दोराहा जीटी रोड की बदहाली से रोज हादसे, स्थानीय प्रशासन से जवाब मांग उठे

ਦੋਰਾਹਾ ਜੀਟੀ ਰੋਡ ਦੀ ਹਾਲਤ ਬੇਹੱਦ ਖਰਾਬ ਹੋਣ ਕਰਕੇ ਰੋਜ਼ਾਨਾ ਹਾਦਸੇ ਹੋ ਰਹੇ ਹਨ। ਬਰਮਾਲੀਪੁਰ ਦੇ ਕੋਲ ਮਾੜੀ ਹਾਲਤ ਕਾਰਨ ਰੋਜ਼ਾਨਾ ਕਈ ਗੱਡੀਆਂ ਦਾ ਟਾਇਰ ਫਟ ਜਾਂਦੇ ਹਨ ਤੇ ਹਾਦਸੇ ਹੁੰਦੇ ਹਨ। ਇਲਾਕੇ ਦੇ ਲੋਕਾਂ ਤੇ ਰਾਹਗੀਰਾਂ ਚ ਰੋਸ ਪਾਇਆ ਗਿਆ। ਉਹਨਾਂ ਨੇ ਸਥਾਨਕ ਪ੍ਰਸ਼ਾਸਨ ਅਤੇ ਨੈਸ਼ਨਲ ਹਾਈਵੇ ਅਥਾਰਟੀ ਦੀ ਕਾਰਜ ਪ੍ਰਣਾਲੀ ਉਪਰ ਸਵਾਲ ਖੜ੍ਹੇ ਕਰਦੇ ਹੋਏ ਕਿਹਾ ਕਿ ਕਰੋੜਾਂ ਰੁਪਏ ਟੋਲ ਟੈਕਸ ਵਸੂਲਣ ਦੇ ਬਾਵਜੂਦ ਸੜਕਾਂ ਦੀ ਹਾਲਤ ਇੰਨੀ ਮਾੜੀ ਹੈ। ਕੋਈ ਇਸ ਵੱਲ ਧਿਆਨ ਵੀ ਨਹੀਂ ਦੇ ਰਿਹਾ। ਘਟਨਾ ਵਾਲੀ ਥਾਂ ਦੇ ਨੇੜੇ ਹੀ ਵਰਕਸ਼ਾਪ ਚਲਾਉਣ ਵਾਲੇ ਮੈਕੇਨਿਕ ਨੇ ਦੱਸਿਆ ਕਿ ਥੋੜ੍ਹੇ ਹੀ ਦਿਨਾਂ ਚ ਕਰੀਬ 250 ਗੱਡੀਆਂ ਹਾਦਸੇ ਦਾ ਸ਼ਿਕਾਰ ਹੋ ਚੁੱਕੀਆਂ ਹਨ。