New Mi Power Bank Price:  ప్రముఖ దిగ్గజ టెక్ సంస్థ షావోమి (Xiaomi) భారతీయ వినియోగదారుల కోసం ఒక శక్తివంతమైన, అత్యంత అద్భుతమైన పవర్ బ్యాంక్‌ను మార్కెట్‌లోకి విడుదల చేసింది. Xiaomi Power Bank 5i 20000mAh పేరుతో ఈ పవర్‌బ్యాంక్‌ జూలై 23న భారతదేశంలో అధికారికంగా లాంచ్‌ అయ్యింది. అత్యంత భారీ బ్యాటరీ కెపాసిటీతో పాటు వేగవంతమైన ఛార్జింగ్ టెక్నాలజీతో కూడిన ఈ పవర్ బ్యాంక్ స్మార్ట్‌ఫోన్లతో పాటు ల్యాప్‌టాప్‌లను కూడా ఛార్జ్ చేసే ప్రత్యేకమైన సామర్థ్యం కలిగి ఉంటుందని కంపెనీ తెలిపింది. 

67W ఫాస్ట్ ఛార్జింగ్ సపోర్ట్..
ఈ కొత్త పవర్ బ్యాంక్ ప్రధాన ఆకర్షణ దీని 67W టర్బో ఫాస్ట్ ఛార్జింగ్ (Turbo Fast Charging) సపోర్ట్‌గా భావించవచ్చు.. ఇది స్మార్ట్‌ఫోన్లు మాత్రమే కాకుండా టైప్-సి (USB-C) పోర్ట్ ఉన్న ల్యాప్‌టాప్‌లతో పాటు టాబ్లెట్‌లను అత్యంత వేగంగా ఛార్జ్ చేస్తుందని కంపెనీ తెలిపింది.. షావోమి 15 స్మార్ట్‌ఫోన్‌ను కేవలం 30 నిమిషాల్లో 67 శాతం వరకు ఛార్జ్ చేస్తుందని కంపెనీ స్పష్టం తెలిపింది. అంతేకాకుండా, యాపిల్ ఐఫోన్ 15తో పాటు ఐఫోన్ 16 సిరీస్, ఆండ్రాయిడ్ ఫోన్‌లకు ఎంతగానో సహాయపడుతుంది.

డిజిటల్ డిస్‌ప్లే..
ఈ పవర్ బ్యాంక్‌లో వైర్లు వెతుక్కోవాల్సిన అవసరం లేకుండా.. ఇన్‌బిల్ట్ USB-C కేబుల్‌ను కూడా అందిస్తోంది.. అత్యంత అద్భుతమైన టీపీయూ (TPU) మెటీరియల్‌తో తయారైన ఈ కేబుల్.. సులభంగా పట్టుకోవడానికి ల్యాన్యార్డ్ (Lanyard)గా కూడా వినియోగించవచ్చు.. ఇందులో ఉన్న డిజిటల్ డిస్‌ప్లే స్క్రీన్, బ్యాటరీ శాతం ఎంత ఉందో సులభంగా తెలుసుకోవచ్చు.

ఒకేసారి మూడు డివైజ్‌లకు ఛార్జింగ్ సపోర్ట్‌..
ఈ పవర్ బ్యాంక్‌లో మూడు పోర్టులు ఇన్‌బిల్ట్ USB-C కేబుల్, వేరే USB-C పోర్ట్‌తో పాటు ఒక USB-A పోర్ట్‌లు లభిస్తున్నాయి. దీని ద్వారా ఒకేసారి మూడింటిన్నీ ఛార్జ్ చేసుకునే సపోర్ట్‌ లభిస్తుంది. అలాగే స్మార్ట్ వాచ్‌లతో పాటు బ్లూటూత్ ఇయర్ బడ్స్ వంటి చిన్న పరికరాలను ఛార్జ్ చేయడానికి ప్రత్యేకమైన లో-కరెంట్ (Low-current) మోడ్ సపోర్ట్ కూడా అందుబాటులో ఉంది..

ఈ పవర్ బ్యాంక్‌ను రీఛార్జ్ చేయడానికి కూడా 65W ఫాస్ట్ ఇన్‌పుట్ సపోర్ట్ లభిస్తుంది. దీనివల్ల కేవలం 2.5 గంటల్లోనే పవర్ బ్యాంక్ పూర్తి స్థాయిలో ఛార్జ్ అవుతుందని కంపెనీ తెలిపింది. అంతేకాకుండా దీని ఎనర్జీ రేటింగ్ 74.37Whగా ఉండడం వల్ల అంతర్జాతీయ విమాన ప్రయాణాలు చేసే క్రమంలో కూడా సులభంగా క్యారీ చేయోచ్చు. కాబట్టి ప్రయాణాల్లో హ్యాండ్ లగేజీగా ఎలాంటి ఇబ్బంది లేకుండా తీసుకెళ్లవచ్చని కంపెనీ తెలిపింది.

Bhogapuram Airport Slogan News: విజయనగరం జిల్లాలో నిర్మించిన 'అల్లూరి సీతారామరాజు అంతర్జాతీయ విమానాశ్రయం' (భోగాపురం ఎయిర్‌పోర్ట్) ప్రారంభోత్సవానికి సర్వం సిద్ధమవుతోంది. ఆగస్టు 1న ప్రధానమంత్రి నరేంద్ర మోదీ చేతుల మీదుగా ఈ విమానాశ్రయాన్ని ప్రారంభించేందుకు ఏపీ ప్రభుత్వం వేగంగా ఏర్పాట్లు చేస్తోంది. ఈ సందర్భంగా విజయనగరం జిల్లా కలెక్టర్ రాంసుందర్ రెడ్డి విద్యార్థుల కోసం ఒక విశేషమైన పోటీని ప్రకటించారు. ఎయిర్‌పోర్ట్ ప్రాముఖ్యతను తెలుపుతూ ఆకట్టుకునే తెలుగు స్లోగన్ రూపొందించిన విద్యార్థికి రూ.1,00,000 (రూ.లక్ష) నగదు బహుమతి అందజేయనున్నట్లు తెలిపారు.

పోటీ వివరాలు & దరఖాస్తు విధానం..
అర్హత: 6వ తరగతి నుండి డిగ్రీ వరకు చదువుతున్న విద్యార్థులు మాత్రమే పాల్గొనడానికి అర్హులు.

కంటెంట్ శైలి: స్లోగన్ కేవలం తెలుగులో మాత్రమే ఉండాలి. ఇది ఉత్తరాంధ్ర అభివృద్ధి, విమానాశ్రయ ప్రాముఖ్యత, భవిష్యత్తు ఆశయాలను ప్రతిబింబించేలా ఉండాలి.

చివరి తేదీ: జులై 25, సాయంత్రం 5:00 గంటల లోపు పంపాల్సి ఉంటుంది.

సబ్‌మిషన్ వివరాలు: మీ స్లోగన్‌తో పాటు పేరు, చదువు, చిరునామా, మొబైల్ నంబర్‌లను జత చేసి క్రింది మార్గాల ద్వారా పంపవచ్చు.

