वाशीम में अजित पवार गुट की समीक्षा बैठक, किसानों के लिए केंद्र सहायता का संकेत

अँकर: राज्यामध्ये नगरपंचायत व नगरपरिषदेच्या निवडणुकांचे बिगुल वाजल्याच्या पार्श्वभूमीवर राष्ट्रवादी काँग्रेस अजित पवार गट तर्फे वाशिम जिल्ह्याची आढावा बैठक आज पार पडली. या बैठकीत राज्याचे कृषिमंत्री आणि वाशिम जिल्ह्याचे पालकमंत्री दत्तात्रय भरणे यांच्या प्रमुख उपस्थितीत इच्छुक उमेदवार व पदाधिकाऱ्यांशी संवाद साधण्यात आला. बैठकनंतर माध्यमाशी संवाद साधताना कृषिमंत्री भरणे म्हणाले की, "कार्यकर्त्यांची इच्छा स्वबळावर निवडणूक लढवण्याची असली, तरी युती संदर्भात अंतिम निर्णय मुख्यमंत्री देवेंद्र फडणवीस, उपमुख्यमंत्री अजित पवार आणि उपमुख्यमंत्री एकनाथ शिंदे हे तिघे मिळून घेतील." **केंद्राच्या अतिवृष्टी पाहणी दौऱ्यावर प्रतिक्रिया** सोलापूर जिल्ह्यात केंद्राच्या अतिवृष्टी पाहणी दौऱ्याबाबत बोलताना मंत्री भरणे म्हणाले की, "केंद्राच्या पथकाने दिवसभर पाहणी केली आणि रात्री टॉर्चच्या प्रकाशात काही भागांची पाहणी केली. पाहणी कोणत्या वेळी केली हा मुद्दा महत्त्वाचा नाही; शेतकऱ्यांना केंद्र सरकारकडून योग्य ती मदत मिळणं हेच अधिक महत्त्वाचं आहे." ते पुढे म्हणाले, “निकषांच्या आधारे निश्चितच केंद्र सरकारकडून राज्याला मदत मिळेल,” असा विश्वास त्यांनी व्यक्त केला. **उद्धव ठाकरे यांच्या मराठवाडा दौऱ्यावर प्रतिक्रिया** उद्धव ठाकरे यांच्या मराठवाडा दौऱ्याबाबत विचारले असता मंत्री भरणे म्हणाले की, "लोकशाहीमध्ये प्रत्येक पक्षाला आपापल्या पद्धतीने दौरे करण्याचा अधिकार आहे. मात्र, शेतकऱ्यांच्या पाठीशी पाठीशी उभ राहून त्यांच्या समस्या सोडविने गरजेचं आहे, हे सरकार 30 जूनच्या आत शेतकऱ्यांना कर्जमाफी करेल असं वक्तव्य मंत्री भरणे यांनी केलं आहे."