OnePlus N6 Launched In India: ప్రముఖ స్మార్ట్‌ఫోన్ కంపెనీ OnePlus భారతీయ వినియోగదారులకు అదిరిపోయే శుభవార్తను అందించింది.. బడ్జెట్ ధరలో ప్రీమియం ఫీచర్లను కోరుకునే వినియోగదారులను టార్గెట్ చేస్తూ.. సరికొత్త స్మార్ట్‌ఫోన్ వన్‌ఫ్లస్‌ N6 (OnePlus N6) స్మార్ట్‌ఫోన్‌ను భారత మార్కెట్లో అధికారికంగా లాంచ్‌ చేసింది.. రూ.25,000 లోపు బడ్జెట్‌లోనే ఏకంగా భారీ 8,000mAh బ్యాటరీతో మొట్టమొదటి OnePlus ఫోన్ ఇదే కావడం విశేషం. మిలిటరీ గ్రేడ్ డ్యూరబిలిటీ, ఆండ్రాయిడ్ 16 ఆపరేటింగ్ సిస్టమ్‌ వంటి అనేక రకాల కొత్త కొత్త హంగులతో ఈ ఫోన్ మార్కెట్లోకి అందుబాటులోకి వచ్చింది. అయితే, ఈ స్మార్ట్‌ఫోన్‌కి సంబంధించిన పూర్తి వివరాలను ఇప్పుడు మనం తెలుసుకుందాం.

ధరలు వివరాలు..
భారత మార్కెట్లో వన్‌ప్లస్ N6 రెండు వేరియంట్లలో అందుబాటులోకి వచ్చింది. 4GB ర్యామ్‌తో పాటు 128GB స్టోరేజ్ కలిగిన వేరియంట్‌ అసలు ధర రూ.22,999 కాగా.. బ్యాంక్ ఆఫర్లతో పాటు ప్రైమ్ డే డిస్కౌంట్లతో కలిపి ఎఫెక్టివ్ ధరతో కేవలం రూ.19,999లోపే సొంతం చేసుకోవచ్చు. ఇక రెండవ వేరియంట్‌ 6GB ర్యామ్‌తో పాటు 128GB స్టోరేజ్‌తో అందుబాటులోకి వచ్చింది. దీని అసలు ధర రూ.24,999 కాగా.. ఆఫర్స్‌ వినియోగించి దీనిని కొనుగోలు చేసేవారికి ఇది కేవలం రూ.21,999కే సొంతం చేసుకోవచ్చు. ఈ స్మార్ట్‌ఫోన్ ఫ్రెష్ మింట్ (Light Green)తో పాటు మిడ్‌నైట్ బ్లాక్ రంగుల్లో లభిస్తోంది.. జూలై 4వ తేదీ రాత్రి 12:00 గంటల నుంచి అమెజాన్ ఇండియా, ఒన్‌ప్లస్ అధికారిక వెబ్‌సైట్లలో దీని ఓపెన్ సేల్ మొదలు కాబోతున్నట్లు కంపెనీ అధికారికంగా వెల్లడించింది..

3 రోజుల వరకు బ్యాటరీ లైఫ్‌..
ఈ ఫోన్ ప్రధాన ఆకర్షణ దీని భారీ 8,000mAh బ్యాటరీగా కంపెనీ భావిస్తోంది.. ఒకే ఒక్క పూర్తి ఛార్జ్‌తో సాధారణ వినియోగదారులు ఏకంగా మూడు రోజుల పాటు ఈ స్మార్ట్‌ఫోన్‌ను వాడుకోవచ్చని కంపెనీ అధికారంగా ప్రకటించింది. దీనికి తోడు 45W సూపర్‌వూక్ (SuperVOOC) ఫాస్ట్ ఛార్జింగ్ సపోర్ట్ కూడా అందుబాటులో ఉండడం విశేషం.. ఇది కేవలం 47 నిమిషాల్లోనే 1 శాతం నుంచి 50 శాతం వరకు ఛార్జ్ అవుతుందని కంపెనీ క్లైమ్‌ చేస్తోంది.. అంతేకాకుండా, గరిష్టంగా 7 సంవత్సరాల పాటు బ్యాటరీ హెల్త్ 80 శాతం పైనే ఉండేలా 1,600 ఛార్జింగ్ సైకిల్స్ లైఫ్‌తో దీనిని డిజైన్ చేసిన్నట్లు సమాచారం. గేమింగ్ ప్రియుల కోసం నేరుగా పవర్ సోర్స్ నుంచి విద్యుత్ అందించే బై-పాస్ ఛార్జింగ్‌తో పాటు 5W రివర్స్ ఛార్జింగ్ ఫీచర్లను కూడా అందుబాటులో ఉంచడం విశేషం..

డిస్‌ప్లేతో పాటు అద్భుతమైన ఫీచర్లు..
వన్‌ప్లస్ N6 స్మార్ట్‌ఫోన్‌కు సంబంధించిన ఫీచర్స్‌ వివరాల్లోకి వెళితే.. 6.75-ఇంచుల HD+ LCD డిస్ల్పేను కలిగి ఉంది. ఇది 120Hz రిఫ్రెష్ రేట్‌తో పాటు 1,200 నిట్స్ గరిష్ట బ్రైట్‌నెస్‌ను సపోర్ట్‌తో అందుబాటులోకి రావడం విశేషం.. దీనివల్ల ఎండలో కూడా స్క్రీన్ ఎంతో అద్భుతంగా పని చేస్తుంది.. ఈ స్మార్ట్‌ఫోన్‌లో వేడిని సులభంగా తగ్గించేందుకు ఇందులో 5,300mm కలిగిన సెగ్మెంట్స్ లార్జెస్ట్ వేపర్ ఛాంబర్ (VC) కూలింగ్ సిస్టమ్‌ను కూడా కంపెనీ అందిస్తోంది.. మీడియాటెక్ డైమెన్సిటీ 6360 అపెక్స్ (MediaTek Dimensity 6360 Apex) ప్రాసెసర్‌తో పనిచేసే ఈ ఫోన్, లేటెస్ట్ ఆక్సిజన్ ఓఎస్ 16 (OxygenOS 16) ఆధారిత ఆండ్రాయిడ్ 16 పై రన్ అవుతుందని కంపెనీ తెలిపింది.. దీనికి 2 సంవత్సరాల ఆండ్రాయిడ్ అప్‌డేట్స్, 3 సంవత్సరాల సెక్యూరిటీ అప్‌డేట్స్ కూడా అందిస్తూ వస్తోంది..

Doctors Life In ICU: ఆసుపత్రిలో ఐసీయూ(ICU) అనే మాట వినబడితేనే సాధారణంగా రోగుల బంధువుల గుండెల్లో గుబులు ప్రారంభమవుతుంది.. అక్కడికి వెళ్లిన వారు ప్రాణాలతో తిరిగి వస్తే.. అది ఒక పెద్ద అద్భుతంగా భావిస్తుంటారు. కానీ, ఆ మూసి ఉన్న తలుపుల వెనుక.. యమ ధర్మరాజుతో పోరాడి.. రోగులకు పునర్జన్మ ప్రసాదించే ప్రత్యక్ష దైవాలు మన వైద్యులు.. ప్రతి సెకను క్షణకాలంలా వెళ్లిపోయే, ఆ గదిలో డాక్టర్ల జీవితం ఎలా ఉంటుంది? జాతీయ వైద్యుల దినోత్సవం (Doctors Day 2026) సందర్భంగా ఐసీయూ లోపల వైద్యులు ఎదుర్కొనే సవాళ్లు, వారి అనుభవాలకు సంబంధించిన పూర్తి వివరాలు ఈ వార్త కథనం ద్వారా తెలుసుకుందాం..

ప్రతి సెకనూ పోరాటమే..
ఐసీయూ గదిలో పగలు, రాత్రి అనే తేడా ఉండదు.. అక్కడ ప్రతి నిమిషం అత్యంత కీలకమైనదిగా భావిస్తారు. ఏ క్షణంలో ఏ రోగి పరిస్థితి విషమిస్తుందో ఊహించడం కష్టం.. ఎటువంటి అత్యవసర పరిస్థితి ఎదురైనా వైద్యులు గుండె నిబ్బరం కోల్పోకుండా.. సమయస్ఫూర్తితో తక్షణ నిర్ణయాలు తీసుకోవాల్సి ఉంటుంది.. ముఖ్యంగా ఒకవైపు రోగి ప్రాణాలు కాపాడే ఒత్తిడి.. మరోవైపు బయట కళ్లల్లో ఒత్తులు వేసుకుని చూసే కుటుంబ సభ్యులకు మేమున్నాం, ధైర్యంగా ఉండండి.. అని భరోసా ఇవ్వడం వైద్యుల జీవితంలో ఒక భాగమైంది..