వాట్సాప్ నంబర్: 9440749687

Nokia 123 Shield Phone Launch Soon: మొబైల్ దిగ్గజ బ్రాండ్ నోకియా హెచ్‌ఎమ్‌డీ (HMD Global) మార్కెట్లోకి సరికొత్త ఫీచర్ ఫోన్‌ను అందుబాటులోకి తీసుకువచ్చింది.. నోకియా 123 షీల్డ్ (Nokia 123 Shield) పేరుతో అత్యంత ధృడమైన డిజైన్‌తో ఈ ఫోన్‌ను ప్రపంచ మార్కెట్‌లో విడుదల చేసింది. ఇది చూడడానికి చాలా ప్రీమియంగా కనిపిస్తుంది. అంతేకాకుండా ఎంతో అద్భుతంగా ఉంటుంది. అలాగే ఇందులో ధూళి, వాటర్‌, సెక్యూరిటీని అందించే ప్రత్యేక రేటింగ్‌తో పాటు భారీ బ్యాటరీ లైఫ్‌ను అందించేలా దీనిని తయారు చేశారు. అయితే, దీనికి సంబంధించిన పూర్తి వివరాలు ఇప్పుడు మనం తెలుసుకుందాం..

అత్యంత ధృడమైన డిజైన్..
పేరుకు తగ్గట్టుగానే.. ఈ ఫోన్ ఎంతో పటిష్టమైన బాడీ మెకింగ్‌తో అందుబాటులోకి వచ్చింది. కఠినమైన పరిస్థితుల్లో కూడా పాడవ్వకుండా.. పనిచేసేలా దీనికి IP65 రేటింగ్ అందించిన్నట్లు కంపెనీ తెలిపింది.. అంటే ధూళితో పాటు దుమ్ము, వర్షపు నీరు లేదా నీటి చుక్కలు పడినా ఈ ఫోన్ ఏమాత్రం పాడు కాకుండా ఉంటుంది. పొలం పనులు చేసేవారు.. ప్రయాణాలు ఎక్కువ చేసేవారు, రఫ్ వాడకం కోరుకునే వారికి ఇది సరైనదిగా భావించవచ్చు..

19 రోజుల బ్యాటరీ బ్యాకప్..
ఈ ఫోన్ ప్రధాన ఆకర్షణ దీని బ్యాటరీ సామర్థ్యమే.. ఇందులో 1,750 mAh సామర్థ్యం గల శక్తివంతమైన బ్యాటరీని అందించారు. ఒక్కసారి ఛార్జ్ చేస్తే ఏకంగా 19 రోజుల పాటు స్టాండ్‌బై అందిస్తుందని కంపెనీ క్లైమ్‌ చేస్తోంది. అంతేకాకుండా నిరంతరాయంగా 27.9 గంటల పాటు మాట్లాడే సామర్థ్యాన్ని కూడా అందిస్తోంది.. ఆధునిక USB Type-C పోర్ట్‌ను అందించడమే కాకుండా వేగవంతమైన ఛార్జింగ్ చేసుకునే ప్రత్యేకమైన సదుపాయం కూడా అందుబాటులో ఉంది.

డిస్‌ప్లే, ప్రాసెసర్ స్పెసిఫికేషన్లు
ఈ మొబైల్ 2.4-అంగుళాల క్యూవీజీఏ (QVGA) డిస్‌ప్లేను కలిగి ఉంటుందని కంపెనీ తెలిపింది. అంతేకాకుండా 320x240 పిక్సెల్స్ రెసల్యూషన్‌తో అందుబాటులోకి వచ్చింది. ఇది యూనిసోక్ (Unisoc SC6531E) ప్రాసెసర్‌పై ఇది పనిచేస్తుంది. ఇందులో 4MB ర్యామ్, 4MB ఇంటర్నల్ స్టోరేజ్ అందుబాటులో ఉన్నట్లు తెలుస్తోంది.. మైక్రో ఎస్‌డీ కార్డ్ స్లాట్ ద్వారా స్టోరేజ్‌ను 32GB వరకు పెంచుకునే సదుపాయం ఉంది.

కెమెరాతో పాటు ఇతర ఫీచర్లు..
నోకియా 123 షీల్డ్ ఫోన్‌లో వెనుక వైపు LED ఫ్లాష్‌తో కూడిన కెమెరా కూడా అందుబాటులో ఉన్నట్లు తెలుస్తోంది.. చీకటి సమయంలో ఇది టార్చ్ లైట్‌లా కూడా అద్భుతంగా ఉపయోగపడుతున్నట్లు కంపెనీ తెలిపింది.. వీటితో పాటు వైర్‌లెస్ ఎఫ్‌ఎమ్ రేడియో, 3.5mm ఆడియో జాక్, బ్లూటూత్ (Bluetooth) కనెక్టివిటీ ఫీచర్స్‌ కూడా లభిస్తున్నాయి. ఈ ఫోన్ మందం 15 మిల్లీమీటర్లు కాగా.. బరువు కేవలం 108 గ్రాములు మాత్రమే ఉంటుంది.

August Lucky Zodiac Signs: అతి త్వరలోనే ఆగస్టు నెల మొదలు కాబోతోంది. జ్యోతిష్య శాస్త్రం ప్రకారం.. ఈ నెల చాలా ప్రత్యేకమైనదిగా భావిస్తారు. ఈ నెలలో సూర్యుడు, కుజుడితో పాటు బుధుడు, చంద్రుడు, శుక్రుడు, రాహువు అనే ఆరు ప్రధాన గ్రహాలు తమ స్థానాలను మార్చుకోనున్నాయి. ఈ పెద్ద గ్రహ సంచారాలు 12 రాశుల వారి జీవితాలపై ప్రత్యక్ష ప్రభావం చూపుతాయని జ్యోతిష్యులు తెలుపుతున్నారు. ఈ 31 రోజులలో ముఖ్యంగా ఐదు రాశుల వారి అదృష్టం ఊహించని స్థాయిలో లభించబోతోంది.. చాన్నాళ్లుగా నిలిచిపోయిన పనులు పూర్తవ్వడమే.. కాకుండా ఉద్యోగం, వ్యాపారాల్లో వీరు అద్భుతమైన పురోగతి లభించే అవకాశాలు కూడా కనిపిస్తున్నాయి.. ఆ అదృష్ట రాశులేవో ఇప్పుడు మనం తెలుసుకుందాం.

ఆగస్టులో గోల్డెన్ టైమ్ పొందే అదృష్ట రాశులు ఇవే..
మేష రాశి (Aries)
మేష రాశి వారికి ఆగస్టు నెల ఎంతో అద్భుతంగా ఉండబోతోందని జ్యోతిష్యులు తెలుపుతున్నారు. ఉద్యోగస్తులకు తమ పైఅధికారులు, బాస్ నుండి పూర్తి సహకారం లభించే అవకాశాలు కూడా కనిపిస్తున్నాయి. వ్యాపారస్తులకు అద్భుతమైన అవకాశాలు కూడా కలుగుతాయి. ఉద్యోగంలో ప్రమోషన్స్‌ లభించే బలమైన అవకాశాలు ఉన్నాయి.

తులా రాశి (Libra)
తులా రాశి వారు ఈ నెలలో ప్రతి రంగంలోనూ సానుకూల ఫలితాలను పొందుతారు. చదువులో, పోటీ పరీక్షలకు సిద్ధమవుతున్న అభ్యర్థులకు శుభవార్తలు కూడా సులభంగా అందుకుంటారు. మీ కష్టానికి తగిన ప్రతిఫలం లభించి.. కుటుంబంలో ఆనందోత్సవాల వాతావరణం నెలకొంటాయని జ్యోతిష్యులు తెలుపుతున్నారు. అంతేకాకుండా ఆర్థికంగా ఉన్న సమస్యలు కూడా పరిష్కారం కాబోతున్నాయి.

