ట్రాన్స్పోర్ట్ కార్మికులకు లాభాల బోనస్ చెల్లించాలి- ఏఐటియుసి బెల్లంపల్లి రీజియన్ అధ్యక్షులు భోగె

సింగరేణి సంస్థ లాభాలు తేవడంలో ప్రత్యక్షంగా పరోక్షంగా పాలుపంచుకుంటున్న డ్రైవర్లు, క్లీనర్లు, గుమస్తాలకు సంస్థ లాభాల్లో వాటా రూపాయలు 5500 వెంటనే చెల్లించాలని ఏఐటియుసి బెల్లంపల్లి రీజియన్ అధ్యక్షులు భోగె. ఉపేందర్ డిమాండ్ చేశారు. మంగళవారం ట్రాన్స్పోర్ట్ కార్మికులతో కలిసి స్థానిక జీఎం కార్యాలయంలో వినతి పత్రం ఇచ్చిన అనంతరం ఆయన మాట్లాడారు. గతంలో కంటి తుడుపు చర్యగా కొంతమందికే ఇచ్చారని అలా కాకుండా ఇప్పుడు అందరికీ ఇవ్వాలని అన్నారు. యాజమాన్యం స్పందించకపోతే ఆందోళన కార్యక్రమాలు చేపడతామని అన్నారు.