ई-केवाईसी की अंतिम तिथि 31 दिसम्बर, लाभार्थी महिलाएं राहत मांग रहीं

अँकर: मुख्यमंत्री माझी लाडकी बहीण योजनेंतर्गत लाभार्थी महिलांसाठी ई-केवायसी करण्याची अंतिम मुदत ३१ डिसेंबर निश्चित करण्यात आली आहे. जिल्ह्यात या योजनेअंतर्गत सुमारे तीन लाख महिला लाभार्थी असून, त्यापैकी अजूनही ३५ ते ४० हजार महिलांची ई-केवायसी प्रक्रिया प्रलंबित आहे. तांत्रिक अडचणी, आवश्यक कागदपत्रांची कमतरता तसेच माहितीअभावी अनेक महिलांना अद्याप ई-केवायसी करता आलेली नाही. मुदत संपल्यास या महिलांना दरमहा मिळणाऱ्या १,५०० रुपयांच्या आर्थिक मदतीपासून वंचित राहावे लागण्याची शक्यता आहे. त्यामुळे कोणतीही पात्र महिला या योजनेच्या लाभापासून वंचित राहू नये, यासाठी ई-केवायसीसाठी पुन्हा एकदा मुदतवाढ देण्यात यावी, अशी मागणी लाभार्थी महिलांकडून केली जात आहे.