సింహ రాశి (Leo)
సింహ రాశి వారికి ఈ నెల అత్యంత శుభప్రదంగా ఉండబోతోంది.. పని ప్రదేశంలో సహోద్యోగుల నుంచి పూర్తి సపోర్ట్ లభించి.. కెరీర్‌లో పురోగతి వేగంగా లభించే ఛాన్స్‌లు కూడా కనిపిస్తున్నాయి. పాత మిత్రులను కలవడం వల్ల మనస్సు సంతోషంగా కూడా మారుతుంది.. విద్యార్థులకు కూడా ఈ సమయం చాలా అనుకూలంగా ఉండే ఛాన్స్‌లు కూడా కనిపిస్తున్నాయి.

కుంభ రాశి (Aquarius)
కుంభ రాశి వారికి ఈ నెల పెద్ద ఊరటను అందిస్తుంది. చాలా కాలంగా నిలిచిపోయిన పనులు నెమ్మదిగా పూర్తి కావడం ప్రారంమవుతాయి. జీవన భాగస్వామి నుంచి పూర్తి సహకారం లభించి బంధం బలపడుతుంది. ఈ సమయంలో ఆహ్లాదకరమైన దూర ప్రయాణాలు చేసే అవకాశాలు కూడా ఉన్నాయి..

వృశ్చిక రాశి (Scorpio)
వృశ్చిక రాశి వారికి ఈ సమయం ఎంతో ఫలప్రదంగా ఉంటుందని జ్యోతిష్యులు తెలుపుతున్నారు. దాంపత్య జీవితం మరింత మధురంగా మారబోతోంది. కుటుంబ సభ్యులతో నాణ్యమైన సమయాన్ని గడిపే అవకాశాలు కూడా కనిపిస్తున్నాయి. మానసిక ప్రశాంతత లభించి.. రోజులు ప్రశాంతంగా ముందుకు సాగుతాయి.

Saturn Retrograde 2026 Effect On Zodiac: నవగ్రహాల్లో న్యాయాధిపతిగా భావించే.. శనిదేవుడి గమనంలో కీలక మార్పు జరగబోతోంది.. 2026 జూలై 27న శని గ్రహం మీన రాశిలో వక్ర గమనం ప్రారంభమవుతుంది. ఈ వక్ర సంచారం డిసెంబర్ 11 వరకు సుదీర్ఘ కాలం పాటు కొనసాగుతుందని జ్యోతిష్యులు తెలుపుతున్నారు. మరోవైపు, జూలై 30 నుంచి పవిత్ర శ్రావణ మాసం ప్రారంభం కాబోతోంది.. శ్రావణ మాసంలో శని వక్ర గమనం చేపట్టడం జ్యోతిష్య శాస్త్ర రీత్యా ఎంతో ప్రాధాన్యత సంతరించుకుందని నిపుణులు చెబుతున్నారు. ఈ సమయంలో నాలుగు రాశుల వారు ఉద్యోగం, వ్యాపారం, ఆరోగ్యం, ఆర్థిక వ్యవహారాల్లో అత్యంత జాగ్రత్తగా ఉండాల్సి ఉంటుందని జ్యోతిష్యులు తెలుపుతున్నారు. అంతేకాకుండా కొన్ని సందర్భాల్లో తప్పకుండా ఓర్పుతో వ్యవహరించడం చాలా మంచిది. అయితే, ఈ సమయంలో ఏయే రాశులవారు తప్పకుండా జాగ్రత్తగా ఉండాల్సి ఉంటుందో ఇప్పుడు తెలుసుకుందాం. 

మేష రాశి:
మేష రాశి వారికి శని వక్రగమనంలో వెళ్లడం కారణంగా వృత్తి, ఉద్యోగ రంగాల్లో తీవ్రమైన పని ఒత్తిడి పెరుగుతుందని జ్యోతిష్యులు తెలుపుతున్నారు. హఠాత్తుగా అదనపు బాధ్యతలు భుజాన పడటం వల్ల తీవ్ర సమస్యలు ఎదుర్కోవాల్సి ఉంటుంది. కార్యాలయంలో ఉన్నతాధికారులతో అభిప్రాయ భేదాలు తలెత్తే సూచనలు కనిపిస్తున్నాయి.. వ్యాపారస్తులు ఈ సమయంలో కొత్తగా పెట్టుబడులు పెట్టడం శ్రేయస్కరం కాదని నిపుణులు సూచిస్తున్నారు. పెట్టిన పెట్టుబడులు లేదా రావాల్సిన డబ్బులు నిలిచిపోయే ఛాన్స్‌లు కనిపిస్తున్నాయి. అనవసర వాదనలకు, తగాదాలకు దూరంగా ఉండాల్సి ఉంటుంది..

కర్కాటక రాశి: 
కర్కాటక రాశి జాతకులకు ఈ కాలం ఆర్థిక, కుటుంబ పరంగా కొన్ని ప్రతికూల ఫలితాలను అందించే అవకాశాలు ఉన్నట్లు నిపుణులు తెలుపుతున్నారు. ఊహించని రీతిలో ఖర్చులు పెరిగి బడ్జెట్ తలకిందులవుతుందని నిపుణులు చెబుతున్నారు. కుటుంబ సభ్యుల మధ్య మనస్పర్థలు.. మానసిక ఆందోళనలు పెరిగే సూచనలు కనిపిస్తున్నాయి. ఆరోగ్య విషయంలో ఏమాత్రం నిర్లక్ష్యం వహించవద్దు. ముఖ్యంగా వాహనాలు నడిపేటప్పుడు అత్యంత జాగ్రత్తగా ఉండాలని నిపుణులు సూచిస్తున్నారు..

మకర రాశి: 
శని అధిపతిగా ఉన్న మకర రాశి వారికి ఈ వక్ర గమనం వ్యాపార రీత్యా కష్టకాలాన్ని అందిస్తుందని జ్యోతిష్యులు తెలుపుతున్నారు. లాభదాయకంగా కనిపిస్తున్న ఒప్పందాలు కూడా చివరి నిమిషంలో చేతిదాటిపోయే ప్రమాదం ఉందని నిపుణులు చెబుతున్నారు. భాగస్వామ్య వ్యాపారాలలో విభేదాలు వచ్చే అవకాశం ఉంది. ఎవరికీ అప్పులు ఇవ్వకూడదని నిపుణులు తెలుపుతున్నారు. మాట్లాడేటప్పుడు మాట తీరుపై నియంత్రణ అవసరం. ప్రతి ఆర్థిక నిర్ణయాన్ని ఒకటికి రెండుసార్లు ఆలోచించి తీసుకోవడం మేలని జ్యోతిష్యులు చెబుతున్నారు.

మీన రాశి: 
శని మీన రాశిలోనే వక్ర గమనం చేయడం వల్ల ఈ రాశి వారిపై ప్రభావం కాస్త ఎక్కువగా ఉండే అవకాశం ఉందని జ్యోతిష్యులు చెబుతున్నారు. చేతికి అందివచ్చిన ప్రాజెక్ట్‌లు చివరి క్షణంలో నిలిచిపోవడం తీవ్ర నిరాశకు గురిచేస్తాయి. ఊహించని భయాలు, నిద్రలేమి, మానసిక అశాంతి వంటి సమస్యలు ఎదురవుతాయి. కోర్టు, చట్టపరమైన వ్యవహారాలకు సాధ్యమైనంత వరకు దూరంగా ఉండటం శ్రేయస్కరం.. ఈ సమయంలో ఆర్థికండా కూడా చాలా జాగ్రత్తగా ఉండాల్సి ఉంటుంది.