ఎప్పటికీ విశ్రాంతి లేని గది.. 
ముంబైకి చెందిన ప్రముఖ సీనియర్ న్యూరో సర్జన్ డాక్టర్ పంకజ్ అగర్వాల్ ఐసీయూ లోపలి విశేషాలను వైద్యుల దినోత్సవం సందర్భంగా పంచుకున్నారు.. న్యూరో ఐసీయూలో పనిచేయడం అంత సులువు కాదని.. బ్రెయిన్ స్ట్రోక్, పక్షవాతం, ప్రమాదాల్లో తలకు తీవ్ర గాయాలైన వారు ఇక్కడికి వస్తుంటారని. ఇక్కడ వైద్యులతో పాటు నర్సులు, థెరపిస్ట్‌లు అందరూ కలిసి ప్రాణాలను పణంగా పెట్టి పోరాడుతారని... కోమాలోకి వెళ్లిన రోగి ఒక్కసారిగా కళ్లు తెరిచినా లేదా చేతులు, కాళ్లు కదిలించినా వారికి కలిగే ఆనందం  చెప్పుకోలేనిదని.. దానిని డబ్బుతో కొలవలేరని తెలిపారు.

క్షణాల్లో తీసుకోవాల్సిన నిర్ణయాలు..
మరో సీనియర్ గ్యాస్ట్రో సర్జన్ డాక్టర్ రాయ్ పటంకర్ ఇలా మాట్లాడుతూ.. ఐసీయూ డాక్టర్‌కు పెద్ద బాధ్యతలు ఉంటాయని.. కడుపులో విపరీతమైన బ్లీడింగ్ కావడంతో పాటు లివర్ ఫెయిల్ అవ్వడం వంటి అత్యంత ప్రమాదకరమైన కేసులు వచ్చినప్పుడు క్షణాల వ్యవధిలో స్పందించి చికిత్స అందించాలని.. గంటల తరబడి డ్యూటీలు, భావోద్వేగ క్షణాలు ఎన్ని ఉన్నా.. రోగి కోలుకుని మళ్లీ తన సాధారణ జీవితాన్ని గడపాలన్నదే వారి ఏకైక సంకల్పమని ఈ సంద్భరంగా వివరించారు.

Goa Beer Price List 2026 News: భారత్‌లో పర్యాటక ప్రదేశాల్లో ఒక్కటైన గోవాకు నిత్యం వివిధ ప్రాంతాల నుంచి యువత వెళ్తూనే ఉంటారు. అక్కడి అందమైన సముద్ర తీరాలతో పాటు రాత్రిపూట పార్టీలు యువతను ఎంతగానో ఆకట్టుకుంటాయి. వీటితో పాటు చాలా మందిని ఆకర్షించే మరో ముఖ్యమైన అంశం అక్కడ తక్కువ ధరలకే మద్యం అందుబాటులో ఉండడం.. ముఖ్యంగా బీర్ ప్రియులకు గోవా ఒక పెద్ద హబ్. అయితే, ఈ 2026 సంవత్సరంలో గోవాలోని వైన్ షాపుల్లో ప్రముఖ బ్రాండ్ల బీర్ల ధరలు ఎలా ఉన్నాయో తెలుసుకోవాలనే ఆసక్తి అందరిలోనూ ఉంటుంది. గోవాలోని అంజునా ప్రాంతంలో ఉన్న వైన్ స్టోర్‌లలో తాజాగా ఉన్న బీర్ ధరల వివరాలు ఇప్పుడు మనం తెలుసుకుందాం..

కింగ్‌ఫిషర్ ప్రియులకు పండగే.. 
భారతదేశంలో అత్యధికంగా అమ్ముడయ్యే కింగ్‌ఫిషర్ బీర్ వివిధ రకాల్లో గోవాలో అందుబాటులో ఉంది. తాజా ధరల వివరాల్లోకి వెళితే.. కింగ్‌ఫిషర్ ప్రీమియం (Kingfisher Premium) ఇక్కడ కేవలం రూ.75 లకే లభిస్తోంది. అలాగే కింగ్‌ఫిషర్ స్ట్రాంగ్ (Kingfisher Strong)ధర రూ. 85తో అందుబాటులో ఉంది.. ఇక కింగ్‌ఫిషర్ అల్ట్రా (Kingfisher Ultra) ప్రీమియం వేరియంట్ రూ.100కి, కింగ్‌ఫిషర్ అల్ట్రా మాక్స్ (Kingfisher Ultra Max) ధర రూ.110తో లబిస్తోంది.

ఇక కొత్త రుచులు ఇష్టపడే వారి కోసం కింగ్‌ఫిషర్ తెచ్చిన ఫ్లేవర్డ్ బీర్లు మరింత చీప్‌ ధరలకే అందుబాటులో ఉన్నాయి. కింగ్‌ఫిషర్ మ్యాంగో బెర్రీ ట్విస్ట్ (Mango Berry Twist)తో పాటు కింగ్‌ఫిషర్ లెమన్ మసాలా (Lemon Masala) క్యాన్లు కేవలం రూ.70లకే అందుబాటులో ఉండడం విశేషం..

ట్యూబోర్గ్, బడ్‌వైజర్‌, కార్ల్స్‌బర్గ్ ధరలు
ప్రపంచవ్యాప్తంగా గుర్తింపు పొందిన ఇతర బ్రాండ్ల ధరలు కూడా గోవాలో చాలా తక్కువ ధరలకు అందుబాటులో ఉన్నట్లు తెలుసతోంది.. ఇతర రాష్ట్రాలతో పోలిస్తే ఇవి చాలా తక్కువ కావడం గమనార్హం.

ముఖ్యంగా ట్యూబోర్గ్ గ్రీన్ (Tuborg Green)ధర రూ.80కే లభిస్తోంది. అలాగే ట్యూబోర్గ్ స్ట్రాంగ్ (Tuborg Strong) రూ. 90కే, బడ్‌వైజర్ ప్రీమియం (Budweiser Premium) ధర రూ.100తో, బడ్‌వైజర్ మాగ్నమ్ (Budweiser Magnum) స్ట్రాంగ్ బీర్ రూ.115తో విక్రయిస్తున్నట్లు తెలుస్తోంది. అంతేకాకుండా యువత ఎంతగానో ఇష్టపడే కార్ల్స్‌బర్గ్ స్మూత్ (Carlsberg Smooth)  ధర రూ. 100తో అందుబాటులో ఉంది. దీంతో పాటు కార్ల్స్‌బర్గ్ ఎలిఫెంట్ (Carlsberg Elephant) రూ.115కే అందుబాటులో ఉండడం విశేషం..

National Doctors Day 2026: తమ నైపుణ్యం ద్వారా ప్రతి రోజూ వేల ప్రాణాలను డాక్టర్లు కాపాడుతున్నారని.. సమాజ ఆరోగ్య పరిరక్షణలో ప్రభుత్వ వైద్యులు కీలక పాత్ర పోషిస్తున్నారు' అని తెలంగాణ వైద్య, ఆరోగ్య శాఖ మంత్రి దామోదర్ రాజనర్సింహ తెలిపారు. ప్రజలకు నాణ్యమైన వైద్య సేవలు అందించేందుకు నిరంతరం కృషి చేస్తున్నారని, వారి సేవలు ఆరోగ్య వ్యవస్థకు ఎంతో కీలకమని ప్రశంసించారు. రాష్ట్రంలో ప్రజలకు మరింత మెరుగైన వైద్య సేవలు అందించాలనే లక్ష్యంతో వైద్యులకు అవసరమైన మౌలిక సదుపాయాలు, ఆధునిక వైద్య సౌకర్యాలు, తగిన మానవ వనరులు కల్పించేందుకు ప్రభుత్వం ప్రాధాన్యం ఇస్తోందని తెలిపారు.

డాక్టర్స్ డే సందర్భంగా వైద్యులందరికీ ఆరోగ్య శాఖ మంత్రి దామోదర్ రాజనర్సింహ శుభాకాంక్షలు చెబుతూ ఓ ప్రకటన విడుదల చేశారు. 'ఈ రెండున్నర సంవత్సరాల కాలంలో ప్రభుత్వ ఆస్పత్రుల్లో 440 సివిల్ అసిస్టెంట్ సర్జన్ పోస్టులు, 1,616 స్పెషలిస్ట్ డాక్టర్ పోస్టులు, సుమారు 800 అసిస్టెంట్ ప్రొఫెసర్ పోస్టులను భర్తీ చేశాం. డాక్టర్లతో పాటు ఇతర పోస్టులను కూడా పెద్ద సంఖ్యలో భర్తీ చేశామని చెప్పారు. సుమారు 15 వేల పోస్టులు భర్తీ చేశాం' అని వివరించారు.

'ఉద్యోగాల కోసం ఎంతోకాలంగా ఎదురుచూస్తున్న డెంటిస్టుల ఆకాంక్షను నెరవేర్చుతూ 48 డెంటల్ సర్జన్ పోస్టులను భర్తీ చేశాం. ఈ రెండున్నర సంవత్సరాల్లో సుమారు 1,300 మంది డాక్టర్లకు పదోన్నతులు కల్పించాం. డాక్టర్ల దశాబ్ద కాల ఆకాంక్ష ఉస్మానియా నయా హాస్పిటల్ నిర్మాణాన్ని ప్రారంభించాం. గాంధీ వైద్య కళాశాల, ఉస్మానియా వైద్య కళాశాలల్లో నూతన హాస్టళ్ల నిర్మాణం పూర్తికావొచ్చింది. త్వరలోనే అందుబాటులోకి తీసుకువస్తాం' అని తెలంగాణ వైద్య, ఆరోగ్య శాఖ మంత్రి తెలిపారు.

'వైద్యులు ఎంతోకాలంగా ఎదురుచూస్తున్న సెకండరీ హెల్త్ కేర్ డైరెక్టరేట్ ఏర్పాటు చేశాం. ప్రభుత్వ ఆస్పత్రుల్లో డాక్టర్లు, ఇతర సిబ్బందికి మెరుగైన వర్క్ ఎన్విరాన్‌మెంట్ కల్పించేందుకు చర్యలు కొనసాగుతున్నాయి. జూనియర్ డాక్టర్ల స్టైఫండ్, సీనియర్ రెసిడెంట్ల గౌరవ వేతనాలను 15 శాతం మేర పెంచాం. అద్దె భవనాలు, పాత భవనాల్లో కొనసాగుతున్న మెడికల్ కాలేజీలు, హాస్పిటళ్లకు అత్యాధునిక సౌకర్యాలతో కూడిన ఆధునిక భవనాలను అందుబాటులోకి తీసుకొస్తున్నాం' అని మంత్రి వెల్లడించారు. 

భవిష్యత్తులోనూ వైద్యుల సంక్షేమం, వృత్తిపరమైన అభివృద్ధికి ప్రభుత్వం అన్ని విధాలా సహకరిస్తుందని తెలంగాణ వైద్య, ఆరోగ్య శాఖ మంత్రి హామీ ఇచ్చారు. రాష్ట్ర ప్రజలకు మరింత నాణ్యమైన వైద్య సేవలు అందించే దిశగా వైద్యులు తమ సేవలను కొనసాగించాలని కోరారు. డాక్టర్స్ డే సందర్భంగా మరోసారి రాష్ట్రంలోని వైద్యులందరికీ మంత్రి శుభాకాంక్షలు తెలిపారు.

Iraqi MP Gold Underwear Seized News: ఇరాక్ దేశాన్ని కుదిపేస్తున్న భారీ అవినీతి, అక్రమ ఆస్తుల వ్యవహారంలో అక్కడి ప్రభుత్వం అత్యంత సంచలన నిర్ణయం తీసుకుంది. దేశ చరిత్రలోనే ఎన్నడూ లేని విధంగా ప్రభుత్వ ఫెడరల్ ఇంటెగ్రిటీ కమిషన్‌తో పాటు ప్రత్యేక భద్రతా దళాలు ఉమ్మడిగా దేశవ్యాప్తంగా మెరుపు దాడులు నిర్వహిస్తూ వస్తున్నారు.. ఈ భారీ ఆపరేషన్‌లో భాగంగా పలువురు కీలక రాజకీయ నేతలతో పాటు ప్రభుత్వ ఉన్నతాధికారులు, సిట్టింగ్ పార్లమెంట్ సభ్యులు (MPs) జైళు పాలయిన్నట్లు తెలుస్తోంది. వారిలో ముఖ్యంగా ఇరాక్ సిట్టింగ్ ఎంపీ  హింద్ అల్-అబ్బాసిని భద్రతా దళాలు వ్యూహాత్మకంగా అదుపులోకి తీసుకోవడం అంతర్జాతీయంగా పెను సంచలనం సృష్టించింది.

కుబేరులను మించిన ఎంపీ.. 
సిట్టింగ్ ఎంపీ హింద్ అల్-అబ్బాసి అరెస్ట్ అనంతరం ఆమె నివాసాలతో పాటు కార్యాలయాల్లో అధికారులు నిర్వహించిన తనిఖీల్లో బయటపడ్డ సంపదను చూసి దర్యాప్తు సంస్థల అధికారులకు మైండ్ బ్లాంక్ అయ్యింది.. ప్రజల సొమ్మును ఏ స్థాయిలో లూటీ చేశారో కళ్లకు కట్టేలా అక్కడ లగ్జరీ వస్తువులు, నోట్ల కట్టలు దర్శనమివ్వడం విశేషం.

అధికారిక నివేదికల ప్రకారం.. ఎంపీ అల్-అబ్బాసి నివాసం నుంచి అధికారులు దాదాపు 57 మిలియన్ డాలర్లతో పాటు భారీ నగదును స్వాధీనం చేసుకున్నట్లు అధికారు ఓ ప్రకటనలో వెల్లడించారు. దీనితో పాటు ఏకంగా 27 కిలోల స్వచ్ఛమైన బంగారాన్ని ఇంటిలో సీజ్‌ చేసిన్నట్లు తెలుస్తోంది.

బంగారు లోదుస్తులు.. 
ఈ సోదాల్లో కేవలం డబ్బు, బంగారమే కాకుండా అధికారులను తీవ్ర ఆశ్చర్యానికి గురిచేసిన మరో అంశం లగ్జరీ వస్తువులు.. సదరు ఎంపీ నివాసంలో విలాసవంతమైన వస్తువులతో పాటు, ప్రత్యేకంగా ఆర్డర్ ఇచ్చి తయారు చేయించుకున్న కోట్ల విలువైన బంగారు లోదుస్తులు (Golden Underwear) లభ్యమవ్వడం ప్రపంచ వ్యాప్తంగా ఆశ్చర్యం కలిగిస్తోంది. ప్రజాధనాన్ని దోచుకుని, ఎంతటి విలాసానికి అలవాటు పడ్డారో భావించవచ్చు.

వందల కోట్లు రికవరీ..
ప్రభుత్వ నిధులను పక్కదారి పట్టించి.. అక్రమంగా ఆస్తులు కూడబెట్టిన వారిపై ఇరాక్ ఫెడరల్ అధికారులు ప్రస్తుతం తీవ్రస్థాయిలో దాడులు నిర్వహిస్తోంది. కేవలం హింద్ అల్-అబ్బాసి మాత్రమే కాకుండా.. వివిధ ప్రావిన్సుల్లో డజన్ల కొద్దీ ప్రస్తుత, మాజీ ప్రజాప్రతినిధులతో పాటు ఉన్నతాధికారులను సైతం భద్రతా దళాలు అదుపులోకి తీసుకున్నాయి. దోచుకున్న ప్రతి పైసాను తిరిగి ప్రభుత్వ ఖజానాకు చేర్చడమే లక్ష్యంగా ఈ  యాంటీ గ్రాఫ్ట్ ప్రక్రియ కొనసాగుతోందని ఉన్నత అధికారులు చెబుతున్నారు..

July 2nd Colleges Bandh: తెలంగాణలో విద్యా సంవత్సరం ప్రారంభమైన తర్వాత తొలిసారి అనూహ్యంగా సెలవు లభించనుంది. జూలై నెల ప్రారంభమైన రెండో రోజే కళాశాలలకు బంద్‌ ప్రకటించారు. రేపు అంటే జూలై 2వ తేదీన కళాశాలల బంద్‌ జరగనుంది. కొన్ని విద్యార్థి సంఘాలు ఈ బంద్‌ చేపట్టాయి. విద్యార్థులకు సంబంధించిన సమస్యలు పరిష్కారానికి నోచుకోకపోవడం.. కాంగ్రెస్‌ ప్రభుత్వం విద్యార్థుల పాలిట శాపంగా మారడంతో బీసీ విద్యార్థి సంఘాలతోపాటు ఇతర సంఘాలు కూడా బంద్‌కు పిలుపునిచ్చాయి. ఈ బంద్‌కు ప్రధాన ప్రతిపక్షం బీఆర్‌ఎస్‌ పార్టీ మద్దతు ఇచ్చింది.

ఫీజుల బకాయిలు తక్షణమే చెల్లించాలని.. పాత పద్ధతిలోనే ఫీజు రీయింబర్స్‌మెంట్ పథకాన్ని అమలు చేయాలని డిమాండ్ చేస్తూ జూలై 2 తేదీన రేపు 'కళాశాల బంద్' చేపట్టారు. ఈ బంద్‌కు మద్దతుగా అఖిలపక్ష విద్యార్థి సంఘాల రౌండ్ టేబుల్ సమావేశం సాయంత్రం జరగనుంది. అంతకుముందు మంగళవారం బంద్‌కు సంబంధించిన పోస్టర్‌ను బీసీ విద్యార్థి సంఘాలు విడుదల చేశాయి. హైదరాబాద్‌లోని తెలంగాణ అమరవీరుల స్తూపం బంద్‌ పోస్టర్‌ను ఆవిష్కరించిన అనంతరం బీసీ జేఏసీ ప్రతినిధులు మాట్లాడారు.

