वाशिम नगरपालिका चुनाव: महिलाओं ने दिखाया जोश, रिकॉर्ड मतदान दर्ज

वाशिम जिल्ह्यातील 3 नगरपरिषद आणि 1 नगरपंचायतीसाठी 2 डिसेंबर रोजी मतदान पार पडले. या निवडणुकीत महिलांनी उत्साहाने सहभाग नोंदवत महत्त्वाची भूमिका बजावली. जिल्ह्यातील एकूण 73,561 महिला मतदारांपैकी 45,996 महिलांनी मतदानाचा हक्क बजावला. त्यामुळे महिला मतदानाचा टक्का 62.52 टक्क्यांवर पोहोचला आहे. या पार्श्वभूमीवर ‘लाडक्या बहिणींचा’ कौल कोणत्या राजकीय पक्षाच्या किंवा आघाडीच्या बाजूने जाणार, याबाबत उत्सुकता वाढली आहे. जिल्ह्यात या निवडणुकीत महाविकास आघाडी एकत्र मैदानात उतरली होती, तर महायुतीचे घटक पक्ष स्वतंत्रपणे रिंगणात होते. महिला मतांनी कोणाच्या पारड्यात भर घातली आणि एकूण निकालाची दिशा कोणती ठरणार, हे आता 21 डिसेंबरला निकालानंतरच स्पष्ट होणार आहे.