एनसीसी विद्यार्थ्यांनी पथनाट्य आणि फ्लैश मॉब से मतदान जागरूकता बढ़ाई

अँकर:वाशीमच्या नगरपंचायत मालेगाव येथे जिल्हा स्वीप अभियानांतर्गत एनसीसी विद्यार्थ्यांनी पथनाट्य आणि फ्लॅश मॉबच्या माध्यमातून प्रभावी मतदान जनजागृती केली. आगामी निवडणुकांच्या पार्श्वभूमीवर नागरिकांना मतदानाचे महत्त्व पटवून देण्यासाठी हा उपक्रम आयोजित करण्यात आला होता.या अभियानांतर्गत मालेगाव शहरातील जूने बसस्थानक,शिव चौक, तहसील कार्यालय परिसर आणि नाना मुंदडा विद्यालय अशा चार ठिकाणी विद्यार्थ्यांनी सादरीकरण केले.‘माझे मत, माझा अधिकार’ या घोषणेसह विद्यार्थ्यांनी मतदानाचा अधिकार,जबाबदारी आणि लोकशाहीची कडी म्हणून त्याचे महत्त्व यांची प्रभावी मांडणी केली.पथनाट्य व फ्लॅश मॉब दरम्यान नागरिकांची मोठी गर्दी जमून विद्यार्थ्यांच्या सादरीकरणाला उत्स्फूर्त प्रतिसाद मिळाला.सामाजिक समस्या, उदासीनता आणि मतदारांच्या जागृतीची गरज यावर आधारित प्रसंगांनी सर्वांचे लक्ष वेधून घेतले.तर जलद लयीत सादर झालेल्या फ्लॅश मॉबने वातावरणात उत्साह निर्माण केला.