ਖੰਨਾ ਚੰਨਾ 'ਚ ਸਾਬਕਾ ਮੰਤਰੀ ਗੁਰਕੀਰਤ ਸਿੰਘ ਕੋਟਲੀ ਤੇ ਉਹਨਾਂ ਦੇ ਸਾਥੀਆਂ ਨੂੰ ਪੁਲਿਸ ਹਿਰਾਸਤ ਵਿੱਚ ਲੈਣ ਮਗਰੋਂ ਕੈਬਨਿਟ ਮੰਤਰੀ ਤਰੁਣਪ੍ਰੀਤ ਸਿੰਘ ਸੌਂਦ ਦੀ ਸ਼ੋਸ਼ਲ ਮੀਡੀਆ ਪੋਸਟ ਸਾਹਮਣੇ ਆਈ। ਮੰਤਰੀ ਸੌਂਦ ਨੇ ਫੇਸਬੁੱਕ ਪੇਜ਼ ਰਾਹੀਂ ਲਿਖਿਆ ..... ਮੈਂ ਆਪਣੇ ਖੰਨਾ ਦੇ ਪੁਲਿਸ ਪ੍ਰਸ਼ਾਸਨ ਦੀ, ਸਿਵਲ ਪ੍ਰਸ਼ਾਸਨ ਦੀ, SSP Dr.Darpan Ahluwalia ਅਤੇ SDM Swati Tiwana ਅਤੇ ਓਹਨਾਂ ਦੀ ਸਮੁੱਚੀ ਟੀਮ ਦੀ ਸ਼ਲਾਘਾ ਕਰਦਾਂ। ਓਹਨਾਂ ਨੇਂ ਅੱਜ ਦੇਸ਼ ਦੇ ਸੰਵਿਧਾਨ ਨੂੰ ਬਚਾਇਆ। BDPO ਦਫ਼ਤਰ ਜੋ ਇੱਕ ਸਰਕਾਰੀ ਦਫ਼ਤਰ ਹੈ, ਉਸ ਨੂੰ ਦਿਨ ਦਿਹਾੜੇ ਕਾਂਗਰਸੀ ਗੁੰਡਾਗਰਦੀ ਦੇ ਤਹਿਤ ਜਿੰਦਾ ਨਹੀਂ ਲੱਗਣ ਦਿੱਤਾ। ਹੈਰਾਨੀ ਦੀ ਗੱਲ ਇਹ ਹੈ ਸਾਡੇ ਪੰਜਾਬ ਦੀਆਂ 2 ਧੀਆਂ ਸ਼ੇਰਨੀਆਂ ਬਣ ਕੇ ਅੱਜ ਗੁੰਡਾਗਰਦੀ ਦੇ ਖਿਲਾਫ਼ ਖੜੀਆਂ ਹੋਈਆਂ, ਨਹੀਂ ਤਾਂ ਅੱਜ ਖੰਨਾ ਦਾ ਮਾਹੌਲ ਖ਼ਰਾਬ ਕਰਨ ਵਿੱਚ ਇਹਨਾਂ ਕੁਰਸੀ ਪਿੱਛੇ ਤੜਫ਼ ਰਹੇ ਤਰਸ ਰਹੇ ਕਾਂਗਰਸੀਆਂ ਨੇਂ ਕੋਈ ਕਸਰ ਨਹੀਂ ਸੀ ਛੱਡਣੀ। ਇਸ ਪੋਸਟ ਰਾਹੀਂ ਮੰਤਰੀ ਸੌਂਦ ਨੇ ਐਸਐਸਪੀ ਅਤੇ ਐੱਸਡੀਐਮ ਨੂੰ ਪੰਜਾਬ ਦੀਆਂ ਸ਼ੇਰਨੀਆਂ ਧੀਆਂ ਦੱਸਿਆ।