Shadashtak Yoga 2026 Effect On Zodiac: జ్యోతిష్య శాస్త్రంలో గ్రహాల గమనాలతో పాటు వాటి దృష్టికి ఎంతో ప్రత్యేకమైన ప్రాముఖ్యత ఉంటుంది.. ముఖ్యంగా జూలై 23వ తేది వీటికి చాలా ప్రత్యేకమైనదిగా భావించవచ్చు. ఈ సమయంలో ఎంతో శక్తివంతమైన గ్రహం కదలికలు జరిగాయి. సంపద, వైభవం, సౌందర్యానికి కారకుడైన శుక్రుడు.. న్యాయానికి, కర్మఫలానికి అధిపతియైన శని గ్రహం ఒకదానికి ఒకటి.. 150 డిగ్రీల కోణంలోకి రాబోతున్నాయి. దీని కారణంగా షడాష్టక దృష్టి యోగం ఏర్పడుతోందని జ్యోతిష్యులు తెలుపుతున్నారు..

సాధారణంగా జ్యోతిష్య నిపుణులు షడాష్టక యోగాన్ని ప్రతికూలంగా భావిస్తారు. అయితే, శని, శుక్ర గ్రహాల మధ్య స్నేహభావం ఉండడం వల్ల.. ఈ అరుదైన యోగం ప్రతికూలతలకు బదులుగా అపారమైన శుభ ఫలితాలను అందిస్తుంది.. ముఖ్యంగా ఈ సమయంలో కొన్ని రాశులవారికి ఈ రోజు నుండి అదృష్టం లభించి.. ఆర్థిక సమస్యలు పూర్తిగా తొలగిపోతాయి. అంతేకాకుండా దీర్ఘకాలిక సమస్యలు కూడా తొలగిపోతాయి.

ఈ రాశులవారికి బంపర్ జాక్‌ఫాట్..
వృషభ రాశి
వృషభ రాశికి అధిపతి శుక్రుడే కావడం వల్ల ఈ రాశి వారికి రాజయోగం పడుతుందని జ్యోతిష్యులు తెలుపుతున్నారు. ఉద్యోగంలో ఊహించని పురోగతి లభిస్తుంది. పైఅధికారులతో సంబంధాలు కూడా మెరుగుపడతాయి.. పదోన్నతి లభించే అవకాశాలు మెండుగా ఉన్నాయి. అకస్మాత్తుగా ధనలాభం కలిగి ఆర్థిక ఇబ్బందులు తొలగిపోతాయని జ్యోతిష్యులు తెలుపుతున్నారు. భోగభాగ్యాలు పెరిగి జీవితం సౌకర్యవంతంగా మారుతుంది.

మిథున రాశి
దీర్ఘకాలంగా పెండింగ్‌లో ఉన్న పనులన్నీ ఈ యోగ ప్రభావంతో సజావుగా పూర్తవుతాయని జ్యోతిష్యులు చెబుతున్నారు.. వ్యాపార రంగంలో ఉన్నవారికి ఆశించిన దానికంటే ఎక్కువ లాభాలు వస్తాయి. కొత్త ఆదాయ మార్గాలు లభించి.. ఆర్థిక సంక్షోభం నుంచి విముక్తి కలుగుతుంది.. కుటుంబంలో ప్రశాంతత నెలకొంటుందని జ్యోతిష్యులు తెలుపుతున్నారు.

తులా రాశి
తులారాశి వారికి నేటి నుంచి సువర్ణ కాలం మొదలవుతుంది.. అదృష్టం పూర్తిగా మీ వైపే ఉంటుందని జ్యోతిష్యులు తెలుపుతున్నారు. చేపట్టిన ప్రతి పనిలోనూ విజయం కలుగుతుంది. సమాజంలో హోదా.. గౌరవ ప్రతిష్టలు విసరీతంగా పెరుగుతాయి. వ్యాపారాలు వేగంగా విస్తరిస్తారు. మీ సరైన ఆలోచనలు, నిర్ణయాలు మిమ్మల్ని ఉన్నత స్థానంలో నిలబెట్టే ఛాన్స్‌లు కూడా ఉన్నాయి.

మకర రాశి
మకర రాశి వారికి ఈ యోగం ఊహించని ధనయోగాన్ని అందిస్తుందని జ్యోతిష్యులు తెలుపుతున్నారు. ముఖ్యంగా పూర్వీకుల ఆస్తులు కలసిరావడం లేదా పాత పెట్టుబడుల నుంచి భారీగా లాభాలు రావడం ప్రారంభమవుతాయి. నాడీ సంబంధిత మానసిక ఒత్తిళ్లకు స్వస్తి చెప్పి.. ప్రశాంతంగా ఉండాల్సిన సమయమిది. అంతేకాకుండా అన్ని పనులు మీకు చాలా అనుకూలంగా మారుతాయి.

కుంభ రాశి
వృత్తి పరంగా కుంభ రాశి వారికి ఇది అత్యంత అనుకూలంగా ఉంటుందని జ్యోతిష్యులు తెలుపుతున్నారు. స్టాక్ మార్కెట్, షేర్లలో పెట్టుబడులు పెట్టిన వారికి మంచి లాభాలు కలుగుతాయి. వ్యాపారంలో కొత్త ప్రాజెక్టులు చేతికి అందుతాయని జ్యోతిష్యులు తెలుపుతున్నారు. ఎప్పటినుంచో వేధిస్తున్న అనేక సమస్యలు సులభంగా తొలగిపోతాయి..

Ayesha Khan Arrested: ఇటీవలే విడుదలైన 'ధురందర్' సినిమాతో పాటు తెలుగులో 'ఓం భీమ్ బుష్' చిత్రంలో తెలుగులో మంచి గుర్తింపు తెచ్చుకున్న నటి అయేషా ఖాన్. తాజాగా ఈమెను ముంబై పోలీసులు అదుపులోకి తీసుకోవడం తీవ్ర కలకలం రేపింది. ఈ ఘటనకు సంబంధించిన వివరాలను అయేషా స్వయంగా తన ఇన్‌స్టాగ్రామ్ స్టోరీస్ ద్వారా అభిమానులతో పంచుకున్నారు.

తనను పోలీసులు వ్యాన్‌లోకి ఈడ్చుకెళ్లి ఎక్కించారని ఆవేదన వ్యక్తం చేస్తూ "నేను ఎలాంటి నినాదాలు చేయలేదు, ఏ నిరసనలోనూ పాల్గొనలేదు. కేవలం శాంతియుతంగా రోడ్డుపై నిలబడి ఉన్నాను. మరి నన్నెందుకు అరెస్టు చేశారు?" అని ఆమె పోలీసుల చర్యను ప్రశ్నించారు.

ఘటనకు సంబంధించిన ముఖ్యాంశాలు..
రోడ్డుపై ప్రశాంతంగా నిలబడి ఉన్నప్పటికీ తనను అదుపులోకి తీసుకున్నారని, తీవ్ర భయాందోళనకు గురికావడంతో తన చేతులు వణుకుతున్నాయని అయేషా వీడియోలో తెలిపారు. మొదట పోలీసులు తన సోదరుడిని, స్నేహితులను అదుపులోకి తీసుకోవడంతోనే తాను రోడ్డుపై వేచి ఉన్నానని, అసలు గొడవకే దిగనప్పుడు ఏ ప్రాతిపదికన అరెస్టు చేశారని నిలదీశారు.

నలుగురు మహిళా పోలీసులు తనను బలవంతంగా వ్యాన్‌లోకి లాక్కెళ్లారని ఆరోపించారు. తాము ఐదుగురి కంటే ఎక్కువ మంది లేమని, అలాంటప్పుడు ట్రాఫిక్‌కు అంతరాయం కలిగించారనే నెపంతో కేసు పెట్టడం సరికాదని వాపోయారు. ఎక్కడికి తీసుకెళ్తున్నారో చెప్పాలని అడిగినా అధికారులు సమాధానం ఇవ్వలేదని చెప్పారు.

