समराला के किसानों के खेतों में बोना वायरस से भारी नुकसान, मुआवजे की फरियाद

Varun Kaushal Samrala ਕੁਦਰਤ ਅੱਗੇ ਬੇਵੱਸ ਹੋਇਆ ਕਿਸਾਨ ਆਪਣੀ ਮਿਹਨਤ ਖੇਤਾਂ ਵਿਚ ਵਾਹੁਣ ਨੂੰ ਮਜ਼ਬੂਰ ਹੋਇਆ ਮਾਛੀਵਾਡ਼ਾ ਬਲਾਕ ਦੇ ਕਈ ਪਿੰਡਾਂ ’ਚ ਬੌਣਾ ਵਾਈਰਸ ਦੀ ਚਪੇਟ ਵਿਚ ਆਈ ਝੋਨੇ ਦੀ ਫਸਲ ਹਡ਼੍ਹਾਂ ਦੀ ਮਾਰ ਅਤੇ ਹੁਣ ਫਸਲ ਨੂੰ ਪਈ ਬੀਮਾਰੀ ਕਾਰਨ ਕੁਦਰਤ ਅੱਗੇ ਬੇਵੱਸ ਹੋਇਆ ਕਿਸਾਨ ਅੱਜ ਆਪਣੀ ਮਿਹਨਤ ਨੂੰ ਖੇਤਾਂ ਵਿਚ ਵਾਹੁਣ ਨੂੰ ਮਜ਼ਬੂਰ ਹੋ ਗਿਆ ਹੈ ਅਤੇ ਮਾਛੀਵਾਡ਼ਾ ਬਲਾਕ ਦੇ ਕਈ ਪਿੰਡਾਂ ਵਿਚ ਝੋਨੇ ਦੀ ਫਸਲ ਬੌਣੇ ਵਾਈਰਸ ਦੀ ਚਪੇਟ ਵਿਚ ਆ ਜਾਣ ਕਾਰਨ ਇਹ ਕਿਸਾਨ ਬੇਹੱਦ ਮਾਯੂਸ ਹੈ। ਜੂਨ ਮਹੀਨੇ ਦੀ ਤਪਦੀ ਗਰਮੀ ਵਿਚ ਬਡ਼ੀ ਮਿਹਨਤ ਨਾਲ ਕੀਤੀ ਝੋਨੇ ਦੀ ਬਿਜਾਈ ਕਰ ਕਿਸਾਨਾਂ ਨੂੰ ਆਸ ਸੀ ਕਿ ਅਕਤੂਬਰ ਦੇ ਪਹਿਲੇ ਹਫ਼ਤੇ ਇਸ ਫਸਲ ਦੀ ਕਟਾਈ ਕਰ ਉਹ ਆਪਣੇ ਪਰਿਵਾਰ ਦਾ ਪਾਲਣ ਪੋਸ਼ਣ ਕਰੇਗਾ ਅਤੇ ਕਰਜ਼ੇ ਦੀ ਪੰਡ ਹੌਲੀ ਕਰ ਲਵੇਗਾ ਪਰ ਇਹ ਬੌਣੇ ਵਾਈਰਸ ਦੀ ਚਪੇਟ ਵਿਚ ਆਉਣ ਕਾਰਨ ਹੁਣ ਕਿਸਾਨ ਨੇ ਫਸਲ ਕੱਟਣ ਦੀ ਬਜਾਏ ਉਸ ਨੂੰ ਜਮੀਨ ਵਿਚ ਹੀ ਵਾਹ ਦਿੱਤਾ ਹੈ। ਮਾਛੀਵਾਡ਼ਾ ਬਲਾਕ ਦੇ ਪਿੰਡ ਬੁੱਲੇਵਾਲ ਤੋਂ ਬਾਅਦ ਪਿੰਡ ਜਾਤੀਵਾਲ ਵਿਚ ਵੀ ਕਿਸਾਨ ਰਣਜੀਤ ਸਿੰਘ ਨੇ ਇਹ ਬੌਣੇ ਵਾਈਰਸ ਦੀ ਚਪੇਟ ਵਿਚ ਆਈ ਫਸਲ ਨੂੰ ਕੱਟਣ ਦੀ ਬਜਾਏ ਖੇਤਾਂ ਵਿਚ ਵਾਹ ਦਿੱਤਾ ਅਤੇ ਬਡ਼ੇ ਭਰੇ ਮਨ ਨਾਲ ਦੱਸਿਆ ਕਿ ਪਹਿਲਾਂ ਉਸਦੇ ਹਡ਼੍ਹਾਂ ਕਾਰਨ ਕਰੀਬ 4 ਏਕਡ਼ ਫਸਲ ਰੁਡ਼ ਗਈ ਅਤੇ ਹੁਣ ਜੋ ਦਰਿਆ ਤੋਂ ਬਾਹਰ ਫਸਲ ਸੀ ਉਹ ਇਹ ਬੀਮਾਰੀ ਖਾ ਗਈ। ਕਿਸਾਨ ਰਣਜੀਤ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਵਲੋਂ ਯੂਨੀਵਰਸਿਟੀ ਤੇ ਸਰਕਾਰ ਤੋਂ ਮਾਨਤਾ ਪ੍ਰਾਪਤ ਝੋਨੇ ਦਾ ਬੀਜ ਲੈ ਕੇ ਬਿਜਾਈ ਕੀਤੀ ਸੀ ਪਰ ਸਪਰੇਆਂ ਕਰਨ ਦੇ ਬਾਵਜ਼ੂਦ ਵੀ ਉਨ੍ਹਾਂ ਦੀ ਫਸਲ ਬੌਣੇ ਵਾਈਰਸ ਦੀ ਚਪੇਟ ਤੋਂ ਬਚ ਨਾ ਸਕੀ। ਮਾਛੀਵਾਡ਼ਾ ਬਲਾਕ ਦੇ ਕਈ ਹੋਰ ਪਿੰਡਾਂ ਵਿਚ ਵੀ ਇਸ ਬੌਣੇ ਵਾਈਰਸ ਦੀ ਚਪੇਟ ਵਿਚ ਸੈਂਕਡ਼ੇ ਏਕਡ਼ ਫਸਲ ਤਬਾਹ ਹੋ ਗਈ ਹੈ ਜਿਸ ਨੂੰ ਜਾਂ ਤਾਂ ਕਿਸਾਨ ਵਾਹ ਰਹੇ ਹਨ ਜਾਂ ਫਿਰ ਇੰਤਜ਼ਾਰ ਕਰ ਰਹੇ ਹਨ ਕਿ ਸ਼ਾਇਦ ਕੁਝ ਦਾਣੇ ਇਸ ’ਚੋਂ ਨਿਕਲ ਸਕਣ। ਕਿਸਾਨਾਂ ਨੇ ਦੱਸਿਆ ਕਿ ਉਨ੍ਹਾਂ ਦਾ 20 ਹਜ਼ਾਰ ਰੁਪਏ ਪ੍ਰਤੀ ਏਕਡ਼ ਬਿਜਾਈ ਖਰਚਾ ਆ ਚੁੱਕਾ ਹੈ ਅਤੇ ਇਸ ਤੋਂ ਇਲਾਵਾ 35 ਹਜ਼ਾਰ ਰੁਪਏ ਪ੍ਰਤੀ ਏਕਡ਼ ਠੇਕੇ ਦਾ ਜੋਡ਼ ਲਿਆ ਜਾਵੇ ਤਾਂ 55 ਹਜ਼ਾਰ ਰੁਪਏ ਪ੍ਰਤੀ ਏਕਡ਼ ਉਨ੍ਹਾਂ ਨੂੰ ਆਰਥਿਕ ਘਾਟਾ ਪਿਆ ਹੈ। ਉਨ੍ਹਾਂ ਕਿਹਾ ਕਿ ਇਸ ਵਾਰ ਝੋਨੇ ਦੀ ਫਸਲ ’ਚੋਂ ਮੁਨਾਫ਼ਾ ਤਾਂ ਕੀ ਹੋਣਾ ਸੀ ਬਲਕਿ 55 