कोटकपूरा में कूड़े के डंप पर संकट: टेंडर खत्म, हर मोड़ पर ढेर

ਕੋਟਕਪੂਰਾ ਸ਼ਹਿਰ ਵਿਚ ਕੂੜਾ ਪ੍ਰਬੰਧਨ ਦੀ ਬਹੁਤ ਹੀ ਨਾਜ਼ੁਕ ਹਾਲਤ ਬਣੀ ਹੋਈ ਹੈ। ਨਗਰ ਕੌਂਸਲ ਵਲੋਂ ਇਸ ਵੇਲੇ ਸ਼ਹਿਰ ਵਿਚ ਕੂੜਾ ਸੱਟਣ ਲਈ ਕੋਈ ਢੰਗ ਦੀ ਨਿਰਧਾਰਤ ਥाँ ਨਹੀ ਹੈ। ਇਸਦੇ ਨਾਲ ਹੀ ਕੂੜਾ ਚੁੱਕਣ ਦਾ ਪੁਰਾਣਾ ਟੈਂਡਰ ਵੀ ਖਤਮ ਹੋ ਚੁੱਕਿਆ ਹੈ, ਜਿਸ ਕਾਰਨ ਸ਼ਹਿਰ ਦੇ ਵੱਖ–ਵੱਖ ਮੁਹੱਲਿਆਂ ਅਤੇ ਚੌਰਾਹਿਆਂ ’ਤੇ ਕੁੜੇ ਦੇ ਡੰਪ ਬਣਦੇ ਜਾ ਰਹੇ ਹਨ। ਇਸ ਨਾਲ ਦੁੱਗਧ, ਗੰਦਗੀ ਅਤੇ ਬਿਮਾਰੀਆਂ ਦੇ ਫੈਲਣ ਦਾ ਖਤਰਾ ਵੀ ਵੱਧ ਗਿਆ ਹੈ। ਆਉਣ–ਜਾਣ ਵਾਲੀ ਪਬਲਿਕ ਅਤੇ ਨੇੜਲੇ ਇਲਾਕਿਆਂ ਦੇ ਰਹਿਣ ਵਾਲੇ ਲੋਕ ਰੋਜ਼ਾਨਾ ਇਸ ਸਮੱਸਿਆ ਕਾਰਨ ਗੰਭੀਰ ਮੁਸ਼ਕਲਾਂ ਦਾ ਸਾਹਮਣਾ ਕਰ ਰਹੇ ਹਨ। ਇਲਾਕੇ ਦੇ ਵਸਨੀਕਾਂ ਨੇ ਪ੍ਰਸ਼ਾਸਨ ਨੂੰ ਸਖ਼ਤ ਲਹਿਜ਼ੇ ਵਿੱਚ ਅਪੀਲ ਕੀਤੀ ਹੈ ਕਿ ਫੌਰੀ ਤੌਰ ’ਤੇ ਇਸ ਮਾਮਲੇ ’ਤੇ ਧਿਆਨ ਦਿੱਤਾ ਜਾਵੇ। ਪਬਲਿਕ ਦਾ ਕਹਿਣਾ ਹੈ ਕਿ ਸ਼ਹਿਰ ਵਿੱਚ ਕੂੜਾ ਪ੍ਰਬੰਧਨ ਦੀ ਹਾਲਤ ਇੰਨੀ ਬਦਤੋਂ ਬਦਤਰ ਹੋ ਗਈ ਹੈ ਕਿ ਕਈ ਥਾਵਾਂ ਤੇ ਸਡ਼ਕਾਂ ਬੰਦ–ਜਿਹਾ ਦ੍ਰਿਸ਼ ਬਣੇ ਹੋਏ ਹਨ। ਸਥਾਨਕ ਨਿਵਾਸੀ ਨੇ ਕਿਹਾ, “ਕੂੜਾ ਨਾ ਚੁੱਕਣ ਕਾਰਨ ਸਾਡੀਆਂ ਗਲੀਆਂ ਬਦਬੂ ਨਾਲ ਭਰੀਆਂ ਪਈਆਂ ਹਨ। ਬੱਚਿਆਂ ਨੂੰ ਬਿਮਾਰੀਆਂ ਦਾ ਡਰ ਹੈ। ਅਸੀਂ ਵਾਰ–ਵਾਰ ਨਗਰ ਕੌਂਸਲ ਦਾ ਧਿਆਨ ਦਿਵਾਇਆ ਹੈ ਪਰ ਅਜੇ ਤੱਕ ਕੋਈ ਪੱਕਾ ਹਲ ਨਹੀਂ ਨਿਕਲਿਆ।