పోలీసు వ్యాన్ లో విద్యార్థుల ఆందోళన
ఆయేషా షేర్ చేసిన వీడియోల్లో ఆమెతో పాటు కొందరు విద్యార్థులు కూడా పోలీసు వ్యాన్‌లో కనిపించారు. ఎలాంటి కారణం లేకుండానే తమను పట్టుకున్నారని ఒక విద్యార్థి ఆవేదన వ్యక్తం చేశాడు. తనకు గణితం ప్రాక్టికల్ పరీక్ష ఉందని, సమయానికి వెళ్లకపోతే తన భవిష్యత్తు దెబ్బతింటుందని వాపోయాడు. విద్యార్థుల పట్ల పోలీసులు ప్రవర్తించిన తీరుపై కూడా అయేషా తీవ్ర ఆగ్రహం వ్యక్తం చేశారు.

బుల్లితెర రియాలిటీ షోలు, మ్యూజిక్ వీడియోల ద్వారా క్రేజ్ సంపాదించిన అయేషా ఖాన్.. 'ధురందర్' చిత్రంతో మరింత పాపులర్ అయ్యారు. ఈ ఘటనతో ఆమె అభిమానులు, సోషల్ మీడియా నెటిజన్లు ముంబై పోలీసుల ప్రవర్తనపై విమర్శలు గుప్పిస్తూ వివరణ కోరుతున్నారు. అయితే, ఈ ఆరోపణలపై గానీ, ఆమెను అదుపులోకి తీసుకోవడానికి గల కారణాలపై గానీ ముంబై పోలీసుల నుండి ఇప్పటివరకు ఎటువంటి అధికారిక ప్రకటన వెలువడలేదు.

Boycott by Telangana Teachers  Associations: గత కొన్ని దశాబ్దాలుగా ఉపాధ్యాయుల హక్కుల కోసం పోరాడుతున్నామని.. చెప్పుకుంటున్న సంఘాలకు ఇప్పుడు సొంత సభ్యుల నుంచే ఊహించని పరిణామాలు ఎదురవుతున్నాయి. మీ సంఘాలు మాకు వద్దు.. మీ సభ్యత్వం అసలే వద్దు అటూ ప్రభుత్వ పాఠశాలల టీచర్లు బాహాటంగానే తిరుగుబాటు బావుటాను ఎగురవేస్తున్నారు. ఇక నుంచి ఏ సంఘానికి వార్షిక సభ్యత్వం ఫీజులు చెల్లించమంటూ పాఠశాలల వారీగా ఏకగ్రీవ తీర్మానాలు చేస్తుండటం ఇప్పుడు సంచలనంగా మారింది. రాష్ట్రంలో దాదాపు 1.10 లక్షల మందికి పైగా ఉపాధ్యాయులున్నారు. వీరంతా పీఆర్టీయూ, యూటీఎఫ్, టీపీటీఎఫ్, ఎస్టీయూ, డీటీఎఫ్ వంటి వివిధ సంఘాల్లో సభ్యులుగా ఉన్నారు. ఏటా ఈ సంఘాలకు సభ్యత్వ రుసుము చెల్లిస్తూనే ఉన్నారు. కొంతకాలంగా ఉపాధ్యాయుల దీర్ఘకాలిక సమస్యల పరిష్కారంలో ఈ సంఘాలు పూర్తిగా విఫలమయ్యాయనే ఆరోపణలు బలంగా వినిపిస్తున్నాయి.

టీచర్లు లేవనెత్తుతున్న ప్రశ్నలు ఇవే:

• సుమారు ఆరు డీఏలు పెండింగ్ లో ఉన్నా ప్రభుత్వంపై ఒత్తిడి తెచ్చి సాధించడంలో సంఘాలు ఎందుకు వెనకబడి ఉన్నాయని ప్రశ్నిస్తున్నారు. కొత్త పీఆర్సీ ఫిట్మెంట్ విషయంలో ప్రభుత్వం నుంచి స్పష్టమైన హామీ పొందలేక పోవడం. కాంట్రిబ్యూటరీ పెన్షన్ స్కీమ్ (సీపీఎస్) రద్దు చేసి, ఓల్డ్ పెన్షన్ స్కీమ్ (ఓపీఎస్) పునరుద్ధరించాలనే ప్రధాన డిమాండ్ గాలికొదిలేశారా? అని యూనియన్ నేతలను ప్రశ్నిస్తున్నారు.

• క్షేత్రస్థాయిలో గట్టి పోరాటాలు చేయాల్సింది పోయి, కేవలం వినతిపత్రాలకే సంఘ నాయకులు పరిమితమవుతున్నారని టీచర్లు మండిపడుతున్నారు. మరికొందరేమే సొంత పైరవీలు చేసుకుంటున్నారని ఆరోపిస్తున్నారు. ఇటీవల వనపర్తి, మెదక్, ఆది లాబాద్ వంటి జిల్లాల్లోని కొన్ని ప్రభుత్వ పాఠశాలల్లో ఉపాధ్యాయులు సమావేశమై ఒక సంచలన నిర్ణయం తీసుకున్నారు. ఒకే స్కూల్లో వేర్వేరు సంఘాలకు చెందిన టీ చర్లు ఉన్నప్పటికీ, అందరూ ఏకతాటిపైకి వచ్చి.. ఏ సంఘానికీ చందా కట్టం అని తీర్మానించారు.

ఇతర శాఖల్లోనూ చర్చ:
ఒక పాఠశాలలో మొదలైన ఈ తీర్మానాల పరంపర ఇప్పుడు సోషల్ మీడియా వేదికగా రాష్ట్రమంతటా పాకుతోంది. ఒక స్కూల్ టీచర్లు చేసిన తీర్మానం కాపీలు చూ సి, ఇతర పాఠశాలల ఉపాధ్యాయులు కూడా అదే బాటలో నడిచేందుకు సిద్ధమవు తున్నారు. ఇది కేవలం ఉపాధ్యాయ రంగంతోనే ఆగిపోకుండా, ఇతర ప్రభుత్వశాఖల ఉద్యోగ సంఘాల్లోనూ కలవరం పుట్టిస్తోంది. సభ్యత్వ రుసుం నిలిపివేస్తే సంఘాల ఉనికికే ప్రమాదం ఏర్పడుతుందని నాయకులు ఆందోళన చెందుతున్నారు. సం ఘాల నాయకులు ప్రభుత్వం వద్ద తమ వ్యక్తిగత పనుల కోసం పాకులాడుతున్నారు తప్ప, సాధారణ ఉపాధ్యాయుడి కష్టాలను పట్టించుకోవడం లేదు అనేది మెజారిటీ టీ చర్ల వాదన. ఇప్పటికైనా సంఘాలు తమ పంథాను మార్చుకోవాల్సిన అవసరం ఎంతైనా ఉంది. 

Seediri Appalaraju Arrest: రోడ్డు ప్రమాదాన్ని కూడా రాజకీయ కక్షసాధింపు కోసం ఆయుధంగా మార్చుకునే స్థాయికి చంద్రబాబు ప్రభుత్వం నీచంగా దిగజారిపోయిందని మాజీ ముఖ్యమంత్రి వైఎస్‌ జగన్‌ మోహన్‌ రెడ్డి తీవ్ర ఆగ్రహం వ్యక్తం చేశారు. రోడ్డు ప్రమాదం ఘటనలో హత్యానేరం మోపడాన్ని తీవ్రంగా ఖండించారు. ఉత్తరాంధ్ర ప్రాంతానికి చెందిన బీసీ నాయకుడు సీదిరి అప్పలరాజు కుమారుడు బైక్‌ నడుపుతూ పొరపాటున రోడ్డు ప్రమాదానికి కారకుడు అయితే దీనిపై మాజీ మంత్రి అప్పలరాజు అరెస్ట్‌ చేయడం అన్యాయం అని ప్రకటించారు.

