిస్తుంది. అంతేకాకుండా యాక్సిస్ బ్యాంకుతో పాటు ఫ్లిప్‌కార్ట్ అనుసంధాన ఎస్బిఐ బ్యాంకు క్రెడిట్ కార్డులు, ఇతర బ్యాంకులకు సంబంధించిన క్రెడిట్ కార్డులను వినియోగిస్తే రూ.5,000 వరకు తగ్గింపు లభిస్తుంది. అలాగే దీనిపై అదనంగా ఎక్స్చేంజ్‌ బోనస్ ఆఫర్ కూడా అందుబాటులో ఉంది. ఈ ఆఫర్ వినియోగించాలనుకుంటే మీ ఇంట్లో ఎప్పటినుంచో వాడుతున్న పాత రిఫ్రిజిరేటర్ ను తప్పకుండా ఎక్స్చేంజ్ ఆఫర్ ద్వారా ఫ్లిప్‌కార్ట్ కు ఎక్స్చేంజ్ చేయాల్సి ఉంటుంది. ఇలా చేస్తే దాని బ్రాండ్ వ్యాల్యూతో పాటు దాని సామర్ధ్యాన్ని బట్టి గరిష్టంగా రూ.9,000 వరకు బోనస్ లభిస్తుంది. దీంతో ఇది కేవలం రూ.47,400 లోపే పొందవచ్చు..

AR Rahman Ram Charan: గ్లోబల్ స్టార్ రామ్ చరణ్, బాలీవుడ్ డ్యూటీ జాన్వీ కపూర్ జంటగా నటించిన మోస్ట్ అవైటెడ్ స్పోర్ట్స్ డ్రామా 'పెద్ది'. బుచ్చిబాబు సనా దర్శకత్వంలో రూపొందిన ఈ చిత్రం జూన్ 4న ప్రపంచ వ్యాప్తంగా థియేటర్లలో విడుదలైంది. ఈ సినిమాకు అత్యున్నతమైన సంగీతం అందించిన ఆస్కార్ విజేత ఏఆర్ రెహమాన్.. రామ్ చరణ్ నటనపై చిత్రంలోని కిస్సింగ్ సీన్‌పై ఆయన చేసిన వ్యాఖ్యలు ఇప్పుడు సోషల్ మీడియాలో వైరల్‌గా మారాయి. 

రామ్ చరణ్ జీవించేసాడు.. 
"నిజం చెప్పాలంటే సినిమాలో కొన్ని ఎమోషన్ సీన్స్ రాంచరణ్ ఎలా నటిస్తాడు, అని నా మనసులో చిన్న భయం ఉండేది. కానీ సినిమా చూశాక నా సందేహాలని పటాపంచలయ్యాయి. చరణ్ ఈ పాత్రలో పరకాయ ప్రవేశం చేసి తన అద్భుతమైన నటనతో ప్రాణం పోశారు" అని ఏఆర్ రెహమాన్ ప్రశంసించారు. 

ఇదే క్రమంలో సినిమాలో రామ్‌చరణ్, జాన్వీకపూర్‌ల మధ్య వచ్చే కిస్సింగ్ సీన్ గురించి కూడా ఏఆర్ రెహమాన్ ఆసక్తికరమైన వ్యాఖ్యలు చేశాడు. "సినిమాలో ప్రతి ఫ్రేమ్ లోను చరణ్ చాలా సహజంగా నటించారు. ముఖ్యంగా కిస్సింగ్ సీన్ ఎంత రియలిస్టిక్ గా ఉందంటే.. ఆ క్షణంలో ఆయన నటించలేదు నిజంగా జీవించినట్లు అనిపించింది. ఈ సినిమా కోసం రాంచరణ్ ఎంతగా రక్తం చెమట చిందించారు తెరపై స్పష్టంగా కనిపిస్తుంది" అని ఏఆర్ రెహమాన్ అన్నారు. 

'పెద్ది' సినిమా కథాంశంపై కూడా ఏఆర్ రెహమాన్ క్లారిటీ ఇచ్చారు. ఈ చిత్రంలో రాంచరణ్ పోషించిన ముఖ్య పాత్ర ఒకేసారి క్రికెట్, రెజ్లింగ్, రన్నింగ్ అనే మూడు విభిన్నమైన క్రీడల్లో రాణిస్తుందని వెల్లడించారు. మన ఆలోచనలకు హద్దులు లేనప్పుడు అద్భుతాలు సృష్టించవచ్చని ఆయన విశ్లేషించారు. 

