यवतमाळ में दत्त जयंती पर पालखी शोभायात्रा ने भक्तों में धूम मचाई

यवतमाळात दत्त जयंती निमित्त श्री स्वामी समर्थ केंद्रातून स्वामींची भव्य पालखी शोभायात्रा काढण्यात आली. मोठ्या संख्येने सेवेकरी यात्रेत सहभागी झाले. श्री दत्त व स्वामींची आकर्षक मूर्ती असलेल्या पालख्या आकर्षणाचे केंद्रबिंदू ठरल्या. दत्त जयंतीनिमित्त केंद्रात अखंड नाम, जप, यज्ञ सप्ताह साजरा करण्यात आला. या सप्ताहा दरम्यान ग्रामदेवता सन्मान, मंडल मांडणी, मंडल स्थापना, अग्नी स्थापना, स्थापित देवता हवन, नित्य स्वाहाकार, गणेश याग, मनोबोध याग, गीताई याग, चंडी याग, स्वामी याग, रुद्र याग, मल्हारी याग, बली पूर्णाहुती, श्री दत्त जन्मोत्सव, श्री सत्यदत्त पूजन व देवता विसर्जन असे धार्मिक कार्यक्रम पार पडले. त्यानंतर शहराच्या प्रमुख मार्गावरून उत्साहात व भक्तिमय वातावरणात पालखी शोभायात्रा काढण्यात आली.