కుమారుడు చేసిన రోడ్డు ప్రమాదం కేసులో మాజీ మంత్రి సీదిరి అప్పలరాజును పోలీసులు అరెస్ట్‌ చేయడంపై 'ఎక్స్‌' వేదికగా వైఎస్సార్‌సీపీ అధినేత వైఎస్‌ జగన్‌ స్పందించారు. ఈ సందర్భంగా చంద్రబాబు ప్రభుత్వంపై తీవ్ర ఆగ్రహం వ్యక్తం చేశారు. 'రోడ్డు ప్రమాదానికి సంబంధించిన సెక్షన్లు కాకుండా.. హత్యానేరం అభియోగాలు మోపి పిల్లాడిని అరెస్టు చేసి రిమాండ్‌కు పంపారు. ఇప్పుడు అతడి తండ్రి అప్పలరాజుని కూడా అరెస్టు చేయడం చూస్తే, ఒక వైఎస్సార్‌సీపీ నాయకుడి కుటుంబాన్ని రాజకీయంగా వేధించడమే చంద్రబాబు లక్ష్యంగా మారింది' అని వైఎస్సార్‌సీపీ అధినేత వైఎస్‌ జగన్‌ విమర్శించారు. సీదిరి అప్పలరాజు చేసిన అసలు తప్పేమిటి? చంద్రబాబు ప్రభుత్వ అరాచకాలను ప్రశ్నించడమా? పలాస ప్రజల తరఫున నిలబడటమా? ఒక డాక్టర్‌గా మంచి పేరు సంపాదించి సేవ చేయడమా? అని చంద్రబాబుపై ప్రశ్నలు సంధించారు.

'రాజకీయ అజెండాను చంద్రబాబు ఎల్లో మీడియాతో  రాయించడం.. ఆ తర్వాత పోలీసులు దాన్ని కేసుగా మార్చడం, రాష్ట్రంలో అమలవుతున్న కొత్త చట్టవ్యవస్థ ఇదే. టీడీపీ నాయకులు, మంత్రులు, వారి కుటుంబ సభ్యులు, అనుచరులతో జరిగిన రోడ్డు ప్రమాదాలన్నింటికీ ఇదే వర్తింపజేస్తారా?' అని చంద్రబాబును మాజీ సీఎం వైఎస్‌ జగన్‌ ప్రశ్నించారు. టీడీపీ నాయకుడి కుటుంబ సభ్యుడు వాహనం నడుపుతూ ప్రమాదం చేశాడనే ఆరోపణలు వస్తే అతడిని.. వారి కుటుంబంలోని ఇతర సభ్యులను కూడా ఇలాగే అరెస్టు చేస్తారా? అని నిలదీశారు. ప్రభుత్వ వైఫల్యాలు, అవినీతి, ప్రజావ్యతిరేక నిర్ణయాలను ప్రశ్నిస్తున్న నాయకులను కేసుల్లో ఇరికించి వారి గొంతునొక్కాలన్నదే ఈ అరెస్టుల వెనుక కనిపిస్తున్న కుట్ర అని వైఎస్సార్‌సీపీ అధినేత వైఎస్‌ జగన్‌ ఆరోపణలు చేశారు.

Dharmendra Pradhan Resign: నీట్‌ పరీక్ష పేపర్‌ లీక్‌పై పోరాటం చేస్తు0న్న విద్యార్థులపై పోలీసులు అమానుషంగా లాఠీఛార్జ్‌ చేయడాన్ని కాంగ్రెస్‌ పార్టీ ఎంపీ రాహుల్‌ గాంధీ ఖండించారు. నరేంద్ర మోదీ అధికారంలోకి వచ్చాక దేశంలో 152 సార్లు పేపర్లు లీకేజ్‌లు జరిగాయని ప్రకటించారు. అన్ని సార్లు పేపర్‌ లీకేజీలు జరిగితే ఒక్కరికి కూడా శిక్ష పడలేదని చెప్పారు. నిరసనలు తప్ప విద్యార్థులు చేసిన నేరం ఏమిటని ప్రశ్నించారు. భారతదేశంలో విద్యా వ్యవస్థను మోదీ నాశనం చేశారని ఆరోపించారు. ఒత్తిడి తట్టుకోలేక విద్యార్థులు ఆత్మహత్య చేసుకున్నారని తెలిపారు. ఎన్డీఏ సర్కారు పబ్లిక్‌ సెక్టార్లను ప్రైవేటీకరిస్తోందని చెప్పారు.

నీట్‌ విద్యార్థుల కోసం న్యూఢిల్లీలో నిర్వహించిన సమావేశంలో లోక్‌సభ ప్రతిపక్ష నాయకుడు రాహుల్‌ గాంధీ కీలక సమావేశం నిర్వహించారు. ఈ సందర్భంగా జంతర్‌ మంతర్‌లో చోటుచేసుకున్న ఉద్రిక్తత పరిస్థితులు, లాఠీచార్జ్‌లపై వీడియోలు చూపించి పోలీసుల దమనకాండను ఖండించారు. అనంతరం రాహుల్‌ గాంధీ మాట్లాడుతూ.. దేశవ్యాప్తంగా విద్యార్థులు న్యాయం, జవాబుదారీతనం కోరుతూ తమ గళాన్ని వినిపిస్తున్నారని తెలిపారు. ఈ సందర్భంగా కేంద్ర ప్రభుత్వానికి మూడు డిమాండ్లు చేశారు.

రాహుల్‌ మూడు డిమాండ్లు
1. కేంద్ర విద్యాశాఖ మంత్రి ధర్మేంద్ర ప్రధాన్ వెంటనే రాజీనామా చేయాలి.
2. విద్యార్థులపై దాడి చేసిన ప్రతి ఒక్కరిపై కఠిన చర్యలు తీసుకుని బాధ్యులను శిక్షించాలి.
3. విద్యార్థులకు జరిగిన అన్యాయంపై ప్రధాని నరేంద్ర మోదీ బహిరంగంగా క్షమాపణ చెప్పాలి. 

మోదీ ప్రభుత్వం 152 ప్రశ్నపత్రాల లీకులు జరిగాయని.. వాటి వలన 7.5 కోట్ల మంది విద్యార్థులు ప్రభావితమయ్యారని కాంగ్రెస్‌ ఎంపీ రాహుల్‌ గాంధీ తెలిపారు. అయితే వీటిలో ఒక్కరికి కూడా శిక్ష పడలేదని చెప్పారు. నీట్‌ ప్రశ్నాపత్రం లీక్‌కు బాధ్యత వహిస్తూ కేంద్ర విద్యాశాఖ మంత్రి ధర్మేంద్ర ప్రధాన్‌ రాజీనామా చేయాలని డిమాండ్ చేశారు. విద్యార్థులపై దాడులకు పాల్పడిన వారిపై చర్యలు తీసుకోవాలని.. విద్యార్థులకు నరేంద్ర మోదీ క్షమాపణలు చెప్పాలని రాహుల్‌ చెప్పారు.