దర్శకుడు బుచ్చిబాబు సానా మేకింగ్ స్టైల్‌ను అగ్రదర్శకుడు శంకర్‌తో పోలుస్తూ ఏఆర్ రెహమాన్ ప్రశంసల వర్షం కురిపించాడు. శంకర్ దర్శకత్వం వహించిన 'జెంటిల్మెన్', 'భారతీయుడు', 'ఒకే ఒక్కడు' సినిమాల్లో హీరోకు ఎలాంటి బలమైన ఆశయం ఉంటుందో.. 'పెద్ది'లోను అలాంటి పాయింట్ ఉంది. ఇదొక స్పోర్ట్స్ డ్రామా అయినప్పటికీ తన గ్రామం కోసం మానవత్వం కోసం పోరాడే ఒక గొప్ప సందేశం ఇందులో ఉంది. శంకర్ సినిమా చూస్తున్నప్పుడు ఎలాంటి హై ఫీలింగ్ కలుగుతుందో పెద్ది చూస్తున్నప్పుడు కూడా తనకు అలాంటి అనుభూతి కలిగిందని రెహమాన్ చిత్ర బృందాన్ని అభినందించాడు.

South West Monsoon 2026: భారతదేశ వ్యాప్తంగా రైతాంగంతో పాటు సామాన్య ప్రజలు ఎప్పుడెప్పుడా అని ఎదురుచూస్తున్న నైరుతి రుతుపవనాలు ఎట్టకేలకు కేరళ తీరాన్ని తాకాయి. సాధారణంగా జూన్ మొదటి వారంలోనే ప్రవేశించాల్సిన ఇరుతుపవనాలు గత ఎడాదితో పోలిస్తే ఈసారి కాస్త ఆలస్యంగా దేశంలోకి అడుగుపెట్టేయని భారత వాతావరణ శాఖ వెల్లడించింది. ఆలస్యమైనప్పటికీ వీటి రాకతో దక్షిణాది రాష్ట్రాల్లో వాతావరణం ఒక్కసారిగా చల్లబడింది.

కేరళంకు ఆరెంజ్ అలర్ట్ 
వర్షాలు తీవ్రత దృష్టి ఆ కేరళం రాష్ట్రంలోని మూడు జిల్లాలకు వాతావరణ శాఖ ఆరంజ్ అలర్ట్ జారీ చేసింది. ప్రజలు, మత్స్యకారులు అప్రమత్తంగా ఉండాలని సూచించింది. 

తమిళనాడులో భారీ వర్ష సూచన 
తమిళనాడులోని దాదాపు 15 జిల్లాల్లో రాబోయే 24 గంటల్లో భారీ నుంచి అతి భారీ వర్షాలు కురిచే అవకాశం ఉందని ఐఎండి హెచ్చరించింది. 

ఆలస్యంగానైనా నైరుతి రుతుపవనాలు దేశంలోకి ప్రవేశించడంతో అటు రైతులతో పాటు సాధారణ ప్రజలు ఆనందాన్ని వ్యక్తం చేస్తున్నారు. దేశవ్యాప్తంగా ఎండల తీవ్రతలు జనాలకు రుతుపవనాల రాక ఉపశమనం లభించింది. ఇవి వేగంగా ముందుకు సాగి రానున్న రోజుల్లో మిగతా రాష్ట్రాలకు విస్తరించి ఉన్నాయి.

ప్రస్తుతం కేరళం రాష్ట్ర తీరాన్ని తాకిన ఈ నైరుతి రుతుపవనాలు రాబోయే రోజుల్లో మరింత బలపడి వేగంగా ముందుకు కదిలి ముందుకు అనుకూల వాతావరణం ఉందని వాతావరణ నిపుణులు అంచనా వేస్తున్నారు. ఇవి త్వరలోనే ఆంధ్రప్రదేశ్ తెలంగాణ సహా మిగిలిన మధ్య ఉత్తర భారత రాష్ట్రాలకు విస్తరించనున్నాయి. రుతుపవనాలు ఆలస్యంగా ప్రారంభమైనప్పటికి రాబోయే రోజుల్లో దేశవ్యాప్తంగా సాధారణ వర్షపాతం నమోదయ్యే అవకాశం ఉందని ఐఎండి వర్గాలు భావిస్తున్నాయి.

Mercury And Venus Conjunction Effect On Zodiac: జ్యోతిష్య శాస్త్రం ప్రకారం.. బుధవారం చంద్రుడు పూర్వాషాడ నక్షత్రం నుంచి గురు రాశి అయిన ధనస్సులోకి ప్రవేశించాడు. అక్కడి నుంచి చంద్రుడు, శుక్రుడు, బుధుల కలయిక కారణంగా ఎంతో శక్తివంతమైన సమసప్తక యోగాన్ని ఏర్పాటు చేశాయి. మరోవైపు బుధవారం బుధుడు మిథున రాశిలో సంచారం చేయడం వల్ల ఎంతో శక్తివంతమైన భధ్ర భద్రరాజయోగం కూడా ఏర్పడింది. ఆదనంగా శుక్ర బుధ కలయిక వల్ల లక్ష్మీనారాయణ రాజయోగం ఏర్పడింది. ఇలా ఎన్నో ప్రధాన రాజయోగాలు ఏర్పడ్డాయి. దీని కారణంగానే జూన్‌ మూడవ తేదీ నుంచి కొన్ని రాశుల వారికి దిమ్మతిరిగే ధన లాభాలు కలుగుతాయి. ఆర్థికంగా ఎంతో మేలు జరుగుతుందని జ్యోతిష్యులు చెబుతున్నారు. అయితే, ఈ సమయంలో ఏ రాశుల వారికి చాలా శుభప్రదంగా ఉంటుందో ఇప్పుడు తెలుసుకుందాం..