బీఆర్‌ఎస్‌ పార్టీ మద్దతు
బీఆర్‌‌‌‌‌‌‌‌ఎస్ పార్టీ శాసనమండలి ప్రతిపక్ష నాయకుడు సిరికొండ మధుసూదనాచారి కళాశాల బంద్‌కు సంపూర్ణ మద్దతు ప్రటకించారు. ఈ సందర్భంగా ఆయన మాట్లాడుతూ.. 'ఫీజు రీయింబర్స్‌‌‌‌మెంట్ నిధులు విడుదల చేయకుండా ప్రభుత్వం తప్పు చేస్తోందని మండిపడ్డారు. ఫీజులు అందకపోవడంతో విద్యార్థులు ఉన్నత విద్యను మధ్యలోనే ఆపేస్తున్నారని, మరికొందరు మనస్తాపంతో ప్రాణాలు తీసుకుంటున్నారని ఆవేదన వ్యక్తం చేశారు.

'అధికారంలోకి వచ్చిన రేవంత్‌ రెడ్డి మూడు బడ్జెట్లు ప్రవేశపెట్టినా 14 లక్షల మంది విద్యార్థులకు ఫీజు బకాయిలను విడుదల చేయలేదు. ఎస్సీ, ఎస్టీ, బీసీ, మైనార్టీ విద్యార్థులకు రావాల్సిన రూ.7 వేల కోట్లు ఫీజులు బకాయి పడ్డాయి' అని బీఆర్‌ఎస్‌ పార్టీ సీనియర్‌ నాయకులు, ఎమ్మెల్సీ మధుసూదనాచారి తెలిపారు. విద్యార్థుల ఆశలను అడియాశలు చేసిన రేవంత్ రెడ్డి 14 లక్షల మంది జీవితాలతో చెలగాటమాడుతున్నాడని మండిపడ్డారు. 

అన్నీ పార్టీలు మద్దతు
ఫీజు రీయింబర్స్‌మెంట్‌ పథకాన్ని నిర్వీర్యం చేయడానికి రకరకాల కుట్రలకు పాల్పడుతున్నాడని రేవంత్‌ రెడ్డిపై సీపీఐ సీనియర్‌ నాయకులు అజీజ్‌ పాషా, గుజ్జ కృష్ణ, కుల్కచర్ల శ్రీనివాస్‌, తాటికొండ విక్రమ్‌ గౌడ్‌, జాజుల లింగంగౌడ్‌ తదితరులు ఆగ్రహం వ్యక్తం చేశారు. రాష్ట్ర ప్రభుత్వం జారీ చేసిన జీఓ 9 దానికి నిదర్శనం అని తెలిపారు. జీఓ 9ను వెంటనే రద్దు చేసి పాత పద్ధతిలో యథావిధిగా ఫీజు రీయింబర్స్‌మెంట్‌ కొనసాగించాలని బీఆర్‌ఎస్‌ పార్టీ, సీపీఐ, ఇతర విద్యార్థి సంఘాలు డిమాండ్‌ చేశాయి.

YS Jagan Latest Press Meet: రాష్ట్రంలో దిగజారిన శాంతిభద్రతలు, రైతాంగ సమస్యలు, కూటమి ప్రభుత్వంలో సాగుతున్న అరాచకాలపై వైఎస్సార్సీపీ అధినేత వైఎస్ జగన్ మోహన్ రెడ్డి ప్రెస్ మీట్‌లో తీవ్రస్థాయిలో విరుచుకుపడ్డారు. ప్రస్తుతం ఆంధ్రప్రదేశ్‌లో 'రూల్ ఆఫ్ లా' (చట్టబద్ధ పాలన) స్థానంలో 'రూల్ ఆఫ్ ఫియర్' (భయాందోళనల పాలన) నడుస్తోందని ఆయన ఆరోపించారు.

రెడ్‌బుక్‌ రాజ్యాంగం.. భయానక వాతావరణం
రెండేళ్ల క్రితం వరకు సంక్షేమం, విద్య, వైద్యం, పరిపాలనా సంస్కరణల్లో విప్లవాత్మక మార్పులతో దేశంలోనే ఏపీ పేరు మారుమోగిందని.. కానీ నేడు కస్టోడియల్ డెత్స్, శవాల మాయం, రెడ్‌బుక్ రాజ్యాంగం, అబద్ధాల పాలనకు కేరాఫ్ అడ్రస్‌గా మారిందని జగన్ విమర్శించారు.

చంద్రబాబు తన అవినీతి, దోపిడీని ఎవరూ ప్రశ్నించకూడదనే ఉద్దేశంతో చట్టాన్ని చేతిలోకి తీసుకుని ప్రతిపక్షాలు, సోషల్ మీడియా యాక్టివిస్టులు, జర్నలిస్టులపై అరాచకాలను ప్రయోగిస్తున్నారని మండిపడ్డారు. ప్రజలకు పోలీస్ స్టేషన్లపై నమ్మకం పోయిందని ఆవేదన వ్యక్తం చేశారు.

లాకప్‌ డెత్స్‌.. అమానవీయ ఘటనలు
రాష్ట్రంలో సాగుతున్న 'జంగిల్ రాజ్' (రాక్షస పాలన)కు అద్దం పట్టేలా పలు ఘటనలను వైఎస్ జగన్ ఉదహరించారు. విజయవాడలో సాయికృష్ణ కేసు, పోలీసుల వేధింపులకు బలైన క్రాంతికుమార్ ఉదంతం, కర్నూలు జిల్లాలో దళిత మహిళ గంగమ్మ లాకప్ డెత్, తెనాలిలో తిరుపతమ్మ, శ్రీకాకుళంలో కళావతి కేసులను ఈ సందర్భంగా వైఎస్ జగన్ ఉదహరించారు. 

"కస్టడీలోని వ్యక్తిని దారుణంగా కొట్టి చంపి, కనీసం కుటుంబ సభ్యులకు బూడిద కూడా ఇవ్వకుండా శవాన్ని మాయం చేయడం అత్యంత అమానవీయ, పాశవిక చర్య. స్టేట్ హెడ్‌క్వార్టర్స్ పోలీసులే దీనికి ఒడిగట్టడం యావత్ దేశాన్ని దిగ్భ్రాంతికి గురిచేసింది" అని వైఎస్ జగన్ మోహన్ రెడ్డి అన్నారు.

డైవర్షన్ పాలిటిక్స్..
ఈ ఘోరాలపై ప్రశ్నిస్తే చంద్రబాబు తన అనుకూల మీడియాతో ఎదురుదాడి చేయిస్తున్నారని.. ప్రజల దృష్టిని మళ్లించడానికి తన పొలిటికల్ పార్టనర్‌ను (సైడ్ క్యారెక్టర్‌లా) తెరపైకి తెచ్చి డ్రామాలు ఆడిస్తున్నారని విమర్శించారు. సాయికృష్ణను మొదట రౌడీషీటర్ అని అవమానించి, జనం ఛీత్కరించుకునేసరికి యూ-టర్న్ తీసుకుని సెక్రటేరియట్‌కు పిలిపించుకున్నారని ఎద్దేవా చేశారు.

నిందితులను కాపాడుతున్న సీపీ, డీజీపీ?
సాయికృష్ణ కేసులో రిమాండ్ రిపోర్టును గమనిస్తే పెద్దలను కాపాడేందుకు దర్యాప్తును ఎలా వీక్ చేస్తున్నారో స్పష్టమవుతోందని జగన్ ఆరోపించారు. 

ఉన్నతాధికారుల బాధ్యత ఏది?: టాస్క్‌ఫోర్స్ పోలీసులు సాయికృష్ణను కృష్ణలంక పీఎస్‌కు అప్పగించినట్లు రిమాండ్ రిపోర్టులో ఉంది. టాస్క్‌ఫోర్స్ నేరుగా పోలీస్ కమిషనర్ (CP) కింద పనిచేస్తుంది. మరి సిపిని ఎందుకు విచారించడం లేదు?

ఫిర్యాదులను పట్టించుకోలేదు: మే 28న సాయికృష్ణ తల్లి తన కొడుకు లాకప్ డెత్‌పై అనుమానాలు ఉన్నాయని విజయవాడ సీపీకి అర్జీ ఇచ్చినా, బంధువులు డీజీపీకి చెప్పినా ఎందుకు స్పందించలేదు?

రక్షణ వలయం: "ఇక్కడ సీఐని సీపీ కాపాడితే.. సీపీని డీజీపీ, డీజీపీని స్వయంగా చంద్రబాబు కాపాడుతున్నారు" అని జగన్ తీవ్ర విమర్శలు చేశారు. క్రాంతికుమార్ మరణవాంగ్మూలం వీడియో వైరల్ అయినా ఎందుకు చర్యలు తీసుకోలేదని ప్రశ్నించారు. తాము స్వయంగా బాధితులను పరామర్శించిన 4 రోజుల వరకు అరెస్టులు చేయలేదని, తానే గనుక వెళ్లకపోతే ఈ రెండు కేసులను పూర్తిగా నొక్కేసేవారని స్పష్టం చేశారు.