YS Jagan With Farmers: 'చంద్రబాబు పాలనలో అంతా దళారులదే రాజ్యం. ఏ పంటకూ గిట్టుబాటు ధర లేదు. ఆక్వాది అదే స్థితి. వ్యాపారులంతా సిండికేట్‌. ఎక్కడికక్కడ దోపిడీ పర్వం. సీజన్‌ ముగుస్తున్నా పొగాకు కొనుగోళ్లు లేవు. ఇప్పటి వరకు కొన్నది కేవలం 16.5 శాతమే' అని మాజీ సీఎం వైఎస్‌ జగన్‌ వెల్లడించారు. వైఎస్సార్‌సీపీ ప్రభుత్వంలో అత్యధికంగా కేజీ రూ.411. 2023–24లో సగటు ధర కేజీ రూ.289 పలికింది. అది అత్యుత్తమ ధర అని నాడు కేంద్రం రిపోర్ట్‌' అని వైఎస్‌ జగన్‌ గుర్తుచేశారు. పొగాకు రైతులకు అండగా, తోడుగా ఉంటామని హామీ ఇచ్చారు. పొగాకు రైతుల సమస్యలపై గట్టిగా పోరాడుతామని.. ఏపీ ప్రభుత్వంపై ఒత్తిడి తీసుకొస్తామని.. పొగాకు రైతులెవరూ ధైర్యం కోల్పోవద్దని రైతులకు మాజీ సీఎం వైఎస్‌ జగన్‌ భరోసా ఇచ్చారు.

తాడేపల్లిలోని వైఎస్సార్‌సీపీ కేంద్ర కార్యాలయంలో పొగాకు రైతులతో పార్టీ అధ్యక్షుడు, మాజీ ముఖ్యమంత్రి వైఎస్‌ జగన్‌మోహన్‌రెడ్డి సమావేశమయ్యారు. నెల్లూరు, ప్రకాశం, ఏలూరు, తూర్పుగోదావరి జిల్లాల పరిధిలో పొగాకు సాగు చేస్తున్న ముఖ్య రైతులు రైతుల అభిప్రాయాలు, వారి సమస్యలు తెలుసుకున్న అనంతరం మాజీ సీఎం వైఎస్‌ జగన్‌ కీలక ప్రసంగం చేశారు. సమస్యలపై పోరాడతామని, అండగా, తోడుగా ఉంటామని ఆయన పొగాకు రైతులకు భరోసా ఇచ్చారు.

రాష్ట్రంలో ప్రభుత్వ తీరుతో పొగాకు రైతులు తీవ్ర నష్టాల్లో ఉన్నారని, వారికి తాము అండగా, తోడుగా నిలుస్తామని, వారి సమస్యలపై పోరాడుతామని వైఎస్సార్‌సీపీ అధ్యక్షుడు వైఎస్‌ జగన్ ‌మోహన్ ‌రెడ్డి ప్రకటించారు. ఆ దిశలోనే 10 రోజుల్లో ఉమ్మడి పశ్చిమ గోదావరి జిల్లాలో పర్యటించి.. పొగాకు రైతులను కలుసుకోనున్నట్లు తెలిపారు. సీజన్‌ ముగుస్తున్నా ఇప్పటికీ పొగాకు కొనుగోళ్లు లేవని ఇప్పటివరకు 20 శాతం కొనుగోళ్లు కూడా జరగలేదని చెప్పారు.

'అసలు టుబాకో బోర్డు ఎందుకు పెట్టారు? రైతులకు మంచి జరగాలి అనే ఉద్దేశంతో వ్యాపారులను ఒక ప్లాట్‌ఫామ్‌ మీదకి తీసుకొచ్చి.. ఆ ప్లాట్‌ఫామ్‌లో వివిధ రకాల వ్యాపారులు పార్టిసిపేట్‌ చేస్తే, ఒక పోటీ వాతావరణం ఏర్పడుతుందని, తద్వారా రైతులకు మేలు జరుగుతుందనే ఉద్దేశంతో టుబాకో బోర్డు ఏర్పాటు జరిగింది' అని వైఎస్సార్‌సీపీ అధ్యక్షుడు వెఎస్‌ జగన్‌ తెలిపారు. 'చంద్రబాబు అధికారంలోకి వస్తూనే సిండికేట్‌లో అందరికీ కొమ్ములు వస్తాయి. సిండికేట్‌ మొత్తం ఏకమై చంద్రబాబునాయుడు చెప్పేది చెబుతూ ఉంటాడు. మనం చేసేది మనం చేస్తుంటాం అన్న ధైర్యంతో ఉంటారు. ఈ ఒక్క పంటే కాదు. ఏ పంట పరిస్థితి అయినా అంతే. దళారీలే వ్యవస్థను నడుపుతున్నారు' అని వైఎస్‌ జగన్‌ వివరించారు.

Seediri Appalaraju Arrested: వైఎస్సార్‌సీపీ నేత, ఆంధ్రప్రదేశ్ మాజీ మంత్రి సీదిరి అప్పలరాజును పోలీసులు అరెస్టు చేశారు. ఈ పరిణామంతో శ్రీకాకుళం జిల్లా కాశీబుగ్గలోని జీఎంఈ కాలనీలో ఉన్న ఆయన నివాసం వద్ద తీవ్ర ఉత్కంఠ వాతావరణం నెలకొంది. అరెస్ట్ ముందస్తు చర్యల్లో భాగంగా పోలీసులు ఆయన ఇంటి వద్ద భారీగా బలగాలను మోహరించారు.

అరెస్ట్‌కు నేపథ్యం
ఇటీవల సీదిరి అప్పలరాజు కుమారుడు ఆరవ్‌ వర్మ వేగంగా బైక్‌తో ఢీకొట్టడంతో దానయ్య అనే గొర్రెల కాపరి అక్కడికక్కడే మృతి చెందాడు. అయితే, ఈ ప్రమాద కేసు నుంచి తన కుమారుడిని రక్షించేందుకు మాజీ మంత్రి అప్పలరాజు కుట్ర పన్నినట్లు ఆరోపణలు వచ్చాయి.

అప్పలరాజుపై ప్రధాన ఆరోపణలు..
నేరం కప్పిపుచ్చే ప్రయత్నించిన నేపథ్యంలో నిజమైన నిందితుడైన తన కుమారుడు ఆరవ్‌ వర్మకు బదులుగా 'సిద్ధార్థ త్యాడి' అనే వ్యక్తిని నిందితుడిగా చూపించి జైలుకు పంపేందుకు ప్రయత్నించడం జరిగిందని ఆధారాలతో పోలీసులు సిద్ధమయ్యారు.

అలాగే ప్రమాదానికి కారణమైన బైక్‌ను దాచిపెట్టి, కేసు సంబంధిత ఆధారాలను మాయం చేసేందుకు సీదిరి అప్పలరాజు వర్గం యత్నించినట్లు తేలింది.

ప్రమాదం జరిగిన తర్వాత మృతుడి కుటుంబాన్ని ఒత్తిడి చేయడం సహా ఘటనలో మరణించిన దానయ్య కుటుంబాన్ని ప్రలోభాలకు గురిచేయడం వంటివి చేసినట్లు పోలీసులు ఆధారాలు సేకరించారు.

ఈ తీవ్ర ఆరోపణలపై విచారణ జరిపిన పోలీసులు, నిందితులను కాపాడేందుకు కుట్ర పన్నిన ఆధారాల ఆధారంగా సీదిరి అప్పలరాజుపై కేసు నమోదు చేసి, ఆయనను అదుపులోకి తీసుకున్నారు. ఈ వ్యవహారం ప్రస్తుతం శ్రీకాకుళం జిల్లా వ్యాప్తంగా తీవ్ర చర్చనీయాంశంగా మారింది.

Dharmendra Pradhan Resignation: కేంద్ర విద్యాశాఖ మంత్రి ధర్మేంద్ర ప్రధాన్ రాజీనామాకు సంబంధించి ఒక లేఖ సోషల్ మీడియాలో వైరల్ అవుతోంది. ఈ లేఖలో ఆయన కేంద్ర విద్యాశాఖ మంత్రి పదవికి రాజీనామా చేశారని అందులో పేర్కొన్నారు. అయితే ఈ వాదన తప్పుదోవ పట్టించేదని.. ధర్మేంద్ర ప్రధాన్ ఇంకా తన పదవికి రాజీనామా చేయలేదని ప్రభుత్వ వర్గాలు చెబుతున్నాయి.

