नांदेड की मतदाता सूची में कोचिंग क्लास/कॉलेज पते मिलने से हड़कंप

मतदार यादीत घोळ असल्याचे नवनवीन प्रकार दररोज समोर येत आहेत. नांदेडमध्ये तर तब्बल 2800 मतदार ओळखपत्राचा पत्ता खाजगी कोचिंग क्लासेस आणि महाविद्यालयाचा असल्याचा धक्कादायक प्रकार समोर आलाय. नांदेड महापालिका निवडणूकीच्या अनुषंगाने मतदार प्रारूप यादी जाहीर झालीये. या यादीत मध्ये धक्कादायक प्रकार आढळून आलाय. एक दोन नव्हे तर तब्बल 2800 मतदार ओळखपत्राचा पत्ता हा खाजगी कोचिंग क्लासेस आणि महाविद्यालयाचा आहे. नांदेड शहरातील प्रभाग क्रमांक पाच ची प्रारूप मतदार यादी पाहताना मनसेच्या पदाधिकाऱ्यांना हा प्रकार दिसून आला. जवळपास एक हजार विद्यार्थ्यांच्या मतदार ओळखपत्रावर IIB कोचिंग क्लासेसचा पत्ता आहे. तर जवळपास सहाशे ओळखपत्रावर RCC कोचिंग क्लासेस चा पत्ता आहे. तर चारशे मतदार ओळख पत्रावर फार्मसी महाविद्यालयाचा पत्ता आहे. असे एकूण 2800 मतदार ओळखपत्रावर कोचिंग क्लासेस आणि महाविद्यालयाचा पत्ता आहे. मतदार नोंदणी वाढवण्यासाठी कोचिंग क्लासेस आणि महाविद्यालयातील विद्यार्थ्यांची अश्याप्रकारे नोंदणी करण्यात आली. शेकडो ओळख पत्रात पत्ता, घर क्रमांक नाही. हे सगळे विद्यार्थी ग्रामीण भागातील असताना त्यांचा पत्ता हा इथला नसताना त्यांना मतदार ओळखपत्र कसे देण्यात आले असा सवाल मनसेने उपस्थित केलाय. याबाबत मनसेने जिल्हाधिकाऱ्यांकडे लेखी तक्रार दिलीये. जुना नांदेड शहरातील मतदार यादीतही अनेक त्रुटी आढळून आल्या आहेत. जुना नांदेडमध्ये सराफ बाजारात पश्चिम बंगाल चे कारागीर आहेत. हे कारागीर इथले रहिवाशी नसताना जवळपास आठशे कारागीरांना इथले मतदार ओळखपत्र देण्यात आलेले आहेत. जवळपास बाराशे दुबार मतदार आहेत. तर शोकडो मतदार ओळखपत्रावर पत्ताच नाही. याबाबत शिवसेना शिंदे गटाने तक्रार देऊन ही यादी दुरुस्त करण्याची मागणी केलीये. मतदार याद्यामध्ये अनेक चुका, गंभीर त्रुटी आढळत आहेत. मतदार नोंदणी वाढवण्यासाठी हा हे झाले असेल तरी कोचिंग क्लासेस आणि महाविद्यालयाचा पत्ता असलेले हे विद्यार्थी नांदेड जिल्ह्यातील ग्रामीण भागातून आणि इतर जिल्ह्यातूनही आलेले आहेत. त्यांनी महापालिकेसाठी मतदान केले तर याचा परिणाम निवडणूकवर होणार नाहीका हा प्रश्न आहे. शिवाय पश्चिम बंगाल मधील कारागीर इथले मतदार कसे होऊ शकतात हा देखील प्रश्न आहे. विरोधी आणि सत्ताधारीही हा प्रकार समोर आणताहेत. त्यामुळे निवडणूक आयोग या मतदार याद्या निर्दोष करण्यासाठी काय कार्यवाही करते हे पाहावे लागणार आहे.