విజయవాడ నగరంలోనే ఇలాంటి ఘోరాలు జరిగితే.. రాష్ట్రంలోని మారుమూల ప్రాంతాల్లో పరిస్థితులు ఎంత దారుణంగా ఉన్నాయో అర్థం చేసుకోవచ్చని జగన్ ఆందోళన వ్యక్తం చేశారు. గత రెండేళ్లుగా సాగుతున్న ఈ రెడ్‌బుక్ పాలనలో.. ఆధారాలు నాశనం చేయడం, తప్పుడు సాక్ష్యాలు సృష్టించడం సర్వసాధారణమైపోయిందని, ఆంధ్రప్రదేశ్ చరిత్రలో ఇంతటి మానవహక్కుల ఉల్లంఘనను తామెన్నడూ చూడలేదని జగన్ పేర్కొన్నారు.

Flipkart GOAT Sale: ప్రీమియం Samsung స్మార్ట్‌ఫోన్ కొనాలనుకునే వారికి ఇదే అద్భుతమైన అవకాశంగా భావించవచ్చు. ప్రముఖ ఈ-కామర్స్ దిగ్గజం Flipkart ప్రారంభించబోతున్న GOAT (Greatest of All Time) సేల్‌లో భాగంగా Samsung ఫ్లాగ్‌షిప్ మొబైల్‌పై కళ్లు చెదిరే డిస్కౌంట్‌ ఆఫర్స్‌ను ప్రకటించింది. Samsung గెలాక్సీ సిరీస్‌లో ఎంతో క్రేజ్ ఉన్న Samsung Galaxy S25 5G స్మార్ట్‌ఫోన్‌పై ఊహించని రేంజ్‌లో డిస్కౌంట్ ఆఫర్స్‌ అందుబాటులోకి రాబోతున్నాయి.. మార్కెట్లో భారీ డిమాండ్ ఉన్న ఈ ఫోన్‌ను ఇప్పుడు సగం కంటే తక్కువ ధరకే సొంతం చేసుకునే అద్భుతమైన ఛాన్స్ కస్టమర్లకు లభిస్తోంది.

రూ.18 వేల ఫ్లాట్ డిస్కౌంట్.. రూ.56 వేల లోపే..
సాధారణంగా Samsung ప్రీమియం మోడల్స్ ధరలు సామాన్యులకు కాస్త అందుబాటు దూరంలో ఉంటాయని మనందరికీ తెలుసు. అయితే, ఈ సేల్‌లో 128 GB స్టోరేజ్ వేరియంట్ Samsung Galaxy S25 5G స్మార్ట్‌ఫోన్‌ అసలు ధర MRP రూ. 74,999తో అందుబాటులో ఉండగా.. ఫ్లిప్‌కార్ట్ ఏకంగా రూ. 18,999 ఫ్లాట్ తగ్గింపు లభిస్తోంది.. ఈ సేల్‌లో భాగంగా ఈ ఫ్లాట్ డిస్కౌంట్ వల్ల ఫోన్ ధర ఒక్కసారిగా రూ.56,000 లోపుకు పడిపోతుందని ఫ్లిప్‌కార్ట్‌ అందిస్తోంది.. ప్రీమియం ఫీచర్లు కోరుకునే వారికి ఈ ఆఫర్ పెద్ద పండగ లాంటిదని భావించవచ్చు.

అదనంగా బ్యాంక్ ఆఫర్స్..
ఫ్లాట్ డిస్కౌంట్‌తో పాటు కస్టమర్లకు మరింత ఉపశమనం కలిగించేలా బ్యాంక్ ఆఫర్లను కూడా ఫ్లిప్‌కార్ట్ అందిస్తూ వస్తోంది. ఈ సేల్‌లో భాగంగా కొనుగోలు చేసేటప్పుడు ఫ్లిప్‌కార్ట్ యాక్సిస్ బ్యాంక్ (Flipkart Axis Bank) లేదా ఎస్‌బీఐ (SBI) బ్యాంక్ క్రెడిట్ కార్డ్‌లను వినియోగించి పేమెంట్ చేస్తే.. వినియోగదారులకు ఏకంగా దాదాపు రూ.3,500 వరకు అదనపు భారీ డిస్కౌంట్ లభిస్తోంది.. ఈ స్మార్ట్‌ఫోన్ ధర మరింత అందుబాటులోకి వచ్చే అవకాశాలు ఉన్నాయి..

India Vs England T20I Series: ఇంగ్లాండ్‌తో టీ20 సిరీస్‌కు ముందు టీమ్ఇండియా హెడ్ కోచ్ గౌతమ్ గంభీర్ సంచలన నిర్ణయం తీసుకున్నట్టు సమాచారం అందుతుంది. ఇటీవల జరిగిన ఐర్లాండ్ సిరీస్‌లో భారత జట్టు ఘోరపరాజయాన్ని మూటగట్టుకున్న సంగతి తెలిసిందే. అయితే అందులో భారత బ్యాటర్ల వైఫల్యం పెద్ద కారణమని విమర్శలు వస్తున్న నేపథ్యంలో మేనేజ్‌మెంట్ జట్టులో కీలక మార్పులు చేసినట్లు తెలుస్తోంది. నేటి నుంచి అనగా జూలై 1 నుంచి ప్రారంభం కానున్న టీ20 సిరీస్ (5 మ్యాచ్‌లు)లో భారత కోచ్ సరికొత్త ప్లాన్‌తో రాబోతున్నారని తెలుస్తోంది.

ఓటమి తర్వాత ఒత్తిడిలో టీమిండియా..
భారత క్రికెట్ జట్టు ఇంగ్లాండ్ పర్యటన నేటి నుంచి ప్రారంభం కానుంది. ఇంగ్లాండ్ తో సిరీస్ లో భాగంగా ఐదు మ్యాచ్‌ల టీ20 సిరీస్ తర్వాత జులై 14 నుంచి వన్డే సిరీస్ ప్రారంభం కానుంది. అయితే ఈ పర్యటనకు ముందు ఐర్లాండ్ చేతిలో టీమిండియా 2-0 తేడాతో క్లీన్‌స్వీప్ అయిన సంగతి తెలిసిందే. ఈ విషయం భారత క్రికెట్ అభిమానులను తీవ్ర నిరాశకు గురిచేసింది. సులువుగా గెలుస్తామనుకున్న మ్యాచ్ల్లో భారత బ్యాటర్ల నిర్లక్ష్యం కారణంగా సిరీస్ కోల్పోవడంతో పాటు భారత ఓపెనర్లు పేలవ ప్రదర్శనతో రాణించలేకపోవడం వంటివి ప్రధాన కారణాలుగా తెలుస్తున్నాయి. దీంతో ఇంగ్లాండ్ తో జరిగిన సిరీస్ లో బలమైన ఓపెనర్లను ప్లేయింగ్ లెవెల్ లోకి తీసుకోవాలని మేనేజ్మెంట్ ప్లాన్ చేస్తుంది. 

ఐలాండ్‌తో జరిగిన సిరీస్‌లో ఓపెనింగ్ బ్యాటర్లు అభిషేక్ శర్మ, సంజు సాంసంగ్ ఆశించిన స్థాయిలో రాణించలేదు. గత టీ20 వరల్డ్ కప్ టోర్నీలో వీరి కాంబినేషన్ పెద్దగా క్లిక్ కాలేదు. కానీ ఐర్లాండ్‌తో జరిగిన మ్యాచ్‌తో వీరిని మరోసారి ఓపెనింగ్ భాగస్వాములుగా తీసుకురావడం పట్ల విమర్శలు వెలుగుతున్నాయి. 

అభిషేక్ తోడుగా వైభవ్ సూర్యవంశీ 
వరుస వైఫల్యల నేపథ్యంలో ఇంగ్లాండ్‌తో జరుగునున్న టీ20 సిరీస్ భారత భారత తుదిజట్టులో భారీ మార్పులు ఖాయమని సమాచారం అందుతుంది. ఐపీఎల్ 2026 సీజన్లో 16 మ్యాచ్‌లో ఏకంగా 776 పరుగులు సాధించి ఆరెంజ్ క్యాప్ గెలుచుకున్న యువ కెరటం సూర్యవంశంపై సెలెక్టర్లు మొగ్గు చూపినట్లు తెలుస్తుంది. అయితే నేటి మ్యాచ్‌లో వైభవ్ సూర్యవంశీ అరంగేట్రం ఖరారు అయినట్లు బీసీసీఐ వర్గాలు చెబుతున్నాయి. 

ఐర్లాండ్‌తో జరిగిన టీ20 సిరీస్ లోనే వైభవ్ సూర్యవంశీ అరంగేట్రం చేస్తాడని భావించిన అప్పుడు నిరాశ మిగిలింది. అయితే సంజూ శాంసన్ అభిశిక్ శర్మల పేలవ ప్రదర్శన కారణంగా ఓపెనింగ్ భాగస్వామ్యంలో వైభవ్ కు అవకాశం దక్కుతుందని గట్టిగా నమ్ముతున్నారు. అదే జరిగితే ఇషాన్ కిషన్‌కు వికెట్ కీపర్ బాధ్యతలను విషయానికి చేపట్టే అవకాశం ఉంది.