ప్రస్తుతం, నీట్ పేపర్ లీక్ కేసు నేపథ్యంలో ఢిల్లీలోని జంతర్ మంతర్ వద్ద ప్రతిపక్ష పార్టీలు ఆందోళనను ఉధృతం చేశాయి. నిరసనకారులు కేంద్ర విద్యాశాఖ మంత్రి ధర్మేంద్ర ప్రధాన్ రాజీనామా చేయాలని డిమాండ్ చేస్తున్నారు. ఈ నిరసన సమయంలో ఆయన పేరుతో ఉన్న రాజీనామా లేఖగా భావిస్తున్న ఒకటి సోషల్ మీడియాలో వైరల్ అయింది. దీనిపై సోషల్ మీడియాలో అనేక వాదనలు జరుగుతున్నాయి.

వైరల్ అవుతున్న లేఖపై 2026 జూలై 21 తేదీ ఉంది. అది ప్రధానమంత్రికి ఉద్దేశించినట్లుగా కనిపిస్తోంది. పదేపదే పేపర్ లీకేజీ ఘటనల కారణంగా విద్యార్థులు పరీక్షా విధానంపై విశ్వాసం కోల్పోయారని, అందుకు నైతిక బాధ్యత వహిస్తూ రాజీనామా చేస్తున్నారని ఆ లేఖలో పేర్కొన్నారు. ఈ వైఫల్యానికి ప్రభుత్వ నాయకత్వాన్ని కూడా ఆ లేఖ బాధ్యురాలిగా పేర్కొంది.

అయితే, ఈ లేఖ ఆధారంగా ధర్మేంద్ర ప్రధాన్ రాజీనామాపై ఎలాంటి అధికారిక ప్రకటన వెలువడలేదు. ప్రధానమంత్రి కార్యాలయం, రాష్ట్రపతి భవన్ లేదా కేంద్ర ప్రభుత్వం నుండి అటువంటి రాజీనామాను ధృవీకరించలేదు. తాను రాజీనామా చేసినట్లు ధర్మేంద్ర ప్రధాన్ కూడా ఎలాంటి అధికారిక ప్రకటన జారీ చేయలేదు.

దీంతో సోషల్ మీడియాలో ప్రచారంలో ఉన్న లేఖ నకిలీదని లేదా తప్పుదోవ పట్టించేదని స్పష్టమవుతోంది. ఆందోళనల నేపథ్యంలో తప్పుడు సమాచారాన్ని వ్యాప్తి చేసి గందరగోళం సృష్టించే ప్రయత్నం జరుగుతుండవచ్చని అభిప్రాయపడుతున్నారు. ఇలాంటి వైరల్ పోస్టులను నమ్మే ముందు, అధికారిక ప్రభుత్వ ప్రకటనలు లేదా విశ్వసనీయ వార్తా సంస్థల నుండి సమాచారాన్ని సరిచూసుకోవాలని పౌరులకు విజ్ఞప్తి చేస్తున్నారు.

KT Rama Rao: అర్హులైన ఒక్క ఓటరు కూడా జాబితా నుంచి తొలగిపోకూడదని బీఆర్‌ఎస్‌ పార్టీ నాయకత్వానికి ఆ పార్టీ వర్కింగ్‌ ప్రెసిడెంట్‌ కేటీఆర్ సూచించారు. బూత్ స్థాయి వరకు సమన్వయంతో పనిచేయాలని పార్టీ శ్రేణులకు ఆదేశాలు ఇచ్చారు. జిల్లా, నియోజకవర్గ స్థాయిలో కార్యక్రమాల పురోగతిని నిరంతరం సమీక్షిస్తూ వెనుకబడిన ప్రాంతాలపై ప్రత్యేక దృష్టి పెట్టాలని ఆదేశించారు. నిజాయతీ కలిగిన ఓటర్లను లిస్ట్‌ నుంచి పోకుండా ఉండకూడదని పార్టీ సర్‌ కమిటీకి మాజీ మంత్రి కేటీఆర్‌ దిశానిర్దేశం చేశారు.

భారత రాష్ట్ర సమితి (బీఆర్ఎస్) పార్టీ వర్కింగ్ ప్రెసిడెంట్ కేటీఆర్ పార్టీ ఆధ్వర్యంలో ఏర్పాటు చేసిన ఎస్‌ఐఆర్ (SIR) కార్యక్రమాల పర్యవేక్షణ కమిటీతో బుధవారం హైదరాబాద్‌ నందినగర్‌లోని తన నివాసంలో సమీక్ష నిర్వహించారు. ఎమ్మెల్సీ ఎల్ రమణ ఆధ్వర్యంలోని కమిటీ రాష్ట్రవ్యాప్తంగా కొనసాగుతున్న ఎస్‌ఐఆర్ కార్యక్రమాల పురోగతి, క్షేత్రస్థాయిలో ఎదురవుతున్న సమస్యలను కేటీఆర్‌కు వివరించింది. ఈ సందర్భంగా సర్‌ కమిటీకి పార్టీ వర్కింగ్‌ ప్రెసిడెంట్‌ కేటీఆర్‌ కీలక ఆదేశాలు చేశారు.

రాష్ట్రంలో లక్షల మంది ఓటర్ల పూర్తి వివరాలు అందుబాటులో లేకపోవడంతో వారిలో చాలామందిని నోటీసులు జారీ చేసే విభాగంలో చేర్చారని మాజీ మంత్రి కేటీఆర్ పేర్కొన్నారు. అలాంటి ఓటర్లకు నోటీసులు అందిన వెంటనే పార్టీ శ్రేణులు వారికి అవసరమైన మార్గనిర్దేశం చేసి.. అర్హులైన వారి పేర్లు ఓటరు జాబితా నుంచి తొలగిపోకుండా చూడాలని పార్టీ నాయకత్వానికి సూచించారు. ఈ మొత్తం ప్రక్రియలో అర్హులైన ఒక్క ఓటరు కూడా మిస్ కాకూడదని.. అదే సమయంలో డూప్లికేట్ లేదా అనర్హ ఓటర్లు జాబితాలో ఉండకుండా చూడాలని పార్టీ వర్కింగ్‌ ప్రెసిడెంట్‌ కేటీఆర్ స్పష్టం చేశారు. 

ఆగస్టు 3వ తేదీ వరకు పార్టీ నాయకులు, కార్యకర్తలు పూర్తిస్థాయిలో సర్‌ ప్రక్రియలో నిమగ్నం కావాలని మాజీ మంత్రి కేటీఆర్‌ సూచించారు. ఆగస్టు 10వ తేదీన డ్రాఫ్ట్ ఓటరు జాబితా విడుదలైన తర్వాత అసలు పని ప్రారంభమవుతుందని తెలిపారు. డ్రాఫ్ట్‌ జాబితాలో పేర్లు ఉన్నవారు.. లేనివారిని క్షుణ్ణంగా పరిశీలించాలని చెప్పారు. డూప్లికేట్ ఓటర్ల తొలగింపు, అర్హులైన వారి పేర్ల నమోదు కోసం క్లెయిమ్స్ అండ్ అబ్జెక్షన్స్ ప్రక్రియపై ప్రత్యేక దృష్టి సారించాలని పార్టీ నాయకత్వానికి మాజీ మంత్రి కేటీఆర్‌ సూచించారు.