ఈ రాశులవారికి బంపర్‌ జాక్‌పాట్:
మేషరాశి 
ఎంతో శక్తివంతమైన రాజయోగాల కారణంగా మేష రాశి వారికి అదృష్టం విపరీతంగా పెరుగుతుంది. నాలుగవ స్థానంలో చంద్రుడి సంచారం జరగడం కారణంగా విశేషమైన లాభాలు కలుగుతాయి. అలాగే కుటుంబంలో తల్లిదండ్రుల నుంచి అద్భుతమైన లాభాలు పొందుతారు. పాత పరిచయస్తుల నుంచి స్నేహితుల నుంచి మంచి సపోర్టు లభిస్తుంది. కొత్త వాహనాలు కొనుగోలు చేయడానికి ప్రయత్నిస్తుంటే.. మీరు అద్భుతమైన లాభాలు పొందుతారు. దూర ప్రయాణాలు చేయడం కూడా సాధ్యమవుతుంది. అలాగే అదృష్టం 91శాతం వరకు మీకు అనుకూలంగా ఉంటుంది.

వృషభ రాశి 
వృషభ రాశిలో జన్మించిన వ్యక్తులకు శుక్రుడు రెండవ స్థానంలో సంచారం చేయడం చాలా శుభప్రదం. వ్యాపారాలతో పాటు ఆఫీసుల్లో విశేషమైన ప్రయోజనాలు కలుగుతాయి. ముఖ్యంగా వస్త్ర వ్యాపారాలు చేస్తున్న వ్యక్తులందరికీ అద్భుతమైన లాభాలు కలుగుతాయి. అలాగే బహుమతులు కూడా పొందే అవకాశాలు కనిపిస్తున్నాయి. ముఖ్యంగా వినోదంతో పాటు ఆనందాన్ని కూడా సులభంగా ఆస్వాదించే అవకాశాలు ఉన్నాయి. దీర్ఘకాలికంగా పెట్టుబడులు పెట్టాలనుకునే వ్యక్తులకు ఈ సమయం లాభదాయకంగా ఉండబోతుంది. అలాగే విద్యా రంగాల్లో అద్భుతమైన విజయాలు సాధిస్తారు. శుక్ర, బుధ గ్రహాల సంచారం ప్రేమ వ్యవహారాల్లో కూడా అనుకూలంగా ఉండబోతోంది. అదృష్టం వీరికి ఈ సమయంలో 93 శాతం వరకు తోడుంటుంది.

మిథు​న రాశి 
జూన్ మూడవ తేదీ నుంచి మిథున రాశి వారికి కూడా ఎన్నో రకాల ప్రయోజనాలు కలుగుతాయి. వీరికి ఈ సమయంలో వాక్చాతుర్యం కూడా ఊహించని స్థాయిలో పెరుగుతుంది. ఆర్థికంగా కూడా ఎన్నో రకాల లాభాలు పొందుతారు. కొత్త ప్రాజెక్టులపై పనులు ప్రారంభించే అవకాశాలు ఉన్నాయి. దీంతోపాటు మతపరమైన విషయాలపై ఆసక్తి కూడా పెరుగుతుంది. అంతేకాకుండా వినోదం పట్ల ముగ్గు చూపి విశేషమైన లాభాలు పొందుతారు. ఆరోగ్యం కూడా చాలా వరకు బాగుంటుంది. అనుకున్న పనుల్లో విజయాలు సాధించి మంచి గుర్తింపు పొందే అవకాశాలున్నాయి. వీరికి ఈ సమయంలో అదృష్టం 89 శాతం వరకు అనుకూలంగా ఉంటుంది.

కన్యా రాశి 
బుధ, శుక్ర గ్రహాల కలయిక కారణంగా కన్య రాశి వారికి కూడా ఈ సమయంలో చాలా లాభదాయకంగా ఉంటుంది. ముఖ్యంగా బంధువులు లేదా స్నేహితుల నుంచి అద్భుతమైన శుభవార్తలు వింటారు. పాత స్నేహితులను కలుసుకునే అవకాశాలు కూడా ఉన్నాయి. అలాగే తెలివైన ప్రణాళికలతో మంచి లాభాలు పొందుతారు. ఆర్థిక పరిస్థితులు కూడా చాలావరకు అనుకూలంగా ఉండి విశేషమైన లాభాలు పొందుతారు. ముఖ్యంగా కొన్ని  రకాల కొనుగోలు జరిపే అవకాశాలు కూడా ఉన్నాయి. దీంతోపాటు తల్లిదండ్రుల నుంచి ఆశించిన సపోర్టు లభించి కోరికలు నెరవేర్చుకునే అవకాశాలున్నాయి. వీరికి ఈ సమయంలో అదృష్టం 93 శాతం వరకు అనుకూలంగా ఉండబోతుందని జ్యోతిష్యులు చెబుతున్నారు..