ਉਨਾਂ ਕਰਤਾ ਇਹ ਪਹਿਲੀ ਵਾਰ ਨਹੀਂ ਹੋ ਰਿਹਾ। ਸ਼ਹਿਰ ਵਿੱਚ ਕੂੜੇ ਦੀ ਸਮੱਸਿਆ ਹਮੇਸ਼ਾਂ ਬਣੀ ਰਹਿੰਦੀ ਹੈ। ਟੈਂਡਰ ਖਤਮ ਹੋ ਜਾਣੇ ਕਾਰਨ ਹੁਣ ਹਾਲਤ ਹੋਰ ਖਰਾਬ ਹੋ ਗਈ ਹੈ। ਪ੍ਰਸ਼ਾਸਨ ਨੂੰ ਤੁਰੰਤ ਕਾਰਵਾਈ ਕਰਨੀ ਚਾਹੀਦੀ ਹੈ。 ਇਸ ਮਾਮਲੇ ਵਿੱਚ ਜਦੋਂ ਨਗਰ ਕੌਂਸਲ ਕੋਟਕਪੂਰਾ ਦੇ ਐਕਜ਼ਿਕਿਊਟਿਵ ਅਫ਼ਸਰ (EO) ਨਾਲ ਗੱਲਬਾਤ ਕੀਤੀ ਗਈ ਤਾਂ ਉਹਨਾਂ ਨੇ ਮੰਨਿਆ ਕਿ ਕੂੜਾ ਪ੍ਰਬੰਧਨ ਦਾ ਟੈਂਡਰ ਮੁਅੱਤਲ ਹੋਣ ਨਾਲ ਸਮੱਸਿਆ ਵਧੀ ਹੈ, ਪਰ ਜਲਦੀ ਹਲ ਕੱਢਣ ਦਾ ਭਰੋਸਾ ਵੀ dਿਵਾਇਆ। EO ਅੰਮ੍ਰਿਤ ਲਾਲ ਨੇ ਕਿਹਾ ਟੈਂਡਰ ਖਤਮ ਹੋਣ ਕਾਰਨ ਕੁਝ ਦਿਨਾਂ ਤੋਂ ਕੂੜਾ ਚੁੱਕਣ ਵਿੱਚ ਰੁਕਾਵਟ ਆਈ ਹੈ। ਨਵਾਂ ਟੈਂਡਰ ਜਾਰੀ ਕਰਨ ਦੀ ਪ੍ਰਕਿਰਿਆ ਚੱਲ ਰਹੀ ਹੈ। ਅਸੀਂ ਲੋਕਾਂ ਦੀ ਪਰੇਸ਼ਾਨੀ ਨੂੰ ਪੂਰੀ ਤਰ੍ਹਾਂ ਸਮਝਦੇ ਹਾਂ ਅਤੇ ਯਕੀਨ ਦਵਾਉਂਦੇ ਹਾਂ ਕਿ ਜਲਦੀ ਹੀ ਕੂੜਾ ਚੁੱਕਣ ਦੀ ਵਿਵਸਥਾ ਮੁੜ ਨਾਰਮਲ ਕਰ ਦਿੱਤੀ ਜਾਵੇਗੀ。 ਪਬਲਿਕ ਉਮੀਦ ਕਰ ਰਹੀ ਹੈ ਕਿ ਪ੍ਰਸ਼ਾਸਨ ਤੁਰੰਤ ਕਾਰਵਾਈ ਕਰਕੇ ਇਸ ਗੰਭੀਰ ਸਮੱਸਿਆ ਤੋਂ ਸ਼ਹਿਰ ਨੂੰ ਰਾਹਤ ਦਿਵਾਏਗਾ। ਕੋਟਕਪੂਰਾ ਤੋਂ ਕੇ ਸੀ ਸੰਜੇ ਦੀ ਰਿਪੋਰਟ