Hyderabad To Bangalore New Bus Stops: తెలంగాణ, కర్ణాటక సరిహద్దు రాష్ట్రాలు కావడంతో, ప్రజల మధ్య రాకపోకలు ఎక్కువగా ఉంటాయి. బంధువుల కోసం లేదా ఉద్యోగాల రీత్యా ఎక్కువ మంది తెలంగాణ నుండి బెంగళూరుకు, అలాగే బెంగళూరు నుండి తెలంగాణకు ప్రయాణిస్తుంటారు. వీరి సౌకర్యార్థం తెలంగాణ ఆర్టీసీ ఒక బంపర్ గుడ్ న్యూస్ చెప్పింది. బెంగళూరు, హైదరాబాద్ మధ్య ప్రయాణించే వారికి బస్సు సౌకర్యాలను మరింత మెరుగుపరుస్తూ, ఏసీ, స్లీపర్, నాన్-ఏసీ బస్సుల బోర్డింగ్ , అలైటింగ్ పాయింట్లను పెంచుతున్నట్లు ప్రకటించింది.

బెంగళూరు రూట్లలో కొత్త బోర్డింగ్, అలైటింగ్ పాయింట్లు ఈ విధంగా ఉన్నాయి:
చందాపూర్ రూట్ ద్వారా వెళ్లేవారు.. చందాపూర్, బొమ్మసంద్ర, ఎలక్ట్రానిక్ సిటీ, బొమ్మనహళ్లి మెట్రో స్టేషన్, మడివాల కెంపెగౌడ బస్ స్టేషన్, హెబ్బల్, అలహంక, బెంగళూరు ఎయిర్‌పోర్ట్ టోల్ ప్లాజా నుండి దేవనహళ్లి బైపాస్ వరకు పాయింట్లు ఉన్నాయి.

పీనియా రూట్ ద్వారా వెళ్లే వారికి.. యశ్వంత్ పురం మెట్రో స్టేషన్ నుండి కెంపెగౌడ బస్ స్టేషన్, బెంగళూరు ఎయిర్‌పోర్ట్ టోల్ ప్లాజా నుండి దేవనహళ్లి బైపాస్ వరకు సౌకర్యం ఉంటుంది.

మార్తహళ్లి రూట్ ద్వారా వెళ్లే వారికి.. వర్టూర్ జంక్షన్ నుండి మార్తహళ్లి, దొమ్మలూరు బ్రిడ్జి, కెంపెగౌడ బస్ స్టేషన్, హెబ్బల్, అలహంక, బెంగళూరు ఎయిర్‌పోర్ట్ టోల్ ప్లాజా,దేవనహళ్లి బైపాస్ మీదుగా బస్సులు వెళ్తాయి.

హైదరాబాద్‌లో బోర్డింగ్, అలైటింగ్ పాయింట్ల వివరాలు ఇలా ఉన్నాయి:
ప్రతిరోజూ హైదరాబాద్ నుండి వందలాది మంది బెంగళూరుకు ప్రయాణిస్తుంటారు. వీరి కోసం పటాన్చెరు, జేబీఎస్, హయత్ నగర్ వంటి ప్రాంతాలలో కొత్త పాయింట్లను అందుబాటులోకి తెచ్చారు.

జేబీఎస్ రూటు ద్వారా వెళ్లే బస్సులు ఎంజీబీఎస్, ఆరాంఘర్, శంషాబాద్ వంటి అన్ని ప్రధాన ప్రాంతాల్లో ఆగుతాయి. అలాగే పటాన్ చెరు నుండి వెళ్లే బస్సులు కూడా పటాన్ చెరు, ఎంజీబీఎస్, ఆరాంఘర్, శంషాబాద్‌లోని ప్రధాన స్టాపుల్లో ఆగుతాయి. అంతేకాకుండా, హయత్ నగర్ రూట్ నుండి కూడా ఎంజీబీఎస్, ఆరెంజ్ మరియు హైదరాబాద్‌లోని ప్రధాన ప్రాంతాల్లో బోర్డింగ్, అలైటింగ్ సౌకర్యం ఉంది.

Flipkart GOAT Sale 2026 iPhone 17 Offer: యాపిల్ ఐఫోన్ కొనుగోలు చేయాలనుకునేవారికి ప్రముఖ ఈ-కామర్స్ దిగ్గజం ఫ్లిప్‌కార్ట్ అద్భుతమైన శుభవార్తను అందిస్తోంది. దేశవ్యాప్తంగా ఎంతో ఆసక్తిగా ఎదురుచూస్తున్న  ఫ్లిప్‌కార్ట్ GOAT సేల్ (Flipkart GOAT Sale) జూలై 4 నుంచి మొదలు కాబోతోంది. ఈ సేల్‌లో స్మార్ట్‌ఫోన్‌లు, హోమ్ అప్లయన్సెస్‌తో పాటు స్మార్ట్ వేరబుల్స్‌పై ఫ్లిప్‌కార్ట్‌ భారీ ఆఫర్లను అందిస్తోంది.. అయితే అన్నింటికంటే ముఖ్యంగా.. యాపిల్ లేటెస్ట్ ఫ్లాగ్‌షిప్ సిరీస్ అయిన  ఐఫోన్ 17 (iPhone 17) మోడల్స్‌పై ఊహించని స్థాయిలో ఏకంగా రూ.22,000 వరకు భారీ తగ్గింపును అందించబోతున్నట్లు ఫ్లిప్‌కార్ట్ ప్రకటించింది.

బ్యాంక్ ఆఫర్లతో భారీ డిస్కౌంట్‌..
ఫ్లిప్‌కార్ట్ ఈ సేల్ కోసం ప్రముఖ బ్యాంక్ పార్ట్‌నర్లతో అద్భుతమైన డిస్కౌంట్‌ ఆఫర్స్‌ను అందిస్తూ వస్తోంది. ఐఫోన్ కొనుగోలు చేసేవారికి ప్రత్యేకమైన ఫ్లాట్‌ డిస్కౌంట్‌తో పాటు, ఈ సేల్‌లో భాగంగా ICICI బ్యాంక్, బ్యాంక్ ఆఫ్ బరోడా (BoB)తో పాటు HSBC బ్యాంక్ క్రెడిట్ కార్డ్‌లను ఉపయోగించి కొనుగోలు చేస్తే అదనంగా 10 శాతం వరకు ఇన్‌స్టంట్ డిస్కౌంట్ లభిస్తోంది.. దీనితో పాటు ప్రత్యేకమైన ఎక్స్ఛేంజ్ ఆఫర్లు కూడా అందుబాటులో ఉండడం విశేషం..

ఐఫోన్ 17 సిరీస్ ధర, ఆఫర్ల వివరాలు..
సాధారణంగా ఐఫోన్ 17 (iPhone 17) స్మార్ట్‌ఫోన్‌ మార్కెట్లో ఇది ధర రూ. 82,900తో అందుబాటులో ఉండగా..  ఈ ఫ్లిప్‌కార్ట్ సేల్‌లో కేవలం రూ.70,990కే సొంతం చేసుకోవచ్చు. ఇందులో 120Hz ప్రోమోషన్ డిస్‌ప్లే, A19 చిప్‌సెట్‌తో పాటు 48MP+48MP కెమెరా సెటప్ అందుబాటులో ఉంది..ఇక ప్రొఫెషనల్ ఫోటోగ్రఫీని ఇష్టపడే వారి కోసం తయారు చేసిన ఈ ఐఫోన్ 17 ప్రో (iPhone 17 Pro) స్మార్ట్‌ఫోన్‌ అసలు ధర రూ. 1,34,000తో అందుబాటులో ఉండగా.. ఈ సేల్‌లో ఏకంగా రూ.22,000 తగ్గింపుతో రూ. 1,12,000కే అందుబాటులో రాబోతోంది. 

ఈ సిరీస్‌లోనే అత్యంత ప్రీమియం మోడల్ అయిన ఐఫోన్ 17 ప్రో మాక్స్ (iPhone 17 Pro Max) ధర రూ. 1,49,900 నుంచి రూ.1,27,900 కి తగ్గబోతోందని ఫ్లిప్‌కార్ట్‌ ప్రత్యేకమైన బ్యానర్‌ రన్‌ చేస్తోంది.. ఇక ఈ స్మార్ట్‌ఫోన్‌ 6.9 ఇంచుల సూపర్ రెటినా XDR డిస్‌ప్లేతో పాటు 2000 నిట్స్ బ్రైట్‌నెస్‌తో అద్భుతమైన స్క్రీన్ అనుభూతిని అందిస్తుంది. దీంతో పాటు బడ్జెట్ ప్రీమియం రేంజ్‌లో లభించే ఈ ఐఫోన్ 17ఇ (iPhone 17e) స్మార్ట్‌ఫోన్‌ అసలు ధర రూ.64,900 కాగా.. ఈ సేల్‌లో రూ.60,900 ధరకే అందుబాటులో ఉంది.

