खन्ना पुलिस ने जैविक खेती घोटाला खोल दिया: 87 करोड़ का खेल सामने

ਖੰਨਾ ਪੁਲਿਸ ਨੇ ਜੈਵਿਕ ਖੇਤੀ ਦੇ ਨਾਮ ਉਪਰ ਵੱਡੀ ਠੱਗੀ ਦਾ ਭੰਡਾਫੋੜ ਕੀਤਾ, 4 ਗ੍ਰਿਫ਼ਤਾਰ – 87 ਕਰੋੜ ਦਾ ਲੈਣ-ਦੇਣ ਸਾਹਮਣੇ  ਐਸ.ਐਸ.ਪੀ. ਖੰਨਾ ਡਾ. ਜਯੋਤੀ ਯਾਦਵ ਬੈਂਸ ਦੀ ਰਹਿਨੁਮਾਈ ਹੇਠ ਪੁਲਿਸ ਨੇ ਵੱਡੀ ਕਾਰਵਾਈ ਕਰਦਿਆਂ ਇੱਕ ਠੱਗੀ ਗਿਰੋਹ ਦਾ ਪਰਦਾਫਾਸ਼ ਕੀਤਾ ਹੈ। ਪੁਲਿਸ ਨੇ ਸਮਰਾਲਾ ਵਿਖੇ ਚਲ ਰਹੀ ਜਨਰੇਸ਼ਨ ਆਫ ਫਾਰਮਿੰਗ ਕੰਪਨੀ ‘ਤੇ ਰੇਡ ਕਰਕੇ ਚਾਰ ਦੋਸ਼ੀਆਂ ਨੂੰ ਗ੍ਰਿਫ਼ਤਾਰ ਕੀਤਾ, ਜਿਨ੍ਹਾਂ ਕੋਲੋਂ 6 ਲੈਪਟਾਪ, 4 ਸੀ.ਪੀ.ਯੂ., 4 ਸਕਰੀਨਾਂ ਅਤੇ 2 ਮੋਬਾਈਲ ਫੋਨ ਬ੍ਰਾਮਦ ਕੀਤੇ ਗਏ ਹਨ। ਸ਼ਿਕਾਇਤ ਤੇ ਮੁਕੱਦਮਾ ਦਰਜ ਜੋਗਿੰਦਰ ਕੁਮਾਰ ਵਾਸੀ ਫੁੱਲਾਵਾਲ ਨੇ 17 ਸਤੰਬਰ ਨੂੰ ਥਾਣਾ ਸਮਰਾਲਾ ਵਿੱਚ ਅਰਜ਼ੀ ਦੇ ਕੇ ਦੱਸਿਆ ਕਿ ਉਸ ਨਾਲ ਅਤੇ ਉਸਦੇ ਜੀਜੇ ਨਾਲ ਜਨਰੇਸ਼ਨ ਆਫ ਫਾਰਮਿੰਗ ਕੰਪਨੀ ਨੇ 25.75 ਲੱਖ ਰੁਪਏ ਦੀ ਠੱਗੀ ਕੀਤੀ। ਕੰਪਨੀ ਦੇ ਮਾਲਕਾਂ ਨੇ ਆਰਗੈਨਿਕ ਉਤਪਾਦਾਂ ਵਿੱਚ ਨਿਵੇਸ਼ ‘ਤੇ 8% ਮਹੀਨਾਵਾਰ ਮੁਨਾਫ਼ੇ ਦਾ ਲਾਲਚ ਦਿੱਤਾ ਸੀ। ਸ਼ੁਰੂਆਤੀ ਕੁਝ ਰਕਮ ਵਾਪਸ ਕੀਤੀ ਗਈ ਪਰ ਬਾਅਦ ਵਿੱਚ ਧੋਖਾਧੜੀ ਸਾਹਮਣੇ ਆਈ। ਇਸ ‘ਤੇ ਪੁਲਿਸ ਨੇ ਮੁਕੱਦਮਾ ਨੰਬਰ 247 ਮਿਤੀ 17.09.2025 ਧਾਰਾਵਾਂ 318(4), 316(2), 338, 336(3), 340(2), 61(2) ਅਧੀਨ ਦਰਜ ਕੀਤਾ। ਉਸ ਤੋਂ ਅਗਲੇ ਦਿਨ ਹੋਰ ਸ਼ਿਕਾਇਤ ‘ਤੇ ਮੁਕੱਦਮਾ ਨੰਬਰ 248 ਵੀ ਦਰਜ ਹੋਇਆ, ਜਿਸ ਵਿੱਚ ਵਿਕਰਮਜੀਤ ਸਿੰਘ ਅਤੇ ਪਰਵਿੰਦਰ ਸਿੰਘ ਨੂੰ ਪਹਿਲਾਂ ਹੀ ਗ੍ਰਿਫ਼ਤਾਰ ਕੀਤਾ ਜਾ ਚੁੱਕਾ ਹੈ। ਗ੍ਰਿਫ਼ਤਾਰ ਦੋਸ਼ੀ ਪੁਲਿਸ ਨੇ ਰੇਡ ਦੌਰਾਨ ਹੇਠ ਲਿਖੇ ਦੋਸ਼ੀਆਂ ਨੂੰ ਗ੍ਰਿਫ਼ਤਾਰ ਕੀਤਾ – ਬਿਕਰਮਜੀਤ ਸਿੰਘ ਪੁੱਤਰ ਰਘਵੀਰ ਸਿੰਘ ਵਾਸੀ ਗਹਿਲੇਵਾਲ ਅਮਿਤ ਖੁੱਲਰ ਪੁੱਤਰ ਭਾਰਤ ਭੂਸ਼ਣ ਖੁੱਲਰ ਵਾਸੀ ਨਵਾ ਪੂਰਬਾ, ਫਿਰੋਜ਼ਪੁਰ ਹਰਪ੍ਰੀਤ ਸਿੰਘ ਪੁੱਤਰ ਜਗਪਾਲ ਸਿੰਘ ਵਾਸੀ ਗਹਿਲੇਵਾਲ ਅਵਤਾਰ ਸਿੰਘ ਪੁੱਤਰ ਮਹਿੰਦਰ ਸਿੰਘ ਵਾਸੀ ਖੀਰਨੀਆ ਵੱਡੇ ਪੱਧਰ ‘ਤੇ ਠੱਗੀ ਜਾਂਚ ਦੌਰਾਨ ਖੁਲਾਸਾ ਹੋਇਆ ਕਿ ਦੋਸ਼ੀਆਂ ਨੇ ਵੱਖ-ਵੱਖ ਨਾਮਾਂ ਹੇਠ ਕਈ ਫਰਮਾਂ ਰਜਿਸਟਰ ਕਰਵਾਈਆਂ, ਜਿਵੇਂ – ਜਨਰੇਸ਼ਨ ਆਫ ਫਾਰਮਿੰਗ, ਹੋਪ ਆਫ ਫਾਰਮਿੰਗ, ਰੰਧਾਵਾ ਇੰਟਰਪ੍ਰਾਈਜ਼ਿਸ, ਗੋਫ ਟ੍ਰੇਡਿੰਗ, ਕਿਸਾਨ ਆਫ ਪੰਜਾਬ ਐਗਰੋ ਨਰਸਰੀ, ਗੋਫ ਫਿਟਨੈੱਸ ਲੈਬ, ਗੋਫ ਫੈਮਲੀ ਕੇਅਰ ਪ੍ਰੋਡਕਟਸ ਅਤੇ ਗੋਫ ਮਿਲਕ ਪ੍ਰੋਡਕਟਸ। ਪੁਲਿਸ ਨੇ ਇਹਨਾਂ ਕੰਪਨੀਆਂ ਦੇ 21 ਬੈਂਕ ਅਕਾਊਂਟਾਂ ਦੀ ਪਛਾਣ ਕੀਤੀ ਹੈ, ਜਿਨ੍ਹਾਂ ਵਿੱਚ 1 ਜਨਵਰੀ 2025 ਤੋਂ ਹੁਣ ਤੱਕ ਲਗਭਗ 87 ਕਰੋੜ ਰੁਪਏ ਦੀ ਲੈਣ-ਦੇਣ ਹੋਈ ਹੈ। ਇਸ ਵਿੱਚੋਂ ਕਰੀਬ 60 ਲੱਖ ਰੁਪਏ ਫ੍ਰੀਜ਼ ਕਰਵਾਏ ਗਏ ਹਨ। ਖ਼ਾਸ SIT ਬਣਾਈ ਗਈ ਇਸ ਵੱਡੇ ਮਾਮਲੇ ਦੀ ਜਾਂਚ ਲਈ ਖਾਸ SIT ਤਿਆਰ ਕੀਤੀ ਗਈ ਹੈ, ਜਿਸਦਾ ਨੋਡਲ ਅਧਿਕਾਰੀ ਐਸ.ਪੀ. (ਡੀ) ਖੰਨਾ ਹਨ, ਜਦਕਿ ਮੈਂਬਰਾਂ ਵਿੱਚ ਡੀ.ਐਸ.ਪੀ. ਸਮਰਾਲਾ, ਡੀ.ਐਸ.ਪੀ. (ਡੀ) ਅਤੇ ਇੰਸਪੈਕਟਰ ਵਿਨੋਦ ਕੁਮਾਰ ਸ਼ਾਮਲ ਹਨ। ਪੁਲਿਸ ਦੀ ਵੱਡੀ ਸਫ਼ਲਤਾ ਐਸ.ਐਸ.ਪੀ. ਡਾ. ਜਯੋਤੀ ਯਾਦਵ ਬੈਂਸ ਨੇ ਕਿਹਾ ਕਿ ਇਹ ਗਿਰੋਹ ਲੋਕਾਂ ਨਾਲ ਪੰਜੀ ਸਕੀਮ ਦੇ ਨਾਂ ‘ਤੇ ਵੱਡੀ ਠੱਗੀ ਕਰ ਰਿਹਾ ਸੀ। ਲੋਕਾਂ ਦੀਆਂ ਸ਼ਿਕਾਇਤਾਂ ‘ਤੇ ਤੁਰੰਤ ਕਾਰਵਾਈ ਕਰਕੇ ਦੋਸ਼ੀਆਂ ਨੂੰ ਗ੍ਰਿਫ਼ਤਾਰ ਕਰਨਾ ਪੁਲਿਸ ਲਈ ਵੱਡੀ ਸਫ਼ਲਤਾ ਹੈ। ਪੁਲਿਸ ਵੱਲੋਂ ਮਾਮਲੇ ਦੀ ਜਾਂਚ ਜਾਰੀ ਹੈ ਅਤੇ ਸੰਭਾਵਨਾ ਹੈ ਕਿ ਹੋਰ ਸ਼ਿਕਾਇਤਾਂ ਵੀ ਸਾਹਮਣੇ ਆ ਸਕਦੀਆਂ ਹਨ।