कटकपुरा-मुक्तसर रोड पर ट्रैक्टर-ट्राला और ट्रक की भिड़ंत, दो वाहन क्षतिग्रस्त

ਕੋਟਕਪੂਰਾ–ਮੁਕਤਸਰ ਰੋਡ ‘ਤੇ ਟਰੱਕ–ਟਰੈਕਟਰ ਟਰਾਲਾ ਦੀ ਟੱਕਰ, ਵਾਹਨਾਂ ਨੂੰ ਨੁਕਸਾਨ ਪਰ ਜਾਨੀ ਨੁਕਸਾਨ ਤੋਂ ਬਚਾਅ ਕੋਟਕਪੂਰਾ ਦੇ ਮੁਕਤਸਰ ਰੋਡ ‘ਤੇ ਪਿੰਡ ਵਾੜਾ ਦਰਾਕਾ ਨੇੜੇ ਅੱਜ ਤੜਕੇ ਇੱਕ ਟਰੱਕ ਅਤੇ ਟਰੈਕਟਰ–ਟਰਾਲੇ ਵਿਚਕਾਰ ਆਹਮਣੇ ਸਾਹਮਣੇ ਟੱਕਰ ਹੋ ਗਈ। ਹਾਦਸੇ ਵਿੱਚ ਜਾਨੀ ਨੁਕਸਾਨ ਤੋਂ ਤਾਂ ਬਚਾਵ ਹੋ ਗਿਆ, ਪਰ ਦੋਵੇਂ ਵਹੀਕਲਾਂ ਨੂੰ ਕਾਫੀ ਨੁਕਸਾਨ ਪਹੁੰਚਿਆ। ਸੂਚਨਾ ਮਿਲਣ ਤੋਂ ਬਾਅਦ ਥਾਣਾ ਸਦਰ ਕੋਟਕਪੁਰਾ ਦੀ ਪੁਲਿਸ ਮੌਕੇ ‘ਤੇ ਪਹੁੰਚੀ ਅਤੇ ਦੋਹਾਂ ਵਾਹਨਾਂ ਨੂੰ ਸੜਕ ਤੋਂ ਹਟਵਾ ਕੇ ਟ੍ਰੈਫਿਕ ਮੁੜ ਬਹਾਲ ਕੀਤਾ。 ਜਾਣਕਾਰੀ ਅਨੁਸਾਰ ਹਾਦਸਾ ਸਵੇਰੇ ਤਕਰੀਬਨ 5:30 ਵਜੇ ਵਾਪਰਿਆ। ਸ੍ਰੀ ਮੁਕਤਸਰ ਸਾਹਿਬ ਪਾਸੋਂ ਇੱਕ ਟਰੈਕਟਰ–ਟਰਾਲਾ ਪਰਾਲੀ ਦੀਆਂ ਗੱਠਾਂ ਲੈ ਕੇ ਕੋਟਕਪੂਰਾ ਵੱਲ ਆ ਰਿਹਾ ਸੀ। ਜਦੋਂ ਉਹ ਪਿੰਡ ਵਾੜਾ ਦਰਾਕਾ ਨੇੜੇ ਪਹੁੰਚਿਆ, ਤਾਂ ਸਾਹਮਣੇ ਤੋਂ ਆ ਰਹੇ ਇੱਕ ਟਰੱਕ ਨਾਲ ਉਸਦੀ ਸਿੱਦ੍ਹੀ ਟੱਕਰ ਹੋ ਗਈ। ਹਾਦਸੇ ਤੋਂ ਬਾਅਦ ਨੇੜਲੇ ਲੋਕਾਂ ਨੇ ਟਰੱਕ ਡਰਾਈਵਰ ਨੂੰ ਕਾਫੀ ਮਿਹਨਤ ਨਾਲ ਬਾਹਰ ਕੱਢਿਆ। ਹਾਲਾਂਕਿ ਉਸਨੂੰ ਸੱਟਾਂ ਲੱਗੀਆਂ ਹਨ, ਪਰ ਜਾਨ ਨੂੰ ਕੋਈ ਖਤਰਾ ਨਹੀਂ। ਇਸ ਮਾਮਲੇ ਵਿੱਚ ਟਰੈਕਟਰ–ਟਰਾਲੇ ਦੇ ਮਾਲਕ ਜਗਸੀਰ ਸਿੰਘ ਦੇ ਮੁਤਾਬਕ ਹਾਦਸਾ ਟਰੱਕ ਡਰਾਈਵਰ ਨੂੰ ਨੀਂਦ ਆਉਣ ਕਰਕੇ ਵਾਪਰਿਆ, ਜਿਸ ਕਾਰਨ ਉਹ ਉਲਟੀ ਸਾਈਡ ‘ਤੇ ਆ ਗਿਆ ਅਤੇ ਟਰਾਲੇ ਨਾਲ ਟੱਕਰ ਹੋ ਗਈ。 ਬਾਈਟ ਜਗਸੀਰ ਸਿੰਘ ਟ੍ਰੈਕਟਰ ਟਰਾਲਾ ਮਾਲਕ ਇਸ ਮਾਮਲੇ ਬਾਰੇ ਥਾਣਾ ਸਦਰ ਦੇ ਏਐਸਆਈ ਦਰਸ਼ਨ ਸਿੰਘ ਨੇ ਦੱਸਿਆ ਕਿ ਸੂਚਨਾ ਮਿਲਦਿਆਂ ਹੀ ਪੁਲਿਸ ਮੌਕੇ ‘ਤੇ ਪਹੁੰਚ ਗਈ ਸੀ ਅਤੇ ਟ੍ਰੈਫਿਕ ਨੂੰ ਬਹਾਲ ਕੀਤਾ ਗਿਆ ਹੈ। ਦੋਹਾਂ ਵਾਹਨਾਂ ਨੂੰ ਨੁਕਸਾਨ ਹੋਇਆ ਹੈ, ਪਰ ਕਿਸੇ ਦੀ ਜਾਨ ਨੂੰ ਖਤਰਾ ਨਹੀਂ। ਬਾਈਟ ਦਰਸ਼ਨ ਸਿੰਘ ਏਐਸਆਈ ਥਾਣਾ ਸਦਰ ਕੋਟਕਪੂਰਾ ਤੋਂ ਕੇ ਸੀ ਸੰਜੇ ਦੀ ਰਿਪੋਰਟ