फरीदकोट अदालत ने दीप बस सर्विस की बसें कुर्क कर 12.36 लाख वसूलने आदेश

ਐਂਕਰ ਫ਼ਰੀਦਕੋਟ ਅਦਾਲਤ ਦੇ ਮਾਨਯੋਗ ਜੱਜ ਕੇ ਕੇ ਜੈਨ ਦੀ ਅਦਾਲਤ ਵੱਲੋਂ ਸੱਤਾਧਾਰੀ ਪਾਰਟੀ ਦੇ ਵਿਧਾਇਕ ਡਿੱਪੀ ਢਿੱਲੋਂ ਅਤੇ ਉਸਦੇ ਭਰਾ ਦੇ ਨਾਮ ਰਜਿਸਟਰਡ ਨਿੱਜੀ ਬੱਸ ਕੰਪਨੀ ਦੀਪ ਬੱਸ ਸਰਵਿਸ ਦੇ ਖਿਲਾਫ ਇੱਕ ਅਹਿਮ ਫੈਸਲਾ ਸੁਣਾਉਦੇ ਹੋਏ ਕੰਪਨੀ ਦੀਆਂ ਦੋ ਬੱਸਾਂ ਨੂੰ ਕੁਰਕ ਕਰਕੇ ਹਰਜਾਨੇ ਦੇ ਤੌਰ ਤੇ 12 ਲੱਖ 36 ਹਜ਼ਾਰ ਰੁਪਏ ਵਸੂਲਣ ਦੇ ਹੁਕਮ ਦਿੱਤੇ ਹਨ。 ਜਾਣਕਾਰੀ ਦਿੰਦੇ ਹੋਏ ਪੀੜਿਤ ਪਰਿਵਾਰ ਦੇ ਵਕੀਲ ਕਰਨ ਬਰਾੜ ਨੇ ਦੱਸਿਆ ਕਿ 1989 ਵਿੱਚ ਮੁਕਤਸਰ ਜਿਲ੍ਹੇ ਦੇ ਪਿੰਡ ਖਿਲਜੇਬਾਨ ਵਿਖੇ ਦੀਪ ਬੱਸ ਸਰਵਿਸ ਕੰਪਨੀ ਦੀ ਬੱਸ ਦਾ ਐਕਸੀਡੈਂਟ ਹੋਇਆ ਸੀ ਅਤੇ ਕੁਝ ਲੋਕ ਜ਼ਖਮੀ ਹੋਏ ਸਨ। ਇਸ ਵਿੱਚੋਂ ਮੁਖਤਿਆਰ ਸਿੰਘ ਜਿਸਦੀ ਮੌਤ ਐਕਸੀਡੈਂਟ ਦੌਰਾਨ ਹੋਈ ਸੀ, ਉਸ ਦੀ ਪਤਨੀ ਧੰਨ ਕੌਰ ਵੱਲੋਂ ਅਦਾਲਤ ਵਿੱਚ ਦੀਪ ਬੱਸ ਕੰਪਨੀ ਖਿਲਾਫ ਕੇਸ ਕੀਤਾ ਗਿਆ ਸੀ ਜਿੱਥੇ 1992 ਸਾਲ ਚ ਮਾਨਯੋਗ ਅਦਾਲਤ ਵੱਲੋਂ ਕਰੀਬ ਡੇਢ ਲੱਖ ਰੁਪਆ ਜੁਰਮਾਨਾ ਮੁਆਵਜੇ ਦੇ ਤੌਰ ਤੇ ਬੱਸ ਕੰਪਨੀ ਵੱਲੋਂ ਅਦਾ ਕਰਨ ਲਈ ਹੁਕਮ ਸੁਣਾਏ ਸਨ। ਪਰ ਇਸ ਹੁਕਮ ਦੇ ਖਿਲਾਫ ਨਿੱਜੀ ਬੱਸ ਕੰਪਨੀ ਮਾਲਕਾਂ ਵੱਲੋਂ ਹਾਈਕੋਰਟ ਦਾ ਰੁਖ ਕੀਤਾ ਗਿਆ ਜਿਸ ਨੇ ਹਰਜਾਨੇ ਦੀ ਰਕਮ ਡੇਢ ਲੱਖ ਤੋਂ ਵਧਾ ਕੇ 3 ਲੱਖ 36 ਹਜ਼ਾਰ ਰੁਪਏ ਕਰ ਦਿੱਤਾ ਜੋ ਕਰੀਬ 36 ਸਾਲ ਗੁਜਰਨ ਦੇ ਬਾਵਜੂਦ ਵੀ ਪੀੜਤਾਂ ਨੂੰ ਹਰਜਾਨਾ ਨਾ ਮਿਲਣ ਦੀ ਸੁਰਤ ਵਿੱਚ ਹੁਣ ਫਰੀਦਕੋਟ ਦੇ ਮਾਨਯੋਗ ਜੱਜ ਕੇ.ਕੇ. ਜੈਨ ਦੀ ਅਦਾਲਤ ਵੱਲੋਂ ਇੱਕ ਅਹਿਮ ਫੈਸਲਾ ਸੁਣਾਉਂਦੇ ਹੋਏ ਕੰਪਨੀ ਦੀਆਂ ਦੋ ਬੱਸਾਂ ਨੂੰ ਕੁਰਕ ਕਰਕੇ ਉਸ ਨੂੰ ਨਿਲਾਮ ਕਰ ਹਰਜਾਨੇ ਦੀ ਰਕਮ ਜੋ ਕਿ ਸਮੇਤ ਵਿਆਜ ਹੁਣ 12 ਲੱਖ 36 ਹਜ਼ਾਰ ਰੁਪਏ ਵਸੂਲੀ ਜਾਣੀ ਹੈ ਉਹ ਇਨਾ ਦੋ ਬੱਸਾਂ ਦੀ ਨਿਲਾਮੀ ਨਾਲ ਵਸੁਲੀ ਜਾਵੇ। ਫਰੀਦਕੋਟ ਦੇ ਥਾਣਾ ਮੁਖੀ ਨੂੰ ਆਦੇਸ਼ ਦਿੱਤੇ ਗਏ ਹਨ ਕਿ ਫਰੀਦਕੋਟ ਦੀ ਹਦੂਦ ਅੰਦਰ ਆਉਂਦੀਆਂ ਕਿਸੇ ਵੀ ਦੋ ਬੱਸਾਂ ਜੋ ਦੀਪ ਬੱਸ ਕੰਪਨੀ ਦੀ ਬੱਸ ਸਰਵਿਸ ਨਾਲ ਸੰਬੰਧਤ ਹੋਣ ਉਹਨਾਂ ਦੀ ਪਹਿਚਾਣ ਕਰਕੇ 30 ਮਾਰਚ ਤੱਕ ਉਸ ਨੂੰ ਜਬਤ ਕੀਤਾ ਜਾਵੇ ਅਤੇ ਉਹਨਾਂ ਦੀ ਨਿਲਾਮੀ ਤੋਂ ਬਾਅਦ ਇਹ ਰਕਮ ਵਸੂਲ ਕਰਕੇ ਪੀੜਤ ਪਰਿਵਾਰ ਦੀ ਹਰਜਾਨੇ ਦੀ ਭਰਪाई ਕੀਤੀ ਜਾਵੇ । ਗੌਰਤਲਬ ਹੈ ਕੇ ਨਿਊ ਦੀਪ ਬੱਸ ਸਰਵਿਸ ਕੰਪਨੀ ਦਾ ਕਾਨੂੰਨੀ ਅਧਿਕਾਰ ਹੈ ਕਿ ਉਹ ਇਸ ਫੈਸਲੇ ਦੇ ਖਿਲਾਫ ਉੱਚ ਅਦਾਲਤ ਵਿੱਚ ਰੁੱਖ ਕਰ ਸਕਦਾ ਹੈ。 ਬਾਈਟ-ਕਰਨ ਬਰਾੜ ਵਕੀਲ