Goddess Lakshmi Blessings Latest News: జ్యోతిష్య శాస్త్రంలో ఐశ్వర్యానికి, సిరిసంపదలకు అధిదేవతగా లక్ష్మీదేవిని భక్తిశ్రద్ధలతో కొలుస్తూ ఉంటారు. ప్రతి ఇంట్లోనూ శుక్రవారం అమ్మవారి పూజలు ఎంతో భక్తిశ్రద్ధలతో జరుగుతూ ఉంటాయి. అయితే, జ్యోతిష్య శాస్త్రం ప్రకారం.. లక్ష్మీదేవికి కొన్ని రాశులంటే అత్యంత ప్రీతికరం.. ఆయా రాశుల వారిపై అమ్మవారి ప్రత్యేక అనుగ్రహం ఎల్లప్పుడూ ఉంటుందని జ్యోతిష్యులు తెలుపుతుపున్నారు.. దీనివల్ల వారు జీవితంలో ఊహించని స్థాయిలో ధనలాభం, కీర్తి ప్రతిష్టలు, విజయాలతో పాటు విలాసవంతమైన జీవితం లభిస్తుందని జ్యోతిష్యులు తెలుపుతున్నారు. అయితే, జ్యోతిష్య శాస్త్రం ప్రకారం.. ఏయే రాశులవారికి ఎలా ఉంటుందో? అత్యధిక లాభాలు పొందే రాశులేవో పూర్తి వివరాలు ఇప్పుడు తెలుసుకుందాం.

ఈ రాశులవారికి బంపర్‌ లాభాలు:
వృషభ రాశి (Taurus) 
లక్ష్మీదేవికి అత్యంత ఇష్టమైన రాశులలో వృషభ రాశి మొదటి వరుసలో ఉంటుందని జ్యోతిష్యులు తెలుపుతున్నారు. ఈ రాశి వారికి అమ్మవారి ఆశీస్సులు ఎల్లవేళలా లభిస్తూ ఉంటాయి.. వీరి ఆదాయ వనరులు నిరంతరం విపరీతంగా పెరుగుతాయి. అలాగే ఆర్థికంగా ఎప్పుడూ స్థిరంగా ఉండే అవకాశాలు కూడా కనిపిస్తున్నాయి. కొత్త ఉద్యోగాల కోసం ప్రయత్నించే వారికి ఈ సమయంలో శుభవార్తలు కూడా తప్పకుండా అందుకుంటారు.. కార్యాలయంలో వీరి గౌరవ మర్యాదలు, కీర్తి ప్రతిష్టలు విపరీతంగా పెరుగుతాయి. ఉద్యోగస్తులకు జీతాల పెరుగుదలతో పాటు ప్రమోషన్లు లభించే బలమైన అవకాశాలు కూడా కనిపిస్తున్నాయి.

సింహ రాశి (Leo)
సింహ రాశికి అధిపతి నవగ్రహాల రాజు అయిన సూర్యభగవానుడుగా భావిస్తూ ఉంటారు.. ఈ రాశి వారు దృఢ సంకల్పం, అంకితభావంతో పాటు ఎంతో అద్భుతమైన బుద్ధిని కలిగి ఉంటారు. వీరి కష్టాన్ని గుర్తించి లక్ష్మీదేవి అపారమైన అనుగ్రహాన్ని అందిస్తుంది.. వీరు అడుగుపెట్టిన ప్రతి రంగంలోనూ అద్భుతమైన విజయాలు కలుగుతాయి.. ఆర్థికంగా వీరు చాలా బలంగా ఉంటారు. అమ్మవారి కృప వల్ల వీరు ఎప్పుడూ ఇతరులపై ఆధారపడాల్సిన అవసరం కూడా రాదని జ్యోతిష్యులు తెలుపుతున్నారు.

మీన రాశి (Pisces) 
లక్ష్మీదేవికి ఇష్టమైన మరో ముఖ్యమైన రాశి మీన రాశి.. అమ్మవారి అనుగ్రహం వల్ల ఈ రాశి వారికి జీవితంలో ఎప్పుడు డబ్బుకు ఎలాంటి కొరత అనేది ఉండదని జ్యోతిష్యులు తెలుపుతున్నారు. వీరు తమ నిరంతర శ్రమతో పాటు సత్ప్రవర్తనతో లక్ష్మీదేవి అనుగ్రహం సులభంగా పొందుతారు. వ్యాపార, ఉద్యోగ రంగాలలో వీరు నిరంతరం లాభాలను ఆర్జిస్తూ ఐశ్వర్యవంతమైన జీవితాన్ని గడిపే అవకాశాలు ఉన్నాయి..

తులా రాశి (Libra) 
తులా రాశికి అధిపతి శుక్ర గ్రహం.. జ్యోతిష్యశాస్త్రంలో శుక్రుడిని ఆకర్షణ, సంపద, విలాసాలకు కారకుడిగా చెప్పుకుండారు. అందుకే తులా రాశి వారిపై శుక్రుడితో పాటు లక్ష్మీదేవి ప్రత్యేక ఆశీస్సులు లభిస్తూ ఉంటాయి. అమ్మవారి దయతో వీరు జీవితంలో అన్ని రకాల సుఖసంతోషాలను కలుగుతాయి.. వీరు ఎలాంటి ఆర్థిక ఇబ్బందులను ఎదుర్కోరని జ్యోతిష్యులు తెలుపుతున్నారు. ఎలాంటి పనులు చేపట్టిన విజయాలు సులభంగా సాధించే ఛాన్స్‌లు ఉన్నాయి.

Rahu Transit In Dhanishta Nakshatra 2026 Telugu: జ్యోతిష్య శాస్త్రంలో అత్యంత ప్రభావవంతమైన గ్రహంగా భావించే రాహువు తన నక్షత్ర సంచారం చేశాడు.. 2026 జూన్ 30 మంగళవారం రోజున రాహువు కుంభ రాశి నుంచి ధనిష్ఠ నక్షత్రంలోకి ప్రవేశించాడు.. ఈ నక్షత్రంలో రాహువు గ్రహం డిసెంబర్ 2026 వరకు సంచార దశలో ఉంటాడు.. రాహువు ఈ నక్షత్ర సంచారం అన్ని రాశుల వారి ఆరోగ్యం, ఉద్యోగం, ఆర్థిక స్థితితో పాటు కుటుంబ సంబంధాలపై ప్రత్యక్ష ప్రభావాన్ని చూపుతుందని జ్యోతిష్యులు తెలుపుతున్నారు. అయితే, ముఖ్యంగా మూడు రాశుల వారికి ఈ సమయం ఎంతో అదృష్టాన్ని, విజయాలను తెచ్చిపెట్టబోతోంది.. మంగళవారం నుంచి ఈ రాశుల వారికి హనుమంతుడి అనుగ్రహంతో పాటు రాహువు ప్రత్యేక అనుగ్రహం లభించి.. ఈ సమయం కొన్ని రాశులవారికి గోల్డెన్ పీరియడ్‌గా ఉండబోతోంది. అయితే, ఈ సమయంలో ఏయే రాశులవారికి చాలా శుభప్రదంగా ఉంటుందో? అదృష్టాన్ని పొందే రాశులేవో పూర్తి వివరాలు ఇప్పుడు తెలుసుకుందాం..

మేష రాశి (Aries) 
మేష రాశి వారికి రాహువు నక్షత్ర సంచారంతో ఈ సమయం అత్యంత లాభదాయకంగా ఉంటుంది.. సుదీర్ఘకాలంగా నిలిచిపోయిన పనులు మళ్లీ వేగం ప్రారంభమవుతాయి.. ఆదాయానికి కొత్త మార్గాలు సులభండా తెరుకుకుంటాయి. మీ కష్టానికి తగిన ప్రతిఫలం లభించే అవకాశాలు కనిపిస్తున్నాయని జ్యోతిష్యులు తెలుపుతున్నారు. కార్యాలయంలో ఉన్నతాధికారుల నుంచి పూర్తి సపోర్ట్‌ కూడా అందుతుంది.. కష్ట సమయాల్లో నమ్మకమైన స్నేహితుడు లేదా సన్నిహితుడి సహాయం మీకు కొండంత బలాన్ని అందిస్తుందని జ్యోతిష్యులు తెలుపుతున్నారు. పోటీ పరీక్షలకు సిద్ధమవుతున్న విద్యార్థులకు ఈ కాలం ఎంతో అనుకూలంగా ఉంటుంది. అలాగే వారు ఆశించిన మంచి ఫలితాలు కూడా పొందుతారు.