ਹਜ਼ਾਰ ਰੁਪਏ ਪ੍ਰਤੀ ਏਕਡ਼ ਘਾਟੇ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ ਪਰ ਸਰਕਾਰ ਵਲੋਂ ਅਜੇ ਤੱਕ ਬੌਣੇ ਵਾਈਰਸ ਦੀ ਚਪੇਟ ਵਿਚ ਆਏ ਪ੍ਰਭਾਵਿਤ ਕਿਸਾਨਾਂ ਨੂੰ ਕੋਈ ਵੀ ਗਿਰਦਾਵਰੀ ਜਾਂ ਮੁਆਵਜਾ ਦੇਣ ਦਾ ਐਲਾਨ ਨਹੀਂ ਕੀਤਾ। ਕਿਸਾਨਾਂ ਨੇ ਸਰਕਾਰ ਤੋਂ ਮੰਗ ਕੀਤੀ ਕਿ ਇਸ ਬੀਮਾਰੀ ਦੀ ਚਪੇਟ ਵਿਚ ਆਈ ਫਸਲ ਦੀ ਵਿਸ਼ੇਸ਼ ਗਿਰਦਾਵਰੀ ਕਰਕੇ ਉਨ੍ਹਾਂ ਨੂੰ ਬਣਦਾ ਮੁਆਵਜਾ ਦਿੱਤਾ ਜਾਵੇ। Byte :- ਪੀੜਤ ਕਿਸਾਨ ਕੁੱਲ ਹਿੰਦ ਕਿਸਾਨ ਸਭਾ ਤਹਿਸੀਲ ਸਮਰਾਲਾ ਦੇ ਪ੍ਰਧਾਨ ਨਿੱਕਾ ਸਿੰਘ ਖੇਡ਼ਾ ਨੇ ਦੱਸਿਆ ਕਿ ਜਿਨ੍ਹਾਂ ਕਿਸਾਨਾਂ ਨੇ ਝੋਨੇ ਦਾ ਬੀਜ ਪੀ.ਬੀ. 131 ਅਤੇ 128 ਦੀ ਕਾਸ਼ਤ ਕੀਤੀ ਸੀ ਉਹ ਬੌਣੇ ਵਾਈਰਸ ਦੀ ਚਪੇਟ ਵਿਚ ਆ ਗਿਆ ਹੈ। ਉਨ੍ਹਾਂ ਦੱਸਿਆ ਕਿ ਇਹ ਝੋਨੇ ਦਾ ਪੌਦਾ ਵਧਦ ਫੁੱਲਣ ਦੀ ਬਜਾਏ ਬੌਣਾ ਰਹਿ ਗਿਆ ਹੈ ਅਤੇ ਇਸ ਦਾ ਸਿੱਟਾ ਵੀ ਛੋਟਾ-ਛੋਟਾ ਨਿਕਲ ਰਿਹਾ ਹੈ। ਹੋਰ ਤਾਂ ਹੋਰ ਇਸ ਦੇ ਸਿੱਟੇ ਵਿਚ ਦਾਣਾ ਵੀ ਨਹੀਂ ਬਣ ਰਿਹਾ ਜਿਸ ਕਾਰਨ ਇਸ ਫਸਲ ਦਾ ਝਾਡ਼ ਬੇਹੱਦ ਘੱਟ ਨਿਕਲੇਗਾ। ਉਨ੍ਹਾਂ ਕਿਹਾ ਕਿ ਸਰਕਾਰ ਇਸ ਬੀਮਾਰੀ ਦੀ ਚਪੇਟ ਵਿਚ ਆਏ ਖੇਤਾਂ ਦੀ ਵਿਸ਼ੇਸ਼ ਗਿਰਦਾਵਰੀ ਕਰਵਾਏ ਤਾਂ ਜੋ ਕਿਸਾਨਾਂ ਨੂੰ ਬਣਦਾ ਮੁਆਵਜਾ ਮਿਲ ਸਕੇ। Byte :- ਕੁੱਲ ਹਿੰਦ ਕਿਸਾਨ ਸਭਾ