సింహ రాశి (Leo)
సింహ రాశి వారికి ఈ నక్షత్ర సంచారం అదృష్టాన్ని రెట్టింపు చేయడమే కాకుండా.. ఆర్థికంగా ఎదగడానికి సరికొత్త అవకాశాలను అందిస్తుందని జ్యోతిష్యులు తెలుపుతున్నారు. ఉద్యోగస్తులకు ప్రమోషన్ లేదా అదనపు బాధ్యతలు దక్కే అవకాశాలు కూడా ఉన్నాయని జ్యోతిష్యులు చెబుతున్నారు. అలాగే మీ ఆత్మవిశ్వాసాన్ని మరింత పెంచుతుంది. గతంలో చేసిన పెట్టుబడుల నుంచి మంచి లాభాలు కూడా కలుగుతాయి. కుటుంబంలో సుఖసంతోషాలు ఊహించని స్థాయిలో పెరుగుతాయి. మనస్సు ప్రశాంతంగా కూడా మారుతుంది.. దీర్ఘకాలికంగా వేధిస్తున్న కుటుంబ సమస్యలన్నింటికీ ఈ సమయంలో పరిష్కారం అవుతాయని జ్యోతిష్యులు తెలుపుతున్నారు.

తులా రాశి (Libra) 
తులా రాశి వారికి రాహువు ధనిష్ఠ నక్షత్ర సంచారం కారణంగా కెరీర్, వ్యాపార రంగాలలో సానుకూల మార్పులను తీసుకు వస్తుందని జ్యోతిష్యులు తెలుపుతుపున్నారు. వ్యాపారస్తులు ఈ సమయంలో చేసే సుదూర ప్రయాణాల వల్ల భారీగా లాభాలను కూడా అందిస్తాయి.. సమాజంలో కొత్త పరిచయాలు కూడా విపరీతంగా ఏర్పడతాయి. ఇవి భవిష్యత్తులో మీకు ఎంతగానో ఉపయోగపడే అవకాశాలు ఉన్నాయి. వ్యాపారాన్ని విస్తరించడానికి ఊహించని అవకాశాలు లభిస్తాయి. కొత్త ఉద్యోగం కోసం ప్రయత్నిస్తున్న వారికి మెరుగైన ప్యాకేజీతో కూడిన మంచి అవకాశాలు కూడా లభించబోతున్నాయి. ఈ కాలంలో చేసే ప్రయాణాలు మీ భవిష్యత్తుకు బంగారు బాటలు వేస్తాయని జ్యోతిష్యులు తెలుపుతున్నారు.

Vaidhriti Yog On July 22 Latest News: జ్యోతిష్య శాస్త్రంలో గ్రహాలు, నక్షత్రాల సంచారాలు మానవ జీవితాలపై తీవ్ర ప్రభావం చూపుతాయని మనందరికీ తెలుసు. గ్రహాల మార్పుల వల్ల ఎప్పటికప్పుడు సరికొత్త యోగాలు ఏర్పడుతుంటాయి. ఈ క్రమంలోనే రాబోయే జూలై 22 (బుధవారం) రోజు ఒక అరుదైన, విశేషమైన ఖగోళ సంఘటన జరగబోతోంది. సూర్యుడు, చంద్రుల కలయిక కారణంగా అత్యంత శక్తివంతమైన  వైధృతి యోగం ఏర్పడనుంది. ఈ యోగాని ఎంతో ప్రత్యేమైన ప్రాముఖ్యత ఉంటుంది. 

సనాతన ధర్మంలో, జ్యోతిష్య శాస్త్రంలో వైధృతి యోగాన్ని అంతగా శుభప్రదమైనదిగా భావించరు. కానీ, ఆశ్చర్యకరంగా ఈసారి ఏర్పడబోయే వైధృతి యోగం కొన్ని రాశుల వారిపై ఊహించని సానుకూల ప్రభావాన్ని చూపించబోతోంది. జూలై 22 సాయంత్రం 4 గంటల నుంచి రాత్రి 9 గంటల వరకు ఈ యోగం ప్రభావం ఉంటుందని జ్యోతిష్యులు తెలుపుతున్నారు. ఈ ప్రత్యేక సమయంలో సూర్య-చంద్రుల అనుగ్రహంతో 4 రాశుల వారి జాతకాలు పూర్తిగా మారబోతున్నాయి. వారి జీవితాల్లో సుఖసంతోషాలతో పాటు ఆర్థికంగా అద్భుతమైన లాభాలు కలుగుతాయని జ్యోతిష్యులు తెలుపుతున్నారు. అయితే, ఈ సంచారంతో ఏయే రాశులవారికి చాలా శుభప్రదంగా ఉంటుందో? అదృష్టాన్ని పొందే రాశులేవో పూర్తి వివరాలు ఇప్పుడు తెలుసుకుందాం.

మేష రాశి (Aries):
మేష రాశి వారికి ఈ వైధృతి యోగం అపారమైన శుభ ఫలితాలను అందించబోతోంది.. ఉద్యోగ లేదా వ్యాపార రంగాలలో ఉన్న వారికి ఊహించని శుభవార్తలు వింటారు.. మీ ఆర్థిక స్థితి గణనీయంగా మెరుగుపడే అవకాశాలు కూడా కనిపిస్తున్నాయి. దీర్ఘకాలంగా వేధిస్తున్న డబ్బుకు సంబంధించిన సమస్యలన్నీ శాశ్వతంగా తొలగిపోతాయి. ప్రేమ సంబంధాలలో సానుకూల మార్పులు రావడం ప్రారంభమవుతాయి.. వివాహిత జీవితంలో భాగస్వామి నుంచి పూర్తి మద్దతు లభిస్తుంది. అదృష్టం మీ వైపు ఉండటంతో అనుకున్న పనులు చకచకా సాగిపోతాయి.

సింహ రాశి (Leo):
సింహ రాశి వారికి ఈ యోగం పురోభివృద్ధికి నాంది పలకబోతోంది. వీరికి ఈ సమయంలో ఆత్మవిశ్వాసంతో పాటు వ్యక్తిత్వం మరింత ఆకర్షణీయంగా మారబోతోందని జ్యోతిష్యులు తెలుపుతున్నారు. కార్యాలయంలో లేదా ఉద్యోగ రంగంలో చాలా కాలంగా ఎదుర్కొంటున్న ఆటంకాలు తొలగిపోతాయని జ్యోతిష్యులు చెబుతున్నారు.. పనుల్లో వేగం పెరుగుతుంది. సమాజంలో, పని చేసే చోట మీ గౌరవ మర్యాదలు విపరీతంగా పెరుగుతాయి.. అలాగే, తండ్రితో ఉన్న సంబంధాలు మరింత బలపడే అవకాశం ఉందని జ్యోతిష్యులు తెలుపుతున్నారు.

వృశ్చిక రాశి (Scorpio):
వృశ్చిక రాశి వారికి ఈ వైధృతి యోగం కొత్త అవకాశాలను అందించబోతోంది.. సుదీర్ఘకాలంగా మంచి ఉద్యోగం కోసం ఎదురుచూస్తున్న నిరుద్యోగులకు ఈ సమయంలో మంచి ఉద్యోగ అవకాశం లభించే ఛాన్స్‌లు కనిపిస్తున్నాయి. తండ్రుల ద్వారా భారీ మొత్తంలో ఆస్తులు కూడా పొందుతారు. ఆకస్మిక ధనలాభం కలిగే సూచనలు కలిగే అవకాశాలు కూడా కనిపిస్తున్నాయి. దీర్ఘకాలిక ఆరోగ్య సమస్యల నుంచి ఉపశమనం కూడా తప్పకుండా కలుగుతుంది.. కార్యాలయంలో కొత్త బాధ్యతలు పెరగడంతో పాటు, అదనపు ఆదాయ వనరులు లభిస్తాయి.. ఈ కాలంలో కుటుంబ సభ్యుల పూర్తి సహకారం మీకు లభిస్తుంది.

ధనుస్సు రాశి (Sagittarius):
సూర్య-చంద్రుల ఈ విశేష కలయిక ధనుస్సు రాశి వారికి అత్యంత లాభదాయకంగా ఉంటుందని జ్యోతిష్యులు తెలుపుతున్నారు. అదృష్టం మీకు వంద శాతం అండగా ఉండడం వల్ల జీవితంలోని వివిధ రంగాలలో విజయాలు సాధిస్తారు. ఆధ్యాత్మిక, ధార్మిక కార్యక్రమాలపై ఆసక్తి విపరీతంగా పెరుగుతుంది.. మీ సానుకూల ఆలోచనా విధానం జీవితంలో కీలక నిర్ణయాలు తీసుకోవడానికి ఎంతో సహాయపడుతుందని జ్యోతిష్యులు తెలుపుతున్నారు. ఈ యోగం ప్రభావంతో సుదూర ప్రయాణాలు చేసే అవకాశం కూడా కనిపిస్తుంది. విద్యార్థులకు ఈ సమయం చాలా అనుకూలంగా ఉంటుంది.. పరీక్షల్లో ఉత్తమ ఫలితాలు సాధిస్తారు. పాత పెట్టుబడుల నుంచి భారీగా లాభాలు చేకూరే అవకాశం ఉంది.